Tag: شبمن گل

نئی دہلی: ٹیسٹ کپتان شبمن گل کو ایشیا کپ اسکواڈ میں شامل کرنے یا نہ کرنے کا فیصلہ بھارتی بورڈ کےلیے بڑا درد سر بن گیا ہے۔

بھارت کی سلیکشن کمیٹی منگل کو یو اے ای میں اگلے ماہ شیڈول ایشیا کپ کے لیے 15 رکنی اسکواڈ کا انتخاب کرے گی، تاہم بھارتی سلیکشن کمیٹی ٹی ٹوئنٹی اسکواڈ میں شبمن گل کو شامل کرے یا نہ کرے یہ ان کےلیے بڑا چیلنج ہوگا ہوگا کیوں کہ بھارتی بیٹر ان دنوں بہترین فارم میں ہیں۔

ٹیسٹ کپتان جنھوں نے حال ہی میں انگلینڈ میں بہترین پرفارمنس دکھائی ہے وہ اس ٹیم میں فٹ تو نہیں بیٹھتے جو 9 سے 28 ستمبر تک ایشیا کپ کا شوپیس ایونٹ کھیلے گی تاہم ان کی شمولیت خارج از امکان نہیں۔

اجیت اگرکر اور ان کے ساتھی سلیکٹرز کےلیے ٹیم کو منتخب کرنا ایک "خوفناک” معمہ ہے کیوں کہ ہندوستانی کرکٹ میں اس وقت ٹی ٹوئنٹی کا کافی ٹیلنٹ موجود ہے

بھارت میں اس وقت کم از کم 30 کھلاڑی ایسے ہیں جو ایک سلاٹ کے لیے تین سے چار آپشنز کے ساتھ قومی اسکواڈ میں آنے کے لیے تیار ہیں۔

سب سے اوپر تین پوزیشنوں کے لیے چھ کرکٹرز دستیاب ہیں، جن مین ابھیشیک شرما، سنجو سیمسن اور تلک ورما نے پچھلے سیزن میں کافی غیرمعمولی پرفارمنس دکھائی ہے۔

ان تینوں کے علاوہ شبمن گل، یشسوی جیسوال اور سائی سدھرسن جیسے اوپننگ بیٹرز بھی ٹی ٹوئنٹی اسکواڈ میں جگہ بنانے کی دوڑ میں شامل ہیں۔

بولنگ میں کلدیپ یادیو، ورون چکرورتی اور روی بشنوئی ایک ہی جگہ کے لیے دستیاب ہونگے اور ان میں سے سب سے زیادہ یوزویندر چاہل کو طویل عرصے سے نظر انداز کیا گیا ہے۔

بھارتی ٹیم مینجمنٹ کے ایک اہم رکن کا خیال ہے کہ یہ ناانصافی ہو گی جو کرکٹر پچھلے سیزن کے دوران پلیئنگ الیون میں ریگولر رہا ہو اسے کسی بڑے برانڈ نام یا اسٹار کو جگہ دینے کےلیے محروم رکھا جائے۔

https://urdu.arynews.tv/shubman-gill-considering-making-captain-india-t20-team/

بھارتی ٹیم چیمپئنزٹرافی کا آخری گروپ میچ نیوزی لینڈ کے خلاف کھیلے گی، رپورٹس کے مطابق اس میچ میں شبمن گل کپتانی کریں گے۔

بھارتی ذرائع ابلاغ پر آنے والی رپورٹس کے مطابق بھارتی ٹیم کے موجودہ کپتان روہت شرما کو ہمیسٹرن انجری کا سامنا ہے، گو کہ ان کی یہ انجری سنجیدہ نوعیت کی نہیں ہے، تاہم گروپ کے آخری میچ میں ٹیم مینجمنٹ روہت شرما کو آرام دینے کا سوچ رہی ہے۔

انڈین ایکسرپریس کی رپورٹ میں بتایا گیا ہے کہ کیویز کے خلاف غیر اہم میچ میں نوجوان بیٹر شبمن گل بھارتی ٹیم کے کپتان ہوں گے۔

ون ڈے کے نمبر ون بیٹر شبمن گل بطور ون ڈے کپتان اپنا ڈیبیو بھی کریں گے، بھارتی ٹیم مینجمنٹ روہت شرما کے حوالے سے کوئی خطرہ مول نہیں لینا چاہتی، وہ پاکستان کے خلاف میچ کے دوران ہیمسٹرنگ انجری کا شکار ہوئے تھے۔

پاکستان کے خلاف میچ میں بھی وائس کپتان شبمن گل نے کچھ دیر کے لیے کپتانی کے فرائض انجام دیے تھے جس کے بعد روہت شرما فیلڈ میں واپس آگئے تھے۔

اب قوی امکان ہے کہ شبمن گل نیوزی لینڈ کے خلاف میچ میں باقاعدہ طور پر بھارت کے کپتان بن کر اتریں گے اور اس فارمیٹ میں پہلی بار کپتانی کی ذمہ داری نبھائیں گے۔

https://urdu.arynews.tv/india-suffers-a-major-blow-their-captain-rohit-sharma/

سابق ہیڈ کوچ انڈین کرکٹ ٹیم روی شاستری نے کہا ہے کہ دنیا کی کوئی بھی ٹیم اپنے اسکواڈ میں اوپنر شبمن گل کو منتخب کرلیتی مگر بھارت میں اسے جگہ نہ ملی۔

شبمن گل نے روی شاستری کے دور میں ہی اپنے بین الاقوامی کیریئر کا آغاز کیا تھا وہ محسوس کرتے ہیں کہ بیٹر کو باہر کرنے کی کوئی گہری وجہ ہے۔ شاستری نے کہا کہ شبمن گل کو بھارتی ٹی ٹوئنٹی ورلڈ کپ اسکواڈ میں جگہ نہ ملنے کی وجہ سے تکلیف ہوئی ہوگی۔

انھوں نے کہا کہ شبمن گل دنیا کی کسی بھی ٹیم میں جگہ بنالیں گے لیکن بھارت میں انھیں ٹی ٹوئنٹی ورلڈ کپ کے لیے جگہ نہیں مل سکی۔ اسے تکلیف ہو رہی ہو گی لیکن شبمن کو اسے مثبت طور پر دیکھنا چاہیے اور مزید بہتر ہونے کی کوشش کرنی چاہیے۔

سابق بھارتی آل راؤنڈر نے کہا کہ شبمن گل جیسی صلاحیتوں کا مالک کھلاڑی کسی بھی ٹیم میں چلا جائے گا لیکن بھارت میں ایسا ٹیلنٹ موجود ہے کہ اسے ٹیم میں جگہ نہیں ملی۔

واضح رہے کہ اجیت اگرکر کی زیرقیادت سلیکشن کمیٹی نے اپریل کے آخری ہفتے میں ٹی ٹوئنٹی ورلڈ کپ کے لیے بھارتی 15 رکنی اسکواڈ کا اعلان کیا تھا۔

سلیکٹرز نے یشسوی جیسوال کو کپتان روہت شرما کے اوپننگ پارٹنر کے طور پر منتخب کیا تھا جبکہ شبمن گل اسکواڈ میں اپنی جگہ بنانے میں ناکام رہے تھے۔

اس وقت بیک اپ اوپنر کی ضرورت کے طور پر بھارتی اسکواڈ میں پہلے ہی ویرات کوہلی اور سنجو سیمسن جیسے کھلاڑی موجود ہیں جو ضرورت پڑنے پر بیٹنگ کا آغاز کر سکتے ہیں۔

سابق بھارتی کرکٹر وریندر سہواگ نے نوجوان اوپنر شبمن گل کو بھارتی ٹی ٹوئنٹی ورلڈکپ اسکواڈ کا حصہ نہ بنانے پر لب کشائی کی ہے۔

بھارتی جارح مزاج اوپنر حالیہ فارم کے باعث عالمی کپ کے لیے منتخب ہونے والے کھلاڑیوں میں جگہ بنانے میں ناکام رہے ہیں۔ آئی پی ایل میں بھی وہ کوئی خاص کارکردگی نہیں دکھا پائے، رائل چیلنجرز بینگلورو کے خلاف آخری میچ میں بھی وہ صرف 7 گیندوں پر 2 رنز ہی بنا پائے تھے۔

سہواگ نے اپنے پرانے دنوں کو یاد کرتے ہوئے سچن ٹنڈولکر، راہول ڈریوڈ، ساروو گنگولی، اور وی وی ایس لکشمن کا حوالہ دیتے ہوئے شبمن گل کی جانب سے کم رن اسکور کرنے کے بارے میں تفصیل سے بات کی۔

انھوں نے کہا کہ مجھے لگتا ہے کہ وہ خوش قسمت ہے کہ ان کا نام ٹی ٹوئنٹی ورلڈکپ کے ریزرو میں آگیا ہے جبکہ کے ایل راہل اور رتوراج گائیکواڑ جیسے پلیئر بھی اس میں شامل نہیں ہیں۔

اس سے شبمن گل کی حوصلہ افزائی ہونی چاہیے۔ اگلی بار موقع ملنے پر اسے اپنی جگہ کو ٹیم میں پکا کرنا چاہیے۔ گل کو اچھے اسٹرائیک ریٹ سے رنز بنانے پر توجہ دینی ہوگی۔

سابق کرکٹر نے کہا کہ جب میں کھلتا تھا تو ہمارے پاس گنگولی، ٹنڈولکر، ڈریوڈ اور لکشمن جیسے پلیئر موجود تھے۔ یہ لوگ ٹیم سے کبھی آؤٹ نہیں ہوئے کیونکہ انھوں نے ہمیشہ رنز اسکور کیے۔

بھارتی سلیکشن کمیٹی نے حیرت انگیز طور پر نامور بیٹر شبمن گل کی جگہ نوجوان بلے باز یشسوی جیسوال کو ورلڈکپ اسکواڈ کا حصہ بنالیا ہے۔

ممبئی انڈینز کے خلاف شاندار سنچری بنانے سے پہلے یشسوی جیسوال کا انڈین پریمیئر لیگ 2024 میں سفر کچھ خاص نہیں رہا تھا۔ بھارتی اوپنر نے نئے سیزن کے پہلے آٹھ میچوں میں صرف 129 رنز بنائے تھے۔

تاہم بھارتی سلیکٹرز نے ورلڈ کپ کی سلیکشن کے لیے آئی پی ایل کی فارم کو اتنی اہمیت نہ دی اور راجستھان رائلز کے اوپنر جیسوال کو شبمن گل پر ترجیح دی۔

دلچسپ بات یہ ہے کہ ویرات کوہلی، ہاردک پانڈیا، رشبھ پنت، شیوم دوبے اور سنجو سیمسن جیسے پلییئرز بھی بھارتی اسکواڈ میں جگہ بنانے میں کامیاب رہے ہیں۔

گزشتہ سیزن کے اورنج کیپ کے فاتح، گجرات ٹائٹنز کے اوپنر شبمن گل بھارتی 15 رکنی اسکواڈ میں جگہ بنانے میں ناکام رہے جبکہ اس سیزن میں گل اورنج کیپ اسٹینڈنگ میں 13ویں نمبر پر ہیں۔

جی ٹی کے کپتان نے آئی پی ایل 2024 میں 10 میچوں میں 320 رنز بنائے ہیں جبکہ اوپنر جیسوال جو کہ اورنج کیپ اسٹینڈنگ میں 26 ویں نمبر پر ہیں انھوں نے اس سیزن میں نو میچوں میں 249 رنز بنائے ہیں۔

تاہم آئی پی ایل 2024 میں کچھ اتنی خاص کارکردگی نہ ہونے کے باوجود قوی امکانات تھے کہ جیسوال کو ٹی ٹوئنتی ورلڈ کپ کے لیے بھارتی ٹاپ آرڈر میں کوہلی کے ساتھ شامل کیا جائے گا کیوں کہ سلیکٹرز ٹاپ آرڈر میں ایک لیفٹ ہینڈ بیٹر کو رکھنے کے خواہشمند تھے۔

واضح رہے کہ اجیت اگرکر کی زیرقیادت سلیکشن کمیٹی نے منگل کو ٹی ٹوئنٹی ورلڈ کپ کے لیے بھارت کے 15 کھلاڑیوں کے ناموں کا اعلان کیا ہے، شبمن گل کو ریزرو میں رکھا گیا ہے۔

سیریز کے آخری ٹیسٹ میچ میں انگلش بیٹر جونی بیئراسٹو اور بھارتی فیلڈر شبمن گل کے درمیان زبردست تلخ کلامی ہوئی۔

پانچویں ٹیسٹ میچ کے دوران ایک موقع ایسا آیا کہ بیئراسٹو نے تیز لہجے میں شبمن سے پوچھا کہ تم نے جمی کو اس کی ریٹائرمنٹ کے حوالے سے کیا کہا تھا؟ جس پر گل نے کہا کہ میں نے انھیں کہا تھا کہ ریٹائر ہوجاؤ۔

اس کے جواب میں انگلش بیٹر نے طنز کرتے ہوئے کہا کہ اور اس کے بعد اگلی گیند پر جیمز اینڈرسن نے تمہیں آؤٹ کردیا۔ اس پر بھارتی پلیئر نے کہا کہ تو کیا ہوا ایسا تو کئی بار ہوتا ہے۔

بیئر اسٹو کا اس پر کہنا تھا کہ میں تو صرف پوچھ رہا تھا ویسے یہ اچھا تھا۔ اس پر گل بھڑک گئے اور کہا کہ اینڈرسن نے مجھے میری سنچری کے بعد آؤٹ کیا تھا۔

مزید جلتی پر تیل ڈالتے ہوئے شبمن نے بیئر اسٹو کو سناتے ہوئے کہا کہ ویسے اس سیریز میں تم نے کتنی سنچری اسکور کی ہے۔ جس پر انگلش بیٹر نے پلٹ کر کہا کہ تم نے کتنی سنچری اسکور کر ڈالی بھلا۔

بعدازاں دنوں کھلاڑی پیچھے ہٹ گئے اور بیئر اسٹو واپس کریز میں بیٹنگ کرنے کے لیے چلے گئے، دنوں پلیئرز کے بحث و مباحثے کی یہ ویڈیو سوشل میڈیا پر وائرل ہورہی ہے۔

واضح رہے کہ انگلینڈ اور بھارت کے درمیان ہونے والی حالیہ ٹیسٹ سیریز میں مہمان ٹیم کو 1-4 کی عبرتناک شکست کا سامنا کرنا پڑا تھا۔