شاہ سلمان امدادی مرکز کے 326 ٹرالرز غزہ میں انسانی ہمدردی کی بنیاد پر عارضی جنگ بندی پر فریقین میں ہونے والے معاہدے کے بعد رفح باڈر پر پہنچ گئے۔
بین الاقوامی خبر رساں ادارے کی رپورٹ کے مطابق مصر سے غزہ پٹی جانے والی سرحدی چوکی ’رفح‘ پر امدادی سامان کے ٹرالرز جمع ہونا شروع ہوچکے ہیں، جبکہ مزید ٹرالرز کی آمد متوقع ہے۔
شاہ سلمان مرکز برائے امداد کے نگران اعلی ڈاکٹر عبداللہ الربیعہ اور سینٹر کے دیگر اعلی عہدے دار بھی اس وقت رفح کراسنگ پر موجود ہیں تاکہ امدادی سامان کی ترسیل کا آپریشن شروع کیا جا سکے۔
امدادی سامان کی غزہ منتقلی کی کارروائی باقاعدہ طور پرعارضی جنگ بندی کا اعلان ہوتے ہی شروع کردی جائے گی۔
مبارک الدوسری کے مطابق امدادی سامان کے ٹرالرز غزہ کی سرحد پرپہنچ چکے ہیں جو جنگ بندی کے اعلان کے منتظر ہیں جیسے ہی اس حوالے سے اعلان ہوتا ہے تمام سامان منظم طریقے سے غزہ کے متاثرین تک پہنچنا شروع ہوجائے گا۔
2سعودی طیارے فلسطینیوں کیلئے امدادی سامان لے کر عریش پہنچ گئے
الدوسری کے مطابق شاہ سلمان امدادی مرکز کی جانب سے آنے والے امدادی سامان میں ادویات کے علاوہ ضروریات زندگی کی دیگر اشیا شامل ہیں، جنہیں متاثرین میں تقسیم کیا جائے گا۔
رپورٹس کے مطابق سعودی ہلال احمر اور فلسطینی و مصری امدادی ٹیمیں بھی بارڈر پرموجود ہیں جو جنگ بندی کے اعلان کی منتظر ہیں۔
