Tag: شاہ محمود

بشکیک: وفاقی وزیر خارجہ شاہ محمود قریشی نے کہا ہے کہ پاکستان وسط ایشیائی ملکوں کی تجارتی منڈیوں تک رسائی چاہتا ہے، ایشیاء کے تمام ممالک ہمارے لیے اہم ہیں۔

تفصیلات کے مطابق بشکک پہنچنے کے بعد پاکستانی کیمونٹی سے خطاب کرتے ہوئے شاہ محمود قریشی کا کہنا تھا کہ کرغزستان میں2600 پاکستانی طلبا زیر تعلیم ہیں، امید ہے وہ ملک کا مثبت تشخص اجاگر کریں گے کیونکہ وہ کرغزستان میں پاکستان کےچلتےپھرتے سفیر ہیں۔

اُن کا کہنا تھا کہ وسط ایشیا کی تمام ریاستیں ہمارےلئے اہم ہیں کیونکہ پاکستان وسط ایشیائی ملکوں کی تجارتی منڈیوں تک رسائی چاہتاہے۔ وفاقی وزیر نے دیگر ممالک کو پیش کش کرتے ہوئے کہا کہ پاکستان میں سرمایہ کاری،تجارت کےبےپناہ مواقع ہیں، ہم تمام ممالک کو سرمایہ کاری کی دعوت دیتے ہیں۔

مزید پڑھیں: وزیراعظم آج بشکیک روانہ ہورہے ہیں، شاہ محمود قریشی

شاہ محمود قریشی کا کہنا تھا کہ پاکستان کرغزستان کیساتھ عوامی روابط کافروغ چاہتاہے، افغان امن اعمل بحال ہوتے ہی وسط ایشیائی ملکوں کے ساتھ اضافی رابطے شروع کریں گے۔ وفاقی وزیر خارجہ کا کہنا تھا کہ  پاکستان کے امن واستحکام میں بہتری آئی ہے، ہم نے مشکل حالات میں بجٹ پیش کیا جو پوری قوم کے سامنےہے۔

اُن کا مزید کہنا تھا کہ ادھار ادا کرنے کے لیے مزید ادھار درکار ہے، کیفیت یہ ہےسود کی ادائیگی کے لیے مزید ادھار لینا پڑتا ہے۔ یاد رہے کہ سنگھائی تعاون تنظیم کے سربراہانِ مملکت کے اجلاس میں شرکت کے لیے وزیراعظم پاکستان ایک وفد کے ہمراہ کرغزستان روانہ ہوئے۔ دو روزہ سرکاری دورے پر عمران خان کے ہمراہ وفاقی وزیر خارجہ شاہ محمود قریشی اور معاونِ خصوصی عثمان ڈار بھی بشکک روانہ ہوئے۔

ملتان: وزیر خارجہ شاہ محمود قریشی نے کہا ہے کہ پی ایم ایل این میں بہت سے لوگ صوبہ جنوبی پنجاب کے حق میں ہیں، ن لیگ سے صوبے پر منطقی بات کریں گے، ملتان 3 ضلعوں کا صوبہ ممکن نہیں ہے۔

ان خیالات کا اظہار شاہ محمود نے ملتان میں پریس کانفرنس میں کیا، انھوں نے کہا کہ ہم منطقی بات کر رہے ہیں، جنوبی پنجاب کی کاوش پروان چڑھانے میں ہماری مدد کریں۔

وزیر خارجہ نے کہا ’شاہد خاقان کو کہوں گا بل قوانین کے مطابق پیش ہوا ہے، بل پر ووٹنگ ہوئی اور خصوصی کمیٹی میں بھیج دیا گیا، ن لیگ کا بل بھی موجود ہے ہم اس سے بھی انکار نہیں کرتے۔‘

شاہ محمود نے کہا کہ جنوبی پنجاب کو علیحدہ تشخص دینے کا وعدہ وفا کریں گے، آئین میں ترمیم سے جنوبی پنجاب صوبہ بنائیں گے، نیا صوبہ ملتان اور بہاولپور ڈویژن کے اضلاع پر مشتمل ہوگا، صوبے کی 120 نشستیں ہوں گی، اپناہائی کورٹ ہوگا، چیف جسٹس ملتان میں بیٹھے گا، بہاولپور بینچ ہائی کورٹ ملتان کا حصہ بن جائے گا۔

یہ بھی پڑھیں:  مسلم لیگ ن نے جنوبی پنجاب صوبے کی تحریک کی مخالفت کر دی

ان کا کہنا تھا کہ ترمیم کی دو تہائی اکثریت سے منظوری کے لیے دیگر جماعتوں کا تعاون درکار ہے، پیپلز پارٹی سے بل پر تبادلۂ خیال ہوا، پی پی نے مثبت جواب دیا، تجویز دی کہ جنوبی پنجاب پر بل کی تجویز مشترکہ لے کر چلیں۔

یاد رہے کہ قومی اسمبلی میں جنوبی پنجاب صوبے کی تحریک کی منظوری پر مسلم لیگ ن کے ارکان نے اپنی نشستوں پر کھڑے ہو کر احتجاج کیا تھا، ان کا مطالبہ تھا کہ بہاولپور اور جنوبی پنجاب 2 صوبے بننے چاہئیں۔

اسلام آباد: وزیر خارجہ شاہ محمود قریشی نے کہا ہے کہ سی پیک پر پوری قوم متفق ہے، ایٹمی پروگرام کی طرح سی پیک منصوبے کو بھی مکمل کریں گے۔

تفصیلات کے مطابق شاہ محمود قریشی نے قومی اسمبلی اجلاس میں خطاب کرتے ہوئے کہا کہ سی پیک منصوبے پر کوئی اعتراض نہیں کرتا، پوری قوم اس منصوبے پر متفق ہے۔

وزیر خارجہ کا کہنا تھا کہ ایٹمی پروگرام کی طرح سی پیک منصوبے کو بھی مکمل کریں گے، دہشت گردوں کا بھرپور مقابلہ کرنے پر فورسز کو خراج تحسین پیش کرتا ہوں۔

شاہ محمود نے کہا کہ سی پیک منصوبے کی تکمیل سے خطے میں تعلقات بڑھیں گے، خطے میں معاشی ترقی ہوگی، اس لیے دشمنوں کو یہ منصوبہ کھٹکتا ہے۔

یہ بھی پڑھیں:  پی سی گوادر میں کلیئرنس آپریشن مکمل، 3 دہشت گرد سیکورٹی فورسز کے ہاتھوں ہلاک

ان کا کہنا تھا کہ جو قوتیں پاکستان کو غیر مستحکم کرنا چاہتی ہیں، وہ آلہ کاروں سے کام لیتی ہیں، لیکن میں دشمنوں کو پیغام دینا چاہتا ہوں سی پیک پر پوری قوم اور ایوان متفق ہے، پیغام دیتا ہوں کہ ایٹمی پروگرام پر رکاوٹوں کے باوجود کام مکمل کیا، انشاء اللہ پاکستان کے دشمنوں کو کام یاب نہیں ہونے دیں گے۔

شاہ محمود قریشی نے مزید کہا کہ جنوبی پنجاب پر مجموعی طور پر 3 بل پیش کیے گئے ہیں، پی ٹی آئی کا وعدہ ہے جنوبی پنجاب کو اس کا حق دلوائیں گے، جنوبی پنجاب پر دعوت دیتا ہوں کمیٹی بنا کر مشترکہ بل لایا جائے۔