Tag: شاہ سلمان

ریاض: سعودی کابینہ نے قانون محنت میں ترمیم کی منظوری دینے کے ساتھ 14 فیصلے بھی جاری کیے ہیں۔

تفصیلات کے مطابق خادم حرمین شریفین شاہ سلمان بن عبدالعزیز کی زیرصدارت بدھ کو آن لائن اجلاس ہوا جس میں بتایا گیا کہ قانون محنت میں ترمیم کی تفصیلات ام القری سرکاری گزٹ میں شائع کی جائیں گی۔

سعودی فرمانروا شاہ سلمان نے کابینہ کے ارکان کو سلطنت عمان کے فرمانروا سلطان ھیثم بن طارق اور نائیجیریا کے صدر محمد بخاری کے ساتھ ٹیلی فونک رابطوں کے نتائج سے آگاہ کیا۔ نائیجریا کے صدر سے عالمی تیل منڈی میں استحکام اور توازن کی بحالی کے لیے جاری کاوشوں پر تبادلہ خیال کیا گیا۔

سعودی کابینہ نے کرونا وائرس سے متاثر ہونے والوں اور مرنے والوں کی تعداد میں ریکارڈ کمی پر اطمینان کا اظہار کیا۔اجلاس میں ملکی اور بین الاقوامی سطحوں پر کرونا وائرس کی تازہ صورت حال پر رپورٹیں بھی پیش کی گئی تھیں۔

کابینہ اجلاس میں ہنگامی حالات کے حوالے سے تعلیمی سال کی تیاریوں کا جائزہ لیا گیا اجلاس میں کابینہ کو بتایا گیا کہ طلبا وطالبات، اساتذہ اور تربیتی عملے کی صحت وسلامتی کے لیے موثر انتظامات کر لیے گئے ہیں۔سعودی کابینہ نے امید ظاہر کی کہ نیا تعلیمی سال ملک وقوم کے لیے مفید ثابت ہوگا۔

اجلاس میں کابینہ نے لیبیا میں جنگ بندی سے متعلق لیبیا کی پارلیمنٹ اور صدارتی کونسل کی طرف سے جاری کردہ اعلان کا پھر خیر مقدم کرتے ہوئے کہا کہ ملکی مفاد کو ہر مفاد پر بالا رکھ کر قومی سیاسی مکالمہ ناگزیر ہے۔

سعودی کابینہ ے لیبیا کے برادر عوام کے امن واستحکام کا ضامن پائیدار حل ملک کے لیے ضروری ہے، حل ایسا ہو کہ خارجی مداخلت کے سدباب کا باعث بنے۔

سعودی فرمانروا شاہ سلمان کی زیر صدارت اجلاس میں منصوبہ بند طریقے سے جان بوجھ کر مملکت میں شہریوں اور سول تنصیبات پر ایران کے حمایت یافتہ حوثی دہشتگردں کے دھماکہ خیز ڈرونز اور بیلسٹک میزائل حملوں کی سخت الفاظ میں مذمت کی۔

کابینہ نے کھیلوں کے شعبے میں جیبوتی کے ساتھ تعاون کے معاہدے، برازیل کے ساتھ ثقافتی تعاون کی مفاہمت کی یادداشت، امریکا کے ساتھ آباد کاری کی مفاہمتی یادداشت، عالمی ادارہ محنت کے تحفظ اجرت معاہدے، ماریطانیہ کے ساتھ شہری خدمات کے سلسلے میں مفاہمتی یادداشت کی منظوری دی۔

قائم مقام وزیر اطلاعات ڈاکٹر ماجد القصبی نے اجلاس کے بعد ایس پی اے کو بتایا کہ کابینہ نے امید ظاہر کی کہ نیا ہجری سال 1442 عربوں، مسلمانوں اور دنیا بھر کے انسانوں کے لیے خیر وبرکت اور امن واستحکام کا سال ثابت ہو۔

ریاض: سعودی فرمانروا شاہ سلمان نے عرب لیگ کی تعلیمی، ثقافتی اور سائنسی تنظیم (ایل ای سی ایس او) کی ایگزیکٹو کونسل میں سعودی عرب کے نمائندے کے طور پر ہانی بن مقبل المقبل کی نامزدگی کی منظوری دے دی ہے۔

عرب میڈیا کی رپورٹ کے مطابق سعودی وزیر ثقافت شہزادہ بدر بن عبد اللہ بن فرحان نے المبقل کو مذکورہ اہم اور بڑے عہدے کے لیے منتخب کیا جس کی منظوری آج شاہ سلمان نے دے دی۔ شہزادہ بدر سعودی قومی کمیشن برائے تعلیم، ثقافت اور سائنس کے چیئرمین بھی ہیں۔

خیال رہے کہ عرب لیگ کے نومنتخب نمائندے المقبل کو مختلف اداروں میں 17 سال سے زیادہ کا تجربہ ہے وہ مختلف ایگزیکٹو ٹریننگ پروگراموں میں بھی حصہ لے چکے ہیں۔

انہوں نے ہارورڈ بزنس اسکول سے معیشت سے متعلق خاص ڈگری حاصل کی۔ وہ کنگ سعود یونیورسٹی سے بزنس ایڈمنسٹریشن میں بیچلر کی ڈگری بھی حاصل کرچکے ہیں۔

ریاض: سعودی فرمانروا شاہ سلمان نے سعودی عرب میں موجود غیر ملکیوں کے اقاموں میں تین ماہ کی توسیع کر دی۔

تفصیلات کے مطابق سعودی حکومت نے غیرملکیوں کے اقاموں میں تین ماہ کی توسیع کی منظوری دے دی۔غیرملکیوں کے اقاموں میں اگلے 3 ماہ کے لیے بغیر فیس کے آن لائن تجدید ہوگی۔

سعودی وزارت داخلہ کی جانب سے جاری اعلامیے میں کہا گیا ہے کہ کرونا کی وجہ سے پیدا ہونے والی معاشی مسائل کے اثرات کم کرنے کے لیے سعودی فرمانروا شاہ سلمان نے نجی شعبے، سرمایہ کاروں اور کاروباری اداروں کی امداد کے حوالے سے متعدد فیصلے کیے ہیں۔

اعلامیے کے مطابق ان تمام غیر ملکیوں کے ایگزٹ ری انٹری ویزوں میں 3 ماہ کی مفت توسیع ہوگی جو بیرون ملک موجود ہیں اور پروازوں کی معطلی کی وجہ سے واپس نہیں آسکے۔

اعلامیے میں کہا گیا ہے کہ مملکت میں موجود ان تمام غیر ملکیوں کے اقاموں اور وزٹ پر آنے والوں کے ویزوں میں بھی 3 ماہ کی مفت توسیع کی گئی جن کے اقامے اور ویزے پروازوں کی معطلی کے دوران ختم ہوئے ہیں۔

اعلامیے کے مطابق شاہی فرمان میں مذکورہ بالا استثنائی صورتوں پر حسب ضرورت نظر ثانی اور تبدیلی ہوتی رہے گی۔