میرانشاہ :چیک پوسٹ پر شدت پسندوں کے حملے میں پانچ دہشتگرد ہلاک جبکہ ایک اہلکار شدید زخمی ہوگیا۔
میرانشاہ کی تحصیل غلام خان میں سیکیورٹی فورسز نے چیک پوسٹ دہشت گردوں کی جانب سے حملہ کیا گیا، سیکیورٹی فورسز کی جوابی کارروائی میں پانچ شدت پسند ہلاک جبکہ ایک اہلکار شدید زخمی ہوگیا۔
جس کے بعد سیکیورٹی فورسز نے علاقے کو گھیرے میں لے لیا اور سرچ آپریشن کیا گیا۔
سرچ آپریشن کے دوران علاقے کے خارجی وبیرونی راستے سیل کردیئے گئے تھے۔
تیونس: شدت پسندوں نے پارلیمنٹ پرحملہ کرکے انیس سیاحوں کو ہلاک کردیا ، فوج کی جوابی کارروائی میں دوشدت پسند مارے گئے، وزیراعظم حبیب اسد نے حملے کوملکی معیشت پرحملہ قرار دے دیا۔
تیونس کی پارلیمنٹ سے ملحقہ قومی عجائب گھرمیں مسلح افراد نے دھاوا بول دیا،غیرملکی خبررساں ادارے کے مطابق شدت پسند فوجی یونیفارم میں ملبوس تھے۔
انہوں نے قومی عجائب گھر میں داخل ہوکر سیاحوں کو یرغمال بنالیا۔واقعے کی اطلاع ملتے ہی فوج نے عجائب گھر کو گھیرے میں لے لیا۔۔ جس پرشدت پسندوں نے یرغمالیوں پر فائرنگ شروع کردی۔
وزیراعظم حبیب اسد شدت پسندوں کے حملے کوملکی معیشت پرحملہ قرار دیا۔۔ان کا کہنا تھا کہ شدت پسندوں کے حملے میں انیس غیرملکی سیاح مارے گئے ۔ان کا تعلق اٹلی ،اسپین ،جرمنی اور پولینڈ سے تھا، وزیراعظم نے کہا کہ فوج کی جوابی کارروائی میں دوشت پسند ہلاک اور تین کی گرفتاری کیلئے سرچ آپریشن جاری ہے ۔
