ARYNews.tv | Urdu – Har Lamha Bakhabar

Tag: شدید زخمی

  • ہیوسٹن میں اسکارف پہنی پاکستانی خاتون پر وحشیانہ حملہ (ویڈیو)

    ہیوسٹن میں اسکارف پہنی پاکستانی خاتون پر وحشیانہ حملہ (ویڈیو)

    اسکارف پہنی پاکستانی نژاد خاتون پر امریکی ریاست ٹیکساس کے شہر ہیوسٹن میں مبینہ طور پر مذہبی منافرت کے تحت وحشیانہ حملہ کیا گیا۔

    فوکس نیوز کی رپورٹ کے مطابق افسوسناک واقعہ ساؤتھ ولکریسٹ ڈرائیو پر واقع شوگر پارک پلازہ کے نزدیک پیش آیا، نامعلوم شخص نے خاتون کو پیچھے سے زور سے دھکا دے کر زمین پر گرا دیا۔

    رپورٹس کے مطابق زور دار دھکے کے باعث خاتون منہ کے بل زمین پر گر پڑی، جس کے باعث اس کی ناک کی ہڈی ٹوٹ گئی اور چہرے پر شدید چوٹیں آئیں۔ واقعہ سی سی ٹی وی کیمرے میں قید ہوگیا، جس میں دیکھا جا سکتا ہے کہ حملہ آور بآسانی سڑک کے دوسری جانب فرار ہوگیا۔

     

    View this post on Instagram

     

    A post shared by FOX 26 Houston (@fox26houston)

    رپورٹس کے مطابق خاتون کے بیٹے محمد ظہیر کا اس حوالے سے کہنا تھا کہ اس کی والدہ اسکارف پہنے ہوئے تھیں اور ممکنہ طور پر حملہ آور نے انہیں مسلمان سمجھ کر تشدد کیا، یہ حملہ نفرت پر مبنی جرم ہے اور ملزم کو فوری گرفتار کرکے سخت سزا دی جانی چاہیے۔

    امریکن پاکستانی خاندان نے پولیس رپورٹ درج کرا دی ہے۔ پولیس نے بتایا کہ گرفتاری کی صورت میں ملزم کو سنگین جرم کے تحت چارج کیا جائے گا۔

    اسرائیلی فوج کا حملہ: الجزیرہ کے صحافی انس الشریف 5 ساتھیوں سمیت شہید

    اس سے قبل فرانس میں فلسطینیوں سے اظہاریکجہتی کے طور پر روایتی فلسطینی رومال لینا خاتون کے لیے جرم بن گیا۔

    پولیس نے روایتی فلسطینی اسکارف پہنے ایک خاتون کو حراست میں لیا اور جرمانہ کیا جسے کیفیہ کہا جاتا ہے۔ پولیس نے خاتون پر لیون میں ایک غیرقانونی مظاہرے کا حصہ ہونے کا الزام لگا کر کارروائی کا دعویٰ کیا ہے۔

  • معروف بھارتی گلوکار شوٹنگ کے دوران شدید زخمی، اسپتال منتقل

    معروف بھارتی گلوکار شوٹنگ کے دوران شدید زخمی، اسپتال منتقل

    بھارت کے معروف پنجابی گلوکار و اداکار گرو رندھاوا شوٹنگ کے دوران زخمی ہوگئے جس کے بعد انہیں اپستال منقتل کیا گیا۔

    بھارت کے معروف پنجابی گلوکار  و اداکار گرو رندھاوا نے فوٹو اینڈ شیئرنگ ایپ انسٹاگرام پر اپنی اسپتال میں داخل ہونے کی تصویر شیئر کی ہے۔

    گرو رندھاوا نے سوشل میڈیا پر تصویر شیئر کرتے ہوئے بتایا کہ یہ میرا پہلا اسٹنٹ تھا اور پہلی بار زخمی ہوا لیکن میرا حوصلہ نہیں ٹوٹا ہے۔

    گلوکار نے پوسٹ میں مزید لکھا کہ یہ تصویر فلم ’شانکی سردار‘ کی یادگار ہے، ایکشن کرنا بہت مشکل کام ہے لیکن میں اپنے چاہنے والوں کیلئے محنت کروں گا۔

     

    View this post on Instagram

     

    A post shared by Guru Randhawa (@gururandhawa)

    گلوکار کی جانب سے جاری کردہ پوسٹ کے بعد ان کے مداحوں اداکار کی جلد صحتیابی کیلئے دعائیں اور نیک تمناؤں کا اظہار کررہے ہیں۔

    دوسری جانب بھارتی میڈیا کا کہنا ہے کہ گرو رندھاوا ان دنوں اپنی نئی آنے والی فلم ’شانکی سردار‘ کی شوٹنگ میں مصروف ہیں، اداکار فلم میں ایکشن سین کے دوران زخمی ہوگئے اور انہیں اسپتال منتقل کر دیا گیا۔

  • معروف فٹ بالر کار حادثے میں شدید زخمی، آئی سی یو منتقل

    معروف فٹ بالر کار حادثے میں شدید زخمی، آئی سی یو منتقل

    فٹبال کے معروف کھلاڑی کار حادثے میں شدید زخمی ہو گئے ہیں اور انہیں اسپتال کے آئی سی یو منتقل کر دیا گیا ہے۔

    غیر ملکی میڈیا کے مطابق معروف فٹبالر کی کار خوفناک حادثے کا شکار ہو کر مکمل تباہ ہوگئی اس حادثے میں اسٹرائیکر کو شدید چوٹیں آئی ہیں اور انہیں اسپتال کے آئی سی یو میں منتقل کر دیا گیا ہے۔

    غیر ملکی میڈیا کے مطابق یہ حادثہ انگلش پریمیئر لیگ کی ٹیم ویسٹ ہیم کے اسٹرائیکر 34 سالہ مائیکل انتونیو کو ایپنگ کے علاقے میں پیش آیا جس میں ان کی فراری کار مکمل تباہ ہوگئی۔

    حادثے کی اطلاع ملنے پر ایسکس کاؤنٹی فائر اینڈ ریسکیو سروس نے جائے حادثہ پر پہنچ کر کار میں پھنسے اسٹرائیکر کو شدید زخمی حالت میں باہر نکالا اورسینٹرل لندن لے جایا گیا، جہاں انتہائی نگہداشت کے وارڈ میں منتقل کر دیا گیا۔

    اسپتال ذرائع نے جمیکا کے فٹ بالر مائیکل کی حالت اب تسلی بخش بتائی ہے تاہم وہ ڈاکٹروں کی زیر نگرانی ہیں۔

    ایسکس پولیس کا کہنا ہے کہ حکام فراری کار سے متعلق سنگین حادثے کی تحقیقات کر رہے ہیں اور عینی شاہدین اور ڈیش کیم فوٹیج کی مدد لی جا رہی ہے۔

    ویسٹ ہیم کی جانب سے جاری بیان میں تصدیق کی گئی ہے کہ 34 سالہ فارورڈ کار حادثے میں زخمی ہو گئے ہیں

    واضح رہے کہ جمیکا کے بین الاقوامی کھلاڑی مائیکل انتونیو نے 2015 میں ناٹنگھم فاریسٹ سے ویسٹ ہیم میں شمولیت اختیار کی تھی اور اس کے بعد سے کلب کے لئے 268 لیگ میچوں میں 68 گول اسکور کیے ہیں۔

  • پریانکا چوپڑا فلم کی شوٹنگ کے دوران شدید زخمی ہوگئیں

    پریانکا چوپڑا فلم کی شوٹنگ کے دوران شدید زخمی ہوگئیں

    بالی ووڈ اور ہالی ووڈ کی معروف اداکارہ پریانکا چوپڑا فلم کی شوٹنگ کے دوران شدید زخمی ہوگئیں۔

    اداکارہ پریانکا چوپڑا نے اپنے انسٹاگرام اسٹوری پر ایک تصویر پوسٹ کی جس میں ان کے ماتھے کے دائیں جانب ایک چوٹ دکھائی دے رہی ہے، جبکہ خون کے نشان بھی نظر آرہے۔

    تاہم اداکارہ نے یہ نہیں بتایا کہ وہ کس فلم کی شوٹنگ کے دوران زخمی ہوئی ہیں، لیکن بھارتی میڈیا کا کہنا ہے کہ اُن کی آنے والی نئی فلموں کی شوٹنگ کے دوران وہ زخمی ہوئیں ہے۔

    پریانکا نے زخمی حالت میں اپنی تصویر شیئر کرتے ہوئے کیپشن میں لکھا ہے کہ ’میں حیران ہوں کہ کام سے کتنی خون آلود تصویریں میں نے گزشتہ برسوں کے دوران پوسٹ کی ہیں۔‘

    واضح رہے کہ اداکارہ پریانکا چوپڑا آج کل اپنے آنے والے دو نئے پروجیکٹس کی شوٹنگ میں مصروف ہیں جن میں ’دی بلف‘ اور ’ہیڈذ آف اسٹیٹ‘ شامل ہے۔

  • کراچی: ڈکیتی مزاحمت پر سابق وزیراعلیٰ سندھ علی محمدمہر پر حملہ

    کراچی: ڈکیتی مزاحمت پر سابق وزیراعلیٰ سندھ علی محمدمہر پر حملہ

    کراچی: شہرقائد میں ڈکیتی مزاحمت پر سابق وزیراعلیٰ سندھ علی محمدمہر پر ڈاکوؤں نے حملہ کردیا، جس کے باعث وہ زخمی ہوگئے۔

    تفصیلات کے مطابق علی محمد مہر کو کلفٹن میں واقع نجی اسپتال منتقل کردیا گیا، آئی جی سندھ کاڈیفنس میں سابق وزیراعلیٰ کے زخمی ہونے کے واقعے کا نوٹس لے لیا۔

    اےایس پی ساؤتھ کراچی کا کہنا ہے کہ علی محمد مہر کے ڈیفنس کے گھر چھ مسلح افراد گھسے،گھریلو ملازم مراد اور اس کے ساتھی کا پوچھا، سابق وزیراعلیٰ سندھ نے مزاحمت کی تو ان پر تشدد کیا، بٹ لگنے سے علی محمد مہر کے سر پر دو ٹانکے لگے ہیں۔

    آئی جی سندھ ڈاکٹر سید کلیم امام نے واقعہ پر ڈی آئی جی ساؤتھ سے انکوائری رپورٹ طلب کرلی، پولیس نے فوری طور پر تحقیقات کا آغاز کردیا ہے۔

    پولیس حکام کا کہنا ہے کہ 6 مسلح ملزمان رکشے میں سوار ہو کر علی محمد مہر کے گھر پہنچے، ملزمان سابق وزیراعلیٰ سندھ کے گھر میں دیوار کود کر گھسے، ملزمان نے اہلخانہ سے یاسین نامی نوکر کا پوچھا اور ملزمان نے گھر میں موجود افراد کو اسلحے کے زور پر غمال بھی بنایا۔

    ملزمان علی محمد مہر کے کمرے میں بھی داخل ہوئے، وہ گھر میں پہلے سے ہی زیرعلاج تھے، ملزمان کے بٹ مارنے سے علی محمدمہر کے ماتھے پر چوٹ آئی، ملزمان کی جانب سے کوئی فائر نہیں کیا گیا، ملزمان گزشتہ روز بھی علی محمدمہر کے گھر آئے تھے۔

    جہانگیرترین مزید آزاد ارکان اڑا لائے، شبیرعلی قریشی اورعلی محمد مہر پی ٹی آئی میں شامل

    پولیس کے مطابق علی محمدمہر کے بیان کے بعد مزید تفصیلات سامنے آئیں گی، انہیں طبی امداد کے لیے کلفٹن میں واقع نجی اسپتال منتقل کر دیا گیا ہے۔

    دوسری جانب پاکستان تحریک انصاف کے رہنما خرم شیرزمان نے واقعے کی شدید الفاظ میں مذمت کی، میڈیا سے گفتگو کرتے ہوئے ان کا کہنا تھا کہ 6سے7 لوگ علی محمدمہر کے گھر میں داخل ہوئے، شہر میں روزانہ کی بنیاد پر وارداتیں ہورہی ہیں۔

    رہنما پی ٹی آئی کا مزید کہنا تھا کہ امن و امان کی صورت حال پر سندھ حکومت جواب دہ ہے، سیکیورٹی فراہم کرنا سندھ حکومت کی ذمہ داری ہے۔

  • پولینڈ: چاقو حملے میں شدید زخمی ہونے والے میئر دم توڑ گئے

    پولینڈ: چاقو حملے میں شدید زخمی ہونے والے میئر دم توڑ گئے

    گدانسک: پولینڈ میں چاقو بردار شخص کے حملے میں شدید زخمی ہونے والے میئر دوران علاج دم توڑ گئے۔

    تفصیلات کے مطابق پولینڈ کے شہر گدانسک کے میئر ’پاؤیل ایداموکس‘ پر چاقو بردار شخص نے گذشتہ روز حملہ کیا، بعد ازاں انہیں شدید تشوش ناک حالت میں اسپتال منتقل کیا گیا تھا۔

    غیر ملکی خبر رساں ادارے کے مطابق میئر پاؤیل ایداموکس کی حالت انتہائی نازک تھی، اسپتال میں انہیں بچانے کی بھرپور کوشش کی گئی تاہم وہ زخموں کی تاب نہ لاتے ہوئے آج چل بسے۔

    پولینڈ کے مختلف شہروں میں آنجہانی میئر کو خراج عقیدت پیش کرنے کے لیے ریلیاں اور جلوس نکالے گئے جو گزشتہ روز چیئرٹی تقریب کے دوران چھری کے حملے میں زخمی ہوگئے تھے۔

    پولینڈ کے شہر گدانسک میں چیریٹی پروگرام کے دوران چاقو بردار شخص نے اسٹیج پر چڑھ کر پولش مئیر پاؤیل ایداموکس پر پے در پے وار کرکے شدید زخمی کردیا تھا۔

    پولیس نے فوری کارروائی کرکے ستائیس سالہ حملہ آور کو حراست میں لے رکھا ہے، پولیس حکام کے مطابق حملہ آور مجرمانہ ریکارڈ کا حامل ہے۔

    لندن : چاقو زنی کی واردات، ایک شخص ہلاک، ملزم گرفتار

    یاد رہے کہ میئر پر ہونے والے حملے کے بعد پولینڈ کے صدر اینڈرز ڈوڈا نے واقعے کی شدید مذمت کرتے ہوئے قوم سے دعا کی اپیل کی تھی، ان کا کہنا تھا کہ ملزم کو قرار واقعی سزا دی جائے گی۔

    خیال رہے کہ پاؤیل ایداموکس پولینڈ میں مشہور اور ذمہ دار میئر کے طور پر جانے جاتے تھے، وہ پچھلے بیس سال سے شہر گدانسک کے میئر رہے۔

  • برطانیہ: مسجد میں بزرگ نمازی چاقو زنی کی واردات میں‌ زخمی

    برطانیہ: مسجد میں بزرگ نمازی چاقو زنی کی واردات میں‌ زخمی

    لندن : برطانیہ کے شہر مانچسٹر میں واقع مسجد میں بزرگ نمازی کو نامعلوم چاقو بردار شخص نے حملہ کرکے شدید زخمی کردیا تھا، جسے تشویش ناک حالت میں اسپتال منتقل کیا گیا۔

    تفصیلات کے مطابق برطانیہ کے شہر مانچسٹر میں واقع مسجد میں ایک 80 سالہ شخص پر گذشتہ روز چاقو بردار شخص نے حملہ کردیا تھا جس کے بعد متاثرہ شخص کو شدید زخمی حالت میں اسپتال منتقل کیا گیا تھا۔

    غیر ملکی خبر رساں ادارے کا کہنا تھا کہ برطانوی پولیس کا خیال ہے کہ بزرگ شہری کے ساتھ مدرسہ و مسجد میں پیش آنے والی چاقو زنی کی واردات میں دو نمازی ملوث ہیں۔

    برطانوی پولیس کے ترجمان کا کہنا ہے کہ سیکیورٹی ادارے کے اہلکاروں نے 80 سالہ نمازی پر تیز دھار چاقو سے حملہ کرنے کے شبے میں 20 سالہ نوجوان کو گرفتار کرکے واقعے کی تفتیش کے لیے پولیس اسٹیشن منتقل کردیا ہے۔

    مانچسٹر پولیس کے سربراہ فاض زمان کا کہنا تھا کہ کسی بھی مذہب کی عبادت گاہ میں حملے کا واقعہ پیش آنا مناسب نہیں ہے اور مسجد کے اندر بزرگ شہری پر چھری سے حملہ کرکے قتل کرنے کی کوشش کرنا انتہائی تشویش ناک اور مانچسٹر میں اپنی نوعیت کا پہلا واقعہ ہے۔

    پولیس چیف کا کہنا ہے کہ متاثرہ شہری کو اسپتال منتقل کرنے کے کئی گھنٹے بعد تک سیکیورٹی ادارے کے اہلکاروں کی جانب سے علاقے میں مقامی افراد اور عینی شاہدین سے واقعے کے معلومات جمع کرتے رہے۔

    برطانوی خبر رساں ادارے کے مطابق پولیس کے چیف انسپکٹر کا کہنا تھا کہ بزرگ شہری پر چاقو زنی کی واردات کے حوالے تفتیش ابتدائی مراحل میں ہیں، تاہم وہیلکے رینج میں پیش آنے والے مذکورہ واقعے کی تحقیقات نفرت انگیز جرم کے طور پر کی جارہی ہے۔

    مزید پڑھیں : لندن: بریٹین گوٹ چیلنج کی اسٹار چاقو زنی کی واردات میں قتل

    خیال رہے کہ دو روز قبل دارالحکومت لندن کے علاقے بیٹرسی میں برطانیہ گوٹ چیلنج کی اسٹار 31 سالہ سیمونی کیرر پر نامعلوم افراد کی جانب سے چاقو کے حملے میں زخمی ہوئی تھی جو اسپتال منتقل کرنے کے دوران ہلاک ہوگئی۔

    ایک رپورٹ کے مطابق برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا ہے، برطانوی میڈیا کے مطابق نوجوان گینگ کلچر کا شکار ہورہے ہیں جس کے باعث لندن میں رواں سال چاقو زنی کی وارداتوں میں اب تک 50 سے زائد افراد قتل ہوچکے ہیں۔

  • ماڈل اور ڈرامہ اداکارہ مومل خالد کار حادثہ میں شدید زخمی

    ماڈل اور ڈرامہ اداکارہ مومل خالد کار حادثہ میں شدید زخمی

    کراچی :ماڈل اور ڈرامہ  اداکارہ مومل خالد ایک کار حادثہ میں شدید زخمی ہوگئی جبکہ انکا منگیتر موقع پر ہی جاں بحق ہوگیا۔

    تفصیلات کے مطابق کراچی میں مومل خالد اپنے منگیتر کے ہمراہ گاڑی میں جارہی تھی کہ انکی گاڑی دوسری گاڑی سے جا ٹکرائی، حادثہ میں مومل خالد کے منگیتر شاہ زیب مگسی موقع پر ہی انتقال کر گئے جبکہ مومل خالد کو شدید زخمی حالت میں اسپتال منتقل کیا گیا، اس وقت وہ آئی سی یو میں ہے۔

    ہسپتال ذرائع کے مطابق مومل خالد کی حالت تشویشناک ہے، حادثہ اتنا خوفناک تھا کہ گاڑی کا ایک طرف کا حصہ مکمل طور پر تباہ ہوگیا۔

    واضح رہے کہ اداکارہ اور ماڈل مومل خالد بہت سے ٹی وی ڈراموں میں ادکاری کے جوہر دکھا چکی ہیں، مومل خالد ایک ٹیکسٹائل ڈیزائننر ہے انھوں نے ٹیکسٹائل انسٹی ٹیوٹ آف پاکستان میں تعلیم حاصل کی ہے۔
    مومل خالد نے ماڈلنگ کے بعد اداکاری سے شوبز کیریئر کا آغاز کیا اور تیزی سے کامیابی کی سیڑھی چڑھنے لگی، مومل خالد کو  آئندہ سیریل "عاشق حسین میں دیکھا جائے گا، جس میں اداکارہ صائمہ اور اداکار فیصل قریشی  بھی انکے ساتھ شامل ہیں۔