Tag: شاہ رخ خان

شاہ رخ خان کو ممبئی ایئرپورٹ پر سیکیورٹی حکام نے روک لیا، سپراسٹار بغیر ماتھے پر شکن لائے انتظار کرتے رہے۔

سوشل میڈیا پر شاہ رخ کی کئی ویڈیوز اور تصاویر تیزی سے وائرل ہورہی ہے جس میں دیکھا جاسکتا ہے کہ بالی وڈ کنگ کو ممبئی ایئرپورٹ پر سیکیورٹی اہلکار نے کاغذات چیک کرنے کے لیے روک لیا ہے۔

اداکار کو کافی دیر تک روکے رکھا گیا اس دوران اہلکار نے کاغذات میں لگی تصوری اور شارہ رخ کے چہرے کا موانہ بھی کیا۔

’جوان‘ کے اداکار کے ہمراہ ان کے نجی سیکیورٹی گارڈز بھی موجود تھے جبکہ انھیں روکے جانے کا مقصد معمول کی کارروائی کرتے ہوئے ٹکٹ وغیرہ کی جانچ کرنا تھا۔

اس دوران وہاں آنے والے فوٹو گرافرز بالی وڈ اداکار کی تصوریر کھینچتے رہے۔ کاغذات کی جانچ پڑتال کے بعد بالی ود اداکار کو ایئرپورٹ میں داخلے کی اجازت دے دی گئی۔

 

View this post on Instagram

 

A post shared by Viral Bhayani (@viralbhayani)

مداحوں نے سیکیورٹی چیک پر صبر سے انتظار کرنے پر شاہ رخ کی تعریف کی ہے۔ ایک شخص نے لکھا کہ وہ کسی وجہ سے ہی بادشاہ ہیں۔ ایک صارف نے تبصرہ کیا یہ دیکھ کر بہت اچھا لگا کہ افسر اپنا کام کر رہا ہے۔

سلمان خان اور شاہ رخ خان انڈین فلم انڈسٹری کے مقبول ترین سپر اسٹارز ہیں جب کہ دنوں کی بہترین دوستی بھی کسی سے ڈھکی چھپی نہیں۔

دنیا بھر میں لاکھوں نہیں بلکہ کروڑوں مداح رکھنے والے دونوں خانز ’پٹھان‘ کے بعد پھر سے ایک ساتھ ’ٹائیگر 3‘ میں نظر آئے۔ شائقین نے دنوں ہی فلموں میں ان کی کیمسٹری کو کافی پسند کیا اور سین میں دونوں کی موجودگی سے کافی محضوض ہوتے دکھائی دیے۔

حالیہ انٹرویو میں سلمان نے شاہ رخ کے ساتھ ایک ہی اسکرین پر کام کرنے کے اپنے تجربے کے بارے میں بات کی۔ انھوں نے کہا کہ ہماری آف اسکرین کیمسٹری ہماری آن اسکرین کیمسٹری سے بہتر ہے۔

ٹائیگر 3 کے اداکار نے کہا کہ جب ہماری آن اسکرین کیمسٹری بہت اچھی ہے تو آپ آف اسکرین کیمسٹری کو سمجھ سکتے ہیں۔

شاہ رخ خان سے مقابلے کے حوالے سے ان کا کہنا تھا کہ وہ اپنے مداحوں سے ہمیشہ کہتے ہیں کہ شاہ رخ ان کے ’بھائی جان‘ یعنی سلمان خان کے بھائی ہیں، اس لیے انھیں کچھ نہیں ہونا چاہیے۔

انھوں نے مزید کہا کہ میں بہت زیادہ سوشل میڈیا نہیں دیکھتا، میں اس کی منفیت اور ٹرولنگ کو نہیں سمجھتا، اس لیے جو چیز مجھے سمجھ نہیں آتی وہ مجھے زیادہ پریشان نہیں کرتی اور نہ ہی شاہ رخ کو۔

واضح رہے کہ حال ہی میں کنگ خان اور دبنگ خان یش راج فلمز کی اسپائی یونیورس فلموں، ٹائیگر 3 اور پٹھان میں نظر آئے تھے۔ دنوں اداکاروں نے ایک دوسرے کی فلموں میں کیمیو کردار نبھائے تھے۔

بالی وڈ کے کنگ نے اپنی نئی آنے والی فلم ’ڈنکی‘ کا نام رکھنے کی اصل وجہ بتادی، ساتھ ہی یہ بھی بتایا کہ یہ نام کس سے مماثلت رکھتا ہے۔

بالی وڈ کے سپرہٹ ڈائریکٹر راج کمار ہیرانی اور انڈسٹری کے بادشاہ شاہ رخ خان پہلی بار ایک ساتھ فلم ’ڈنکی‘ کررہے ہیں جس کا شائقین کو بے صبری سے انتظار ہے۔ اب شاہ رخ نے سوشل میڈیا پر مداح کو جواب دیتے ہوئے فلم کی کہانی سے پردہ اٹھایا ہے۔

ہیرانی نے ہمیشہ کی طرح اپنی فلم کا ٹائٹل منفرد رکھا ہے جس کی وجہ سے اکثر مداح تذبذب کا شکار ہیں اور اب فلم میں مرکزی کردار ادا کرنے والے شاہ رخ خان نے خود ہی اس کی وضاحت کردی ہے۔

سوشل میڈیا پلیٹ فارم ایکس پر شاہ رخ نے مداحوں کے سوال کا جواب دیتے ہوئے کہا کہ ’ڈنکی غیر قانونی طور پر سرحدوں کو پار کرنے کا ایک طریقہ ہے۔ اس کا تلفظ ایسا ہی جیسے فنکی، ہنکی اور منکی کا ہوتا ہے۔‘

Dunki is a way of describing an illegal journey across borders. It is pronounced डंकी. It’s pronounced like Funky…Hunky….or yeah Monkey!!! https://t.co/t0Et738SEk

— Shah Rukh Khan (@iamsrk) November 22, 2023

سپراسٹار کی مذکورہ فلم 21 دسمبر کو دنیا بھر میں ریلیز کے لیے پپش کی جائے گی، جو کہ ایک کامیڈی فلم ہے۔ اس میں شاہ رخ کے ساتھ تاپسی پنو، وکی کوشل سمیت دیگر اداکار موجود ہیں۔

واضح رہے کہ 2023 میں شاہ رخ خان کی لگاتار دو فلموں ’پٹھان‘ اور ’جوان‘ نے باکس آفس پر تہلکہ مچادیا ہے جبکہ جوان نے تو ہندی سینما کی تاریخ میں سب سے زیادہ کمائی کی ہے۔

دو فلموں کی کامیابی کے بعد اب اس سال اُن کی تیسری فلم “ڈنکی” کی ریلیز کی تیاریاں زور و شور سے جاری ہیں جس وہ کامیڈی کرتے نظر آئیں گے۔

ممبئی: بالی وڈ کنگ شاہ رخ خان نے مذہبی ہندو تہوار دیوالی پر اپنے مداحوں کے لیے اپنی نئی فلم کا پوسٹر تحفے میں دیا ہے۔

فلم ’ڈنکی‘ کا ٹیزر پہلے ہی جاری کردیا گیا تاہم اب بالی وڈ ’کنگ‘ شاہ رخ خان نے دو مزید نئے پوسٹر جاری کیے جنہیں مداحوں کی جانب سے بے حد پسند کیا جارہا ہے۔

شاہ رخ کی جانب سے جاری کردہ پوسٹرز میں اداکارہ تاپسی پنو اور اداکار وکی کوشل بھی شامل ہیں، انہوں نے فلم کے کرداروں کے بارے میں ایک نوٹ بھی لکھا۔

 

View this post on Instagram

 

A post shared by Shah Rukh Khan (@iamsrk)

پہلے پوسٹر میں شاہ رخ تاپسی اور وکرم کوچر کے ساتھ اسکوٹر پر سوار نظر آئے جبکہ ساتھ ہی انیل گروور کو سائیکل پر سوار دیکھا گیا ان کی سائیکل پر ’ہیپی دیوالی‘ لکھا ہوا ہے۔

اگلے پوسٹر میں اداکار وکی کوشل بھی شامل ہیں اور وہ سب ایک کلاس روم کے اندر موجود ہیں، ان کے پیچھے بلیک بورڈ پر ’یہ نیا سال اپنوں کے نال‘ کے الفاظ لکھے ہوئے ہیں۔

فوٹو اینڈ شیئرنگ ایپ انسٹاگرام پر پوسٹرز شیئر کرتے ہوئے شاہ رخ خان نے لکھا کہ’ بنا اس فیملی کے کیسی ہوگی دیوالی، اور کیسے ہوگا نیا سال‘۔

 

View this post on Instagram

 

A post shared by Shah Rukh Khan (@iamsrk)

انہوں نے مزید لکھا کہ’ اصلی مزہ تو ساتھ چلنے، ساتھ رکنے اور ساتھ ہی خوشیاں منانے میں ہے، ڈنکی کی پوری دنیا ہے یہ اُلّو کے پٹھے‘۔

’واضح رہے کہ ڈنکی‘ ریڈ چلیز انٹرٹینمنٹ، راج کمار ہرانی اور جیو اسٹوڈیوز کی مشترکہ پیشکش ہے جس کی عکس بندی بوڈاپیسٹ، متحدہ عرب امارات اور مقبوضہ کشمیر جیسے متعدد مقامات پر کی گئی۔

ممبئی: رواں سال انڈسٹری کو دو سُپرہٹ فلمیں دینے کے بعد بالی وڈ کے ’کنگ‘ شاہ رخ خان کی تیسری فلم ’ڈنکی‘ کا ٹیزر جاری کردیا گیا۔

بالی وڈ کے کنگ شاہ رخ خان کی 58 ویں سالگرہ کے موقع پر، بلاک بسٹر فلم پٹھان اور جوان کی کامیابی کے بعد اس سال کی تیسری فلم کا ڈنکی کا ٹیزر جاری کردیا گیا۔

کنگ خان کے مداحوں کو فلم ڈنکی کی ایک جھلک کا بے صبری سے انتظار تھا جسے فلمساز راجکمار ہیرانی نے شاہ رخ خان کی سالگرہ کے موقع پر ایک تحفے کی صورت میں دیا ہے۔

ٹیزر کا آغاز سیاہ لباس میں ملبوس مردوں اور عورتوں کے ایک گروپ سے ہوتا ہے جو ایک صحرا کو پار کر رہے ہیں جبکہ انہیں پیچھے سے ایک شارپ شوٹر نے اپنا نشانہ بنایا ہوا ہے۔

ٹیزر میں دیکھا جاسکتا ہے کہ دوستوں کا ایک گروپ ہے جو لندن میں کام کرنے اور رہنے کی امید رکھتے ہیں،  ان گروپ  میں شاہ رخ خان اپنے دوستوں کے ساتھ تاپسی پنو، وکی کوشل اور دو دیگر شامل ہیں۔

دنیا بھر میں مقبول شاہ رخ خان 58 برس کے ہوگئے

واضح رہے کہ ڈنکی‘ ریڈ چلیز انٹرٹینمنٹ، راج کمار ہرانی اور جیو اسٹوڈیوز کی مشترکہ پیشکش ہے۔

فلم میں شاہ رخ خان پہلی بار اداکارہ تاپسی پنو کے ساتھ کام کریں گے۔ فلم میں دیا مرزا، بومن ایرانی، دھرمیندر سمیت دیگر اہم اداکار بھی نظر آئیں گے جبکہ وکی کوشل بھی ہیں۔

فلم کی عکس بندی بوڈاپیسٹ، متحدہ عرب امارات اور مقبوضہ کشمیر جیسے متعدد مقامات پر کی گئی۔ اسے 21 دسمبر کو ریلیز کیا جائے گا۔

اس سے قبل شاہ رخ خان کی دونوں فلمیں ’ پٹھان‘ اور ’جوان‘ باکس آفس پر مقبولیت اور کمائی کے نئے ریکارڈ بنا چکی ہیں۔

دنیا بھر میں مقبول 2 نومبر 1965 میں جنم لینے والے بالی وڈ کے کنگ شاہ رخ خان آج 58 برس کے ہوگئے ہیں۔

دنیا بھر میں مقبول کنگ خان آج 58 برس کے ہوگئے، بالی وڈ کے بے تاج بادشاہ شاہ رخ خان کسی تعارف کے محتاج نہیں ہے، ان کے مداحوں میں ہر عمر کے افراد شامل ہیں۔

 

View this post on Instagram

 

A post shared by Shah Rukh Khan Universe (@srkuniverse)

کنگ خان کی سالگرہ کے موقع پر ان کے مداح رات 12 بجے ہی انہیں وش کرنے منت پہنچ گئے جس کی ویڈیو سوشل میڈیا پر وائرل ہوگئی۔

 

View this post on Instagram

 

A post shared by Shah Rukh Khan Universe (@srkuniverse)

شاہ رخ خان کے مداح غبارے، سالگرہ کے پوسٹرز لیے اداکار کی ایک جھلک دیکھنے کے لیے اُن کے گھر باہر کھڑے رہے، کنگ خان نے بھی اپنے سیگنیچر پوز میں مداحوں کا شکریہ ادا کیا۔

 

View this post on Instagram

 

A post shared by Shah Rukh Khan Universe (@srkuniverse)

دوسری جانب سوشل میڈیا ایکس پر شاہ رخ خان کا برتھ ڈے ٹاپ ٹرینڈ بن گیا، ان کی سالگرہ کے موقع پر ہدایت کار راج کمار ہیرانی کنگ خان کی آنے والی فلم ’ڈنکی‘ کا ٹیزر ریلیز کریں گے۔

واضح رہے کہ شاہ رخ خان کی فلم ’ ڈنکی اکیس دسمبر کو سینما گھروں میں پیش کی جائی گی،  بھارتی میڈیاکے مطابق شاہ رخ خان اپنی سالگرہ کا جشن دھوم دھام سے منائیں گے کیونکہ یہ سال ان کے کیریئر کا بہترین سال رہا ہے۔

ممبئی: بالی وڈ سپر اسٹار شاہ رخ خان کی نئی میگا فلم ’ڈنکی‘ کی ریلیز تاریخ تبدیل کردی گئی۔

بھارتی میڈیا رپورٹ کے مطابق لیجنڈری فلمساز راج کمار ہیرانی کی نئی فلم کیلئے پہلے 22 دسمبر کی تاریخ رکھی گئی تھی لیکن اب ساؤتھ انڈین کے اداکار پربھاس کی فلم ’سالار‘ سے تصادم کی وجہ سے ’ڈنکی‘ ایک دن پہلے 21 دسمبر کو سینما گھروں کی زینت بنے گی۔

رپورٹ میں بتایا گیا ہے کہ فلم ’سالار‘ سے ایک دن قبل فلم کو ریلیز کرنے کا مقصد ’ڈنکی‘ کو ایک دن مکمل طور پر انڈسٹری میں راج کرنے کا موقع دینا ہے۔

فلم ’ڈنکی‘ کیسی ہوگی؟ شاہ رخ خان نے تفصیلات مداحوں کو بتا دیں

فلمی تجزیہ کاروں کے مطابق شاہ رخ خان کی بے پناہ مقبولیت ایک عام دن کو بھی فلم کیلئے خاص بناسکتی ہے اور ایک دن قبل ریلیز سے کنگ خان کی فلم کو پرابھاس کی ’سالار‘ پر فوقیت مل جائے گی۔

سُپر اسٹار اپنی حالیہ دو فلموں ’پٹھان‘ اور ’جوان‘ کی تاریخی کامیابی کے بعد پوری دنیا سے محبت سمیٹ رہے ہیں۔ توقع ہے کہ ’ڈنکی‘ بھی ریکارڈ توڑ بزنس کرنے میں کامیاب ہوگی۔

آئندہ ریلیز ہونے والی فلم میں شاہ رخ خان پہلی بار اداکارہ تاپسی پنو کے ساتھ کام کریں گے۔ فلم میں دیا مرزا، بومن ایرانی، دھرمیندر سمیت دیگر اہم اداکار بھی نظر آئیں گے۔