Tag: شاہ رخ خان

ممبئی: بالی ووڈ اداکارہ کنگنا راناوٹ اور شاہ رخ خان ایک ساتھ پہلی بار بالی ووڈ کے معروف ڈائریکٹر کی فلم میں کام کرتے نظر آئیں گے.

تفصیلات کے مطابق بالی ووڈ اداکارہ کنگنا کا شمار ان اداکاروں میں ہوتا ہے جنہوں نے بہت کم عرصے میں اپنی شاندار اداکاری کی بدولت انڈسٹری میں جگہ بنالی.

کنگنا نے بالی ووڈ میں اپنی فلموں کی کامیابی کے لیے کسی بڑے اداکار کا سہارا نہیں لیا بلکہ انہوں نے ہمیشہ ایسی فلمز کی آفرز کو قبول کیا جس میں انہیں اداکاری کے زیادہ مواقع ملیں.

حال ہی میں بھارتی میڈیا کی جانب سے دعویٰ کیا گیا تھا کہ خوبرواداکارہ کنگنا رناوٹ اور شاہ رخ خان کو ایک ساتھ پہلی بار سنجے لیلا بھنسالی کی ایک فلم میں جلوہ گرہوں گے.

کنگنا نے بھی اس خبر کی تصدیق کرتے ہوئے بتایا کہ ’سنجے لیلا بھنسالی نے مجھ سے فلم کے حوالے سے بات کی تھی،انہوں نے کہاکہ وہ میرے اور شاہ رخ خان کے ساتھ ایک فلم بنانا چاہتے ہیں،لیکن اس کے بارے میں ابھی کچھ بھی کہنا قبل از وقت ہوگا‘.

بالی ووڈ اداکارہ کا مزید کہنا تھا ’ایک اداکارہ ہونے کی حیثیت سے میں خود کو کافی خوش قسمت تصور کرتی ہوں کہ مجھے یہ مواقع مل رہے ہیں، میری فلمیں زیادہ فیشن پر مبنی نہیں ہوتی،پر مجھے خوشی ہے کہ میں ملک میں موجود بہترین فنکاروں کے ساتھ کام کرتی نظر آؤں گی‘.

*بھارتی نیشنل فلم ایوارڈ، امیتابھ بچن، کنگنا بہترین اداکار قرار

واضح رہےکہ بالی ووڈ اداکارہ اپنے کیریئر میں اب تک 3 نیشنل ایوارڈز حاصل کرچکی ہیں.

ممبئی : یش راج فلمز کی فلم ’دھوم 4‘ میں سلمان خان کی جگہ شاہ رخ خان کو ولن کا کردار کرنے کے لیے کاسٹ کرلیا گیا.

تفصیلات کے مطابق بالی ووڈ میں رومانس کی بات ہو اور کنگ خان کا نام نہ آئے ایسا ممکن نہیں شاہ رخ خان جو رومانوی فلموں میں اداکاری کے لیے انڈسٹری میں جانے جاتے ہیں تاہم اداکار نے اپنے کیریئر میں کئی منفی کرداروں کی فلموں سے بھی کامیابی حاصل کی.

شاہ رخ خان کی ان فلموں میں بازی گر‘ اور ’ڈر‘ شامل ہیں اور اب رپورٹس ہیں کہ شاہ رخ خان کو یش راج فلمز کی کامیاب سیریز ’دھوم‘ کے نئے حصے میں ولن کا کردار کرنے کے لیے کاسٹ کرلیا گیا ہے.

یادرہے کہ اس سے قبل سلمان خان کی اس کردار میں نظر آنے کی خبریں تھیں اور کہا جارہا تھا کہ رنویر سنگھ بھی مرکزی کردار کرتے نظر آئیں گے تاہم اب کہانی کچھ اور ہے.

شاہ رخ خان کو اس فلم میں منفی کردار ادا کرنے کے لیے کاسٹ کرلیا گیا ہے اور رنویر سنگھ مثبت کردار میں نظر آئیں گے.

سلمان خان کا اس سے قبل ایک انٹرویو میں کہنا تھا کہ وہ کسی بھی فلم میں ولن کا کردار ادا نہیں کرنا چاہتے کیوں کہ وہ نہیں چاہتے کہ ان کے مداحوں کے سامنے ان کا کوئی منفی کردار سامنے آئے.

واضح رہے کہ دھوم کے گزشتہ حصوں میں ابھیشیک بچن بھی کام کرتے آرہے ہیں تاہم ’دھوم 4‘ میں وہ نظر نہیں آئیں گے.

لاس اینجلس: امریکا میں شاہ رخ خان کو لاس اینجلس ایئرپورٹ پر روک لیا گیا،امیگریشن حکام نے بھارتی اداکار کو روک کرپوچھ گچھ کی.

تفصیلات کے مطابق بالی ووڈ سپراسٹار شاہ رخ اپنی بیٹی کے ہمراہ امریکی ریاست لاس اینجلس پہنچے تو انہیں اس وقت پریشانی کا سامنا کرنا پڑا جب امیگریشن حکام نے ان کو پوچھ گچھ کے لیے ایئرپورٹ پر روک لیا.

شاہ رخ خان کا کہنا تھا کہ وہ سیکیورٹی کا احترام کرتے ہیں لیکن ہر بار امریکی امیگریشن حکام کی جانب سے انہیں روکا جانا افسوس ناک ہے.

I fully understand & respect security with the way the world is, but to be detained at US immigration every damn time really really sucks.

— Shah Rukh Khan (@iamsrk) August 12, 2016

یاد رہے کہ اس سے پہلے اپریل 2012 میں بھی کچھ اسی طرح کا واقعہ پیش آیا تھا جب شاہ رخ کو نیویارک کے ہوائی اڈے پر دو سے تین گھنٹے کے لیے روک لیا گیا تھا جس کے بارے میں شاہ رخ کا کہنا تھا کہ انہیں ایئرپورٹ پرروکےجانےکی کوئی وجہ نہیں تھی.

ممبئی: بالی ووڈ کے بادشاہ شاہ رخ خان کا کہنا ہے جب بات فٹنس اور نظم وضبط کی ہو تو وہ سپراسٹار عامر خان کا مقابلہ نہیں کرسکتے.

تفصیلات کے مطابق بالی ووڈ اندسٹری میں بادشاہ کےنام سے جانے والےسپراسٹار کروڑوں دلوں کی جان شاہ رخ خان کا کہنا ہے کہ جس طرح سے عامرخان نے اپنی آنے والی فلم ’دنگل‘ کے لیے اپنے وزن میں اضافہ کیا اور اس میں کمی لائے وہ قابل تعریف ہے اس طرح فلم کے کردار کے لیےمحنت میں نہیں کرسکتا.

بالی ووڈ اسٹار شاہ رخ خان کا کہنا تھا کہ جب دو سال قبل میں عامرخان سے ملاتو ان کا وزن بہت زیادہ تھا لیکن اب وہ جس مہارت سے اپنے وزن میں نمایاں کمی لائے ہیں وہ لاجواب ہے.

یاد رہےکہ عامر خان نے اپنی فلم’دنگل‘ کے لیے وزن میں اضافہ کیا تھا تاکہ وہ کردار میں بخوبی ڈھل جائیں،ان کی سوشل میڈیا پر وائرل ہونے والی تصاویر نے ان کے مداحوں کو حیران کردیا تھا.

گزشتہ دنوں مسٹر پرفیکشنست ایک تقریب میں آئے تو ان کا نیاروپ دیکھ کر سب دھنگ رہ گئے کہ یہ وہی عامرخان نے جنہوں نے اپنی فلم کے لیے وزن میں اضافہ کیا تھا.

*فلم دنگل میں عامر خان کے ایک جلوہ نے دھوم مچادی

یاد رہے کہ بالی ووڈ سپر اسٹار عامرخان اپنی نئی آنے والی فلم ’’دنگل‘‘ کے لیے اپنے وزن میں25 کلو کا اضافہ کیا تھا.

فلم ’دنگل‘ مہاویر سنگھ پھوگٹ نامی پہلوان کی زندگی پر مبنی ہے،جس میں عامر خان مرکزی کردار ادا کررہے ہیں،جن کی بیٹی کامن ویلتھ گیمز میں وومن ریسلنگ کے لیے گولڈ میڈل حاصل کرنے والی پہلی ہندوستانی تھی.

واضح رہے کہ عامر خان کی فلم ’’دنگل‘‘روں برس دسمبر میں نمائش کے لیے پیش کی جائے گی.

حیدرآباد : معروف بھارتی ٹینس اسٹارثانیہ مرزا کی سوانح حیات کی تقریب رونمائی بھارتی شہر حیدرآباد میں ہوئی،کتاب کی رونمائی بالی ووڈ کے بادشاہ شاہ رخ خان نے کی.

تفصیلات کے مطابق ٹینس اسٹار ثانیہ مرزا کی سوانح حیات کی تقریب رونمائی بھارتی شہر حیدرآباد میں ہوئی،بالی ووڈ کے بادشاہ نے کتاب کی رونمائی کی،تقریب میں ثانیہ مرزا کی فیملی بھی شامل تھی.

پاکستانی کرکٹرشعیب ملک کی ملکہ ثانیہ مرزا نے سوانح حیات ‘Ace Against Odds’ میں اپنی ذاتی زندگی ،پیشہ وارانہ زندگی، شادی اور زندگی میں پیش آنے والے اہم واقعات اور کارناموں کا احاطہ کیا ہے.

کتاب کی جھلک دکھانے والے شاہ رخ خان نے ثانیہ کو ریکٹ کی رانی قراردیا،تقریب رونمائی میں ثانیہ مرزا کے والدین ،بہن اور رشتے دار بھی موجودتھے.

ثانیہ مرزا کے والد عمران مرزا کا کہنا تھا کہ ان کی بیٹی کو سوانح حیات لکھنے میں پانچ سال لگے جس میں انہوں نے بھی اپنی بیٹی کی مدد کی.

بھارتی ٹینس اسٹار ثانیہ مرزا کی سوانح حیات چالیس اسباق پر مشتمل ہے جس میں انہوں نے چار سال کی عمر سے لے کر کتاب مکمل ہونے تک کے واقعات کو قلمبند کیا ہے.

ممبئی: بالی ووڈ انڈسٹری کےمسٹر پرفیکشنسٹ عامر خان کا کہنا ہے کہ ان کے ساتھی اداکار شاہ رخ خان اور سلمان خان ان سے بڑے سپر اسٹارز ہیں.

تفصیلات کے مطابق بالی ووڈ کے تینوں خانز شارخ خان،سلمان خان اور عامر خان کا شمار اندسٹری کے صف اول کے اداکاروں میں ہوتا ہے.، تینوںاسٹارز نے اندسٹری کو کئی سپر ہٹ فلمیں دی ہیں.

بالی ووڈ کے تینوں خانر کی نہ صرف ہندوستان بلکہ پوری دنیامیں بہت بڑی فین فالوونگ ہے اور یہی وجہ ہے کہ انہیں اندسٹری کے صف اول کے اداکاروں میں شمار کیا جاتاہے.

گذشتہ روز بالی ووڈ کے مسٹر پرفیکشنسٹ عامر خان نے اپنی نئی آنے والی فلم دنگل کا پوسٹر ریلیز کیا،تقریب کے دوران عامر خان نے شارخ خان اور سلمان خان کو خود سے بڑا اسٹار کہا، مسٹر پرفیکشنسٹ کا کہنا تھا’جب سلمان اور شاہ رخ کمرے میں آتے ہیں تو ایسا لگتا ہے کوئی اسٹار آیا ہے،مجھ میں ایسی خصوصیات موجود نہیں‘.

یاد رہے کہ عامر خان اپنی فلم’دنگل‘میں مہاویر سنگھ پھوگٹ نامی ریسلر کا کردار ادا کر رہے ہیں،جنکہ ان کی فلم رواں سال 23 دسمبر کو سنیما گھروں میں مداحوں کے لیے ریلیز کی جائے گی.