ARYNews.tv | Urdu – Har Lamha Bakhabar

Tag: شاہ رخ خان

  • شاہ رخ‌ خان کے "زیرو” ہونے کے بعد اصل ہیرو سامنے آگیا

    شاہ رخ‌ خان کے "زیرو” ہونے کے بعد اصل ہیرو سامنے آگیا

    ممبئی: کنگ خان کے فلم زیرو کی ناکامی کے باوجود بالی وڈ کے لیے سال 2018 کا اختتام مثبت رہا، رنویر سنگھ کی فلم ناقدین سے داد بٹورنے میں‌ کامیاب رہی.

    تفصیلات کے مطابق بلاک بسٹر فلموں کے لیے مشہور روہت شیٹھی کی فلم "سمبا” ریلیز ہوگئی ہے، جسے ناقدین کی جانب سے مثبت ردعمل ملا ہے.

    معروف فلم ساز کرن جوہر کی پیش کش فلم ’’سمبا‘‘ میں رنویر سنگھ کے ساتھ سائرہ علی خان جلوہ گر ہوئیں. فلم میں‌اجے دیوگن اور اکشے کمار بھی مختصر کرداروں میں نظر آئے.

    فلم ایکشن، کامیڈی سے بھرپور ہے. ساتھ ہی اس میں بھارت میں‌ خواتین سے ہونے والے زیادتی کے واقعات کو بھی موضوع بنایا گیا ہے.

    توقع کی جارہی ہے کہ فلم چار روز میں سو کروڑ کا بزنس کر جائے گی، چند تجزیہ کاروں نے 200 کروڑ کی امید بھی ظاہر کی ہے.

    مزید پڑھیں: سال 2018: خانز ہوئے خاک، بالی وڈ کو نئے بادشاہ مل گئے

    یاد رہے کہ روہت شیٹھی انڈسٹری کو گول مال، سنگھم اور چنائے ایکسپریس جیسی بلاک بسٹر فلمیں دے چکے ہیں.

    خیال رہے کہ اس سے قبل 21 دسمبر کو شاہ رخ خان کی میگا بجٹ فلم زیرو ریلیز ہوئی تھی، مگر وہ توقعات کے برعکس ناکام رہی.

  • "دوست دوست نہ رہا”: معروف ہدایت کار کا کنگ خان کے ساتھ فلم کرنے سے انکار

    "دوست دوست نہ رہا”: معروف ہدایت کار کا کنگ خان کے ساتھ فلم کرنے سے انکار

    ممبئی: بالی وڈ کے کنگ کہلانے والے شاہ رخ خان اس وقت شدید مشکلات کا شکار ہیں، معروف ہدایت کار نے  ان کے ساتھ کام کرنے سے انکار کر دیا.

    تفصیلات کے مطابق پے در پے ناکامیوں کے بعد اب معروف ڈائریکٹر اور پرڈیوسر کنگ خان کے ذکر سے کترانے لگے ہیں اور ان کے ساتھ کام کرنے کا ارادہ نہیں رکھتے.

    ایسے ہی خیالات کا اظہار گذشتہ دنوں معروف ڈائریکٹر روہت شیٹھی نے اپنے ایک خصوصی انٹرویو میں کیا.

    فلم "سمبا” کے پرموشن کے موقع پر جب روہت شیٹھی سے شاہ رخ خان کے ساتھ دوبارہ کام کرنے کا سوال کیا گیا، تو انھوں نے کہا کہ فی الحال ان کا ایسا کوئی ارادہ نہیں.

    "گول مال” اور "سنگھم” سیریز جیسی کامیاب فلمیں دینے والے روہت شیٹھی کا کہنا تھا کہ اگلے تین سال کی منصوبہ بندی میں‌ کنگ خان کے ساتھ ان کا کوئی پراجیکٹ‌ نہیں.

    یاد رہے کہ شاہ رخ خان اور روہت شیٹھی نے انڈسٹری کو ’’چنائے ایکسپریس‘‘ جیسی بلاک بسٹر فلم دی تھی، جس نے تمام ریکارڈز توڑ دیے تھے.

    مزید پڑھیں: خود کو سپر اسٹار سمجھنے والے اسکرپٹ کی اہمیت کب سمجھیں گے: ودھو ونود چوپڑا

    بعد میں یہ دونوں ’’دل والے‘‘ میں ساتھ نظر آئے، مگر بڑی اسٹار کاسٹ کے باوجود وہ فلم بڑے پردے پر جاود نہیں جگا سکی.

    روہت شیٹھی کا کہنا تھا کہ وہ ’’دل والے‘‘ کی ناکامی کو بھول چکے ہیں، شاہ رخ خان کے ساتھ دوبارہ کام کرنے میں کوئی مضائقہ نہیں، مگر فی الحال ایسا کوئی منصوبہ نہیں ہے.

  • خود کو سپر اسٹار سمجھنے والے اسکرپٹ کی اہمیت کب سمجھیں گے: ودھو ونود چوپڑا

    خود کو سپر اسٹار سمجھنے والے اسکرپٹ کی اہمیت کب سمجھیں گے: ودھو ونود چوپڑا

    ممبئی: بالی وڈ کے ممتاز پروڈیوسر نے خانز سمیت تمام بڑے اداکاروں کو  اسکرپٹ کو اہمیت دینے کا مشورہ دے دیا۔

    تفصیلات کے مطابق سال 2018 خانز کی ناکامیوں کا سال ثابت ہوا ہے، سلمان خان کی ’’ریس تھری‘‘، عامر خان کی ’’ٹھگز آف ہندوستان ‘‘اور شاہ رخ خان کی ’’زیرو‘‘ کو بدترین ناکامی کا سامنا کرنا پڑا۔

    ایسے میں ودھو ونود چوپڑا نے خانز سمیت ان تمام اداکاروں کو جو خود کو سپر اسٹار سمجھتے ہیں، یہ مشورہ دیا ہے کہ وہ اپنی مقبولیت کے بجائے اسکرپٹ کو اہمیت دیں۔

    ’’تھری ایڈیٹس‘‘، ’’پی کے‘‘ اور ’’سنجو‘‘ جیسی بلاک بسٹر فلمیں پرڈیوس کرنے والے ودھو ونود چوپڑا نے طنزیہ پیرائے میں کہا کہ خود ساختہ سپراسٹارز اب کہانی کی ترجیح دیں، کیوں کہ ناظرین اسکرپٹ ہی کو سب سے زیادہ اہمیت دیتے ہیں۔

     مزید پڑھیں:  زشاہ رخ‌ خان ایک بار پھر ’ زیرو

    خیال رہے کہ فلمی پنڈت سال 2018 کو خانز کے زوال کا سال کہہ رہے ہیں. ایک طرف جہاں اس برس رنویر کپور کی ’’سنجو‘‘ اور رنویر سنگھ کی ’’پدماوت‘‘ نے تین سو کروڑ کا بڑا ٹارگیٹ پورا کیا، وہیں آیوشمان کھرانا اور راج کمار راؤ جیسے نئے مگر سنجیدہ فلموں کے اداکار بھی سو کلب کا کا حصہ بن گئے.

    ہالی وڈ انڈسٹری میں تیلگو اور تامل انڈسٹری کے بڑھتے اثرات اور نئے چہروں کی مقبولیت نے سپراسٹارز کے لیے خطرے کی گھنٹی بجا دی ہے.

  • فلم زیرو: ’ انوشکا نے مشکل کردار بہت اچھے سے نبھایا ‘

    فلم زیرو: ’ انوشکا نے مشکل کردار بہت اچھے سے نبھایا ‘

    ممبئی: بھارتی کرکٹ ٹیم کے کپتان ویرات کوہلی نے بالی ووڈ کی نئی فلم دیکھی اور اپنی اہلیہ انوشکا شرما کی تعریفوں کے پُل باندھ دیے۔

    سماجی رابطے کی ویب سائٹ ٹویٹر پر ویرات کوہلی نے ٹویٹ کیا اور بتایا کہ انہوں نے ’زیرو‘ دیکھی جو انہیں بہت پسند آئی اور وہ بہت زیادہ محظوظ بھی ہوئے۔

    بھارتی کرکٹ ٹیم کے کپتان کا کہنا تھا کہ ’ہر شخص نے اپنے طور پر بہت اچھا کردار ادا کیا مگر جو انوشکا شرما نے اداکاری کی وہ بہت مشکل رول تھا جسے انہوں نے بہت اچھی طرح سے نبھایا‘۔

    دوسری جانب فلم پر ہونے والی تنقید پر ’زیرو‘ کے مرکزی اداکار شاہ رخ خان نے بھی ٹویٹ کرتے ہوئے کہا کہ ’جن دلوں کو اچھی لگی اُن کا شکریہ‘۔

    مزید پڑھیں: ملالہ یوسف زئی کو ’زیرو‘ پسند آگئی

    یاد رہے کہ آنند ایل رائے کی ہدایت کاری میں بنائی جانے والی فلم ’زیرو‘ 21 دسمبر کو سینما گھروں کی زینت بنی جس میں شاہ رخ خان (باؤا سنگھ)، انوشکا شرما (عافیہ صدیقی) اور کترینہ کیف (ببیتا کماری) کا کردار ادا کررہی  ہیں۔

    باؤا سنگھ پستہ قد شخص کا مالک ہے جسے معذور اور سائنسدان عافیہ صدیقی سے محبت ہوجاتی ہے البتہ کہانی میں ایسا موڑ بھی آتا ہے جس کے بعد یہ رومانوی رشتہ ختم ہوجاتا ہے اور پھر بیبتا کماری باؤا سنگھ کے قریب ہوجاتی ہیں۔

    یہ بھی پڑھیں: شاہ رخ‌ خان ایک بار پھر ’ زیرو ‘

    یہ بھی یاد رہے کہ گزشتہ روز ملالہ یوسف زئی نے بھی ’زیرو‘ کی تعریف کرتے ہوئے کہا  تھا کہ ’میں نے اپنے اہل خانہ کے ساتھ فلم دیکھی جو بہت زیادہ پسند آئی، شاہ رخ خان نے بہت مشکل کردار ادا کیا‘۔

  • کیا آپ شاہ رخ خان کے ساتھ چاند پر جانے کے لیے تیار ہیں؟

    کیا آپ شاہ رخ خان کے ساتھ چاند پر جانے کے لیے تیار ہیں؟

    ممبئی: کیا کنگ خان نے چاند پر جانے کا پروگرام بنا لیا ہے؟ فلم کے نئے پوسٹر سے اس ضمن میں اہم اشارہ ملتا ہے۔

    تفصیلات کے مطابق جوں جوں کنگ خان کی میگا بجٹ فلم ’’زیرو‘‘ کی ریلیزکی تاریخ قریب آرہی ہے، مداحوں کا جوش و خروش بڑھتا جارہا ہے۔

    فلم کے نئے پوسٹر نے اس تجسس کو مزید بڑھا دیا ہے، مداح سوشل میڈیا پر اب فلم کی کہانی سے متعلق اپنے اندازے شیئر کر رہے ہیں۔

    اس نئے پوسٹر میں شاہ رخ خان ایک چمپانزی کے ساتھ خوش گوار موڈ میں‌دکھائی دیتے ہیں. دونوں آسمان کی سمت دیکھ رہے ہیں.

    اگر اس دل چسپ پوسٹر کو فلم کے ٹریلر کے تناظر میں دیکھا جائے، تو یہ لگتا ہے کہ فلم کے کلائمکس میں مرکزی کردار خلائی سفر کرے گا.

    مزید پڑھیں: زیرو کا دوسرا گانا ریلیز، شاہ رخ اور سلمان کے جلوے

    یاد رہے کہ فلم کا ٹریلر ایک خلائی جہاز کے لانچ ہونے کے منظر پر ختم ہوتا ہے. اسی طرح‌ فلم کے پوسٹر میں‌ بھی انگریزی لفظ "او” چاند کی جانب اشارہ کرتا ہے.

    کیا بونے کا کردار ادا کرنے کنگ خان فلم کے آخر میں چاند کا رخ‌ کریں گے؟ یہ جاننے کے لیے بس تھوڑا انتظار ، فلم تین دن بعد پوری دنیا میں ریلیز کی جارہی ہے.

  • شاہ رخ خان اور کاجول پھر ایک ہوگئے؟

    شاہ رخ خان اور کاجول پھر ایک ہوگئے؟

    ممبئی: بالی وڈکی مقبول ترین جوڑی ایک بار پھر بڑے پردے پر جلوہ گر ہونے کو تیار ہے.

    تفصیلات کے مطابق انڈسٹری کو کئی بلاک بسٹر فلمیں دینے والے شاہ رخ خان اور کاجول کے دوبارہ ساتھ کام کرنے کی خبروں نے زور پکڑ لیا ہے.

    موصولہ اطلاعات کے مطابق یہ مشہور جوڑی ہندی میڈیم ٹو میں‌ نظر آئے گی.

    یاد رہے کہ ہندی میڈیم کی پہلی فلم میں عرفان خان اور پاکستانی اداکارہ صبا قمر نے مرکزی کردار نبھائے تھے. فلم بلاک بسٹر ثابت ہوئی، ہندی میڈم نے چین میں‌ بھی اچھا خاصا بزنس کیا۔

    اب کہا جارہا ہے کہ شاہ رخ‌ خان اور کاجول فلم کے سیکوئیل میں‌ دکھائی دیں گے. اسکرپٹ دونوں اداکار پڑھ چکے ہیں اور اس ضمن میں پروڈکشن ہاؤس سے مذاکرات جاری ہیں.

    مزید پڑھیں: کیریئر کی مشکل ترین فلم، شاہ رخ خان کی ٹیچر کون؟

    یاد رہے کہ کاجول اور کنگ خان نے انڈسٹری کو "دل والے دلہنیا لے جائیں‌ گے” جیسی فلم دی، جو طویل ترین عرصے تک پیش کی جانے والی بھارتی فلم کے ریکارڈ کی حامل ہے.

    یہ جوڑی "بازی گر”، "کچھ کچھ ہوتا ہے”، "کبھی خوشی کبھی غم” اور دل والے‘‘ میں بھی جلوہ گر ہوئی تھی.

    کیا دونوں اداکار ہندی میڈیم میں‌ دکھائی دیں‌ گے؟ یہ جاننے کے لیے انتظار کرنا پڑے گا.

  • اگر اچھا اسکرپٹ‌ ملا، تو سلمان خان کے ساتھ ضرور کام کروں‌ گا: آنند ایل رائے

    اگر اچھا اسکرپٹ‌ ملا، تو سلمان خان کے ساتھ ضرور کام کروں‌ گا: آنند ایل رائے

    ممبئی: معروف ڈائریکٹر آنند ایل رائے نے کہا ہے کہ اگر ان کے پاس موزوں‌ اسکرپٹ‌ ہوگا، تو  وہ سلمان خان کے ساتھ ضرور کام کریں‌ گے.

    تفصیلات کے مطابق اپنے میگا بجٹ فلم "زیرو” کی پرموشن میں‌ مصروف ہدایت کار آنند ایل رائے کا کہنا ہے کہ ہر کوئی سلمان خان کے ساتھ  کام کرنے کا خواہش مند ہے، وہ بھی چاہتے ہیں کہ سپراسٹار ان کی فلم میں جلوہ گر ہوں.

    البتہ انھوں نے واضح کیا کہ یہ اسی صورت ممکن ہے، جب ان کے پاس ایک اچھا اسکرپٹ‌ ہو.

    آنند ایل رائے نے کہا کہ فلم ’’رانجھنا‘‘ کی تکمیل کے بعد ان کے دل میں ایک بڑے کینوس کی میگا بجٹ فلم کرنے کا خیال پیدا ہوا، مگر شاہ رخ خان کو کاسٹ کرنے سے پہلے انھوں نے اسکرپٹ تیار کیا.

    انھو‌ں نے کہا کہ ’’زیرو ‘‘کی کہانی مکمل ہونے کے بعد انھیں یوں‌ لگا کہ یہ کردار شاہ رخ خان ہی کرسکتے ہیں، جب وہ اسکرپٹ لے کر کنگ خان سے ملے، تو انھوں نے بھی اسے پسند کیا.

    مزید پڑھیں: زیرو:  باؤا سنگھ اور آفیہ یوسفزئی کی محبت کا پہلا گانا ریلیز

    یاد رہے کہ فلم کے ایک گیت میں شاہ رخ خان اور سلمان خان ساتھ جلوہ گر ہوں گے، جس کا ناظرین شدت سے انتظار کر رہے ہیں.

    اسی تناظر جب آنند ایل رائے سے سلمان خان کے ساتھ کام کرنے کے بارے میں سوال کیا گیا تو انھوں نے کہا کہ وہ مستقبل میں ایک اچھے اسکرپٹ‌کے ساتھ سلمان خان کے ساتھ ضرور کام کریں گے.

  • سری دیوی کی آخری فلم کون سی ہے؟

    سری دیوی کی آخری فلم کون سی ہے؟

    ممبئی: سپراسٹار سری دیوی آخری بار کنگ خان کے ساتھ ایکشن میں نظر آئیں گی.

    تفصیلات کے مطابق گذشتہ برس  جہان فانی سے کوچ کرنے والی سری دیوی آخری بار شاہ رخ خان کی فلم زیرو میں جلوہ گر ہوں گی.

    معروف ہدایت کار آنند ایل رائے کی اس میگا بجٹ فلم میں شاہ رخ  خان بونے کا کردار نبھا رہے ہیں. فلم میں ان کے مدمقابل انوشکا شرما اور کترینا کیف ہیں.

    فلم کے ٹریلر کو حیران کن ردعمل ملا ہے، اس نے سب سے زیادہ دیکھے جانے والے ہندوستانی فلم کے ٹریلر کا ریکارڈ اپنے نام کر لیا، فلم کے گیت ’’میرا نام تو‘‘ کو بھی شائقین نے بہت سراہا.

    زیرو کے ایک گیت میں سری دیوی بھی جلوہ گر ہوئی ہیں. اس گیت میں کرشما کپور اور عالیہ بھٹ بھی ان کے ساتھ ہیں. سری دیوی نے یہ گیت موت سے چند ماہ پہلے ریکارڈ کروایا تھا۔

    مزید پڑھیں: شاہ رخ خان کی ہیروئن نے “ٹھگز آف ہندوستان” کو مایوس کن قرار دے دیا

    موصولہ اطلاعات کے مطابق کنگ خان نے فیصلہ کیا ہے کہ یہ گیت فلم کی ریلیز سے پہلے عام نہیں‌کیا جائے گا. شایقین اسے تھیٹر ہی میں دیکھ سکیں گے. یعنی سری دیوی کے مداحوں‌ کو 21 دسمبر تک انتظار کرنا پڑے گا.

    واضح رہے کہ کنگ خان کی فلم زیرو کرسمس کے تہوار پر ریلیز ہورہی ہے.

  • ’کوئی میرے متعلق جعلی خبریں پھیلا رہا ہے‘

    ’کوئی میرے متعلق جعلی خبریں پھیلا رہا ہے‘

    ممبئی: بالی ووڈ انڈسٹری کے معروف اداکار شاہ رخ خان نے سماجی رابطے کی ویب سائٹ ٹویٹر کے چیف ایگزیکٹو آفیسر کو کہا ہے کہ آپ کو میری سستی اور کاہلی سے متعلق کسی نے غلط آگاہ کیا، کوئی ایسی بے بنیاد خبریں پھیلا رہا ہے۔

    تفصیلات کے مطابق ٹویٹر کے چیف ایگزیکٹو آفیسر جیک ڈورسےدو روز قبل بھارت پہنچے جہاں انہوں نے بھارتی وزیراعظم نریندر مودی، کانگریس کے صدر راہول گاندھی اور بدھ مت کے پیشوا دلائی لاما سے ملاقات کی۔

    ایک روز قبل بالی ووڈ انڈسٹری کے کنگ خان اور آسکر ایوارڈ یافتہ میوزک کمپوزر اے آر رحمان نے ٹویٹر کے چیف ایگزیکٹو آفیسر سے ملاقات کی، جیک ڈورسے نے اس مٹینگ کو حوصلہ افزا اور متاثر کن قرار دیا۔

    کنگ خان نے بدھ کی شام چیف ایگزیکٹو آفیسر سے ملاقات کی اور انہیں آٹو گراف بھی دیا۔

    سماجی رابطے کی ویب سائٹ پر تصویر شیئر کرتے ہوئے شاہ رخ خان کا کہنا تھا کہ ’آج جیک نے مجھے اپنے پرسکون انداز  اور اچھے برتاؤ کا احساس دلایا‘۔ شاہ رخ خان نے جیک اور ٹیم کا بھارت آنے پر شکریہ بھی ادا کیا۔

    جیک ڈورسے نے ملاقات سے قبل ٹویٹر پر کنگ خان کو مخاطب کر کے پوچھا ’کیا آپ جاگ رہے ہیں؟‘ جس پر شاہ رخ نے انہیں جواب دیا کہ میں نہ صرف اٹھ گیا بلکہ تیار بھی ہوں جس پر مجھے خود بھی حیرانی ہے، اگر کسی نے میری سستی سے متعلق بتایا تو وہ جھوٹی اور بےبنیاد خبر پھیلا رہا ہے۔

    دوسری جانب اے آر رحمان نے بھی اپنی ملاقات کی تصویر شیئر کی۔

    یاد رہے کہ جیک ڈورسے بھارتی حکومت کی دعوت پر بطور سرکاری مہمان تشریف لائے ہیں جہاں ممکنہ طور پر وہ ٹیکنالوجی سے متعلق معاہدے پر دستخط بھی کریں گے۔

  • شاہ رخ خان کی ہیروئن نے "ٹھگز آف ہندوستان” کو مایوس کن قرار دے دیا

    شاہ رخ خان کی ہیروئن نے "ٹھگز آف ہندوستان” کو مایوس کن قرار دے دیا

    ممبئی: کنگ خان کی ہیروئن نے عامر خان کی فلم "ٹھگز آف ہندوستان” کو مایوس کن اور وقت کا ضیاع قرار دے دیا.

    تفصیلات کے مطابق 1994 میں‌ریلیز ہونے والی کنگ خان کی فلم ’’کبھی ہاں، کبھی ناں‘‘ کی اداکارہ سچترا کرشنا مورتی کی جانب سے فلم کو شدید تنقید کا نشانہ بنایا گیا ہے.

    دیوالی کے تہوار پر ریلیز ہونے والی عامرخان، امیتابھ بچن اور کترینا کیف کی میگا بجٹ فلم "ٹھگز آف ہندوستان” پہلے دن تو ریکارڈ بزنس (52 کروڑ) کرنے میں‌ کامیاب رہی، البتہ ناقدین اور شائقین کی جانب سے فلم کو مکمل طور پر رد کر دیا گیا.

    انٹرنیٹ پر منفی تبصروں اور تنقیدی تجزیوں کا طوفان آگیا اور ٹھگز آف ہندوستان سے متعلق طرح طرح‌ کے لطیفے گڑے جانے لگے.

    مزید پڑھیں: ٹھگز آف ہندوستان چھا گئی، پہلے ہی روز کمائی کا نیا ریکارڈ

    البتہ عام شائقین کے برعکس سچترا کرشنا مورتی کے ٹویٹ نے کھلبلی مچادی، اداکارہ نے ایک خالی سنیما کی تصویر شیئر کی، جہاں‌ ٹھگز آف ہندوستان چل رہی ہے.

    سچترا نے لکھا: ’’مجھے ڈر لگ رہا ہے، کبھی پہلے اکیلے کوئی فلم نہیں دیکھی.‘‘

    اس کے بعد بھی سچترا نے اپنے مختلف ٹویٹس میں کاٹ دار تبصرے کیے اور فلم کو تنقید کا نشانہ بنایا۔

    آخری ٹویٹ میں‌ انھوں نے لکھا کہ انھیں قطعی امید نہیں کہ تھی کہ عامر خان اتنا ناقص اسکرپٹ منتخب کریں گے، انھوں نے مایوس کیا.