ARYNews.tv | Urdu – Har Lamha Bakhabar

Tag: شجرکاری مہم

  • وزیراعلیٰ پنجاب کا ڈی جی خان میں غازی میڈیکل کالج کا دورہ

    وزیراعلیٰ پنجاب کا ڈی جی خان میں غازی میڈیکل کالج کا دورہ

    لاہور: وزیراعلیٰ پنجاب سردار عثمان بزدار نے کہا کہ شجرکاری آئندہ نسلوں کے محفوظ مستقبل کے لیے ضروری ہے۔

    تفصیلات کے مطابق وزیراعلیٰ پنجاب عثمان بزدار نے ڈیرہ غازی خان میں غازی میڈیکل کالج کا دورہ کیا، وزیراعلیٰ پنجاب نے کالج میں شجرکاری مہم کے تحت پودا لگایا۔

    سردار عثمان بزدار نے کہا کہ شجرکاری آئندہ نسلوں کے محفوظ مستقبل کے لیے ضروری ہے، پودا لگانے کا مقصد طلبا میں شجرکاری کی اہمیت بیدار کرنا ہے۔

    خیال رہے کہ رواں ماہ ملک بھر میں دس ارب درخت لگانے کے منصوبے تحت وزیراعظم عمران خان نے بلوکی میں پودا لگا کر “پلانٹ فار پاکستان مہم” کا افتتاح کیا تھا۔

    وزیراعظم عمران خان نے بلوکی میں پودا لگا کر “پلانٹ فار پاکستان مہم” کا افتتاح کردیا

    وزیراعظم کا کہنا تھا کہ میانوالی کا جنگل ختم ہوگیا، چھانگامانگا جنگل کے کیا حالات ہیں؟ ہمارے ہاں ویسے ہی جنگلات کی کمی ہے، جنگلات کی زمینیں لیزپرکیسے دی جاسکتی ہیں، پنجاب میں لیزپردی گئی جنگلات کی زمین فوری واپس لی جائیں۔

    واضح رہے کہ اس سے قبل بھی وزیراعظم کی ہدایت پر ملک بھر میں ’پلانٹ فار پاکستان‘ کے نام سے ایک روزہ شجرکاری مہم کا چلائی گئی تھی، جس کے تحت ملک بھر میں 15 لاکھ پودے لگائے گئے تھے، جس کے بعد اے آر وائی نیوز نے بھی درخت اُگاؤ مہم شروع کیا، اور پاک فوج کی جانب سے بھی ایک مہم چلائی گئی تھی۔

  • تحریک انصا ف کی حکومت نےآتے ہی طاقتورمافیا پر ہاتھ ڈالا‘عثمان بزدار

    تحریک انصا ف کی حکومت نےآتے ہی طاقتورمافیا پر ہاتھ ڈالا‘عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ اب تک اربوں کی ہزاروں کنال اراضی کو واگزارکرایا جا چکا ہے۔

    تفصیلات کے مطابق لاہور میں وزیراعلیٰ پنجاب سے وزیرجنگلات سردارمحمد سبطین نے ملاقات کی جس میں شجرکاری مہم پر پیشرفت اورقبضہ مافیا کے خلاف آپریشن پر تبادلہ خیال کیا گیا۔

    سردار عثمان بزدار نے شجرکاری مہم پر صوبائی وزیرجنگلات کی کارکردگی کو سراہتے ہوئے کہا کہ سرکاری اراضی کو ہرصورت قبضہ مافیا سے واگزارکرایا جائے گا۔

    وزیراعلیٰ پنجاب نے کہا کہ با اثرقبضہ مافیا نے سرکاری اراضی کو مال مفت سمجھ رکھا تھا، تحریک انصا ف کی حکومت نے آتے ہی طاقت ورمافیا پر ہاتھ ڈالا۔

    انہوں نے کہا کہ اب تک اربوں کی ہزاروں کنال اراضی کو واگزارکرایا جا چکا ہے، با اثر افراد کے خلاف بلا امتیاز کارروائی جاری رہے گی۔

    سابق حکومت نے اداروں اور ملکی معیشت کو برباد کردیا، عثمان بزدار

    یاد رہے کہ گزشتہ روز وزیر اعلیٰ پنجاب عثمان بزدار کا کہنا تھا کہ سابق نااہل حکومت نے اداروں اور ملکی معیشت کو برباد کردیا ہے، ہم نے مل کر موجودہ چیلنجز پر قابو پانا ہے۔

    وزیر اعلیٰ پنجاب کا کہنا تھا کہ کپتان سچ بولتا ہے اور عوام کو سچ بتاتا ہے، قوم کی حمایت سے مشکل حالات سے جلد باہر نکلیں گے۔

  • ملک میں بہت بڑا ٹمبرمافیا سرگرم ہے‘ شیخ رشید

    ملک میں بہت بڑا ٹمبرمافیا سرگرم ہے‘ شیخ رشید

    راولپنڈی : وفاقی وزیرریلوے شیخ رشید احمد کا کہنا ہے کہ عمران خان کو نوجوانوں سے بہت امیدیں ہیں، پاکستا ن کوبہتربنانے کے لیے باہر سے کوئی نہیں آئے گا، ہم نے ہی بنانا ہے۔

    تفصیلات کے مطابق وفاقی وزیر ریلوے شیخ رشید نے راولپنڈی میں درخت لگانے کی مہم سے خطاب کرتے ہوئے کہا کہ ملک میں بہت بڑا ٹمبر مافیا سرگرم ہے۔

    شیخ رشید احمد کا کہنا تھا کہ کسی کو درخت کاٹنے کی اجازت نہیں دیں گے، ہم نے درخت لگا کر ملک کو سرسبز و شاداب بنانا ہے۔

    وفاقی وزیرریلوے کا یہ بھی کہنا تھا کہ عمران خان کو نوجوانوں سے بہت امیدیں ہیں، پاکستا ن کو بہتربنانے کے لیے باہر سے کوئی نہیں آئے گا، ہم نے ہی بنانا ہے۔

    شیخ رشید احمد کا مزید کہنا تھا کہ ریلوے کی سات ڈویژنز میں چار چار نرسریاں بنائیں گے، ریل کی باؤنڈری لائنز کے قریب بھی درخت لگائیں گے۔

    وفاقی وزیر کا کہنا تھا کہ ریلوے سے متعلق وزیراعظم کے خواب اورامیدوں پرپورا اتروں گا، ریلوے میں آرام حرام اور کام حلال ہے۔

    ملک بھرمیں’’پلانٹ فار پاکستان‘‘کے نام سے شجرکاری مہم کا آغاز

    واضح رہے کہ ملک بھرمیں’’پلانٹ فارپاکستان‘‘کے نام سے ایک روزہ شجرکاری مہم چلائی جا رہی ہے جس کے تحت ملک بھر ممیں 15 لاکھ پودے لگائے جائیں گے۔

  • ملک بھرمیں’’پلانٹ فار پاکستان‘‘کے نام سے شجرکاری مہم کا آغاز

    ملک بھرمیں’’پلانٹ فار پاکستان‘‘کے نام سے شجرکاری مہم کا آغاز

    اسلام آباد: وزیراعظم عمران خان کی ہدایات پرملک بھر میں ایک روزہ شجرکاری مہم چلائی جا رہی ہے۔

    تفصیلات کے مطابق ملک بھرمیں’’پلانٹ فارپاکستان‘‘کے نام سے ایک روزہ شجرکاری مہم چلائی جا رہی ہے جس کے تحت ملک بھر ممیں 15 لاکھ پودے لگائے جائیں گے۔

    توقع ہے کہ وزیراعظم عمران خان وفاقی دارالحکومت اسلام آباد میں ایک پودا لگا کر شجرکاری مہم کا افتتاح کریں گے۔

    حکومت پاکستان کے آفیشنل ٹویٹراکاؤنٹ پرپیغام میں کہا گیا ہے کہ شجرکاری مہم کا مقصد عوام، مختلف کمیونٹیز، تنظیموں، کاروباری وتجارتی افراد، سول سوسائٹی اور حکومت کو مشترکہ طور پردرختوں کو اُگانا ہے۔

    پلانٹ فارپاکستان کے تحت 5 سال میں 10ارب درخت لگائے جائیں گے، پہلے مرحلے میں اسلام آباد، صوبائی دارالخلافوں، گلگت بلتستان، آزاد کشمیرمیں پودے لگائے جائیں گے۔

    وفاقی وصوبائی حکومتیں عوام کومختلف شہروں میں مفت پودے فراہم کریں گی، مفت پودوں کی فراہمی کے لیے بڑےشہروں میں کلیکشن پوائنٹس قائم کردیے گئے۔

    شجرکاری مہم موسمی اثرات سے نمٹنے میں پاکستان کے لیے مددگارثابت ہوگی، مہم سےخطے پرمثبت اثر پڑے گا، بچوں کومحفوظ مستقبل دے سکیں گے۔

    واضح رہے کہ گزشتہ دنوں وزیراعظم عمران خان نے بھی وزارت خاجہ میں پودا لگا کرشجرکاری مہم کا افتتاح کیا تھا اور حکومت نے 10 ارب پودے لگانے کا اعلان کر رکھا ہے۔

  • بلوچستان میں آج 95 ہزارپودے لگائے جائیں گے‘ وزیراعلیٰ بلوچستان

    بلوچستان میں آج 95 ہزارپودے لگائے جائیں گے‘ وزیراعلیٰ بلوچستان

    کوئٹہ : وزیراعلیٰ بلوچستان جام کمال بلوچستان میں شجرکاری مہم کا آغاز کررہے ہیں، آج صوبے میں 95 ہزار پودے لگائے جائیں گے۔

    تفصیلات کے مطابق کوئٹہ میں میڈیا سے گفتگو کرتے ہوئے وزیراعلیٰ بلوچستان جام کمال نے کہا کہ
    بلوچستان میں شجرکاری مہم کی بہت ضرورت ہے۔

    انہوں نے کہا کہ بلوچستان میں شجرکاری مہم کے ماحول پراچھے اثرات ہوں گے، بلوچستان ایک پسماندہ علاقہ ہے، یہاں کام کی ضرورت ہے۔

    وزیراعلیٰ بلوچستان نے کہا کہ کوئی شخص درخت کوخوشی سے نہیں کاٹتا، مجبوری میں کاٹتا ہے، لوگوں کوجب سہولتیں دیں گےتو پھران پرسختی کی جاسکتی ہے، لوگوں کے پاس روزگارنہیں، اسی لیے درختوں کوکاٹا جاتا ہے۔

    جام کمال کا کہنا تھا کہ شجرکاری مہم کوروکیں گے نہیں ، جاری رکھیں گے، آج بلوچستان میں 95 ہزار پودے لگائے جائیں گے۔

    وزیراعلیٰ بلوچستان کا یہ بھی کہنا تھا کہ جوکچھ ماضی میں ہوا اس کی وجہ سے صوبہ خسارے میں ہے، کوشش ہے پی ایس جی پی متاثرنہ ہو، بہتری کے لیے کوشش کررہے ہیں جبکہ تعلیم، صحت اورپانی کے مسائل سے متعلق پالیسی بنا رہے ہیں۔

    میڈیا سے گفتگو کرتے ہوئے جام کمال کا مزید کہنا تھا کہ تصورات پرچیزیں نہیں چلتیں، حقیقت کو دیکھتے ہوئے کام کرنا چاہیے، تجاویزکہیں سے بھی آئیں اچھی ہوئیں توانہیں اپنائیں گے۔

    وزیراعلیٰ بلوچستان کا کہنا تھا کہ کام اچھا ہوتا ہے توافسران کواچھی سہولتیں ملنی چاہئیں، اگرکرپشن اورکام بہترنہیں ہوتا تواخراجات کم ہونے چاہئیں۔

    ملک بھرمیں’’پلانٹ فار پاکستان‘‘کے نام سے شجرکاری مہم کا آغاز

    واضح رہے کہ ملک بھرمیں’’پلانٹ فارپاکستان‘‘کے نام سے ایک روزہ شجرکاری مہم چلائی جا رہی ہے جس کے تحت ملک بھر ممیں 15 لاکھ پودے لگائے جائیں گے۔

  • شجرکاری مہم کا مقصدمٹی سے محبت کا اظہاراورآنے والی نسلوں کی بہتری ہے، اقرارالحسن

    شجرکاری مہم کا مقصدمٹی سے محبت کا اظہاراورآنے والی نسلوں کی بہتری ہے، اقرارالحسن

    کراچی : اے آروائی اوراقرارالحسن کی شجرکاری مہم نے اس یوم آزادی کو نیا رنگ دے دیا، اے آروائی کی مہم کی عالمی سطح پرپذیرائی ہورہی ہے، اقرارالحسن کا کہنا ہے کہ شجرکاری مہم کا مقصدمٹی سے محبت کا اظہاراورآنے والی نسلوں کی بہتری ہے۔

    تفصیلات کے مطابق ملک کے اندر شجرکاری مہم کی بھرپورکامیابی کے بعد عالمی سطح پر بھی اے آروائی اوراقرارالحسن کی کوششوں کی پذیرائی کی جارہی ہے۔

    برطانوی نشریاتی ادارے بی بی سی نے اقرارالحسن کی پاکستان کو سرسبز بنانے کے لئے کامیاب شجرکاری کاری مہم کو کوریج دی۔

    اقرارالحسن کا کہنا ہے شجرکاری مہم کا مقصد مٹی سے محبت کا اظہاراورآنے والی نسلوں کی بہتری ہے، شجر کاری مہم کے لئے ایک ہی پیغام تھا کہ قوم پرچم لہرائیں لیکن ساتھ ساتھ ایک درخت بھی لگائیں۔

    اقرارالحسن کا یہ بھی کہنا تھا کہ لوگوں کوسوشل میڈیا اور دیگر ذرائع سے باربارشجرکاری کی اہمیت کے بارے میں بتاتے رہنا ضروری ہے۔

    عوام کا کہنا ہے جھنڈے کے ساتھ پودا لگائیں مہم بہت اچھی اور مثبت سرگرمی ہے، ایک خاتون کا کہنا تھا اے آر وائی نیوز اوراقرارالحسن کی شجرکاری مہم دیکھ کر قوم پرچم لیا تو پودا بھی خریدا۔

    مزید پڑھیں : شجر کاری مہم، سرعام کا 14 لاکھ پودے لگانے کا ہدف مکمل

    واضح رہے اے آر وائی نیوز کے معروف پروگرام ’’ سرعام ‘‘ کے اینکر اور سینئر صحافی اقرار الحسن اور اُن کی ٹیم نے چودہ اگست سے تک ملک کو 14 لاکھ درخت دینے کے عزم کا بیڑہ اٹھایا تھا۔

    جس کے بعد اے آر وائی کی ٹیم سرعام نے چودہ اگست سے قبل ہی ملک بھر میں 14 لاکھ پودے لگانے کا ہدف مکمل کرلیا تھا ، قرار الحسن کا کہنا تھا کہ سرعام کے جانبازوں اور شہریوں نے شبانہ روز انتھک محنت کرتے ہوئے 14 لاکھ لگانے پودے کا ہدف جشن آزادی سے قبل پورا کرلیا مگر ابھی کام روکنا نہیں ہے۔

  • پاک فوج مون سون کے دوران ایک کروڑ پودے لگائے گی، ڈی جی آئی ایس پی آر

    پاک فوج مون سون کے دوران ایک کروڑ پودے لگائے گی، ڈی جی آئی ایس پی آر

    راولپنڈی: پاک فوج ارض وطن کو سرسبزوشاداب بنانے کیلئے میدان آگئی، پاک فوج مون سون کے دوران ایک کروڑ پودے لگائے گی جبکہ آرمی چیف کی زیرنگرانی آج 20 لاکھ پودے لگائے جائیں گے۔

    تفصیلات کے مطابق سبزوشاداب پاکستان کے تحت پاک فوج قومی شجرکاری مہم میں شامل ہوگئی ، ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے پیغام میں کہا کہ آرمی چیف جنرل قمر جاوید باجوہ آج بیس لاکھ پودے لگانے کے عمل میں شامل ہوں گے، ان کی اہلیہ بھی شجرکاری مہم کے تحت پودا لگائیں گی ، پاک فوج مون سون کے دوران ایک کروڑ پودے لگائے گی، اس شجرکاری مہم کو ‘سرسبز و شاداب پاکستان’ کا نام رکھا گیا ہے۔

    خیال رہے سرسبز پاکستان پروگرام کے تحت ملک بھر میں مون سون کی شجرکاری مہم جاری ہے، اس سال مو ن سون کے دوران قومی سطح پر چار کروڑ 71 لاکھ 40 ہزار پودے لگانے کا ہدف مقرر کیا گیا ہے۔

    ماحول کو بہتر بنانے، موسمیاتی تبدیلی کے منفی اثرات سے نمٹنے اور غربت کے خاتمے میں جنگلات کی اہمیت کواجاگر کرنے کیلئے باقاعدگی سے شجرکاری مہمات کا انعقاد کیا جاتا ہے۔

    واضح رہے کہ اے آر وائی کے پروگرام سرعام کی ٹیم اور رضا کاروں نے 71ویں یوم آزادی سے قبل ملک بھر میں چودہ لاکھ درخت لگانے کی مہم کا آغاز کیا تھا جس میں معروف شخصیات سمیت عوام نے بڑھ چڑھ کر حصہ لیا۔

  • اسکواش لیجنڈ جہانگیر خان پودا لگا کر سرعام کی مہم کا حصہ بن گئے

    اسکواش لیجنڈ جہانگیر خان پودا لگا کر سرعام کی مہم کا حصہ بن گئے

    کراچی : اسکواش لیجنڈ جہانگیر خان بھی جشن آزادی کے حوالے سے سرعام ٹیم کی شجر کاری مہم کا حصہ بن گئے، انہوں نے اپنے حصے کا پودا لگادیا۔

    تفصیلات کے مطابق جشنِ آزادی منفر داندازمیں منانے کے لیے سرِعام ٹیم کی ملک بھر میں تاریخ ساز شجرکاری مہم جاری ہے، جشنِ آزادی اس کی اصل روح کے مطابق منانے کے لیے اے آر وائی نیوز کے پروگرام سرعام کے جانباز اب تک کئی شہروں میں ہزاروں پودے لگا چکے ہیں۔

    سر عام کے میزبان اقرارالحسن کا کہنا ہے کہ ہمارا عزم ہے کہ یوم آزادی چودہ اگست تک چودہ لاکھ پودے لگادیں گے، اس سلسلے میں ٹیم سرعام کی شجر کاری مہم کے جوش وجذبے سے متاثر ہوکر اسکواش لیجنڈ جہانگیرخان بھی شجرکاری مہم کاحصہ بن گئے۔

    انہوں نے بھی اپنے حصے کا پودا لگا کر مہم میں بھرپور حصہ لیا، ان کا کہنا تھا کہ اقرارالحسن اور ان کی ٹیم کو مکمل سپورٹ کرتا ہوں، جہانگیرخان نے عوام سے بھی اپیل کی کہ وہ بھی اس مہم کو کامیاب بنائیں اور اپنے حصہ کا پودا ضرور لگائیں۔

    مزید پڑھیں: ٹیم’’سرعام ‘‘ کے ہزاروں جوانوں نے وطن کوسنوارنے اورعالیشان بنانے کا حلف اٹھالیا

    یاد رہے کہ رواں سال یوم پاکستان پر اے آر وائی نیوز کے معروف پروگرام ’’ سرعام ‘‘ کے اینکر اور سینئر صحافی اقرار الحسن نے ایک نئے ولولے اور جوش و جذبے کے ساتھ مینار پاکستان لاہور میں خصوصی پروگرام کیا۔

    اس موقع پر ٹیم سرِعام کے ہزاروں جانبازوں نے23مارچ کے دن مینارِ پاکستان کے سائے تلے قراردادِ پاکستان کی یاد میں وطن کو سنوارنے اور عالیشان بنانے کا حلف اٹھایا۔ مختصر مگر جامع قرار داد دو نکات پر مشتمل تھی۔

  • ماحول کو آلودگی سے بچانے کیلئے زیادہ سے زیادہ درخت لگائیں، چیف جسٹس

    ماحول کو آلودگی سے بچانے کیلئے زیادہ سے زیادہ درخت لگائیں، چیف جسٹس

    لاہور : چیف جسٹس پاکستان نے لاہور میں شجرکاری مہم کا آغاز کر دیا اور کہا کہ ماحول کو آلودگی سے بچانے کیلئے زیادہ سے زیادہ درخت لگائیں۔

    تفصیلات کے مطابق چیف جسٹس ثاقب نثار نے سپریم کورٹ لاہور رجسٹری میں پودا لگا کر شجرکاری مہم کا افتتاح کردیا، اس موقع پر صدر لاہورہائیکورٹ بار انوارلحق پنوں اور عدالتی عملہ بھی موجود تھا۔

    شجرکاری مہم کے موقع پر لاہور ہائیکورٹ کے جسٹس جواد حسن نے خصوصی شرکت کی

    چیف جسٹس کا کہنا تھا ماحول کو آلودگی سے بچانے کیلئے زیادہ سے زیادہ درخت لگانے چاہئیں، یہی زندگی ہے۔

    یاد رہے جنوری میں سپریم کورٹ لاہور رجسٹری ماحولیاتی آلودگی کےبڑھنے ، پانی کی آلودگی اور اسپتالوں کےفضلہ جات ٹھکانےنہ لگانے سے متعلق کیسز کی سماعت پر چیف جسٹس نے چھ مقامات پرآلودگی جانچ کر رپورٹ طلب کرلی جبکہ سیکرٹری ماحولیات کو وارننگ دی تھی۔

    خیال رہے کہ موسم پر نظر رکھنے والے ماہرین نے شہر قائد میں بدلتے درجہ حرارت اور ہیٹ اسٹروک کی وجہ درختوں کے نہ ہونے کو قرار دیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاک بحریہ کے زیراہتمام موسم بہارکی شجرکاری مہم کا افتتاح

    پاک بحریہ کے زیراہتمام موسم بہارکی شجرکاری مہم کا افتتاح

    کراچی : پاک بحریہ کے سربراہ ایڈمرل ظفر محمود عباسی نے نیول ہیڈ کوارٹرز میں پودا لگا کر موسم بہار شجر کاری مہم 2018 کا آغازکردیا۔

    تفصیلات کے مطابق نیول ہیڈ کوارٹرز کراچی میں پاک بحریہ کے سربراہ نے نیوی کے زیر اہتمام پودا لگا کر شجر کاری مہم کا باقاعدہ افتتاح کردیا.

    اس موقع پرگفتگو کرتے ہوئے نیول چیف نے کہا کہ شجرکاری مہمات ہمیں نادر مواقع فراہم کرتی ہیں، اس سے ہمیں فطرت کے ساتھ اپنےتعلق کو مضبوط بنانے موقع ملتا ہے.

    ترجمان پاک بحریہ کے مطابق ایڈمرل ظفر محمودعباسی نے مزید بتایا کہ پاک بحریہ جیوانی سے سرکریک تک ساحلی علاقوں میں وسیع پیمانے پر شجرکاری کرے گی۔

    انہوں نے عوام سے بھی اپیل کی کہ آئندہ آنے والی نسلوں کو صاف ستھراماحول فراہم کرنے کے لیے کم ازکم ایک درخت ضرورلگائیں، اس موقع پر پارلیمانی سیکریٹری روبینہ خورشید عالم بھی موجود تھیں۔