Tag: شبر زیدی

اسلام آباد : سابق چیئرمین ایف بی آر شبرزیدی نے کہا آئی ایم ایف نے تین سال کیلئے گارنٹی دیدی کہ پاکستان دیوالیہ نہیں ہوگا۔

.تفصیلات کے مطابق سابق چیئرمین ایف بی آر شبرزیدی نے اے آر وائی نیوز کے پروگرام میں گفتگو کرتے ہوئے کہا کہ آئی ایم ایف پروگرام کی منظوری پاکستانی معیشت کےلیے ضروری تھا، آئی ایم ایف قرض کی منظوری خوش آئند اور معیشت کےلیے ضروری ہے۔

سابق چیئرمین ایف بی آر کا کہنا تھا کہ آئی ایم ایف پروگرام معیشت کی بحالی نہیں خراب معیشت کی سپورٹ کیلئےہوتا ہے اور ہمیشہ اینٹی گروتھ ہوتا ہے ،پروگرام گروتھ کی طرف لیکر نہیں جاتا۔

انھوں نے بتایا کہ ستمبر2023کےمقابلےستمبر2024میں معیشت کےلحاظ سے چیزیں بہتر ہوئی ہیں، ڈالر کنٹرول میں ہے اورمہنگائی بھی کم ہوئی ہے، معیشت حکومتی اقدامات کی بجائے عالمی معاشی صورتحال کی وجہ سے بہتر ہوئی۔

سابق چیئرمین نے کہا کہ آئی ایم ایف نے پروگرام دےکر تین سال کیلئے گارنٹی دیدی کہ پاکستان دیوالیہ نہیں ہوگا آئی ایم ایف پروگرام جب کسی ملک میں آتاہے تو دنیا قبول کرتی ہے کہ یہ دیوالیہ نہیں ہوگا۔

نان فائلر کی کیٹگری ختم کرنے کے حکومتی فیصلے پر ان کا کہنا تھا کہ خوشی کا دن ہے کہ نان فائلر غلط ٹرم ہے اس کا کوئی مطلب نہیں ہے ، دنیا کے کسی ملک میں نہیں ہوتاکہ 10فیصد زیادہ دےدیں گے تو آپ چور نہیں ہیں ، یہ خوشی کی بات ہے کہ حکومت نے قبول کرلیا کہ نان فائلر کچھ نہیں ہوتا یہ ختم ہوناچاہیے۔

سابق چیئرمین ایف بی آر نے مزید کہا کہ اس وقت ملک میں سرمایہ کاری کی جوصورتحال ہے یہ سیاسی سسٹم کی ناکامی ہے، پچھلے 50سال سے سیاسی ڈرامہ چل رہاہے عوام کو کوئی سروکار نہیں، معیشت کے بنیادی مسائل حل کرنیوالے دوسرے لوگ آتے ہیں تو یہ ہماری بدقسمتی ہے۔

https://urdu.arynews.tv/dollar-currency-rate-pakistan-today/

اسلام آباد : سابق چیئرمین ایف بی آر شبر زیدی کا کہنا ہے کہ آئی ایم ایف معاہدہ نہ ہوا تو ہمیں چین سے قرضے ری شیڈول یا ملکی اثاثے فروخت کرنے پڑیں گے۔

تفصیلات کے مطابق سابق چیئرمین ایف بی آر شبر زیدی نے اے آر وائی نیوز کے پروگرام ‘آف دی ریکارڈ’ میں گفتگو کرتے ہوئے کہا کہ آئی ایم ایف معاہدہ نہ ہواتوچین سےقرضوں کی ری شیڈولنگ کرنی پڑےگی ، معاہدہ نہ ہواتو ملک کے کچھ اثاثے بیچ کر پوزیشن کور کرنی پڑےگی۔

سابق چیئرمین ایف بی آر کا کہنا تھا کہ سوچنا چاہیے ایسی کیا وجہ ہے ایٹمی ملک دیوالیہ کےمقام تک پہنچا، ہمارےمعاشی ماہرین کیا کر رہے تھے انکو صورتحال نظر نہیں آرہی تھی؟ ہمارے معاشی ماہرین نے حکومتوں کوحقیقی صورتحال سےآگاہ نہیں کیا۔

شبر زیدی نے کہا کہ پاکستان میں کہیں بھی سرمایہ کاری نہیں ہوئی، پاکستان میں خرچے کہاں کیےگئےاس کودیکھنے کی ضرورت ہے، بنیادی مسئلہ یہ ہے ہمارا وزیرخزانہ عام آدمی کو جواب دہ نہیں۔

ان کا کہنا تھا کہ پاکستان کی کچھ فالٹ لائنز ہیں جنہیں درست نہیں کیا جارہا، پاکستان کی فالٹ لائنز پر کام کرنے کی ضرورت جو نہیں کیاجارہا ہے، ان سے پوچھیں لاہور میں آخری بار پراپرٹی ٹیکس کی ویلیوایشن کب ہوئی ، دنیا میں مارکیٹ کے حساب سے 4 فیصد پراپرٹی ٹیکس وصول کیا جاتا ہے، سیاسی مفادات کی وجہ سے لوگوں سے پراپرٹی ٹیکس نہیں لیاجاتا۔

سابق چیئرمین ایف بی آر نے تنقید کرتے ہوئے کہا کہ جولوگ اسمبلی میں بیٹھیں انہوں نے پاکستان کوتباہ کردیا ہے، اسمبلی میں بیٹھے لوگ چالاک یا کرپٹ نہیں بے وقوف ہیں، یہ لوگ بنیادی طور پر دکاندارہیں معیشت کا کچھ پتا نہیں ہے۔

شبر زیدی نے بتایا کہ سب کو پتا تھا پی ٹی آئی حکومت آئی تو اسد عمر وزیر خزانہ ہوں گے، کیا اسدعمر نے معیشت سے متعلق کوئی پلان دیا جب پاور میں آئے؟ اسد عمر نے وزیر خزانہ بننے کے بعد معیشت کےلیے کوئی ماڈل نہیں دیا۔

انھوں نے مزید بتایا کہ 6 مئی 2019کومیں اورعارف نقوی اس وقت کے وزیراعظم کے پاس گئے ، میں نے سابق وزیراعظم کو کہا آپ لوگ ڈیفالٹ کی طرف بڑھ رہے ہیں، میں نے انہیں کہا کہ کیا آپ نے دیکھا ہے8،10 ماہ میں کیا ہوا ہے، آپ کو آئی ایم ایف کےپاس جانا پڑے گا۔

سابق چیئرمین ایف بی آر کا کہنا تھا کہ سابق وزیراعظم نےمیرے سامنے اسد عمر سے فون پر بات کی، سابق وزیراعظم نے اسد عمر سے پوچھا یہ لوگ غلط کہہ رہے ہیں یا صحیح کہہ رہے ہیں ، اسدعمر نےکہا یہ صحیح کہہ رہے ہیں تو سابق وزیراعظم نے کہا پہلے کیوں نہیں بتایا، جس پر اسدعمر نے سابق وزیراعظم کو کہا کہ سرآپ کو پتا ہونا چاہیے تھا ، اس کے بعد اسد عمر چلے گئےاور ہم لوگ اپنی نئی ٹیم لےکر آئے ، نئی ٹیم کے بعد ہمیں کہا گیا یہ آئی ایم ایف کی شرائط پرچلنا ہے۔

اسلام آباد : سابق چیئرمین ایف بی آر شبر زیدی کا کہنا ہے کہ آئی ایم ایف نے جوشرائط رکھی تھیں حکومت نے انہیں پورانہیں کیا، یہ کہنا کہ آئی ایم ایف یہ کہہ رہا وہ کہہ رہا ہے غلط باتیں ہیں۔

تفصیلات کے مطابق سابق چیئرمین ایف بی آر شبرزیدی نے اے آر وائی نیوز کے پروگرام ‘ اعتراض ہے’ میں گفتگو کرتے ہوئے کہا کہ آئی ایم ایف کی جانب سےحکومت پاکستان سےکچھ یقین دہانیاں مانگی گئی تھیں، حکومت پاکستان کی جانب سےآئی ایم ایف کویقین دہانیاں پوری نہیں کی گئیں۔

شبر زیدی کا کہنا تھا کہ آئی ایم ایف نےدوست ممالک سےفنڈزفراہمی کی یقین دہانی مانگی تھی، کچھ دوست ممالک کی جانب سےپاکستان کوفنڈزفراہم نہیں کیےگئے، آئی ایم ایف کامطالبہ تھادوست ممالک سے6ارب ڈالرفنڈزحاصل کریں لیکن حکومت پاکستان کی جانب سے 6 ارب ڈالر کے فنڈز حاصل نہیں کیےجاسکے۔

سابق چیئرمین ایف بی آر نے مزید کہا کہ آئی ایم ایف کی جانب سےبجٹ میں کچھ ترجیحات مانگی گئی تھیں، حکومت نےآئی ایم ایف کی بجٹ ترجیحات کو خاص توجہ نہیں دی۔

ان کا کہنا تھا کہ یہ کہنا ہےکہ آئی ایم ایف یہ کہہ رہاوہ کہہ رہاہےغلط باتیں ہیں ، آئی ایم ایف نے جوشرائط رکھی تھیں حکومت نےانہیں پورانہیں کیا۔