Tag: شاہ سلمان

ریاض: سعودی عرب میں وبائی مرض کروناوائرس سے نمٹنے کے لیے اقدامات تیز کردیے گئے، خادم حرمین شریفین نے مزید 7 ارب ریال کی منظوری دے دی۔

تفصیلات کے مطابق سعودی فرمانرواں شاہ سلمان بن عبدالعزیز نےکرونا وائرس کے خطرات سے نمٹنے کے لیے مزید 7 ارب ریال کی منظوری دی ہے، اس سے قبل 8 ارب ریال کی منظوری کا شاہی فرمان جاری ہوا تھا۔

عرب میڈیا کی رپورٹ میں کہا گیا ہے کہ سعودی ولی عہد محمد بن سلمان نے فرمانرواں سے وبائی مرض کے خلاف جنگ میں اضافی ریال کی درخواست کی تھی۔ مجموعی طور پر یہ رقم 15 ارب ریال ہوگئی۔

کرونا وائرس سے صحتیابی کی سب سے زیادہ شرح ریاض میں

سعودی وزیرصحت کا کہنا ہے کہ اس اقدام سے صحت کے اداروں کی تیاریوں کا معیار بلند ہوگا، مطلوبہ دوائیں وافر مقدار میں فراہم کی جاسکیں گی۔ جبکہ ہینڈ سینی ٹائزرز اور سرجیکل ماسک بھی میڈیکل اسٹورز کو فراہم کی جائیں گی۔

سعودی وزیر صحت نے رواں سال کے آخر تک کے لیے مزید 32 ارب ریال کے بجٹ کی درخواست کی ہے۔

خیال رہے کہ سعودی عرب میں کرونا وائرس سے صحتیاب ہونے والوں کی تعداد بڑھ رہی ہے، اب تک کرونا وائرس سے صحتیابی کی سب سے زیادہ شرح ریاض میں ہے۔

ریاض: خادم حرمین شریفین شاہ سلمان بن عبدالعزیز نے سعودی عرب میں نجی اداروں میں کام کرنے والے ملازمین کو ماہانہ فی کس 9 ہزار ریال دینے کا اعلان کردیا۔

عرب میڈیا کی رپورٹ کے مطابق فرمانرواں نے مملکت میں نجی اداروں کے ’سعودی ملازمین‘ کے لیے ماہانہ فی کس 9ہزارریال دینے کا اعلان کیا ہے۔ مذکورہ اعلان کروناوائرس کے تناظر میں نافذ کرفیو کے باعث سامنے آیا۔

حکومت نے 9 ارب ریال کا امدادی پیکیج مختص کرنے کا اعلان کر دیا ہے۔ سعودی کارکنوں کو 3 ماہ تک سوشل سکیورٹی انشورنس کی جانب سے 9 ہزار ریال ماہانہ ادا کیے جائیں گے تاکہ انہیں معاشی پریشانی کا سامنا نہ کرنا پڑے۔

دنیا بھر کی طرح سعودی عرب بھی کروناوائرس سے لڑرہا ہے جس کے پیش نظر نجی اور سرکاری کاروباری دفاتر بند ہیں، سعودی ملازمین کی معاشی مشکلات حل کرنے کے لیے حکومت نے ریال دینے کا اعلان کیا۔

سعودی حکام نے آن لائن ٹرازیکشن فیس معاف کردی

سعودی حکام نے کرونا کی موذی وبا کا پھیلاؤ روکنے کےلیے ملک بھر میں سرکاری و نجی ادارے بند کیے ہوئے ہیں اور ملازمین کو گھر سے کام کرنے کی ہدایات کی گئی ہے جبکہ اکاؤنٹ ہولڈرز کو بھی آن لائن خدمات فراہم کی جارہی ہیں۔

حال ہی میں سعودی عربین مانیٹری اتھارٹی (ساما) کی جانب سے صارفین کی سہولت کے لیے چھ ماہ تک آن لائن فیس معاف کی گئی، حکام کا یہ فیصلہ اقتصادی شعبوں پر منفی اثرات سے نمٹنے کے لیے کیا گیا۔

خیال رہے کہ سعودی عرب میں کروناوائرس کے مریضوں کی تعداد 2039 ہوگئی ہے۔

ریاض: سعودی عرب میں خادم الحرمین الشریفین شاہ سلمان کی زیر صدارت جی 20 ممالک کا اجلاس ہوا جس میں کروناوائرس کے بعد پیدا ہونے والی سنگین صورت حال پر تبادلہ خیال کیا گیا۔

تفصیلات کے مطابق جی 20 ممالک کے اجلاس میں کروناوائرس کے انسداد پر تبادلہ خیال کیا گیا۔ اس دوران خطاب کرتے ہوئے شاہ سلمان کا کہنا تھا کہ کروناوائرس کے متاثرین کی صحتیابی کے لیے تہہ دل سے دعاگو ہیں، وائرس سے عالمی تجارت اور معیشت بھی بری طرح متاثر ہورہی ہے۔

انہوں نے کہا کہ کرونا سے بچاؤ کے لیے سخت اقدامات اٹھانے کی ضرورت ہے، دوست ممالک اور متعلقہ تنظیموں سے مل کر کام کررہے ہیں وبا کا پھیلاؤ روکنے کے لیے کیے جانے والے حفاظتی اقدامات قابل تحسین ہیں۔

کروناوائرس: سعودی ولی عہد کا اہم اقدام

شاہ سلمان کا کہنا ہے کہ کرونا کے خلاف عالمی ادارہ صحت کے مکمل حامی ہیں، کرونا کے لیے مضبوط ویکسین تلاش کرنے کے لیے تعاون ہماری ذمہ داری ہے، ضروری طبی سامان کی فراہمی کو یقینی بنانے کے لیے فوری کوششیں کرنی چاہیے، مہلک وائرس سنگین مسئلہ بن چکا ہے۔

سعودی فرمانراں نے مزید کہا کہ وبائی بیماریوں سے نمٹنے کیلئے لیے عالمی سطح پر تیاریوں کو مضبوط بنانا چاہئے۔

ریاض: سعودی عرب کے شہزادے فیصل بن فہد بن مسہری بن جلوی السعود انتقال کرگئے۔

خلیج ٹائمز کی رپورٹ کے مطابق سعودی شہزادہ فیصل بن فہد بن مسہری بن جلوی السعود دار فانی سے کوچ کرگئے، ان کی نماز جنازہ ادا کردی گئی۔

سعودی پریس ایجنسی ایس پی اے کے مطابق شہزادہ فیصل بن فہد، شہزادہ فہد بن مسہری کے بیٹے تھے۔

رپورٹ کے مطابق فہد بن مسہری سعودی عرب القاسم ضلع کے سابقہ شہزادے تھے۔

شہزادہ فیصل بن فہد کی نماز جنازہ ریاض کی امام ترکی بن عبداللہ مسجد میں ادا کی گئی۔

شہزادہ فیصل بن فہد کے انتقال پر سعودی فرمانروا شاہ سلمان، سعودی ولی عہد شہزادہ محمد بن سلمان ودیگر نے اظہار تعزیت کیا ہے۔