Tag: شدید سردی

  • سعودی عرب میں شدید سردی کی نئی لہر، کئی علاقوں میں درجہ حرارت منفی ہوگیا

    سعودی عرب میں شدید سردی کی نئی لہر، کئی علاقوں میں درجہ حرارت منفی ہوگیا

    سعودی عرب میں شدید سردی کی نئی لہر داخل ہو گئی ہے اور مملکت کے کئی علاقوں میں درجہ حرارت نقطہ انجماد سے نیچے گر چکا ہے۔

    سبق ویب سائٹ کے مطابق سعودی عرب میں سردی کی نئی اور شدید لہر نے مملکت کے شمالی اور وسطی علاقوں کو سب سے زیادہ متاثر کیا ہے جہاں درجہ حرارت نقطہ انجماد سے بھی نیچے گر چکا ہے۔

    رپورٹ کے مطابق طرف میں منگل کو کم سے کم درجہ حرارت منفی پانچ جب کہ آج طرف اور ارار کے علاقوں میں سب سے کم منفی ایک درجہ حرارت ریکارڈ کیا گیا ہے۔

    تبوک، حائل، الجوف اور شمالی حدود ریجن میں درجہ حرارت نقطہ انجماد تک پہنچ رہاہے جبکہ اس کی تاثیر ملک کے دیگر شہروں میں بھی محسوس کی جارہی ہے۔

    اس کے علاوہ سعودی دارالحکومت ریاض میں بھی چار ڈگری سینٹی گریڈ کے ساتھ موسم شدید سرد رہا۔ مکہ مکرمہ میں آج درجہ حرارت 22 اور مدینہ منورہ میں کم سے کم 15 ڈگری سینٹی گریڈ ریکارڈ کیا گیا۔

    سعودی ماہر موسمیات عبد اللہ العصیمی نے منگل اور بدھ کے روز پڑنے والی سردی کو سعودی عرب میں سال رواں کی سخت ترین سرد لہر قرار دیا ہے

    دوسری جانب محکمہ موسمیات کے ترجمان حسین القحطانی نے کہا ہے کہ سردی کی موجودہ لہر کی شدت کا زور جمعہ تک ٹوٹ جائے گا جس کے بعد موسم اعتدال کی طرف مائل ہونا شروع ہوگا۔

    محکمہ موسمیات نے مکہ مکرمہ ریجن میں جدہ، رابغ، اللیث اور خلیص میں گرد آلود تیز ہوا چلنے، جدہ اور رابغ کے سمندر میں تین میٹر تک بلند لہریں اٹھنے کی پیشگوئی کی ہے۔

  • کراچی میں شدید سردی، آج تیز ہوائیں چلنے کی پیشگوئی

    کراچی میں شدید سردی، آج تیز ہوائیں چلنے کی پیشگوئی

    کراچی: محکمہ موسمیات نے کراچی میں آج دن میں بھی ٹھنڈی ہوائیں چلنے کی پیشگوئی کردی، جس سے سردی کی شدت میں مزید اضافہ ہوگا۔

    تفصیلات کے مطابق ملک بھر میں یخ بستہ ہواؤں کا راج برقرار ہے، کراچی میں بھی ٹھنڈی ہواؤں سے سردی کی شدت میں اضافہ ہوگیا ہے، جس کے باعث شہر میں رات میں کم سےکم درجہ حرارت 14.5 ڈگری ریکارڈ کیا گیا۔

    محکمہ موسمیات نے شہر میں آج بھی وقفے وقفے سے تیز ہوائیں چلنے کا امکان ظاہر کرتے ہوئے کہا کہ آج 25 سے 35 کلو میٹر فی گھنٹہ کی رفتار سے تیز ہوائیں چلنے کا امکان ہے۔

    محکمہ موسمیات کا کہنا ہے کہ شہر میں اس وقت موسم سرد ہے، شہر میں آج زیادہ سے زیادہ درجہ حرارت 26 ڈگری تک جانے کا امکان ہے، شہر کی ہوا میں نمی کا تناسب 54 فیصد ہے۔

    محکمہ موسمیات کا مزید بتایا ہے کہ شمال مشرق سمت سے 15 کلو میٹر فی گھنٹہ کی رفتار سے ہوا چل رہی ہے اس کے علاوہ کراچی کا فضائی معیار مضر صحت ہے، ہوا میں آلودہ ذرات کی مقدار 174 پرٹیکیولیٹ میٹرز ریکارڈ کی گئی ہے۔

    https://urdu.arynews.tv/karachi-temperatures-drop-further-next-3-days/

  • کراچی میں شدید سردی  ،  آج دن میں بھی ٹھنڈی ہوائیں چلنے کی پیشگوئی

    کراچی میں شدید سردی ، آج دن میں بھی ٹھنڈی ہوائیں چلنے کی پیشگوئی

    کراچی : محکمہ موسمیات نے کراچی میں آج دن میں بھی ٹھنڈی ہوائیں چلنے کی پیشگوئی کردی ، جس سے سردی کی شدت میں مزید اضافہ ہوگا۔

    تفصیلات کے مطابق ملک بھرمیں یخ بستہ ہواؤں کا راج برقرار ہے، کراچی میں بھی ٹھنڈی ہواؤں سے سردی کی شدت میں اضافہ ہوگیا ہے ، جس کے باعث شہر میں آج کم سے کم درجہ حرارت 10.8 ریکارڈ کیا گیا۔

    محکمہ موسمیات نے شہر میں آج بھی وقفے وقفے سے تیز ہوائیں چلنے کا امکان ظاہر کرتے ہوئے کہا کہ 24 گھنٹے کے دوران موسم خشک اور مطلع ابر آلود رہے گا۔

    شہر میں زیادہ سےزیادہ درجہ حرارت25 ڈگری سینٹی گریڈتک جانےکاامکان ہے تاہم ہوا میں نمی کا تناسب 71 فیصد ہے اور شمال مشرق سمت سے 10 کلو میٹر فی گھنٹہ کی رفتار سے ہوا چل رہی ہے۔

    دوسری جانب کالام سمیت مختلف علاقوں میں جہاں سیاح برف باری سے انجوائے کررہے ہیں تو شدید ٹھنڈ اور برف باری نے مختلف علاقوں میں مقامی لوگوں کی مشکلات بڑھ گئی ہیں۔

    چترال کے بالائی علاقوں میں برف باری ہورہی ہے، جس سے وہاں نظام زندگی متاثرہوگیا ہے اور اپر چترال کے لوگ اپنی مدد آپ کے تحت سڑک سے برف ہٹانے میں مصروف ہیں جبکہ ندی نالوں میں برف جمنے سےچھوٹے پن بجلی اور پانی کی فراہمی متاثرہوچکے ہیں۔

    محکمہ موسمیات کے مطابق اسکردو میں پارہ منفی گیارہ، استور منفی دس، گلگت، کالام منفی سات اور ہنزہ میں منفی چھ ریکارڈ کیا گیا تاہم آئندہ 24 گھنٹوں میں کشمیر، گلگت بلتستان، دیر، چترال، سوات اور مری ، کراچی، کوئٹہ، لاہور، اسلام آباد اور پشاور سمیت دیگر اضلاع موسم سرد اور خشک رہے گا جبکہ پنجاب کے میدانی علاقوں میں صبح دھند چھائے رہنے کی توقع ہے۔

  • کراچی میں شدید سردی سے 63 افراد کے مرنے کا انکشاف

    کراچی میں شدید سردی سے 63 افراد کے مرنے کا انکشاف

    کراچی : شہر قائد میں شدید سردی کے باعث 63 افراد کے مرنے کا انکشاف سامنے آیا ، جس میں زیادہ تر نشئی افراد تھے۔

    تفصیلات کے مطابق ترجمان چھیپا فاؤنڈیشن چوہدری شاہد کی جانب سے بیان میں کہا گیا ہے کہ کراچی میں دسمبر سے اب تک مختلف مقامات سے تریسٹھ لاشیں ملی ہیں۔

    ترجمان کا کہنا تھا کہ مرنے والے نشے کے عادی افراد تھے جوسردی برداشت نہ کرسکے، ان کے پاس خود کو سردی سے بچانے کیلئے کوئی انتظام نہیں تھا۔

    چوہدری شاہد نے بتایا کہ مرنےوالے نشے کے عادی افرادمیں ایک خاتون بھی شامل ہے، 43 میں سے 13 بے گھر نشے کے عادی افراد کی موت سردی کی وجہ سے ہوئی، سردی سے مرنے والوں کے پاس نہ تو گرم کپڑے تھے اور نہ کمبل وغیرہ۔

    ان کا مزید کہنا تھا کہ سردی سے بچنے کیلئے نشے کے عادی افراد نشے کی مقدار بڑھا دیتے ہیں اور نشےکی زائد مقدار اور سردی نشئیوں کی موت کاسبب بن رہی ہے۔

    ترجمان کے مطابق 38 افراد کی تدفین اور کچھ کو لواحقین کے حوالے کیا گیا جبکہ چھیپا سرد خانے میں اب بھی 25لاوارث لاشیں موجود ہیں، سردی کی شدت کی وجہ سے اموات زیادہ ہورہی ہیں۔

  • بلوچستان میں شدید سردی کی  لہر ،  کوئٹہ میں پارہ منفی 6 تک گرگیا

    بلوچستان میں شدید سردی کی لہر ، کوئٹہ میں پارہ منفی 6 تک گرگیا

    اسلام آباد : شمالی بلوچستان میں شدید سردی کی لہر برقرار ہے ، کوئٹہ میں پارہ منفی 6 تک گرگیا، جس سے کراچی میں سرد ہوائیں چلنے کا امکان ہے۔

    تفصیلات کے مطابق کراچی سے خیبر تک ملک بھرمیں سردی کی لہر جاری ہے، گلگت بلتستان کے بالائی علاقوں میں شدید برفباری سے نظامِ زندگی درہم برہم ہوگیا۔

    پہاڑوں نے سفیدچادراوڑھ لی ، سڑکیں مکانات اور درخت بھی برف سےڈھک گئے جبکہ ٹھنڈ کی شدت بھی بڑھ گئی۔

    لہہ میں درجہ حرارت منفی 12 ، استور میں پارہ منفی گیارہ، اسکردو میں منفی نو تک گرگیا۔

    شمالی بلوچستان میں بھی سردی کے ڈیرے ہیں، جہاں کوئٹہ میں درجہ حرارت مائنس چھ، زیارت اور قلات میں منفی پانچ ریکارڈ ہوا۔

    اسلام آباد میں بھی پارہ نقطہ انجماد سے گرگیا جبکہ پشاورمیں پارہ دو، لاہور میں پانچ اور کراچی میں بارہ ڈگری سینٹی گریڈ ریکارڈ کیا گیا۔

    لاہور میں سردی کی شدت میں اضافہ ہوگیا ہے اور درجہ حرارت پانچ ڈگری سینٹی گریڈ تک گر گیا ہے۔

    موسم کا حال بتانے والوں کا کہنا ہے کہ کشمیرگلگت بلتستان میں موسم سخت سرداورخشک جبکہ مطلع ابر آلود رہے گا، اسلام آباد میں سخت سردی اور کہر پڑنے کا امکان ہے۔

    پشاور میں موسم سخت سرد اور لاہورسرد رہنے کی توقع ہے جبکہ کوئٹہ میں موسم سرد اورخشک جبکہ پہاڑی علاقوں میں شدید سرد رہے گا اور کراچی میں سرد ہوائیں چلنے کا امکان ہے۔

  • بھارت کی کن ریاستوں میں اسکول کب تک بند رہیں گے؟

    بھارت کی کن ریاستوں میں اسکول کب تک بند رہیں گے؟

    بھارت ان دنوں شدید سردی کی زد میں ہے، جس کا اثر بچوں کی تعلیم پر بھی پڑ رہا ہے، شدید سردی کے پیش نظر متعدد ریاستوں میں اسکولوں کو بند کردیا گیا ہے۔

    غیر ملکی ذرائع ابلاغ کے مطابق دہلی کے اسکول 23جنوری کو کھول دیئے گئے تھے، مگر شدید سردی کی لہر کے باعث اسکولوں کے اوقات کار تبدیل کردیئے گئے ہیں۔

    چندی گڑھ انتظامیہ کے مطابق نرسری سے کلاس 5 تک کے اسکولوں کو 28 جنوری تک بند رکھنے کا حکم صادر کیا گیا ہے، اب 29 جنوری سے اسکولوں میں جونیئر کلاسز کا انعقاد کیا جائے گا۔

    جموں وکشمیر کے اسکول 28 جنوری سے کھول دیئے جائیں گے، جموں کی انتظامیہ نے بھی 27 جنوری تک اسکول بند رکھنے کی ہدایات جاری کی ہیں۔

    ہریانہ حکومت نے ریاست کے اسکولوں کو 27 جنوری 2024 تک بند رکھنے کی ہدایات دی ہیں۔ تاہم یہ حکم صرف نرسری سے پانچویں تک کی کلاسز کے لیے ہے۔

    اس حکم کی وجہ سے دہلی این سی آر کے علاقوں میں گروگرام اور ہریانہ کے فرید آباد کے اسکولوں میں پانچویں جماعت تک کے طلباء کے لیے موسم سرما کی تعطیلات کا سلسلہ جاری رہے گا۔

    16 لڑکیوں کا زیادتی کے بعد قتل، دل دہلا دینے والی داستان ۔۔

    دہلی این سی آر، نوئیڈا اور غازی آباد کے دیگر علاقوں سمیت پوری ریاست میں اسکولوں کو بند رکھنے کا کوئی حکم جاری سامنے نہیں آیا، تاہم لکھنؤ اور آگرہ کے ڈی ایم کی طرف سے پہلی سے آٹھویں جماعت کے اسکولوں کو 24 جنوری تک بند رکھنے کا کہا گیا ہے۔

  • کراچی میں شدید سردی کی لہر آنے کو تیار، محکمہ موسمیات کی بڑی پیشگوئی

    کراچی میں شدید سردی کی لہر آنے کو تیار، محکمہ موسمیات کی بڑی پیشگوئی

    کراچی : محکمہ موسمیات نے آئندہ 48 گھنٹے میں کراچی میں سردی کی شدت میں اضافے کی پیشگوئی کرتے ہوئے کہا آج زیادہ سے زیادہ درجہ حرارت 24 ڈگری تک جانے کا امکان ہے۔

    تفصیلات کے مطابق محکمہ موسمیات کی جانب سے کہا گیا ہے کہ بلوچستان میں بارش اور ملک کے بالائی حصوں میں برفباری سے موسم شدید سرد ہوگیا ، جس کے باعث کراچی میں آئندہ اڑتالیس گھنٹوں میں سردی کی لہر بڑھ جائے گی۔

    محکمہ موسمیات کا کہنا ہے کہ کراچی میں آج موسم سرد اور خشک رہے گا، مطلع کہیں صاف اور کہیں ابرآلود رہے گا، صبح کے وقت درجہ حرارت 12 ڈگری سینٹی گریڈ ریکارڈ کیا گیا جبکہ آج زیادہ سے زیادہ درجہ حرارت 24 ڈگری تک جانے کا امکان ہے۔

    صوبے کے شمالی اضلاع میں مزید بارشوں کی پیش گوئی کی گئی ہے، خاران،چاغی،نوشکی، واشک، کوئٹہ،زیارت، پشین،لورالائی، چمن،ژوب، قلعہ سیف اللہ میں چند مقامات پر ہلکی بارش اور برفباری متوقع ہے۔

    دوسری جانب ملک کے بیشتر علاقوں میں موسم سرد اور پہاڑی علاقوں میں شدید سرد رہنے کا امکان ہے جبکہ بالائی علاقوں میں بارش اور برفباری کا سلسلہ وقفے وقفے سے جاری ہے۔

    محکمہ موسمیات کے مطابق شمال مغربی بلوچستان، خیبر پختونخوا ،اسلام آباد اور بالائی پنجاب میں بارش جبکہ گلگت بلتستان اورکشمیر میں بارش اور برفباری متوقع ہے اور پنجاب کے میدانی علاقوں اور بالائی سندھ میں شد ید دھند کا امکان ہے۔

  • برف باری، سیلاب، مکانات اور تودے گرنے سے 28 افراد جاں بحق

    برف باری، سیلاب، مکانات اور تودے گرنے سے 28 افراد جاں بحق

    چمن/مظفر آباد: برف باری، بارش اور سیلابی صورت حال نے مختلف علاقوں میں تباہی مچا دی ہے، تودے گرنے سمیت مختلف واقعات میں 28 افراد جاں بحق ہو گئے۔

    تفصیلات کے مطابق ملک کے مختلف علاقوں میں تودے، چھتیں، دیواریں گرنے، اور کرنٹ لگنے سے کم از کم اٹھائیس افراد جاں بحق جب کہ درجنوں زخمی ہو گئے ہیں، وادیٔ نیلم میں تودے گرنے سے جاں بحق افراد کی تعداد 14 ہو گئی۔

    آزاد کشمیر میں متعدد مکانات، دکانیں اور مسجد بھی تباہ ہو گئی، سرگن بکولی میں برف باری میں پھنسے 10 افراد لا پتا ہو گئے ہیں، بلوچستان کے شہر ژوب میں 2 مکانوں کی چھتیں گرنے سے 8 افراد جان سے گئے، چمن میں منگنی کی تقریب کے دوران مکان کی چھت گرنے سے 6 افراد جاں بحق جب کہ 7 زخمی ہوئے جب کہ راولا کوٹ میں کرنٹ لگنے سے ایک شہری جان سے گیا۔

    آزاد کشمیر میں بارش اور برف باری نے تباہی مچا دی ہے، بھاری جانی و مالی نقصان ہوا، وزیر اعظم آزاد کشمیر کو بارش اور برف باری سے جانی و مالی نقصانات کی رپورٹ ارسال کر دی گئی، یہ رپورٹ ڈیزاسٹر مینجمنٹ اتھارٹی نے تیار کی، رپورٹ کے مطابق آزاد کشمیر میں بارش اور برف باری سے 12 افراد جاں بحق، 12 زخمی ہوئے، 16مکانات مکمل، 14 جزوی متاثر ہوئے۔

    رپورٹ میں کہا گیا ہے کہ آزاد کشمیر میں 4 دکانوں کو نقصان پہنچا، ایک مسجد شہید اور 3 گاڑیاں تباہ ہو گئیں، وادی نیلم میں 14 مکانات مکمل، 6 جزوی تباہ، 4 دکانیں متاثر ہوئیں، راولا کوٹ میں ایک مکان تباہ جب کہ ایک خاتون جاں بحق ہوئی، سدھنوتی میں ایک شخص جاں بحق، ایک مکان مکمل، دو جزوی تباہ ہوئے، مظفر آباد کے علاقے اپر طارق آباد میں لینڈ سلائیڈنگ سے 6 مکانات کو نقصان پہنچا۔

  • شدید سردی میں کراچی میں بوندا باندی، پنجاب میں بھی بارش کی پیش گوئی

    شدید سردی میں کراچی میں بوندا باندی، پنجاب میں بھی بارش کی پیش گوئی

    کراچی: ملک میں کڑاکے کی سردی پڑ رہی ہے، کراچی کے مختلف علاقوں میں بوندا باندی شروع ہو گئی ہے، پنجاب کے مختلف شہروں میں بھی بارش کی پیش گوئی کی گئی ہے۔

    تفصیلات کے مطابق شہر کراچی کے مختلف علاقوں میں آج صبح سویرے بوندا باندی سے سردی میں مزید اضافہ ہو گیا ہے، جن علاقوں میں بوندا باندی ہوئی ہے ان میں سائٹ، بلدیہ، صدر، ہاکس بے، اورنگی ٹاؤن، ایف بی ایریا اور نارتھ کراچی شامل ہیں۔

    محکمہ موسمیات کا کہنا ہے کہ آج کراچی میں دن بھر مطلع جزوی ابر آلود اور سرد رہے گا، آج کم سے کم درجہ حرارت 9.5 ڈگری سینٹی گریڈ ریکارڈ کیا گیا، موجودہ درجہ حرارت 14 ڈگری سینٹی گریڈ ہے جب کہ زیادہ سے زیادہ درجہ حرارت 22 ڈگری تک رہنے کا امکان ہے، ہوائیں 34 کلو میٹر فی گھنٹہ کی رفتار سے چل رہی ہیں، ہوا میں نمی کا تناسب 41 فی صد ہے، کوئٹہ کی شمال مشرقی سمت سے چلنے والی ہواؤں سے سردی بڑھ گئی ہے۔

    محکمہ موسمیات نے آج پنجاب کے مختلف شہروں میں بھی بارش کی پیش گوئی کی ہے، گوجرانوالہ، گجرات، حافظ آباد، منڈی بہاؤالدین، نارووال، سیالکوٹ، راولپنڈی اور سرگودھا کے اضلاع میں بھی بارش کی توقع ظاہر کی گئی ہے۔ لاہور شہر میں دھند کے باعث سردی کی شدت میں اضافہ ہو گیا ہے، لاہور میں آج زیادہ سے زیادہ درجہ حرارت 17 ڈگری تک رہنے کا امکان ہے۔

    ادھر کوئٹہ شہر اور گرد و نواح میں موسم سرما کی پہلی برف باری شروع ہو گئی ہے، صبح 5 بجے سے ہلکی برف باری کا سلسلہ وقفے وقفے سے جاری ہے۔

  • چلاس میں زلزلے کے جھٹکوں کے بعد لینڈ سلائیڈنگ، بالائی علاقوں میں موسم مزید سرد

    چلاس میں زلزلے کے جھٹکوں کے بعد لینڈ سلائیڈنگ، بالائی علاقوں میں موسم مزید سرد

    چلاس: گلگت بلتستان کے قصبے چلاس میں رات گئے زلزلے کے جھٹکوں کے بعد شاہراہ قراقرم پر لینڈ سلائیڈنگ کے باعث شاہراہ بند ہو گئی ہے۔

    تفصیلات کے مطابق شاہراہ قراقرم پر واقع قصبے چلاس میں رات گئے آنے والے زلزلے کے جھٹکوں کے باعث شاہراہ پر لینڈ سلائیڈنگ سے گونر فارم گھندلو کے مقام پر شاہراہ بند ہو گئی ہے۔ پولیس کا کہنا ہے کہ شاہراہ کی بندش سے سیکڑوں گاڑیاں اور مسافر پھنس گئے ہیں۔

    خیال رہے کہ گزشتہ روز خیبر پختون خواہ اور گلگت بلتستان کے مختلف علاقوں اور پہاڑی سلسلوں میں زلزلے کے شدید جھٹکے محسوس کیے گئے تھے، زلزلہ پیما مرکز کے مطابق زلزلے کی شدت 5.6 ریکارڈ کی گئی تھی، جس کا مرکز مینگورہ سے 260 کلومیٹر شمال مشرق اور گہرائی 42 کلو میٹر تھی۔

    خیبرپختونخواہ اور گلگت بلتستان میں 5.6 شدت کا زلزلہ

    ادھر بالائی علاقوں میں ریکارڈ توڑ سردی پڑ رہی ہے، اسکردو فریز ہو گیا ہے، پارا منفی 28 تک گر گیا، خیبر پختون خوا، پنجاب اور بالائی سندھ میں دھند، موٹر وے اور دیگر شاہراہوں پر ٹریفک کی آمد و رفت متاثر ہو گئی ہے، بلوچستان میں بھی برفیلی ہواؤں کا گشت ہے، کوئٹہ سے ہوائیں کراچی آنے پر شہر میں سردی بڑھنے لگی ہے۔

    دریائے شیوک جو منجمد ہو گیا ہے

    ملک بھر میں کڑاکے کی سردی کے ساتھ اسکردو میں سردی نے 20 سالہ ریکارڈ توڑ دیا ہے، جھیلیں، آبشار، ندی نالے جم گئے ہیں، کوئٹہ منفی 2، قلات منفی 5، زیارت منفی 4 ریکارڈ کیا گیا، خون جما دینے والی سردی میں شہریوں کو مشکلات کا سامنا ہے۔