ARYNews.tv | Urdu – Har Lamha Bakhabar

Tag: شاہ فرمان

  • عمران خان کی 10 مقدمات میں 18 جولائی تک عبوری ضمانت منظور، دیگر رہنماؤں کی بھی ضمانت ہو گئی

    عمران خان کی 10 مقدمات میں 18 جولائی تک عبوری ضمانت منظور، دیگر رہنماؤں کی بھی ضمانت ہو گئی

    اسلام آباد: چیئرمین پی ٹی آئی عمران خان کی 10 مقدمات میں 18 جولائی تک عبوری ضمانت منظور ہو گئی، دیگر رہنماؤں کی بھی ضمانت ہو گئی۔

    تفصیلات کے مطابق اسلام آباد کی سیشن عدالت میں لانگ مارچ، توڑ پھوڑ کیس میں سابق وزیر اعظم عمران خان کی حاضری معافی کی درخواست منظور کر لی گئی، عدالت نے چیئرمین تحریک انصاف کی عبوری ضمانت میں 18 جولائی تک توسیع کر دی۔

    بابر اعوان نے عدالت کو بتایا کہ عمران خان کو جان کا خطرہ ہے، تحریری طور پر دھمکیاں دی گئی ہیں، اس لیے پیش نہیں ہو سکتے، جج کامران بشارت مفتی نے عمران خان کی جان کو خطرے کے پیش نظر حاضری سے استثنیٰ کے لیے دی گئی درخواست منظور کی۔

    اسلام آباد ڈسٹرکٹ سیشن عدالت نے پی ٹی آئی کے دیگر رہنماؤں شاہ فرمان، شہرام خان ترکئی اور عمران اسماعیل کی ضمانت بھی پانچ پانچ ہزار روپے کے مچلکوں کے عوض منظور کر لی۔

    واضح رہے کہ عمران خان کے خلاف تھانہ گولڑہ میں مقدمہ نمبر 708/22 اور 709/22 درج ہے، تھانہ ترنول میں مقدمہ نمبر 727/22628/22، تھانہ کوہسار میں بھی 2 مقدمات نمبر 421/224222/22، تالانی سیکریٹریٹ میں مقدمہ نمبر 260/22، تھانہ آبپارہ میں مقدمہ نمبر 485/22، تھانہ انڈسٹریل ایریا میں مقدمہ نمبر 740/22، اور تھانہ کراچی کمپنی میں مقدمہ نمبر 469 درج ہے۔

    عدالت نے علی امین گنڈاپور اور شفقت محمود کی بھی عبوری ضمانت 23 جولائی تک منظور کر لی ہے، علی امین اور شفقت محمود ڈسٹرکٹ اینڈ سیشن جج کامران بشارت مفتی کے عدالت میں پیش ہوئے تھے، دونوں کو پانچ پانچ ہزار کے مچلکے داخل کروانے کا حکم دیا گیا۔

    کل وزیر اعلیٰ خیبر پختون خوا محمود خان بھی اپنی عبوری ضمانت کنفرم کروانے کے لیے عدالت میں پیش ہوں گے۔

  • گورنر کے پی شاہ فرمان کو توہین عدالت کا نوٹس جاری

    گورنر کے پی شاہ فرمان کو توہین عدالت کا نوٹس جاری

    پشاور: ہائیکورٹ نے سابق وائس چانسلرگومل یونیورسٹی عصمت اللہ کی توہین عدالت درخواست پر گونر کے پی کےشاہ فرمان کوتوہین عدالت کا نوٹس جاری کردیا۔

    تفصیلات کے مطابق سابق وائس چانسلرگومل یونیورسٹی عصمت اللہ کی توہین عدالت درخواست پر پشاور ہائی کورٹ میں سماعت ہوئی۔

    درخواست گزار کے وکیل نے موقف اپنایا کہ سپریم کورٹ نے2013 میں بحیثیت وی سی بقایا جات دینے کا حکم دیا تاہم بقایات جات ادا نہیں کی گئے۔

    یہ بھی پڑھیں: گومل یونی ورسٹی میں زیتون کے باغ کا افتتاح

    پشاور ہائیکورٹ نےبھی2017 میں اپیل نمٹانے کا حکم دیا تھا اور 7 روز میں واجبات ادا کرنے کی ہدایت کی مگر 2 سال گزرنے کےباوجود ابھی تک حکم پر عمل نہیں کیاگیا۔

    عدالت نے درخواست پر ابتدائی سماعت کے بعد گورنر خیبرپختونخوا شاہ فرمان کو توہین عدالت کا نوٹس جاری کرتے جواب طلب کرلیا۔

    گورنر کے پی کے شاہ فرمان سے بحیثیت چانسلر گومل یونیورسٹی جواب طلب کیا گیا ہے۔

    واضح رہے کہ گومل یونیورسٹی خیبرپختونخوا کے شہر ڈیرہ اسماعیل خان میں واقع ہے اور اسے صوبے کی ایک بڑی سرکاری جامعہ کا درجہ حاصل ہے۔

  • وزیر اعظم نے گورنر کے پی شاہ فرمان کو اہم ذمے داری سونپ دی

    وزیر اعظم نے گورنر کے پی شاہ فرمان کو اہم ذمے داری سونپ دی

    اسلام آباد: وزیر اعظم عمران خان نے گورنر خیبر پختون خوا شاہ فرمان کو اہم ذمے داری سونپ دی.

    تفصیلات کے مطابق وزیراعظم عمران خان سے گورنر کے پی نے اہم ملاقات کی، جس میں عمران خان نے شاہ فرمان کو افغانستان کی سیاسی قیادت سے روابط بڑھانے کی ذمے داری سونپی.

    اس موقع پر وزیر اعظم نے کہا کہ افغان ہم منصبوں سے روابط قائم کر کے تعلقات مزید بہتر بنائیں، بہترتعلقات مشترکہ مفادات کےحصول، خطے کےعوام کےمفاد میں ہیں.

    موصولہ اطلاعات کے مطابق اس ہدایت کی روشنی میں گورنر کے پی افغان گورنرز کو دورہ پاکستان کی دعوت دیں گے اور خود بھی افغانستان کا دورہ کریں گے.

    خیال رہے کہ 29 جولائی 2019 کو اے آر وائی نیوز کے پروگرام دی رپورٹرز میں گفتگو کرتے ہوئے گورنر کے پی کے نے کہا تھا کہ قبائلی عوام نے ووٹ کے حق کا بھرپور استعمال کیا۔

    ان کا کہنا تھا کہ قبائلی علاقوں کے نتائج سب نے دیکھ لیے، قبائلی عوام نے ان امیدواروں کو ووٹ دیے، جو ترقی چاہتے ہیں. لیڈر کی جائیداد، ذاتی مفاد نہ ہو، تو وہ کھڑا ہوجاتا ہے، گرفتاری کے خوف سے اکتوبر میں احتجاج کی کال دی جارہی ہے.

  • قبائلی عوام نے ان امیدواروں کو ووٹ دیے، جو ترقی چاہتے ہیں: گورنر کے پی کے

    قبائلی عوام نے ان امیدواروں کو ووٹ دیے، جو ترقی چاہتے ہیں: گورنر کے پی کے

    لاہور: گورنرکے پی شاہ فرمان نے کہا ہے کہ قبائلی عوام نے ووٹ کےحق کا بھرپور استعمال کیا ہے۔

    ان خیالات کا اظہار انھوں نے اے آر وائی نیوز کے پروگرام دی رپورٹرز میں گفتگو کرتے ہوئے کیا.

    [bs-quote quote=”عمران خان کی لڑائی ذاتی مفاد کے لئے نہیں عوام کے لئے ہے” style=”style-8″ align=”left” author_name=”گورنر کے پی کے”][/bs-quote]

    ان کا کہنا تھا کہ قبائلی علاقوں کے نتائج سب نے دیکھ لیے، قبائلی عوام نے ان امیدواروں کو ووٹ دیے، جو ترقی چاہتے ہیں.

    گورنر کے پی شاہ فرمان نے کہا کہ اگرآپ کی ذاتی کمزوریاں نہیں، تو پاکستان کی کمزوریاں بھی نہیں ہیں، لیڈر کی جائیداد، ذاتی مفاد نہ ہو، تو وہ کھڑا ہوجاتا ہے، گرفتاری کے خوف سے اکتوبر میں احتجاج کی کال دی جارہی ہے.

    انھوں نے کہا کہ وزیر اعظم سے بات ہوئی ہے، آئندہ الیکشن میں کارکردگی بہترین ہوگی۔

    مزید پڑھیں: قبائلی علاقوں کا کے پی کے سے انضمام آج مکمل ہو گیا: شاہ فرمان

    عمران خان کی لڑائی ذاتی مفاد کے لئے نہیں عوام کے لئے ہے، یہ لڑائی اسکول نہ جانے والےڈھائی کروڑبچوں کے لئے ہے.

    گورنرکے پی نے کہا کہ عمران خان کی لڑائی زچگی کے دوران ہلاک ہونے والی خواتین کے لئے ہے، کرپٹ مافیانےاس لڑائی کو ذاتی لڑائی بنا لی ہے.

  • قبائلی علاقوں کا کے پی کے سے انضمام آج مکمل ہو گیا: شاہ فرمان

    قبائلی علاقوں کا کے پی کے سے انضمام آج مکمل ہو گیا: شاہ فرمان

    پشاور: گورنر  خیبر پختون خوا، شاہ فرمان نے کہا ہے کہ  قبائلی علاقوں کا کے پی کے سے انضمام آج مکمل ہو گیا۔

    ان خیالات کا اظہار انھوں نے اے آر وائی نیوز کے پروگرام سوال یہ ہے میں خصوصی گفتگو کرتے ہوئے کیا.

    انھوں نے کہا کہ قبائلی علاقہ جات کے سینیٹرز کے پاس اختیارات نہیں تھے، قبائلی علاقوں کے سینیٹرز بجٹ کے لئے آواز نہیں اٹھا سکتے تھے، جو چیز پانچ سال میں ہونا تھی، وہ ہم نے پانچ ماہ میں مکمل کی.

    گورنر شاہ فرمان نے کہا کہ ہم نے قبائلی علاقہ جات کی مراعات میں اضافہ کیا ہے، فاٹا میں لینڈ ریکارڈ نہ ہونے سے عدالت فعال نہیں ہوسکتی تھی، لینڈر ریکارڈ سمیت قبائلی علاقوں میں تمام سفر جلدی طےکیا.

    قبائلی اضلاع میں الیکشن: گنتی کا عمل جاری، غیر سرکاری نتائج کا سلسلہ شروع

    انھوں نے کہا کہ قبائلی علاقوں میں ہمارا سفر پرامن انتخابات تک جاری رہا، اللہ کے کرم سے قبائلی علاقوں کا انضمام آج مکمل ہو گیا.

    خیال رہے کہ آج قبائلی علاقوں کی تاریخ میں‌پہلی بار 16 صوبائی اسمبلی کی نشستوں پر انتخابات ہوئے. عوام کی بڑی تعداد نے اس عمل میں حصہ لیا.

    ووٹرز نے پاکستان زندہ باد کے نعرے لگائے اور پاک فوج کو خراج تحسین پیش کیا.

    اس وقت پولنگ کا عمل مکمل ہونے کے بعد گنتی جاری ہے، ساتھ ہی نتائج بھی موصول ہورہے ہیں.

  • گورنر خیبر پختونخوا بھی روایتی کھیل انڈے لڑانے کے شوقین نکلے

    گورنر خیبر پختونخوا بھی روایتی کھیل انڈے لڑانے کے شوقین نکلے

    پشاور: خیبر پختون خوا کے دارالحکومت پشاور میں عید پر انڈے لڑانا بھی ایک شوق اور تفریح کا ذریعہ بن چکا ہے جس میں بچے اور بڑے سب ہی حصہ لیتے ہیں۔

    تفصیلات کے مطابق گورنرخیبر پختون خوا شاہ فرمان بھی پشتونوں کے روایتی کھیل عید پر انڈے لڑانے کے شوقین نکل آئے ہیں۔

    شاہ فرمان اپنے شکار کے شوق کی وجہ سے کافی مشہور ہیں اور ان کے قریبی دوست انھیں ایک اچھا شکاری سمجھتے ہیں، اس عید پر وہ انڈے لڑاتے نظر آئے۔

    تاہم گورنر کے پی انڈے لڑانے کے کھیل میں شکار میں مہارت کی طرح مہارت کا مظاہرہ نہ کر سکے، انھوں نے ایک اناڑی کی طرح ایک بچے سے پانچ انڈے ہار دیے۔

    سوشل میڈیا پر وائرل ویڈیو میں گورنر شاہ فرمان اپنے آبائی علاقے بڈھ بیر پشاور میں عید کے دوسرے روز سڑک کے کنارے ایک بچے کے ساتھ انڈے لڑاتے نظر آئے۔

    یہ بھی پڑھیں:  صوابی: جنگلات میں لگی آگ 5 روز بعد بھی بجھائی نہ جا سکی

    دل چسپ بات یہ ہے کہ ’ہوم گراؤنڈ‘ اور ’ہوم کراؤڈ‘ کے باوجود گورنر کے پی بچے سے پانچ انڈے ہار گئے۔

    گورنر کے پی انڈے لڑانے سے قبل ایک ایک انڈے کی سختی جانچنے کے لیے اسے اپنے دانتوں کے ساتھ ٹکراتے بھی رہے لیکن وہ ایک بھی انڈا نہ جیت سکے۔

    واضح رہے کہ انڈا لڑانے کے کھیل میں ابلے انڈوں کے سرے ایک دوسرے سے ٹکرائے جاتے ہیں، جس کا انڈا ٹوٹ جاتا ہے وہ انڈا ہار جاتا ہے، جب کہ انڈے کے سرے کی سختی جانچنے کے لیے اسے دانتوں پر ہلکا مار کر دیکھا جاتا ہے، لیکن کھیل کا ماہر نہ ہو تو انڈے کی سختی جانچنے میں غلطی ہو سکتی ہے۔

    انڈے لڑانے کے کھیل کا شمار بلوچستان کے قدیم کھیلوں میں بھی ہوتا ہے، کوئٹہ اور بلوچستان کے دیگر علاقوں میں عید کے مواقع پر جو میلے لگتے ہیں ان میں انڈے لڑائے جاتے ہیں، یہ کھیل خیبر پختون خواہ کے مختلف علاقوں اور حتیٰ کہ کراچی کی پختون اور بلوچ آبادیوں میں بھی عید پر کھیلا جاتا ہے۔

  • ملک میں صدارتی نظام کے لیے پارلیمنٹ با اختیار ہے: گورنر کے پی

    ملک میں صدارتی نظام کے لیے پارلیمنٹ با اختیار ہے: گورنر کے پی

    پشاور: خیبر پختون خوا کے گورنر شاہ فرمان نے کہا ہے کہ ملک میں صدارتی نظام کے لیے پارلیمنٹ با اختیار ہے، تبدیلی کے لیے نئے مینڈیٹ یا نئی پارلیمنٹ کی ضرورت نہیں۔

    تفصیلات کے مطابق کے پی گورنر نے کہا ہے کہ ملک میں صدارتی نظام کے لیے پارلیمنٹ با اختیار ہے، آئین کے آرٹیکل 48 کے تحت وزیر اعظم پارلیمنٹ سے نظام میں تبدیلی کے لیے ریفرنڈم کی تجویز دے سکتے ہیں۔

    انھوں نے کہا کہ پارلمینٹ کے مشترکہ اجلاس سے منظوری پر عوامی ریفرنڈم کرایا جا سکتا ہے، ملک میں موجودہ نظام تبدیل ہو یا نہیں فیصلے کا اختیار عوام کے پاس ہے۔

    شاہ فرمان کا کہنا تھا کہ ملک میں سسٹم کون سا ہونا چاہیے اس کا فیصلہ عوام کرتے ہیں، فیڈریشن میں صدارتی نظام زیادہ کام یاب رہتا ہے، جس ملک میں ایک اسمبلی ہو وہاں پارلیمانی نظام اچھا ہے، امریکا میں فیڈریشن ہے اور آسٹریلیا میں ایک اسمبلی کا نظام ہے۔

    یہ بھی پڑھیں:  صدرمملکت کوئٹہ پہنچ گئے، ہزارہ لواحقین سے ملاقات، اظہارِہمدردی

    گورنر کے پی نے کہا کہ یہ ان کی ذاتی رائے ہے، غور کرنا چاہیے کہ پارلیمانی نظام سے کیا فائدہ ہوا، صدارتی نظام میں صدر کو کابینہ کے چناؤ کا اختیار ہوتا ہے، ذاتی رائے ہے صدارتی نظام میں سیاسی بلیک میلنگ ممکن نہیں۔

    انھوں نے مزید کہا کہ لوگوں کے تحفظات ہوں تو آئینی تحفظ دینا ضروری ہے، آئین میں واضح ہے کہ ٹو تھرڈ میجارٹی ہے تو ترامیم لے آئیں، قوم فیصلہ کر لے تو آصف زرداری کیسے روکیں گے، انھوں نے برما میں آنگ سانگ سوچی کو میڈل پہنایا۔

    ان کا کہنا تھا کہ صدارتی نظام میں عوام براہ راست ایک شخص کو ووٹ دیں گے، پورا پاکستان سوچے گا کہ چیف ایگزیکٹو کس کو ہونا چاہیے، موجودہ صوبوں میں ایڈمنسٹریٹو یونٹس بنانا چاہیں تو الگ بات ہے، جس ملک میں پارلیمانی نظام کامیاب ہے وہاں صوبے نہیں ہوتے، صوبے کو صدارتی نظام میں بہت زیادہ خود مختاری ہوتی ہے، اور کابینہ صوبوں سے بھی منتخب کی جاسکتی ہے، صوبوں کو وسائل پر زیادہ کنٹرول ہوتا ہے۔

  • قوم اپنی صفوں میں اتحاد واتفاق کو یقینی بنائے‘ گورنرخیبرپختونخواہ

    قوم اپنی صفوں میں اتحاد واتفاق کو یقینی بنائے‘ گورنرخیبرپختونخواہ

    پشاور: گورنرخیبرپختونخواہ شاہ فرمان کا کہنا ہے کہ پاکستان کا مستقبل روشن ہے اور پاکستان قاہم رہنے کے لیے بنا ہے۔

    تفصیلات کے مطابق یوم پاکستان پر گورنرخیبرپختونخواہ شاہ فرمان نے اپنے پیغام میں کہا کہ آج ہی کے دن ایک الگ وطن کے قیام کا فیصلہ کیا گیا۔

    شاہ فرمان نے کہا کہ وقت نے ثابت کردیا کہ ہمارے آباؤاجداد نے نہایت درست فیصلہ کیا، ہماری آزادی، خودمختاری، غیرت، شان وشوکت اسی آزادی کی مرہون منت ہے۔

    گورنرخیبرپختونخواہ نے کہا کہ پاکستان کا مستقبل روشن ہے اور پاکستان قاہم رہنے کے لیے بنا ہے۔

    انہوں نے اپنے پیغام میں تمام ہم وطنوں سے اپیل کرتے ہوئے کہا کہ وہ اپنی صفوں میں اتحاد واتفاق کو یقینی بنائیں اور ان تمام باطل قوتوں کو ناکام بنا دیں جن سے یہ آزادی ہضم نہیں ہو رہی اور وہ ہماری صفوں میں انتشار برپا کرنا چاہتے ہیں۔

    یوم پاکستان پراسلام آباد میں مسلح افواج کی شاندار پریڈ

    واضح رہے کہ یوم پاکستان آج پورے قومی جوش و جذبے کے ساتھ منایا جارہا ہے، اس موقع پر اسلام آباد کے پریڈ گراؤنڈ میں مسلح افواج کی شاندار پریڈ کی گئی۔

    صدر مملکت ڈاکٹر عارف علوی، وزیراعظم عمران خان، چیئرمین جوائنٹ چیفس سمیت تینوں مسلح افواج کے سربراہ تقریب میں شریک تھے۔

    وفاقی دارالحکومت اسلام آباد کے پریڈ گراؤنڈ میں ہونے والی تقریب کے مہمان خصوصی ملیشیا کے وزیراعظم مہاتیرمحمد تھے۔

  • کے پی گورنر ہاؤس عوام کے لیے کھول دیا ہے، میوزیم بنایا جائے گا: گورنر شاہ فرمان

    کے پی گورنر ہاؤس عوام کے لیے کھول دیا ہے، میوزیم بنایا جائے گا: گورنر شاہ فرمان

    پشاور: خیبر پختونخوا کے گورنر شاہ فرمان نے کہا ہے کہ کے پی گورنر ہاؤس عوام کے لیے کھول دیا گیا ہے، گورنر ہاؤس میں آرٹ گیلری اور میوزیم بنایا جائے گا۔

    تفصیلات کے مطابق گورنر کے پی نے کہا کہ وزیرِ اعظم پاکستان عمران خان کی ہدایت پر سندھ، مری، پنجاب گورنر ہاؤسز کے بعد کے پی کا گورنر ہاؤس بھی عوام کے لیے کھول دیا گیا۔

    [bs-quote quote=”سب سے کم تنخواہ گورنر کی ہے جو 80 ہزار ہے، میری تنخواہ بڑھے گی تو مجھے خوشی ہوگی: گورنر کے پی” style=”style-7″ align=”left” color=”#dd3333″][/bs-quote]

    شاہ فرمان نے اے آر وائی نیوز کے پروگرام اعتراض ہے میں گفتگو کرتے ہوئے کہا کہ ضمنی الیکشن میں پی ٹی آئی کا ووٹ بینک کم نہیں ہوا بلکہ اپوزیشن کا کم ہوا ہے، پی کے 71 سے میرے بھائی کو ٹکٹ دینا غلط تھا، اس حلقے میں اب بھی پارٹی مضبوط ہے۔

    گورنر کے پی نے کہا کہ گورنر شپ کا فیصلہ پارٹی نے کیا تھا، میں نے عہدہ نہیں مانگا تھا، عمران خان سمجھتے ہوں گے کہ یہ عہدہ میں بہتر انجام دوں گا۔

    شاہ فرمان نے مزید کہا کہ سب سے کم تنخواہ گورنر کی ہے جو 80 ہزار ہے، میری تنخواہ بڑھے گی تو مجھے خوشی ہوگی، قانون کے مطابق گورنر اور وزیر کاروبار نہیں کر سکتا۔

    یہ بھی پڑھیں:  پشاور میں دس سال کے بچے پر گیس چوری کا مقدمہ

    گورنر کے پی کا کہنا تھا کہ کشمیر میں اور دہشت گردی کے خلاف قبائیلیوں نے بہت قربانیاں دی ہیں، ان کے ساتھ بیٹھ کر فیصلہ کرنا ہے کہ انھیں کون سا قانون چاہیے، قبائلیوں کی روایات کا خیال رکھیں گے، ان کی مرضی کے خلاف کوئی کام نہیں ہوگا، فاٹا میں تعلیم، روزگار اور صحت پر توجہ دیں گے۔

    [bs-quote quote=”ذاتی طور پر مولانا فضل الرحمان مجھے اچھے لگتے ہیں: شاہ فرمان” style=”style-7″ align=”right” color=”#dd3333″][/bs-quote]

    انھوں نے کہا کہ محمود خان وزیرِ اعلیٰ کے پی کے لیے بہترین امیدوار تھے، ان کا کوئی ذاتی ایجنڈا نہیں ہے، پارٹی میں گروپنگ کرنے والاخود ہی خراب ہوگا، چیزیں چھپتی نہیں ہیں، کوئی گروپنگ کرے گا تو پکڑا جائے گا۔

    شاہ فرمان نے کہا ’ذاتی طور پر مولانا فضل الرحمان مجھے اچھے لگتے ہیں، کوشش کروں گا موجودہ حالات میں مولانا صاحب کو سن سکوں۔‘

  • شاہ فرمان نے گورنر خیبرپختونخواہ کا حلف اٹھا لیا

    شاہ فرمان نے گورنر خیبرپختونخواہ کا حلف اٹھا لیا

    پشاور: وفاق کے نامزد کردہ پی ٹی آئی کے سینئر رہنما شاہ فرمان نے گورنرخیبرپختونخواہ کا حلف اٹھا لیا.

    تفصیلات کے مطابق چیف جسٹس پشاورہائیکورٹ نے گورنرخیبرپختونخواہ شاہ فرمان سے حلف لیا. شاہ فرمان خیبرپختون خواہ کے 32 ویں گورنر ہیں۔

    واضح رہے کہ شاہ فرمان نے پی کے 70 سے الیکشن لڑا تھا، پہلے انھیں کامیاب قرار دیا گیا، البتہ ووٹوں کی دوبارہ گنتی میں اے این پی کے خوش دل خان کامیاب ہوئے۔

    خوشدل خان نے پی کے 70 سے 15 ہزار 544 ووٹ حاصل کرکے پی ٹی آئی امیدوار کو 187 ووٹوں سے شکست دی۔

    بعد ازاں عمران خان کی جانب سے شاہ فرمان کو کے پی کے کا گورنر نامزد کر دیا گیا.

    مزید پڑھیں: خیبرپختون خواہ کے نامزد گورنر شاہ فرمان نے گورنرہاؤس استعمال نہ کرنے کا اعلان کر دیا

    نامزدگی کے بعد شاہ فرمان نے اپنے ایک بیان میں کہا تھا کہ قبائلی علاقوں کے مسائل حل کریں گے، فاٹا کو بھی خیبرپختون خواہ کے برابر ترقی دیں گے.

    انھوں نے یہ اعلان بھی کیا تھا کہ وہ عہدہ سنبھالنے کے بعد گورنر ہاؤس استعمال نہیں کریں گے.

    اس سے قبل مسلم لیگ ن کے نامزد کردہ ظفر اقبال جھگڑا کے پاس گورنر کے پی کا عہدہ تھا۔