Tag: شبھمن گل

بھارتی ٹیم کے نائب کپتان شبھمن گل نے ویرات کوہلی کی فٹنس کے بارے میں لب کشائی کردی ہے۔

بھارتی کرکٹ ٹیم کے نائب کپتان شبھمن گل نے ویرات کوہلی کی فٹنس کے بارے میں خدشات کو دور کرتے ہوئے کہا کہ بلے باز ٹھیک ہیں اور اتوار کو انہیں انگلینڈ کے خلاف دوسرے ون ڈے میچ کے لیے فٹ ہونا چاہیے۔

ویرات کوہلی کو دائیں گھٹنے میں سوجن کی وجہ سے ناگپور میں ون ڈے سیریز کے افتتاحی میچ سے محروم ہونا پڑا تھا۔

رپورٹ کے مطابق ویرات کوہلی بدھ کو پریکٹس کے دوران ٹھیک تھے لیکن وہ جمعرات کو گھٹنے میں کچھ سوجن ہوگئی تھی۔

شبھمن گل نے کہا کہ انہیں انگلینڈ کے خلاف سیریز مین نمبر تین پر بیٹنگ کرنے میں کوئی مسئلہ نہیں ہے۔

انہوں نے کہا کہ میں ٹیسٹ میں نمبر تین پر کھیلتا ہوں اس لیے یہ کوئی بڑی ایڈجسٹمنٹ نہیں تھی، اس پوزیشن پر یہ ہمیشہ ایک چیلنج ہوتا ہے کیونکہ آپ کو کھیل کی صورتحال کے مطابق ڈھالنا پڑتا ہے۔

اس سے قبل سوشل میڈیا پر ویڈیو وائرل ہو رہی ہے جس میں ویرات کوہلی کو کپتان روہت شرما اور ہیڈ کوچ گوتم گمبھیر کےساتھ گفتگو کرتے ہوئے دیکھا جا سکتا ہے۔

ویڈیو کے آخر میں روہت اور گمبھیر کوہلی کی پشت پر تھپتھپاتے ہوئے دِکھائی دیتے جس سے ظاہر ہوتا ہے کہ کوہلی کو پلیئنگ میں شامل نہ کرنے کا فیصلہ باہمی اتفاق سے ہوا تھا جس کے بعد قیاس آرائیاں دم توڑ گئی تھیں۔

سابق قومی کرکٹر باسط علی نے بھارت کے مستقبل کے کپتان کے طور پر رشبھ پنت کے نام کی پیشگوئی کی ہے۔

یوٹیوب چینل پر سابق کرکٹر باسط علی نے کہا کہ بھارت کو مستقبل کا کپتان رشبھ پنت اور نائب کپتان شبھمن گل کو بنتے دیکھ رہے ہیں۔

54 سالہ کرکٹر نے کہا کہ پنتھ کی قیادت میں ناصرف بھارتی ٹیم کو فائدہ ہوگا بلکہ ان کی انفرادی کارکردگی میں بھی اضافہ ہوگا۔

باسط علی نے یہ بھی کہا کہ یشسول جیسوال، شبھمن گل سے زیادہ بڑا کھلاڑی ہے۔

انہوں نے کہا کہ بھارت کے مستقبل کے کپتان کے لیے میرا ووٹ رشبھ پنت ہے، اگرچہ شبھمن گل کو ایک کپتان کے طور پر بہت زیادہ درجہ دیا جاسکتا ہے۔

سابق کرکٹر نے کہا کہ اگر شبھمن گل پاکستان کے خلاف سنچری بناتا ہے تو ہر کوئی اس کی تعریف کرے گا تب بھی میں جیسوال کو تکنیکی اور دوسری صورت میں ایک بہتر کھلاڑی کے طور پر درجہ دوں گا۔

باسط علی نے چیمپئنز ٹرافی 2025 کے لیے بھارتی لائن اپ میں بائیں ہاتھ کے دو بیٹرز کی اہمیت کو بھی اجاگر گیا۔

انہوں نے رشبھ پنت اور یشسول جیسوال دونوں کو پلیئنگ الیون میں شامل کرنے کی حمایت کی اور دلیل دی کہ ان کی موجودگی میں بھارت کی بیٹنگ لائن مزید مضبوط ہوگی۔

سابق پاکستانی کرکٹر نے کہا کہ یشسول جیسوال کے بغیر بھارت کی پلیئنگ الیون مکمل نہیں ہوسکتی اور رشبھ پنت اور جیسوال کے بغیر بھارت کے لیے چیمپئنز ٹرافی کے فائنل میں پہنچنا تقریباً ناممکن ہوجائے گا۔

گابا ٹیسٹ کے تیسرے روز آسٹریلوی آل راؤنڈر مچل مارش نے شبھمن گل کا کیچ تھام کر سب کو حیران کردیا۔

گابا میں کھیلے جارہے تیسرے ٹیسٹ میچ کے تیسرے روز آسٹریلیا کی ٹیم ٹریوس ہیڈ اور اسٹیو اسمتھ کی شاندار سنچری کی بدولت 445 رنز بنا کر آؤٹ ہوئی جواب میں بھارتی ٹیم مشکلات کا شکار ہے اور کھیل کے اختتام پر بھارت نے چار وکٹوں کے نقصان پر 51 رنز بنالیے ہیں۔

یشسول جیسوال 4، شبھمن گل ایک، ویرات کوہلی 3 اور رشبھ پنت 9 رنز بنا کر آؤٹ ہوئے۔ کے ایل راہول 33 اور کپتان روہت شرما بغیر کوئی رن بنائے ناٹ آؤٹ ہیں۔

آسٹریلیا کی جانب سے مچل اسٹارک نے دو، پیٹ کمنز اور جوش ہیزل ووڈ نے ایک، ایک وکٹ حاصل کی ہے۔

تاہم بھارت کی اننگز کے دوران مچل مارش نے دو شاندار کیچ پکڑ کر سب کو حیران کردیا پہلے مارش نے شارٹ مڈ وکٹ پر یشسول جیسوال کا کیچ پکڑا۔

جب شبھمن گل بیٹنگ کے لیے آئے تو انہوں نے ایک ہی رن ہی بنایا تھا کہ مچل اسٹارک کی گیند پر مارش نے گلی میں لیفٹ سائیڈ پر ڈائیو لگا کر ناقابل یقین کیچ تھام لیا۔

کیچ پکڑنے کے بعد مچل مارش نے گیند لے کر بھاگتے ہوئے وکٹ کا جشن منایا۔

بعدازاں پریس کانفرنس کرتے ہوئے مچل مارش نے کہا کہ وہ گلی میں فیلڈنگ کرتے وقت ہمیشہ نروس رہتے تھے اور ان کا جشن منانے کا مقصد ساتھیوں کو بتانا تھا جو ان کا مذاق اڑاتے ہیں۔

جب ان سے دو کیچوں کی پسندیدگی سے متعلق پوچھا گیا تھا آل راؤنڈر نے کہا کہ شبھمن گل کا کیچ اچھا تھا لیکن یشسول جیسوال کا کیچ بھی اتنا ہی شاندار تھا۔