Tag: شرجیل میمن
-
قیام امن کیلیے پولیس کوفری ہینڈ دیدیا، وزیراطلاعات سندھ
وزیر اطلاعات سندھ شرجیل میمن نے کہاہےصوبے میں قیام امن کے لیے پولیس کو فری ہینڈدے دیا، چوہدری اسلم قتل کا مقدمہ طالبان رہنماؤں کے خلاف کرکےہمت کاکام کیا،وفاقی حکومت کو بھی ایسی ہمت کرنی چاہیے۔
وزیراطلاعات سندھ شرجیل میمن نے کہا ہے صوبےمیں امن و امان کی صورتحال بہتر کرنے کے لیے وزیرعلیٰ نے پولیس کو فری ہینڈ دے دیا ہے، چوہدری اسلم کا مشن اسکی ٹیم جاری رکھے گی، چوہدری اسلم کی جگہ سی آئی ڈی کا انچارج منتخب کرنے کے اختیارات آئی جی سندھ کو دے دیئے ہیں۔
ان کا کہنا تھاچوہدری اسلم کے قتل کا مقدمہ طالبان رہنماؤں کے خلاف کر کے ہمت کا کام کیا ہے،مرکزی حکومت دہشت گردوں کا نام لے کر مذمت سے بھی گھبراتی ہے لیکن اسے بھی ایسے ہمت کرنی چاہیے۔ جن واقعات کی ذمے داری طالبان قبول کرتے ہیں اُس پراُن کے خلاف مقدمہ درج کیا جائے، صوبے میں حلقہ بندیوں سے متعلق شرجیل میمن کا کہنا تھاحلقہ بندیوں کا ہم نے بہترطریقہ بنا یا حلقہ بندیوں کے دوران کسی جماعت نے اعتراض نہیں کیا۔ حلقہ بندیاں سرکار کا کام ہے ،سرکار کو ہی کرنا چاہیے۔
-
بلدیاتی انتخابات 18جنوری کو نہیں ہو رہے ، شرجیل میمن
وزیراطلاعات سندھ شرجیل میمن کہتےہیں صوبے میں اٹھارہ جنوری کو بلدیاتی انتخابات نہیں ہورہے نئی تاریخ کے لئے الیکشن کمیشن سے مشاورت کی جائے گی۔
سندھ میں بلدیاتی انتخابات کی تاریخ معمہ بن گئی، وزیر بلدیات و اطلاعات شرجیل میمن نے بھی کہہ دیا کہ بلدیاتی انتخابات اٹھارہ جنوری کو نہیں ہو رہے۔ نئی تاریخ کے لئے الیکشن کمیشن سے مشاورت کی جائے گی۔
وزیر بلدیات شرجیل میمن کی جانب سےجاری کردہ بیان میں کہا گیا ہے کہ ستائیس جنوری کو سپریم کورٹ میں حلقہ بندیوں کے حوالے سے کیس کی سماعت ہے جس میں سپریم کورٹ نے طے کرنا ہے کہ بلدیاتی انتخابات نئی حلقہ بندیوں کے تحت ہوں گے یا دو ہزار ایک کی حلقہ بندیوں کے مطابق جس کے بعد ہی بلدیاتی انتخابات کی تاریخ کا فیصلہ کیا جائے گا۔
-
آخری مجرم کی گرفتاری تک کراچی میں ٹارگٹڈ آپریشن جاری رہے گا، شرجیل میمن
وزیراطلاعات و بلدیات سندھ شرجیل انعام میمن کا کہنا ہے کہ آخری مجرم کی گرفتاری تک کراچی میں ٹارگٹڈ آپریشن جاری رہے گا، بہاء الدین بابر کو کراچی پولیس کے ایک بہادر افسر کی حیثیت سے ہمیشہ یاد رکھا جائے گا، وہ بہاء الدین بابر کے اہلخانہ سےتعزیت کے بعد میڈیا سے گفتگو میں کرتہے تھے۔
صوبائی وزیر شرجیل انعام میمن ٹارگٹ کلنگ کا نشانہ بننے والے پولیس افسر بہائ لدین بابر کے بہیمانہ قتل پر ورثائ سے تعزیت کیلئے جب ان کی رہائشگاہ پر پہنچے تو ان کے ہمراہ آئی جی سندھ شاہد ندیم بلوچ،ایڈیشنل آئی جی کراچی شاہد حیات سمیت اعلی افسران بھی موجود تھے۔
شرجیل میمن کا کہنا تھا کہ کراچی میں موجود فورسز جرائم پیشہ افراد سے لڑ رہی ہے جسکے ردعمل میں پولیس کو نشانہ بنایا جارہا ہے مگر پولیس اور رینجرز کا مورال بلند ہے دہشتگردوں کو کیفر کردار تک پہنچا کر دم لیں گے، آئی جی سندھ شاہد ندیم بلوچ نے کہا کہ بلدیاتی انتخابات میں سیکورٹی کے فول پروف انتظامات کئے جائنگے۔
ایڈیشنل آئی جی کراچی شاہد حیات نے کہا کہ بہائ الدین بابر کے قاتلوں کو جلد گرفتار کرکے دہشتگردوں کو بھر پور جواب دینگے، پولیس حکام نے کہا کہ رواں سال میٹرول سائٹ میں تیس سے زائد پولیس اہلکاروں کو قتل کرنے والے کالعدم تنظیم کے ایک گروہ متعدد ملزمان پولیس مقابلوں میں مارے جاچکے ہیں ٹارگٹ کلنگ اور بھتہ خوری میں ملوث گروپوں کیخلاف مزید کاروائیاں عمل میں لائی جائی گی۔
