Tag: شاہ رخ خان

بھارتی ساؤتھ فلم انڈسٹری کے میگا اسٹار کمل حسن نے کہا ہے کہ وہ ہمیشہ بالی ووڈ کنگ شاہ رخ خان کے شکر گزار رہیں گے۔

جنوبی بھارت کی فلموں کے لیجنڈ اداکار اور بالی ووڈ میں بھی اپنی پرفارمنس کا سکہ جمانے والے میگا اسٹار کمل حسن نے انکشاف کیا ہے کہ بالی ووڈ کے بادشاہ شاہ رخ نے 2000 میں ریلیز ہونے والی تاریخی فلم ’ہے رام‘ کے لیے ان سے ایک پیسہ بھی نہیں لیا تھا۔

اس فلم کو تجربہ کار اسٹار کمل ہاسن کی جانب سے پروڈیوس کیا گیا تھا جس میں انھوں نے اور شاہ رخ نے بھی مرکزی کردار ادا کیا۔

تامل اور ہندی میں بننے والی فلم میں کمل اور شاہ رخ نے ایک دوسرے ک دوست ساکیت رام اور امجد علی خان کا کردار کیا تھا۔

اپنی آنے والی فلم ہندوستانی 2 یا انڈین 2 کے ٹریلر لانچ کے موقع پر کمل نے کہا کہ فلم میں کام کرتے وقت اسٹار یا سپر اسٹار جیسے ٹائٹلز سے کوئی فرق نہیں پڑتا، جب ہم ایک ساتھ کام کرتے ہیں تو ہم سب صرف انسان ہوتے ہیں۔

انھوں نے کہا کہ مجھے کوئی سپر اسٹار نظر نہیں آتا، ہم دوست ہیں شاہ رخ صاحب نے میری فلم مفت میں کی تھی اور یہ کوئی نہیں کر سکتا، کمل نے کہا کہ یہ کام صرف ایک پرستار اور ایک اچھا اداکار کرسکتا ہے، بعد میں آپ ہمیں یہ اعزاز دیتے ہیں کہ ہم سپراسٹار ہیں۔

شاہ رخ خان نہ صرف اپنی شاندار اور ورسٹائل اداکاری کے سبب بالی ووڈ میں ایک مقام رکھتے ہیں بلکہ اپنی سخاوت اور دوستوں کے لیے کام آنے کے جذبے کی وجہ سے بھی لوگ انھیں پسند کرتے ہیں۔

پاکستان کی ٹی وی اداکارہ و ہوسٹ متھیرا نے کہا ہے کہ ہمایوں سعید پاکستان کے شاہ رخ خان ہیں، وہ بہت معصوم ہیں۔

متھیرا نے حال ہی میں ایک پوڈ کاسٹ میں شرکت کی جس کی ویڈیو سوشل میڈیا پر خوب وائرل ہورہی ہے، اس ویڈیو میں انہیں پاکستان کے اداکار ہمایوں سعید کی تعریف کرتے ہوئے سنا جاسکتا ہے۔

پوڈ کاسٹ ہوسٹ نے متھیرا سے سوال کیا ہے انہیں پاکستان کے کس اداکار کے ساتھ کام کرنے کی خواہش ہے یا انہیں کونسا اداکار اچھا لگتا ہے، جس پر ماڈل نے پاکستان کے اداکار ہمایوں سعید کا نام لیا۔

متھیرا کی جانب سے ہمایوں سعید کا نام لیے جانے کے بعد میزبان نے ان سے سوال کیا کہ آخر ہمایوں سعید میں ایسا کیا ہے کہ تمام لڑکیاں انہیں پسند کرتی ہیں؟

متھیرا نے کہا کہ ہمایوں سعید کی معصومیت کی وجہ سے اداکارائیں انہیں بہت پسند کرتی ہیں، وہ پاکستان کے شاہ رخ خان ہیں، وہ نہ صرف رومانوی شخصیت کے مالک ہیں بلکہ ان کی آنکھیں اور ان کا انداز بھی اچھا ہے۔

تامل فلموں کے نامور اداکار اور جوان میں کنگ خان کے ساتھ اداکاری کرنے والے وجے سیتھوپتی نے حیران کن انکشاف کیا ہے۔

اپنی اداکاری کی وجہ سے تامل فلم انڈسٹری کے بعد بالی ووڈ میں بھی اپنی الگ شناخت بنانے والے وجے سیتھوپتی نے شاہ رخ خان کی شخصیت کے کئی راز آشکا کردیے ہیں، وجے نے شاہ رخ کی شخصیت اور آواز کو رعب دار قرار دیا ہے۔

انھوں نے بتایا کہ جب میں نے شاہ رخ کی آواز سنی تو میں ایسی آواز سن کر حیرت زدہ رہ گیا،وہ زبردست داستان گو بھی ہیں۔

بھارتی اداکار کا اپنے خیالات کا اظہار کرتے ہوئے کہنا تھا کہ نہ صرف شاہ رخ کی آواز نے مجھے حیران کیا بلکہ وہ دماغی لحاظ سے ہر فن مولا ہیں، وہ ایک اسٹار سے زیادہ بڑی شخصیت کے مالک ہیں۔

فلم ’ماسٹر‘ کے اداکار نے کہا کہ کنگ خان کی توانائی کبھی کم نہیں ہوتی ہے، ہم جب شوٹنگ کررہے تھے وہ بیمار تھے لیکن ہمیں اندازہ نہیں ہوا کہ وہ بیمار ہیں، انھوں نے خود بنایا تو مجھے پتاچلا۔

خیال رہے کہ وجے سیتھو پتی بالی ووڈ میں شاہ رخ خان کی فلم جوان سے ڈیبیو کیا تھا جبکہ او ٹی ٹی پلیٹ فارم پر فرضی نامی ویب سیریز میں وہ شاہد کپور کے ساتھ نظر آئے تھے۔

بالی وڈ کے کنگ شاہ رخ خان کے ساتھ کئی فلموں میں جلوہ گر ہونیوالی مشہور اداکارہ کے پاس کنگ خان کا فون نمبر ہی نہیں ہے۔

اداکار فریدہ جلال نے شاہ رخ خان کے ساتھ دل والے دلہنیا لے جائیں گے اور کچھ کچھ ہوتا ہے جیسی سپرہٹ فلموں میں کام کیا ہے اور ان کے درمیاں احترام کا ایک خاص رشتہ قائم ہے لیکن برسوں کے دوران اب فریدہ جلال کا کنگ خان کے ساتھ رابطہ ختم ہو گیا ہے۔

اداکارہ نے انکشاف کیا کہ ان کے پاس شاہ رخ خان کا موجودہ نمبر ہی نہیں ہے، انھوں ںے بتایا کہ انھوں نے کنگ خان سے دوبارہ رابطہ کرنے کی کوشش کی لیکن وہ ان کے سیکریٹریز سے رابطہ کرنے میں ناکام رہیں۔

حال ہی میں ویب سیریز ہیرامنڈی میں کام کرنے والی اداکارہ نے بھارتی اخبار کو دیے گئے انٹرویو میں شاہ رخ اور سلمان خان کے ساتھ اپنے رشتے کے حوالے سے بھی بات کی۔

فریدہ جلال کا کہنا تھا کہ میں شاہ رخ سے رابطے میں نہیں ہوں، میں اس کے یا سلمان خان کے پاس کیسے جاؤں؟ آپ جانتے ہیں، انھوں نے اپنے موبائل نمبر تبدیل کیے ہیں۔

انھوں نے بتایا کہ میرے پاس شاہ رخ کا پرانا نمبر ہے، وہ پہلے پرانے نمبر کے ذریعے کبھی مجھ سے رابطہ کرلیا کرتے تھے۔

فریدہ نے کہا کہ مجھے ان کی کامیابی، ان کی فلمیں بہت پسند تھیں، میں ان سے کہنا چاہتی ہوں، بچے میں آپ کے لیے خوش ہوں، لیکن اس ان کے پرانا نمبر شاید بند ہے۔

انھوں نے کہا کہ اگر شاہ رخ کا سیکرٹری آپ پر مہربان نہیں ہے تو آپ کو کیا کرنا چاہیے؟ م میرے پاس ان کا نیا نمبر نہیں ہے۔

بالی وڈ کنگ کیساتھ کون کام کرنا نہیں چاہتا لیکن ہدایت کار انوراگ کیشپ نے کہا ہے کہ ان کے لیے شاہ رخ کے ساتھ کام کرنا ناممکن ہے۔

ایک انٹرویو کے دوران منفرد طرز کی فلمیں بنانے کے لیے معروف ہدایت کار نے بتایا کہ ان کے لیے کیوں شاہ رخ خان کے ساتھ فلم بنانا ممکن نہیں ہے، انھوں نے وجہ بتاتے ہوئے کہا کہ مداح شاہ رخ یا کسی بڑے سپر اسٹار کو چمک دمک والے اور دلکش کردار میں دیکھنا پسند کرتے ہیں۔

انوراگ نے کہا کہ وہ بطور ہدایت کار اپنی صلاحیت کے مطابق ایسی فلم نہیں بنا پائیں گے۔ ہمارے ملک ایسا ملک ہے جس میں ہیرو کو بہت پسند کیا جاتا ہے اور لوگ اسے دیوانگی کی حد تک چاہتے ہیں۔

انھوں نے کہا کہ ہماری فلموں میں دنیا سے الگ تھلگ بے پناہ طاقتور ہیروز دکھائے جاتے ہیں جس کا حقیقی دنیا سے کوئی تعلق نہیں ہوتا۔ ہمارا ملک وہ واحد ملک ہے جہاں سپر ہیروز کا کردار ادا کرتے ہوئے فنکار اپنے فیس کو کور نہیں کرتا۔

شاہ رخ کے حوالے سے گفتگو میں انھوں نے کہا کہ آج کل سوشل میڈیا کا دور ہے اور بڑے اسٹار کا فین بیس بھی بہت زیادہ بڑا ہے جو انھیں بار بار ایک جیسے کردار میں ہی دیکھنا چاہتے ہیں۔

انھوں نے کہا کہ اداکار بھی فلم بینوں کی پسند کا خیال رکھتے ہیں اور وہی کردار ادا کرتے ہیں جو ان کے مداح چاہتے ہیں، شاہ رخ کا ایک الگ ہی کرشمہ ہے، وہ ایسی فلمیں نہیں بنانا چاہیں گے جو مداحوں کو اپیل نہ کرے۔

انوراگ کیشپ نے کہا کہ اگر پھر بھی شاہ رخ خان میرے ساتھ فلم بنانا چاہیں اور ان کے مداح انھیں پسند کریں تو میں ان کے ساتھ فلم بنانے کو تیار ہوں گا۔

ممبئی: بالی ووڈ کنگ شاہ رخ خان کے مداحوں کے لئے بڑی خبر سامنے آگئی اور اداکار نے غلطی سے اپنی نئی فلم کے نام سے پردہ اٹھا دیا ہے۔

بالی ووڈ کے کنگ شاہ رخ خان نے ویڈیو پیغام میں بالی وڈ ڈائریکٹر سنتوش سیوان کانز فلم فیسٹیول میں ایوارڈ جیتنے پر مبارکباد دی ہے اسی ویڈیو میں انہوں نے غیر ارادی طور پر اپنی فلم فلم کے نام کے بارے میں اپنے مداحوں کو بتادیا۔

ویڈیو پیغام میں اداکار کی نئی فلم ’کنگ‘ کا اسکرپٹ میز پر دیکھا جاسکتا ہے، شاہ رخ خان کی اس نئی فلم میں اپنی بیٹی سوہانا خان کے ساتھ نظر آئیں گے۔

بھارتی میڈیا رپورٹس کے مطابق مذکورہ ویڈیو سے یہ عندیہ مل گیا ہے کہ اس فلم کی شوٹنگ رواں برس جولائی یا اگست میں شروع ہوجائے گی یہ بات جان کر شاہ رخ کے فینز میں خوشی کی لہر دوڑ گئی ہے۔

یاد رہے کہ سہانا خان کی بڑے پردے پر یہ پہلی فلم ہوگی جبکہ وہ اپنی اداکاری کا آغاز گزشتہ سال زویا اختر کے نیٹ فلکس شو ’دی آرچیز‘ سے کر چکی ہیں جبکہ شاہ رخ خان کو آخری بار فلم ’ ڈنکی ‘ میں بڑے پردے پر دیکھا گیا تھا۔

 

View this post on Instagram

 

A post shared by HT City (@htcity)