شرابی شوہر کی مار پیٹ سے تنگ آکر بیوی نے انتہائی قدم اٹھالیا، چھٹکارا حاصل کرنے کے لیے شوہر کو کرنٹ لگا کر مار ڈالا۔
بھارتی ریاست اترپردیش میں ایک اندوہناک واقعہ پیش آیا ہے جس میں بیوی نے سوتے ہوئے شوہر کو کرنٹ لگا کر مار ڈالا۔ 32 سالہ پریتی کوشواہا نے یہ عمل اس وقت انجام دیا جب اس کا شوہر خواب خرگوش کے مزے لے رہا تھا۔
35 سالہ نیرج جب سورہا تھا تو اس دوران اس کی بیوی پریتی نے شوہر کے انگوٹھے سے بجلی کی ننگی تار باندھ دی اور پلک کو ساکٹ میں داخل کرکے بٹن آن کردیا۔
اس دوران وہ اپنے شوہر کو تڑپتا دیکھتا اور مرتا ہوا دیکھتا رہی۔ اپنے شہور کو مارنے کے بعد پریتی ساری رات اس کی لاش کے ساتھ موجود رہی جبکہ صبح اس نے خود کو پولیس کے حوالے کردیا۔
خاتون نے پولیس کو بتایا کہ شراب پی کر گھر آتا اور اکثر بچوں کے سامنے ہی اس کے ساتھ بہت زیادہ مار پیٹ کرتا تھا جس کی وجہ سے تنگ آکر اس نے یہ اقدام کیا۔
خاتون کی دو بیٹیاں ہیں جبکہ وہ اپنے شوہر نیرج کے ہمراہ کرائے کے مکان میں رہائش پذیر تھی جبکہ جوڑے کی بچیوں کی عمر چار اور نو سال ہے۔
پولیس نے بتایا کہ انھیں واقعے کا اس وقت پتا چلا جب صبح 10 بجے وہ تھانے آئی اور اس نے پولیس کو اطلاع دیتے ہوئے کہا کہ شوہر کی لاش گھر میں پڑی ہے اسے وہاں سے اٹھا لیا جائے۔
نیرج کے والد کی جانب سے درج کروائی گئی ایف آئی آر کے بعد پولیس نے سیکشن 302 کے تحت مقدمی درج کرلیا ہے۔ پوسٹ مارٹم رپورٹ سے تصدیق ہوگئی ہے کہ نیرج کو کرنٹ لگا کر مارا گیا ہے۔
