Tag: شاہ محمود قریشی

راولپنڈی : سابق وزیر شاہ محمودقریشی نے صحافی کے بیرسٹر گوہر کو چیئرمین بنانے کے سوال پر جواب دیتے ہوئے کہا مجھے کسی عہدے کی ضرورت نہیں۔

تفصیلات کے مطابق اڈیالہ جیل میں سائفر کیس کی سماعت کے موقع پر صحافی نے سابق وزیر شاہ محمودقریشی سے سوال کیا کہ شاہ محمودقریشی صاحب بیرسٹر گوہر کو چیئرمین بنایا گیا؟

جس پر شاہ محمودقریشی نے جواب دیا کہ مجھے کسی عہدے کی ضرورت نہیں، پی ٹی آئی کیساتھ کل تھااورآج بھی ہوں اورآئندہ بھی رہوں گا۔

ان کا کہنا تھا کہ جوقانون کی حکمرانی سے محبت کرتے ہیں وہ باہر نکلیں اورووٹ ڈالیں، سربراہ پی ٹی آئی اورپارٹی کے لوگوں کےدلوں میں بس چکاہوں۔

اس سے قبل آفیشل سیکرٹ ایکٹ کے تحت قائم خصوصی عدالت کے جج ابو الحسنات محمد ذولقرنین نے اڈیالہ جیل میں سائفر کیس کی سماعت کی، سربراہ پی ٹی آئی کے وکلاء نے عدالتی سماعت پر اعتراض اٹھایا۔

ایڈووکیٹ عثمان گل کا کہنا تھا کہ عدالتی سماعت کیلئے جاری نوٹیفیکیشن میں قانونی تقاضے پورے نہیں کئے گئے جب تک نیا نوٹیفیکیشن نہیں ہوتا کاروائی آگے نہیں بڑھ سکتی ۔

جج ابو الحسنات محمد ذولقرنین کا کہنا تھا کہ اسلام آباد ہائیکورٹ کا ڈویژنل بینچ جج کی تعیناتی کا نوٹیفیکیشن درست قرار دے چکا ہے۔

بعد ازاں سائفر کیس میں عدالت نے سربراہ پی ٹی آئی اور شاہ محمود قریشی پر بارہ دسمبر کو فرد جرم عائد کرنے کی تاریخ مقرر کردی۔

اسلام آباد : پاکستان تحریک انصاف کے وائس چیئرمین شاہ محمود قریشی نے سائفر رولز اور گائیڈلائنزکے حصول کیلئے درخواست دائر کردی۔

تفصیلات کے مطابق پاکستان تحریک انصاف کے وائس چیئرمین شاہ محمود قریشی نے سائفر رولز اور گائیڈلائنزکے حصول کیلئے ہائیکورٹ سے رجوع کر لیا۔

شاہ محمود قریشی کی سائفر سے متعلق کابینہ فیصلوں کےحصول کیلئے بھی درخواست دائر کی، دونوں درخواستیں وکیل علی بخاری اور وکیل فائزہ اسد ملک کے ذریعے دائر کیں۔

درخواست میں کہا گیا کہ خصوصی عدالت میں سائفر رولز،کابینہ فیصلوں کیلئے درخواستیں دائر کی گئیں،خصوصی عدالت نے درخواستوں کو عدالتی ذہن استعمال کیے بغیر مسترد کر دیا، ٹرائل کورٹ کا سائفر فائیڈ لائنز، کابینہ فیصلےفراہم نہ کرنےکافیصلہ آرٹیکل 10 اے کیخلاف ہے۔

درخواست میں استدعا کی گئی کہ عدالت ٹرائل کورٹ کے27 اکتوبر،7 نومبر کے فیصلوں کو کالعدم قرار دے اور خصوصی عدالت کو سائفر گائیڈ لائنزاور رولز فراہم کرنے کی ہدایت دی جائے۔

شاہ محمود قریشی کا کہنا تھا کہ اسلام آباد ہائیکورٹ خصوصی عدالت کوسائفر پرکابینہ فیصلے بھی فراہم کرنےکی ہدایت دے اور سائفر گائیڈ لائنز ،کابینہ فیصلوں کی فراہمی تک ٹرائل روکنے کے بھی احکامات دے۔

اسلام آباد : سابق وزیر خارجہ شاہ محمود قریشی نے سائفر کیس میں ضمانت کیلئے سپریم کورٹ سے رجوع کرلیا، جس میں کہا ہے کہ سائفر کیس سیاسی بنیادوں پر بنایا گیا ہے۔

تفصیلات کے مطابق سابق وزیر خارجہ شاہ محمود قریشی نے سائفر کیس میں ضمانت کیلئے سپریم کورٹ سے رجوع کرتے ہوئے ضمانت مسترد کرنے کا فیصلہ چیلنج کردیا۔

درخواست شاہ محمود قریشی کے وکیل بیرسٹر علی بخاری کی جانب سے دائر کی گئی، جس میں مؤقف اختیار کیا گیا کہ ماتحت عدالتوں نے حقائق کا درست جائرہ نہیں لیا، سائفر کیس سیاسی بنیادوں پر بنایا گیا۔

درخواست میں کہا گیا ہے کہ سائفر کیس میں درج ایف آئی آر قانون کے تقاضوں کو مد نظر نہیں رکھا گیا، سائفر کیس میں درج ایف ائی ار میں ملزم کا براہ راست تعلق نہیں بتایا گیا، میرا کردار مرکزی ملزم کے ساتھ نہیں ملایا جا سکتا۔

دائر درخواست میں کہنا تھا کہ درخواست گزار وزیر خارجہ ہونے کی بنیاد پر 248 کے تحت استثنیٰ رکھتا ہے۔

یاد رہے اسلام آباد ہائی کورٹ نے سائفر کیس میں پی ٹی آئی رہنما شاہ محمود قریشی کی ضمانت مسترد کرنے کا تفصیلی فیصلے میں کہا تھا کہ چیئرمین پی ٹی آئی پر لگی دفعات میں عمر قید یا سزائے موت ہے، شاہ محمود کو اسی تناظر میں دیکھا جائے گا۔

راولپنڈی : پاکستان تحریک انصاف کے وائس چیئرمین شاہ محمود قریشی کی بیٹی مہر بانو کا کہنا ہے والد اپنےموقف پرڈٹے ہیں ، ان کی 40 سال کی شفاف سیاست پر کرپشن کا کوئی داغ نہیں۔

تفصیلات کے مطابق پاکستان تحریک انصاف کے وائس چیئرمین شاہ محمود قریشی کی بیٹی مہربانو نے اڈیالہ جیل کے باہر میڈیا سے گفتگو کرتے ہوئے کہا کہ سائفرکیس میں جو الزام شاہ محمودقریشی پرلگائےگئےہیں غلط ہیں، شاہ محمودقریشی نےبطوروزیراپنے کردار کے مطابق کام کیا اور ملک خدمت کی حلف کی پاسداری کی۔

مہربانو کا کہنا تھا کہ والد صاحب کی صحت بالکل ٹھیک ہے اور وہ اپنے موقف پر ڈٹے ہوئے ہیں، ۔ان کا موقف اصولی ہے، ان پر بے بنیاد مگر سنگین الزامات لگائے گئے، میرے والد کی چالیس سال کی شفاف سیاست پر کرپشن کا کوئی داغ نہیں۔

اپنے بھائی کے حالے سے انھوں نے بتایا کہ اکلوتے بھائی پر بھی لاتعداد ایف آئی آرز ہیں۔

سائفر کیس کی سماعت سے متعلق شاہ محمود قریشی کی بیٹی کا کہنا تھا کہ وکلا مصروفیت کے باعث پیش نہیں ہوئے،سماعت ملتوی ہو گئی، آج پہلی مرتبہ وکلاصفائی کوعدالت جانے کی اجازت دی گئی ، وہ چاہتے ہیں کہ کارروائی میں شفافیت ہو اور یہ ظاہر بھی ہو۔

مہربانو نے مزید کہا کہ ٹرائل شفاف ہوتومیڈیا کو بھی اندرآنےکی اجازت دی جائیں، سائفرکیس میں انصاف ہوتا ہوا نظر بھی آنا چاہےاور شکوہ کیا کہ والد کو گھر سے کھانا دینے کی اجازت نہیں۔

اسلام آباد : پاکستان تحریک انصاف کے وائس چیئرمین شاہ محمود قریشی کو اڈیالہ جیل میں طبعیت خراب ہونے پر اسپتال منتقل کردیا گیا، ان کو پتے میں تکلیف محسوس ہوئی ہے۔

تفصیلات کے مطابق پاکستان تحریک انصاف کے وائس چیئرمین شاہ محمود قریشی کی اڈیالہ جیل میں طبعیت ناساز ہوگئی ،جس کے بعد جیل انتظامیہ نے جج ابوالحسنات ذوالقرنین سے انہیں پمز منتقل کرنے کی اجازت مانگی۔

جیل انتظامیہ کی جانب سے درخواست میں کہا گیا کہ ڈاکٹرنےایڈوائس کی ہے شاہ محمود قریشی کے ٹیسٹ کروانے ہیں، اڈیالہ جیل میں ڈاکٹر کی ایڈوائس پر پمز منتقل کرنے کی اجازت دی جائے۔

جج ابوالحسنات ذوالقرنین نے پمزاسپتال منتقل کرنے کیلئے جیل انتظامیہ کی درخواست منظور کرلی، جیل انتظامیہ کے مطابق شاہ محمود قریشی کو پتے میں تکلیف محسوس ہوئی ہے، وہ سائفر کیس میں جوڈیشل ریمانڈ پر اڈیالہ جیل میں ہیں۔

یاد رہے منگل کو خصوصی عدالت نے پاکستان تحریک انصاف (پی ٹی آئی) کے چیئرمین اور وائس چیئرمین شاہ محمود قریشی کے خلاف توہین عدالت کیس کی سماعت 7 نومبر تک ملتوی کردی تھی۔

اسلام آباد : سائفر کیس میں چیئرمین پی ٹی آئی اور شاہ محمود قریشی کیخلاف فردِ جرم کے مندرجات میں کہا گیا کہ سائفر ٹیلی گرام کے حقائق کو توڑ مروڑ کر پیش کیا گیا اور قومی سلامتی کے برعکس ذاتی مقاصد کیلئے استعمال کیا گیا۔

تفصیلات کے مطابق سائفر کیس چیئرمین پی ٹی آئی اور شاہ محمود قریشی کیخلاف فردِ جرم کے مندرجات سامنے آگئے، فرد جرم میں کہا گیا ہے کہ رواں سال پندرہ اگست کو سائفر کیس کامقدمہ درج کیا گیا، ملزمان خفیہ دستاویزکی معلومات سےمتعلق رابطوں میں ملوث پائے گئے۔

مندرجات میں کہنا تھا کہ سات مارچ دوہزار بائیس کوواشنگٹن سےموصول سائفرٹیلی گرام کوغیر متعلقہ افرادکوسونپاگیا، سائفرکےحقائق کوتوڑمروڈ کرپیش کیا اور قومی سلامتی کےبرعکس ذاتی مقاصدکیلئےاستعمال کیا۔

مندرجات میں مزید گیا گیا کہ اٹھائیس مارچ دوہزاربائیس کوبنی گالہ میں خفیہ اجلاس میں سائفرمندرجات کاغلط استعمال کیا گیا، اس وقت کے وزیراعظم نے اپنے سیکریٹری اعظم خان کو سائفر منٹس اپنے انداز سے تیار کرنے کا کہا اور اُس وقت کے وزیراعظم نے بد دیانتی اور بدنیتی سے جان بوجھ کرسائفر کو غیر قانونی طور پر اپنے قبضے میں رکھا۔

عدالت کا کہنا تھا کہ ملزمان نے ریاست کے سائفر سیکورٹی سسٹم پرسمجھوتا کیا، سائفرٹیلی گرام پربد دیانتی سے ریاست کو نقصان پہنچا، امریکامیں سابق سفیر ڈاکٹر اسد مجیدنے ڈونلڈ لو کو پاکستان ہاؤس میں ظہرانہ دیا، ملاقات میں گفتگو کے منٹس سائفرٹیلی گرام کے ذریعے سیکرٹری خارجہ کوبھجوائے گئے۔

مندرجات کے مطابق قوائد وضوابط کےمطابق سائفرخفیہ دستاویز ہونے پر شیئر نہیں کیا جاسکتا، اس لیےچیئرمین پی ٹی آئی اور سابق وزیر خارجہ شاہ محمود قریشی کو مجرم قراردیا جائے، شواہد اورگواہان کے بیانات سامنے رکھتے ہوئے باقائدہ ٹرائل شروع کیاجائے۔

مندرجات میں یہ بھی بتایا گیا کہ خفیہ دستاویزکوآپ نے جلسےمیں بھی استعمال کیا، جان بوجھ کرسائفرکی معلومات لوگوں کو فراہم کیں، خفیہ دستاویزکی معلومات جان بوجھ کرآپ نےغیرمتعلقہ لوگوں کوفراہم کی، آپ نےخفیہ دستاویزکی غیرقانونی طورپرمعلومات فراہم کیں جوریاست پاکستان کےمفادات کیخلاف ہے اور آپ نے خفیہ دستاویزکو سیاسی مقاصد کیلئےغیر قانونی طور پر اپنے پاس رکھا۔