Tag: شاہ محمود

اسلام آباد: وزیرخارجہ شاہ محمود قریشی اور روسی ہم منصب سرگئی لاوروف کے درمیان ٹیلی فونک رابطہ ہوا، اس دوران کرونا صورت حال اور دوطرفہ تعلقات سمیت دیگر باہمی دلچسپی کے امور پر تبادلہ خیال کیا گیا۔

تفصیلات کے مطابق شاہ محمود قریشی اور سرگئی لاروف کے درمیان ہونے والی ٹیلی فونک گفتگو کے دوران وبا سے نمٹنے کے لیے مربوط اور مشترکہ کاوشیں بروئے کار لانے کی ضرورت پر زور دیا گیا، دونوں رہنماؤں نے علاقائی صورت حال سمیت دیگر تعلقات کو مزید مضبوط بنانے پر اتفاق کیا۔

وزیرخارجہ شاہ محمود قریشی کا کہنا تھا کہ پاکستان روس سے تعلقات کو انتہائی قدر کی نگاہ سے دیکھتا ہے، روس کے ساتھ دو طرفہ تعلقات کو مزید مستحکم بنانے کے متمنی ہیں۔

ٹیلی فونک گفتگو کے دوران وزیراعظم کے ڈیٹ ریلیف کی فراہمی کی تجویز سے روسی وزیرخارجہ کو آگاہ کیا گیا، دریں اثنا افغان صورتحال اور افغان امن عمل میں پیشرفت سے متعلق بھی بات چیت ہوئی۔

وزیرخارجہ کا روسی ہم منصب سے رابطہ، امریکا ایران کشیدگی پر گفتگو

شاہ محمود قریشی نے کہا کہ افغان امن عمل میں مصالحانہ کردار ادا کرتے رہیں گے، بھارتی قابض افواج کا مقبوضہ جموں وکشمیر میں ظلم تشویشناک ہے، مقبوضہ کشمیر کے 80 لاکھ شہری دہرالاک ڈاؤن برداشت کررہے ہیں، بھارتی قابض افواج کشمیریوں کا ماورائے عدالت قتل عام کررہی ہیں۔

ان کا کہنا تھا کہ اپنے ہی ملک میں اقلیتوں سے بھارت کا رویہ تضحیک آمیز ہے، بھارت کا بھارتی مسلمانوں کو کرونا کا ذمہ دارقرار دینا قابل مذمت ہے، عالمی برادری کو بھارت کے منفی رویے کا فوری نوٹس لینا چاہیے۔

دونوں وزرائے خارجہ کا باہمی روابط کا سلسلہ جاری رکھنے پر اتفاق کیا۔

اسلام آباد: وزیرخارجہ شاہ محمود قریشی نے کہا ہے کہ کرونا وبا کے تناظر میں ہمیں دیرپا حکمت عملی اپنانا ہوگی، ہمیں پارلیمانی ممبران کی سیفٹی اور سیکیورٹی کا مناسب بندوبست بھی کرنا ہوگا۔

تفصیلات کے مطابق آج فخر امام کی زیرصدارت پارلیمانی کمیٹی برائے ورچول سیشن کے تیسرا اجلاس ہوا، اجلاس سے خطاب کرتے ہوئے وزیرخارجہ شاہ محمود قریشی کا کہنا تھا کہ گزشتہ اجلاس کے بعد میری برطانوی ہائی کمشنر سے ملاقات ہوئی، دریافت کیا برطانوی پارلیمنٹ اجلاس کا کیا طریقہ کار اپنا رہی ہے؟۔

وزیرخارجہ نے کہا کہ برطانوی ہائی کمشنر نے ایک نوٹ لکھ کر دیا جو میں آپ کو پیش کر رہا ہوں، برطانوی پارلیمنٹ نے ہائیبرڈ اجلاس کے انعقاد کا طریقہ کار بنایا، میری رائے میں سوال وجواب کا سلسلہ نہیں ہونا چاہیے۔

ان کا کہنا تھا کہ کرونا وبا کے تناظر میں ہمیں دیرپا حکمت عملی اپنانا ہوگی، ہمیں ممبران کی سیفٹی اور سیکیورٹی کا مناسب بندوبست کرنا ہوگا۔ بلوچستان اور سندھ ممبران کی اجلاس میں شرکت کیلئے اسپیشل انتظامات کرنا ہوں گے۔

پاکستان میں کرونا وبا سے اموات 486، تصدیق شدہ کیسز کی تعداد 21501 ہو گئی

شاہ محمود کا مزید کہنا تھا کہ گیلریز میں لوگوں کو بلاجواز داخلے سے روکا جائے، کرونا متعلقہ اجلاس میں ہم کورم کی نشاندہی نہیں کریں گے، پیر کو دو پہر 3بجے پارلیمنٹ کا اجلاس بلانے کا فیصلہ ہوا ہے۔

اجلاس کے بعد میڈیا سے گفتگو کرتے ہوئے شاہ محمود قریشی نے کہا کہ پارلیمانی رہنماؤں کے اجلاس میں مختلف تجاویز سامنے آئیں، اجلاس ایک دن کے وقفے سے جاری رہے گا، یہ بھی طے ہوا کہ قومی اسمبلی اجلاس میں کورم کی نشاندہی نہیں کی جائے گی، اجلاس کو کروناوائرس پر بحث کیلئے محدود رکھا جائے گا۔

اسلام آباد: وزیرخارجہ شاہ محمود قریشی نے کہا ہے کہ بھارتی میڈیا نے پاکستان سے دہشت گردی جوڑنے کی کوشش کی، امریکی صدر نے بھارت میں پاکستان کی وکالت کی جس سے پاکستان سے متعلق سوال بھارتی میڈیا کو الٹا پڑگیا۔

اے آر وائی نیوز کے مطابق اپنے ایک بیان میں وزیرخارجہ کا کہنا تھا کہ امریکی انتظامیہ کے ساتھ اب اعلیٰ سطح پر رابطے ہیں، اب تبدیلی آچکی ہے، اسے تسلیم کیا جائے، امریکا کے ساتھ تعلقات مزید بہتر بنانے کی کوشش کررہے ہیں۔

انہوں نے کہا کہ 29 فروری کے بعد اگلا مرحلہ انٹرا افغان ڈائیلاگ کا ہے، افغانستان کا مسئلہ افغانیوں نے خود حل کرنا ہے، پالیسی ہے افغانستان کے معاملات میں مداخلت نہیں کرنی، پاکستان نے ناممکن کو ممکن کردکھایا ہے۔

شاہ محمود قریشی کا مزید کہنا تھا کہ افغانستان سے متعلق ہم نے اپنی ذمہ داری پوری کی ہے، افغان انتخابی نتائج ان کا اندرونی معاملہ ہے مداخلت نہیں کی، خواہش ہے اندرونی معاملات سے امن کے سفر میں تعطل پیدا نہ ہو۔

ٹرمپ نے وعدے کے مطابق کشمیر پر بھارتی وزیر اعظم سے بات کی: شاہ محمود قریشی

قبل ازیں وزیر خارجہ شاہ محمود قریشی نے پڑوسی ملک بھارت میں موجودہ صورت حال اور امریکی صدر کے دورے سے متعلق اہم بیان جاری کرتے ہوئے کہا تھا کہ بھارتی میڈیا نے ٹرمپ پریس کانفرنس کو اپنے مقاصد کے لیےاستعمال کیا، جب کہ صدر ٹرمپ نے دہشت گردی کے خلاف پاکستان کی کاوشوں کو سراہا۔

اسلام آباد: وزیرخارجہ شاہ محمود قریشی کا کہنا ہے کہ بھارتی دارالحکومت نئی دہلی میں جو ہورہا ہے اس حوالے سے دنیا کو نوٹس لینا چاہیئے۔

اے آر وائی نیوز کے مطابق اپنے ایک بیان میں شاہ محمود کا کہنا تھا کہہ نئی دہلی میں فسادات کے نتیجے میں 10 افراد جاں بحق ہوچکے ہیں، عمارتوں کو آگ لگائی جارہی ہے۔

انہوں نے زور دیتے ہوئے کہا کہ دنیا کو بھارت میں ہونے والے فسادات کا نوٹس لینا چاہیئے۔

خیال رہے کہ بھارت کے دارالحکومت میں ہندو انتہا پسند نے حکومتی سرپرستی میں‌ مسلمانوں کے گھروں کو نذر آتش کرنے کے بعد مسجد پر حملہ کردیا ہے۔

یاد رہے کہ بھارت کے شہر نئی دہلی میں ایک روز قبل اچانک ہندو انتہا پسندوں نے متنازع شہریت قانون کے خلاف مظاہرے کرنے والے مظاہرین پر حملے کیے اور انہوں نے مسلمانوں کے گھر بھی نذر آتش کیے۔ رپورٹ کے مطابق بھارت میں ہونے والے پرتشدد واقعات میں اب تک پولیس اہلکار سمیت 7 افراد ہلاک ہوئے۔

مودی کے ساتھ پریس کانفرنس، ٹرمپ کی ایک بار پھر پاکستان کی تعریف

انٹرنیٹ پر کئی ایسی ویڈیوز اور تصاویر سامنے آئیں جن میں دیکھا جاسکتا ہے کہ ہندو انتہا پسندوں کو پولیس کی مکمل سرپرستی حاصل ہے اور وہ انہیں روکنے کے بجائے مظاہرین پر تشدد کررہے ہیں۔