ARYNews.tv | Urdu – Har Lamha Bakhabar

Tag: شاہ محمود قریشی

  • عمران خان کا سراج الحق کے بارے میں بیان غلط فہمی کا نتیجہ ہے، شاہ محمود قریشی

    عمران خان کا سراج الحق کے بارے میں بیان غلط فہمی کا نتیجہ ہے، شاہ محمود قریشی

    اسلام آباد: پاکستان تحریک انصاف کے وائیس چئیرمین شاہ محمود قریشی نے کہا ہے عمران خان کا سراج الحق کے بارے میں بیان غلط فہمی کا نتیجہ ہے۔

    تحریک انصاف اور جماعت اسلامی میں غلط فہمیاں دور کرنے کے لیے شاہ محمود قریشی اور پرویز خٹک نے امیرجماعت اسلامی سراج الحق سے رابطہ کرلیا، دونوں رہنماوں نے عمران خان کے جماعت اسلامی کے بارے میں بیان کی وضاحت کردی،شاہ محمود قریشی اور وزیر اعلی خیبرپختونخوا پرویز خٹک امیر جماعت اسلامی سراج الحق کو فون کے کرکے غلط فہمی کی وضاحت کی،شاہ محمود قریشی کا سراج الحق سے کہنا تھا عمران خان کا جماعت اسلامی کے خلاف بیان غلط فہمی کا نتیجہ ہے،عمران خان اور سراج الحق کے درمیان جلد ملاقات ہوگی۔

  • جماعت اسلامی کے امیرسراج الحق کی شاہ محمود قریشی سے ملاقات

    جماعت اسلامی کے امیرسراج الحق کی شاہ محمود قریشی سے ملاقات

    لاہور: امیر جماعت اسلامی سراج الحق نے پی ٹی آئی کے وائس چیئرمین شاہ محمود قریشی کے درمیان جما عت اسلامی کے مرکز منصورہ میں ملاقات ہوئی، جس میں دھرنوں اور ملک کی موجودہ سیاسی صورتحال پر تبادلہ خیال کیا گیا۔

    منصورہ میں تحریک انصاف کے وائس چیئرمین شاہ محمود قریشی سے ملاقات کے بعد میڈیا سے گفتگو کرتے ہوئے سراج الحق نے کہا کہ تحریک انصاف کے اراکین اسمبلی کے استعفے منظورنہیں ہونے چاہیئیں، اس سے ملک میں سیاسی بحران کم نہیں ہوگا۔

    انہوں نے کہا کہ پاکستان عوامی تحریک کا انتخابات میں حصہ لینے کا اعلان خوش آئند ہے، امید ہے کہ ڈاکٹر طاہر القادری اس فیصلے پر قائم رہیں گے۔

     اس موقع پر شاہ محمود قریشی کا کہنا تھا کہ حکومت سنجیدگی کا مظاہرہ کرے تو سیاسی تناؤ میں کمی آسکتی ہے، حکومت کی کارکردگی اچھی ہوتی تو عوام احتجاج پر مجبور نہ ہوتے، انہوں نے کہا کہ مذاکرات کا آغاز ہوا تو نہ جانے حکومت کہاں غائب ہوگئی، جلد اپنے استعفوں کی منظوری کےلیے اسپیکر قومی اسمبلی سے ملاقات کرینگے۔

  • پی ٹی آئی کے دھرنوں میں گانے اور ترانے نہیں ہونگے، شاہ محمود قریشی

    پی ٹی آئی کے دھرنوں میں گانے اور ترانے نہیں ہونگے، شاہ محمود قریشی

    اسلام آباد: پاکستان تحریک انصاف کے رہنما شاہ محمودقریشی کا کہنا ہے کہ محرم میں بھی آزادی دھرنا جاری رہے گا تاہم احتراماً ترانے اور گانے نہیں ہوں گے۔

    تحریک انصاف کے رہنما شاہ محمود قریشی نے میڈیا سے بات کرتے ہو ئے کہا کہ عاشور کے بعد نو نومبر کوتحریک انصاف رحیم یارخان میں جلسہ کرے گی۔ ان کا کہنا تھا کہ محرم میں بھی آزادی دھرنا جاری رہےگا تاہم ترانے اور گانے نہیں ہونگے۔

    شاہ مھمود قریشی نے کہا کہ پی ٹی آئی کے دھرنوں میں پندرہ نومبرکو ساہیوال اورتیس نومبرکو اسلام آباد میں لاکھوں افراد کا اجتماع ہوگا۔ انھوں نے مزید کہا کہ بہت بڑی تعداد میں عوام تحریک انصاف میں شامل ہونا چاہتے ہیں اور مقاصد کے حصول تک دھرنا جاری رہے گا۔

  • ملتانیوں نے سیاست پرلگا داغ دھو دیا،شاہ محمود قریشی

    ملتانیوں نے سیاست پرلگا داغ دھو دیا،شاہ محمود قریشی

    ملتان: پی ٹی آئی کے سینئر وائس چیئرمین شاہ محمود قریشی نے کہا ہے کہ ملتان نے پاکستان کی سیا ست بدل دی ہے ۔ملتان پر جو داغ لگا تھا ملتانیوں نے اُسے دھو دیا ہے ۔

    پی ٹی آئی کے حمایت یا فتہ آزاد اُمیدوار عامرڈوگر کی کامیابی کے بعد پی ٹی آئی کے سینئر وائس چیئرمین شاہ محمود قریشی نے کہا ہے کہ ملتا ن نے پاکستان کی سیاست کو تبدیل کردیا ہے ۔

    ملتان کے حلقہ ایک سو اُنچاس میں ضمنی الیکشن کے ابتدائی غیر سرکاری نتائج کے بعد میڈیا سے گفتگو کرتے ہوئے  شاہ محمود قریشی نے کہا کہ  یہاں کے لوگوں نے ایک گیند سے سے دو وکٹیں گرائیں ہیں ۔

    اُن کا کہنا تھا کہ تحریک انصاف نے شفاف الیکشن کیلئے باقاعدہ منصوبہ بندی کی تھی، جس کے نتیجہ سامنے آیا۔

    جاوید ہاشمی کی شکست پر تبصرہ کرتے ہوئے اُن کا کہنا تھا کہ ضمنی انتخاب میں خرگوش شیر کو کھا گیا اور پیپلز پارٹی کی ضمانت ضبط ہوگئی ہے ۔ شاہ محمود قریشی نےکا کہنا تھا کہ اہمیت کُرسی کی نہیں عمران خان کی سیاست کی ہے۔

  • شاہ محمود قریشی کی غفلت سے سانحہ ملتان رونما ہوا،جاوید ہاشمی

    شاہ محمود قریشی کی غفلت سے سانحہ ملتان رونما ہوا،جاوید ہاشمی

    ملتان:  سینئر سیاستدان مخدوم جاوید ہاشمی کا کہنا ہے کہ اگر شاہ محمود قریشی غفلت ولاپرواہی نہ برتتے تو سانحہ ملتان رونما نہ ہوتا۔ملتان میں پریس کانفرنس میں جاوید ہاشمی نے کہا کہ شاہ محمود قریشی کو بتادیا گیا تھا کہ جلسے میں بھگڈر مچ گئی ہے۔

    لہذا عمران خان کو تقریر معطل کرنے کو کہا جائے لیکن انہوں نے کہا کہ یہ معمولی بات ہے،انہوں نے کہا ہم کیسی سیاست کررہے ہیں کہ ہرموقع پر لاشوں کے گرنے کا انتظار کرتے ہیں۔

    جاوید ہاشمی کا کہنا تھاکہ پارٹی میں کچھ لوگ عمران خان کے مستقبل کو تاریک کرنا چاہتے ہیں۔ انہوں نے کہا کے وہ سانحہ ملتان میں جاں بحق ہونے والے افراد کے لواحقین کے دکھ میں برابر کے شریک ہیں۔

  • سانحہ ملتان اتفاقیہ نہیں سازش ہے، شاہ محمود قریشی

    سانحہ ملتان اتفاقیہ نہیں سازش ہے، شاہ محمود قریشی

    ملتان: تحریکِ انصاف کے رہنماء شاہ محمود قریشی نے انکشاف کیا ہے کہ سانحہ ملتان کی بھگدڑ اتفاقیہ نہیں سازش ہے، انتظامیہ نےجان بوجھ کر حالات خراب کی کی کوشش کی۔

    تحریکِ انصاف کے وائس چیئرمین شاہ محمود قریشی سانحہ ملتان پر پھٹ پڑے، پی ٹی آئی رہنماء نے کہا ہے کہ سیکیورٹی کی ذمہ داری انتظامیہ کی ہوتی ہے۔

    شاہ محمود قریشی نے کہا ہے کہ حکومت نے جان بوجھ کر عمران خان کی جان خطرے میں ڈالی، شاہ محمود قریشی نے بتایا کہ عمران خان تعزیت کیلئے کل ملتان آرہے ہیں۔

    تحریکِ انصاف کے رہنماء نے کہا کہ بھگڈر سے سات کارکن جاں بحق ہوئے، حکومت گلو بٹوں کے ذریعے سیاست نہ کرے۔

  • عمران خان اورشاہ محمود نے پنجاب حکومت کوملتان واقعہ کاذمہ دار قراردے دیا

    عمران خان اورشاہ محمود نے پنجاب حکومت کوملتان واقعہ کاذمہ دار قراردے دیا

    اسلام آباد: تحریک انصاف کے سربراہ عمران خان سانحہ ملتان کی پرزور مذمت کرتے ہوئے واقعے کا ذمہ دار پنجاب حکومت کو قرار دے دیا ہے۔

    اسلام آباد میں دھرنے کے شرکاء سے خطاب کرتے ہوئے پاکستان تحریک انصاف کے چیئرمین عمران خان کا کہنا تھا کہ ملتان میں ایک بلاول کیلئے سکیورٹی کے اتنہائی سخت انتظامات کیئے گئے،لاکھوں کے مجمع کو تنہاچھوڑدیا گیا، انہوں نے کہا کہ اگرانتظامیہ چھ گیٹ کھول دیتی تو یہ اندوہناک سانحہ رونما نہ ہوتا، عمران کا کہنا تھاکہ انتظامیہ قابل اعتبار نہیں،آئندہ کے جلسے جلوس کی تمام ذمہ داری پی ٹی آئی کےکارکنان نبھائیں گے۔

    سانحہ ملتان پرپاکستان تحریک انصاف کے وائس چیئرمین شاہ محمود قریشی نے انتظامیہ کو کڑی تنقید کا نشانہ بناتے ہوئے کہا کہ خوشی کی محفل کو نااہل انتظامیہ نے ماتم کدہ میں تبدیل کیا، پولیس نےتحریک انصاف کےساتھ تعاون نہیں کیا،اتنابڑامجمع دیکھنے کے باوجود گیٹس بند کردیےگئے، ہماری خوشی غم میں بدل گئی ہے۔

    دوسری جانب ڈی سی اوملتان زاہدسلیم گوندل نے شاہ محمود قریشی کی جانب سے انتظامیہ پرعائد کردہ الزامات کی وضاحت کرتے ہوئے کہا کہ تحریک انصاف نےتحریری طورپربتایاتھاکہ جلسہ گاہ کےانتظامات خودکرینگے،لہذا یہ ان کی ذمےداری تھی کہ وہ جلسہ ختم ہونے کےبعد صیح طریقے سے انتظامات سمبھالتے۔

  • تحریک انصاف کے احتجاج کا مقصد حکومت گرانا نہیں،شاہ محمود قریشی

    تحریک انصاف کے احتجاج کا مقصد حکومت گرانا نہیں،شاہ محمود قریشی

    لاہور: تحریک انصاف کے مرکزی رہنما شاہ محمود قریشی نے واضح طور پر کہا ہے کہ تحریک انصاف کے احتجاج کا مقصد حکومت گرانا نہیں ہے، انصاف کا حصول چاہتے ہیں۔،

    لاہورایئرپورٹ پرمیڈیاسے گفتگو کرتے ہوئے شاہ محمود قریشی کا کہنا تھا کہ انتخابات متنازعہ تھے، ان کاکہناتھاکہ اگرنواز شریف چیف ایگزیکٹیو رہے تو وہ عدالتی کمیشن پر اثر انداز ہو سکتے ہیں۔

    انہوں نے پیش گوئی کی کہ اٹھارہ اکتوبر کے جلسے میں بلاول بھٹو نوازشریف کو ہری جھنڈی دکھا دیں گے۔ شاہ محمود قریشی کاکہنا تھاکہ وہ قانون کااحترام کرتے ہیں اورہمیشہ صاف ستھری سیاست کی ہے۔

  • اسلام آباد الیکٹرک کاعمران خان کو بجلی کاٹنےکا نوٹس

    اسلام آباد الیکٹرک کاعمران خان کو بجلی کاٹنےکا نوٹس

    اسلام آباد: آئیسکو نے عمران خان کو بجلی کاٹنے کا نوٹس بھیج دیا ہے، نوٹس میں سات دن میں بجلی کا بل ادا کرنے کی ہدایت کی گئی ہے۔

    تفصیلات کے مطابق بجلی منقطع کرنے کا یہ نوٹس الیکٹرک سٹی ایکٹ 1910ءکے تحت بھیجا گیا ہے جس میں عمران خان کو 7 روز میں بنی گالا کے تمام بقایاجات جمع کرانے کی ہدایت کی گئی ہے۔

    دوسری جانب ملتان الیکٹرک سپلائی کمپنی کے مطابق شاہ محمود قریشی کے استعمال میں بجلی کے آٹھ میٹرز ہیں ، میپکو ذرائع نےشاہ محمود قریشی کو بجلی کے آٹھ میٹرز کو ایک میٹر پر منتقل کرانے کیلئےپندرہ دن کا وقت دے دیا ہے، میپکو ذرائع کا کہنا ہے کہ اگر آٹھ میٹروں کی جگہ ایک میٹر نہ لگایا گیا تو شاہ محمود قریشی کےخلاف کارروائی عمل میں لائی جائیگی۔

  • اسپیکرکےسامنےاجتماعی طورپرپیش ہونگے، شاہ محمودقریشی

    اسپیکرکےسامنےاجتماعی طورپرپیش ہونگے، شاہ محمودقریشی

    ملتان: تحریک انصاف کے رہنماء شاہ محمود قریشی کا کہنا ہے کہ حکومت جرگے کوئی اہمیت نہیں دے رہی اور نہ ہی جرگے کی تجاویز پرعمل کررہی ہے۔

    اسلام آباد میں پارلیمانی کمیٹی کے اجلاس بعد میڈیا سے گفتگو کرتے ہوئے شاہ محمود قریشی کا کہنا تھا کہ حکومت کی حکمت عملی مناسب نہیں تحریک انصاف آئین کا احترام کرتی ہے اور جمہوری طریقے سے مذاکرات کی حامی ہے۔

    استعفوں کے معاملے پر شاہ محمود قریشی کا کہنا تھا کہ تحریک انصاف کہ ارکان پارلمینٹ نے اجتماعی طور اسپیکر قومی اسمبلی کے سامنے پیش ہونے فیصلہ کیا ہے، تحریک انصاف کی پارلیمانی کمیٹی کے اجلاس میں شیریں مزاری،عارف علوی سمیت دیگر رہنماء شریک ہوئے تاہم عمران خان نجی مصروفیت کے باعث اجلاس میں شریک نہ ہوسکے۔