Tag: شدت اختیار

اسلام آباد: ٹیکسٹائل سیکٹر کا بحران شدت اختیار کر گیا، بجلی اور گیس کے رعایتی نرخ بحال نہ کرنے کے سبب ٹیکسٹائل سیکٹر کے 50 فیصد ملز غیر فعال کردیا گیا۔

چیئرمین کاٹن جنرز فورم احسان الحق کے مطابق روئی کی قیمتوں میں گزشتہ 3 روز کے دوران ایک ہزار روپے تک فی من کمی ہوچکی ہے، جس سے پنجاب میں روئی کی قیمتیں 19 ہزار 500، سندھ میں 18 ہزار 500 روپے فی من تک گر گئیں۔

چیئرمین کاٹن جنرز فورم احسان الحق نے کہا کہ سبسڈائزڈ بجلی و گیس کے نرخوں کی بحالی نہیں ہوئی تو صورتحال مزید خراب ہوجائے گی۔

واضح رہے کہ اپٹما نے مسائل حل نہ ہونے کی صورت میں حکومت کو یکم جولائی سے ملز  بند کرنے کا الٹی میٹم دے رکھا ہے۔

کراچی: فلارملز ایسوسی ایشن اور محکمہ خوراک سندھ کے درمیان تنازع شدت اختیار کرگیا جس سے کراچی میں آٹے کا بحران سر اٹھانے لگا ہے۔

چیئرمین فلار ملز ایسوسی ایشن کا کہنا ہے کہ کراچی کی 70 فیصد فلار ملز پر گندم ختم ہوچکی ہے، سندھ حکومت سے تاحال ہم سے کسی نے رابطہ نہیں کیا ہے، 30 فیصد فلار ملز کے پاس صرف 3 سے 4 ہزار بوری گندم موجود ہے اتنی بوریاں شہر کی 5 فیصد بھی ڈیمانڈ پوری نہیں کر سکتیں۔

فلارملز ایسوسی ایشن کے چیئرمین کا کہنا تھا کہ منگل تک تقریباً تمام فلارملز پر گندم ختم ہوجائے گی، کل سے شہر کی تمام فلار ملز گندم نہ ہونے پر بند ہوجائیں گی، گندم ملنے تک فلار ملز بند رہیں گی۔

سندھ فلازملز کے چیئرمین کا  کہنا ہے کہ گندم نہ ملنے کے سبب کراچی میں آٹے کا بحران پیدا ہورہا ہے، سندھ حکومت نے گندم کی خریداری کا ہدف 1.4ملین ٹن رکھا ہے، مارچ سے خریداری کے باوجود گندم کی خریداری کا ہدف مکمل نہیں ہوا، پنجاب حکومت 40 فیصدگندم کی خریداری مکمل کر چکی ہے۔

انہوں نے بتایا کہ کراچی میں آٹے کی فی کلو قیمت 200 روپے تک پہنچ سکتی ہے، فلار ملز اپنے آئندہ کے عمل کا اعلان کل کریں گی، شہر میں کل سے آٹے کی سپلائی صرف 10 فیصد ہو سکےگی، آج بھی گندم کی عدم فراہمی کی وجہ سے تمام فلار ملز بند رکھی گئیں۔