Tag: شدید گرمی

کراچی : محکمہ موسمیات نے شہر قائد میں شدید گرمی کی پیش گوئی کردی اور کہا زیادہ سے زیادہ درجہ حرارت 37 ڈگری تک جانے کا امکان ہے۔

تفصیلات کے مطابق محکمہ موسمیات نے کراچی کے موسم کے حوالے سے کہا کہ دن کےاوقات میں شہر شدید گرمی کی لپیٹ میں رہےگا، آج زیادہ سے زیادہ درجہ حرارت 37 ڈگری تک جانے کا امکان ہے۔

محکمہ موسمیات کا کہنا تھا کہ دن میں شمال مغرب سےگرم اورخشک ہوائیں چل سکتی ہیں تاہم شام میں سمندری ہوائیں بحال ہونے پر موسم بہتر ہوجائے گا۔

شہر کا فضائی معیار خراب ہے، ہوا میں آلودہ ذرات کی مقدار 113 پرٹیکیولیٹ میٹر ریکارڈ کی گئی۔

دوسری جانب ملک کے دیگر علاقوں میں بھی موسم بتدریج گرم ہو رہا ہے، کوئٹہ، لاہور، اسلام آباد، پشاورسمیت بیشتر علاقوں میں دن کے اوقات میں موسم گرم اور خشک رہنے کا امکان ہے۔

محکمہ موسمیات نے آئندہ چوبیس گھنٹے کے دوران کوئٹہ، لاہور، اسلام آباد، پشاور سمیت بیشترعلاقوں میں موسم خشک اور گرم رہنے کی پیشگوئی کی ہے جبکہ میدانی علاقوں میں بتدریج درجہ حرارت میں اضافہ متوقع ہے۔

کراچی : محکمہ موسمیات نے گرمی سے پریشان کراچی والوں کو خوشخبری سنادی تاہم آج بھی درجہ حرارت 40 ڈگری سینٹی گریڈ رہنے کا امکان ہے۔

تفصیلات کے مطابق کراچی میں گرمی کی لہر برقرار ہے، محمکہ موسمیات کی جانب سے کہا گیا کہ شہر آج بھی گرم اور خشک موسم کی لپیٹ میں ہے تاہم آج زیادہ سے زیادہ درجہ حرارت 34 سے 36 ڈگری رہنے کا امکان ہے جبکہ شہر میں سمندری ہواؤں کا سلسلہ جاری رہے گا۔

محکمہ موسمیات نے کل سے گرمی کی شدت میں کمی کا امکان ظاہر کرتے ہوئے کہا فی الحال 10 سے 15 روز کے دوران بارش کا کوئی امکان موجود نہیں۔

دوسری جانب گلگت بلتستان کے مختلف علاقوں میں بارش اور پہاڑوں پر برف نے موسم سرد کردیا ہے، چلاس، دیامر، بابوسر ٹاپ، بٹوگاہ ٹاپ اور نانگا پربت میں وقفے وقفے سے برفباری کا سلسلہ جاری ہے۔

محکمہ موسمیات نے آج خیبرپختونخوا، کشمیر، گلگت بلتستان، شمالی بلوچستان اور بالائی پنجاب میں تیز ہواؤں اور گرج چمک کے ساتھ بارش کی پیشگوئی کی ہے۔

کراچی : شہر قائد مارچ کے دوران ہی سورج آنکھیں دکھانے لگا، آج بھی پارہ 40 ڈگری کے قریب پہنچنے کا امکان ہے۔

تفصیلات کے مطابق کراچی میں شدید گرمی کی لہر نے روزے داروں کا برا حال کر رکھا ہے، محکمہ موسمیات کی جانب سے کہا گیا کہ شہر میں آج تیز دھوپ کے ساتھ موسم گرم رہے گا اور درجہ حرارت 36 سے 39 ڈگری سینٹی گریڈ تک جانے کا امکان ہے۔

محکمہ موسمیات نے کہا کہ گزشتہ روزدرجہ حرارت39.1 ڈگری سینٹی گریڈ ریکارڈ کیا گیا تاہم کل سے شہر کا درجہ حرارت 33 سے 35 ڈگری سینٹی گریڈ رہنے کا امکان ہے۔

موسم کا حال بتانے والوں کا کہنا تھا کہ شہر میں ہوامیں نمی کاتناسب 40 فیصد ہے اور شمال مشرقی سمت سے ہلکی رفتار سے ہوائیں چل رہی ہیں۔

شہر میں گرمی کی شدت بارہ مارچ تک برقرار رہنے کا امکان ہے اور 12 مارچ سے سمندری ہوائیں بحال ہونے سے موسم بہتر ہو جائے گا، فی الحال 10 سے 15 روز کے دوران بارش کا کوئی امکان موجود نہیں۔

کراچی : شہر قائد میں سمندری ہوائیں معطل ہونے کے باعث حبس کی کیفیت ہے ، جس سے گرمی کی شدت زیادہ محسوس کی جارہی ہے۔

تفصیلات کے مطابق کراچی سمیت سندھ میں گرمی کا زور برقرار ہے، محکمہ موسمیات کا کہنا ہے کہ شہر میں سمندری ہوائیں بدستور معطل ہیں، جس کے باعث حبس کی کیفیت ہے۔ آج درجہ حرارت اڑتیس سے چالیس ڈگری سینٹی گریڈ تک جاسکتا ہے۔

محکمہ موسمیات نے بتایا کہ آج درجہ حرارت اڑتیس سے چالیس ڈگری سینٹی گریڈ تک جاسکتا ہے اور شہر میں گرمی کی حالیہ لہر مزید برقرار رہنے کا امکان ہے۔

چیف میٹرولوجسٹ کا کہنا تھا کہ نومبر کے وسط سے موسم قدرے بہتر ہونا شروع ہوگا، جس کے دوران صبح و رات کے وقت خنکی میں بتدریج اضافہ متوقع ہے۔

دوسری جانب حیدرآباد، سجاول، ٹھٹھہ، عمرکوٹ اور تھرپارکر سمیت سندھ کے بیشتر مقامات پر موسم گرم اور خشک رہنے کا امکان ہے۔

اسلام آباد لاہور، پشاور اور کوئٹہ میں موسم خشک رہے گا، کشمیراورگلگت بلتستان میں موسم خشک اور جزوی ابرآلود رہنےکا امکان ہے۔

شہر قائد میں لگاتار تیسرے روز بھی لاشیں ملنے کا سلسلہ جاری ہے، کراچی کے مختلف علاقوں سے 5 افراد کی لاشیں ملیں۔

تفصیلات کے مطابق ریسکیو حکام نے بتایا کہ شہر میں تیسرے روز بھی مختلف علاقوں سے 3 افراد کی لاشیں ملی ہیں، یہ لاشیں منگھو پیر، اورنگی ٹاؤن، گلشن معمار اور سولجربازار سے ملیں۔

ریسکیو حکام کا کہنا تھا کہ اورنگی ٹاؤن کے علاقے 12 نمبر چڑھائی سے 50 سالہ منور کی لاش اسپتال منتقل کردی گئی ہے۔

گلشن معمار میں 50 سالہ شخص کی شناخت اور موت کی وجہ معلوم نہ ہوسکی، منگھو پیر نہر کے قریب 35 سالہ متوفی کی شناخت اور موت کی وجہ بھی معلوم نہ ہوئی۔

3 ریسکیو حکام نے بتایا کہ روز کے دوران ملنے والی لاشوں کی تعداد 22 ہوگئی، 3 افراد کی لاشیں شناخت کے بعد ورثا کے حوالے کی گئیں۔

اس سے قبل گزشتہ دنوں بھی کراچی سے لاشیں ملی تھیں شہر میں پرُاسرار طور پر جاں بحق ہونے والوں کی 17 کے قریب لاشیں اٹھائی گئی تھیں۔

ریسکوحکام کا کہنا تھا کہ شہرِقائد کے مختلف علاقوں سے گزشتہ دنوں 7 افراد کی لاشیں ملیں جبکہ مرنے والوں کی عمریں 35 سے 60 سال کے درمیان ہیں۔

ممکنہ طور پر زیادہ تر افراد نشے کے عادی تھے، لاشیں ضابطےکی کارروائی کیلئے متعلقہ پولیس اسٹیشن، پھر سردخانےمنتقل کی گئیں۔

ریسکیو حکام کا کہنا تھا کہ جامع کلاتھ، گولیمار، سپرہائی وے، گلستان جوہر اور لانڈھی سے 5 افراد کی لاشیں ملیں۔

سرجانی کنیز فاطمہ سوسائٹی بلاک 8 کے قریب سے ایک تشدد زدہ بوری بند لاش ملی، ایک شخص کی لاش فیڈرل بی ایریا کریم آباد سے ملی۔

مرنے والوں میں چند افراد نشے کے عادی تھے اور ممکنہ طور پر شدید گرمی سےفوت ہوئے، اس سے ایک روز قبل بھی کراچی کے مختلف علاقوں سے 10افراد کی لاشیں ملی تھیں۔