Tag: شاہ سلمان

ریاض: شاہ سلمان بن عبدالعزیز نے امیر کویت کے نام ایک مکتوب بھیجا ہے۔

تفصیلات کے مطابق خادم حرمین شریفین شاہ سلمان بن عبدالعزیز نے امیر کویت شیخ نواف الاحمد الجابر الصباح کے نام مکتوب ارسال کیا ہے۔

سعودی سرکاری خبر رساں ایجنسی کے مطابق شاہی مکتوب کویت اور سعودی عرب کے مضبوط برادرانہ تعلقات اور انھیں مزید مضبوط بنانے کے عزم پر مشتمل ہے۔

کویت میں متعین سعودی سفیر شہزادہ سلطان بن سعد بن خالد نے کویت کے وزیر امور ایوان امیری شیخ محمد عبداللہ المبارک الصباح سے بدھ کو ملاقات کر کے شاہ سلمان کا مکتوب حوالے کیا ہے۔

ریاض: خادم حرمین شریفین شاہ سلمان بن عبدالعزیز اور امریکی صدر جو بائیڈن کے درمیان پہلا رابطہ ہوا ہے، جس میں دو طرفہ تعلقات کو زیادہ سے زیادہ مضبوط اور شفاف بنانے کا فیصلہ کیا گیا۔

تفصیلات کے مطابق سعودی عرب کے شاہ سلمان اور امریکا کے صدر جو بائیڈن کے درمیان جمعرات کو پہلی مرتبہ ٹیلی فونک رابطہ ہوا، جس میں علاقائی اور عالمی استحکام پر تبادلہ خیال کیا گیا۔

ٹیلی فونک رابطے میں دونوں رہنماؤں نے گہرے تاریخی تعلقات کے تناظر میں دونوں ملکوں کے درمیان پارٹنرشپ کو مضبوط بنانے کی اہمیت پر زور دیا۔

سعودی خبر رساں ایجنسی ایس پی اے کی رپورٹ کے مطابق شاہ سلمان نے جو بائیڈن کو امریکا کے صدر کا عہدہ سنبھالنے پر مبارک باد دی، رہنماؤں نے بات چیت میں خطے کے اہم امور پر تبادلہ خیال کیا اور مشترکہ مفاد کی پیش رفت کا بھی جائزہ لیا۔

جو بائیڈن نے یمن میں معاہدے اور جنگ بندی تک پہنچنے کے لیے اقوام متحدہ کی کوششوں کے لیے مملکت سعودی عربیہ کے حمایت کو سراہا۔

شاہ سلمان نے کہا کہ سعودی عرب یمن میں جامع سیاسی حل تک پہنچنے کا آرزو مند تھا تاکہ یمنی عوام کو سلامتی اور ترقی حاصل ہو سکے۔

ادھر وائٹ ہاؤس کے ایک بیان مں کہا گیا ہے کہ امریکی صدر نے شاہ سلمان سے کہا کہ وہ جتنا ممکن ہو سکے دو طرفہ تعلقات کو زیادہ سے زیادہ مضبوط اور شفاف بنانے کے لیے کام کریں گے۔

ریاض: کنگ عبد العزیز عجائب گھر نے خادم حرمین شریفین شاہ سلمان بن عبد العزیز کی ایک تاریخی تصویر جاری کی ہے۔

تفصیلات کے مطابق کنگ عبد العزیز عجائب گھر نے ایک ایسی تاریخی تصویر جاری کی ہے جس سے شاہ سلمان کی گھڑ سواری کے شوق کی عکاسی ہوتی ہے۔

اس یادگار بلیک اینڈ وائٹ تصویر میں خادم حرمین شریفین شاہ سلمان بن عبد العزیز اپنے گھوڑے پر سوار ہیں۔ عجائب گھر نے کہا ہے کہ شاہ سلمان بن عبد العزیز جوانی میں گھڑ سواری کا شوق رکھتے تھے۔

عجائب گھر کی جانب سے جاری کردہ یہ تصویر شاہ سلمان کے جوانی کے دور کی ہے، جب وہ شوق سے گھڑ سواری کیا کرتے تھے۔

#صورة_تاريخية |📸 #خادم_الحرمين_الشريفين
الملك سلمان بن عبدالعزيز
يمارس هواية الفروسية#دارة_الملك_عبدالعزيز
🏆🇸🇦 #كأس_السعودية 🐎 pic.twitter.com/q7aLxQtpSn

— دارة الملك عبدالعزيز (@Darahfoundation) February 20, 2021

عجائب گھر نے کہا ہے کہ شاہ سلمان صحرائی علاقوں میں جاکر گھڑ سواری کرتے تھے، یہ گھوڑوں سے ان کا شغف تھا کہ انھوں نے سعودی عرب میں گھڑ سواری کے کھیل کو پروان چڑھایا۔

واضح رہے کہ سعودی ادارے کی جانب سے یہ تصویر مملکت میں سعودی کپ کے انعقاد کے موقع پر جاری کی گئی ہے، جس میں دنیا کے بہترین اور مہنگے ترین گھوڑوں نے شرکت کی۔