کراچی : چیئرمین ایف بی آر شبر زیدی کا کہنا ہے کہ اب وقت آگیا ہے کہ ہم اپنے پیروں پر کھڑے ہوں ، ٹیکس اداکرنیوالافارن کرنسی اکاؤنٹ کھول سکتا ہے ، لوگوں میں شعور آگیا ہےکہ موضوع بحث ٹیکس نظام ہے۔
تفصیلات کے مطابق کراچی میں مینجمنٹ ایسوسی ایشن کےسیمینار سے چیئرمین ایف بی آر شبر زیدی نے خطاب کرتے ہوئے کہا اب وقت آگیا ہے کہ ہم اپنے پیروں پر کھڑے ہوں، ملکی معاشی صورتحال سے ہمیں نمٹنا ہوگا۔
،چیئرمین ایف بی آر کا کہنا تھا کہ ٹیکس اداکرنیوالافارن کرنسی اکاؤنٹ کھول سکتا ہے، 120ارب ڈالرکی خطیررقم بیرون ملک غیرقانونی رکھی گئی ہے، ٹیکس ادا کرنیوالوں کوپیسوں کی منتقلی میں سہولت ہونی چاہیے۔
جوبھی سیلز ٹیکس ادا کرتا ہے اس کی پکی رسیدحاصل کرے
شبرزیدی نے کہا جوبھی سیلز ٹیکس ادا کرتا ہے اس کی پکی رسیدحاصل کرے، بڑی تعداد میں ریسٹورنٹس کو ٹیکس ادا کرنے کا پابند کیا ہے، سیلزٹیکس بنیای طور پر سرکاری رقم ہوتی ہے۔
ان کا کہنا تھا کہ جو ٹیکس اداکرکربیرون ملک جاتے ہیں ان کوآسانیاں دی جائیں، ماضی میں درست سمت میں کام نہیں ہورہا تھا ، اب منظم اوردرست سمت میں کام شروع ہوگیا ہے۔
لوگوں میں شعور آگیا ہےکہ موضوع بحث ٹیکس نظام ہے
چیئرمین ایف بی آر نے مزید کہا بھارت میں کوآپریٹ ٹیکس ادائیگی پاکستان سے20گناتک زیادہ ہے، لوگوں میں شعور آگیا ہےکہ موضوع بحث ٹیکس نظام ہے۔
ان کا کہنا تھا کہ انکم ٹیکس فائلرکی تعداد 25لاکھ سےتجاوزکرگئی ہے، انکم ٹیکس گوشوارےداخل کرنےکامرحلہ مزید آسان کررہے ہیں، سیلز ٹیکس گوشوارے کی مانٹیرنگ کےیےسافٹ وئیر لانچ کردیا، سافٹ وئیر سیلز ٹیکس اورفیڈرل ایکسائز ڈیوٹی کا تعین کرے گا۔
انکم ٹیکس فائلرکی تعداد 25لاکھ سےتجاوزکرگئی ہے
شبرزیدی نے کہا سیلز ٹیکس گوشوارہ فارم آسان بناکر ایک صفحےپر کردیا ہے ، کوشش کررہے ہیں مرکزی نظام آجائےکہ کتناپیسہ منتقل ہورہا ہے، ہم نے دکانداروں کوسمجھایا ہے 2علیحدہ اسکیمیں دی ہیں۔
قومی شناختی کارڈکی شرط ہےلیکن کارروائی ستمبر تک روک دی ہے
چیئرمین ایف بی آر کا کہنا تھا کہ قومی شناختی کارڈکی شرط ہےلیکن کارروائی ستمبر تک روک دی ہے، ٹیکس نیٹ بڑھانےکےلیےڈاکٹر،انجینئر اور تعلیمی اداروں کو نوٹس دیے، جو بھی سیکٹر آمدنی کرتا ہےاس کو ٹیکس دینا ہوگا۔
انھوں نے مزید کہا بے نامی اثاثے ڈھونڈنا آسان نہیں ہے، وہی بےنامی اثاثے سامنے آئے جو عدالت کےذریعے سامنے آئے بے نامی اثاثوں کی تلاش کےلیےوزیراعظم نے سخت احکامات دیے۔
گذشتہ روز چیئرمین ایف بی آر سید محمد شبر زیدی نے سیلز ٹیکس گوشواروں کی موثر مانیٹرنگ کے لئے سافٹ ویئر کا افتتاح کیا تھا ، جس کا مقصد ٹیکس گزاروں پر قابل وصول عائد سیلز ٹیکس اور فیڈرل ایکسائز ڈیوٹی کا تعین کرنا ہے ۔
چئیرمین ایف بی آر کو ممبر آئی آر آپریشنز مس سیما شکیل نے نئے سافٹ وئیر ایپلیکیشن کے کام کا طریقہ کار کا عملی مشاہدہ کرایا، اس سافٹ وئیر کی بدولت ٹیکس ریفنڈ واجبات کی تیز تر پراسیسنگ بھی ممکن ہو گی ۔
چیرمین ایف بی آر کو مزید آگاہ کیا گیا کہ فیلڈ دفاتر کے پچیس افسران پر مشتمل ٹیم کو ٹاسک دے دیا گیا ہے کہ وہ اس پراجیکٹ کو تجرباتی بنیادوں پر گیارہ ستمبر دو ہزار انیس سے شروع کریں ،تجرباتی شروعات کی کامیابی کے بعد تمام فیلڈ دفاتر میں پراجیکٹ کی باقاعدہ دستیابی میسر ہوگی۔
