ARYNews.tv | Urdu – Har Lamha Bakhabar

Tag: شرح منافع

  • قومی بچت اسکیموں میں سرمایہ کاری کرنے والوں کے لیے بڑی خبر آگئی

    قومی بچت اسکیموں میں سرمایہ کاری کرنے والوں کے لیے بڑی خبر آگئی

    اسلام آباد: قومی بچت اسکیمز میں سرمایہ کاری کرنے والوں کے لیے بڑی خبر آگئی ، حکومت اسکیمز پر شرح منافع کے حوالے سے اعلان کردیا۔

    تفصیلات کے مطابق قومی بچت اسکیمز پر شرح منافع میں کمی کا اعلان کردیا گیا ، منافع میں 1.50فیصد کمی کا اعلان کیا گیا۔

    قومی بچت مرکز نے 3مختلف اسکیموں پر نئی شرح کے ریٹس جاری کردیے ہیں، سیونگ اکاؤنٹس پر شرح منافع ڈیڑھ فیصد کم کرکے 19 فیصد مقرر کیا گیا یت۔

    شارٹ ٹرم سیونگ سرٹیفکیٹ پرشرح 1.34فیصدکم کرکے17.90فیصد اور سروا اسلامک سیونگ اکاؤنٹس پرشرح منافع ڈیڑھ فیصدکمی سے19فیصدمقررکردیاگیا ہے۔

    قومی بچت کی دیگر تمام اسکیموں پر شرح منافع برقرار رکھی گئی ہے، ماہرین کا کہنا ہے کہ شرح سود میں 1 فیصد کمی کے بعد قومی بچت اسکیموں میں کمی کی توقع تھی، اسٹیٹ بینک نے شرح سود1 فیصد کم کر کے 19.50 فیصد کردی۔

  • قومی بچت کے اسلامی سرٹیفکیٹ میں سرمایہ کاری کرنے والوں کے لئے بڑی خبر

    قومی بچت کے اسلامی سرٹیفکیٹ میں سرمایہ کاری کرنے والوں کے لئے بڑی خبر

    اسلام آباد: قومی بچت کے سروا اسلامی سرٹیفکیٹ کا شرح منافع 21.8 فیصد کردیا گیا، جس کا اطلاق 5 ستمبر 2023 سے کی گئی سرمایہ کاری پر ہوگا۔

    تفصیلات کے مطابق قومی بچت کے سروا اسلامی سرٹیفکیٹ کے نئے شرح منافع کا اعلان کردیا گیا اور اس حوالے سے نوٹیفکیشن بھی جاری کردیا گیا ہے۔

    نوٹیفکیشن میں کہا گیا کہ ایک سال کیلئےسروا سرٹیفکیٹ کا شرح منافع 21.8 فیصد کردیا گیا، نئے شرح منافع کا اطلاق 5 ستمبر 2023 سے کی گئی سرمایہ کاری پر ہوگا۔

    نوٹیفکیشن میں کہنا تھا کہ پانچ سال کیلئےسروا ٹرم اکاؤنٹ پر شرح منافع 15.12 فیصد کردیاگیا، پانچ سال کیلئےسروا ٹرم کانیا شرح منافع 5 ستمبر سےکی گئی سرمایہ کاری پرہوگا۔

  • قومی بچت اسکیموں میں سرمایہ کاری کرنے والوں کیلئے اہم خبر

    قومی بچت اسکیموں میں سرمایہ کاری کرنے والوں کیلئے اہم خبر

    اسلام آباد : وفاقی حکومت کی جانب سے قومی بچت اسکیموں کی شرح منافع 24 پیسے کا اضافہ کردیا گیا۔

    تفصیلات کے مطابق وفاقی حکومت نے قومی بچت اسکیموں کی شرح منافع میں اضافہ کردیا اور اس حوالے سے نوٹی فکیشن بھی جاری کردیا گیا۔

    نوٹیفکیشن میں بتایا گیا ہے کہ قومی بچت کےتحت شرح منافع میں 24 پیسے کا اضافہ کردیا گیا ہے۔

    نوٹی فکیشن کے مطابق ریگولر انکم سرٹیفکیٹ پر شرح منافع اضافے کے بعد 12.6 فیصد کردیا گیا جبکہ 3 ماہ کے شارٹ ٹرم پر شرح منافع1.32 روپے بڑھا دیا گیا۔

    اس کے علاوہ 3 ماہ شارٹ ٹرم پر شرح منافع 16.12 فیصدکردیاگیا اور 6 ماہ شارٹ ٹرم پرشر ح منافع1.14 روپے بڑھا کر 16 فیصد کردی گئی ہے۔

    نوٹی فکیشن میں کہا گیا کہ ایک سال کی سرمایہ کاری پر شرح منافع1.06 روپے بڑھا کر 15.96فیصد کردیا ہے۔

  • قومی بچت اسکیموں میں سرمایہ کاری کرنے والوں کیلئے بڑی خبر

    قومی بچت اسکیموں میں سرمایہ کاری کرنے والوں کیلئے بڑی خبر

    اسلام آباد : قومی بچت اسکیموں کی شرح منافع 12.96 فیصد کردیا گیا ، زیادہ منافع کا اطلاق بارہ دسمبر سے ہوگا۔

    تفصیلات کے مطابق حکومت نے قومی بچت اسکیموں کے شرح منافع میں اضافہ کر دیا اور اس حوالے سے نوٹی فکیشن جاری کردیا ہے۔

    نوٹی فکیشن میں کہا گیا کہ بنچ مارک ڈسکاؤنٹ ریٹ بڑھنے کے بعد پنشن اوربہبودسیونگز سرٹیفکیٹ کے منافع میں اضافہ کیا گیا ہے، دونوں انسٹرومنٹس پر 1.92 فیصد پوائنٹس کا اضافہ ہوا، اضافے کے بعد پنشنرز اور بہبود پر شرح منافع 12.96 فیصد ہوگیا۔

    اب ریٹائرڈ، سینئر سٹیزن اور بیوہ خواتین کو قومی بچت اسکیم کے تحت ایک لاکھ روپے پر سالانہ بارہ ہزار نو سو ساٹھ روپے منافع ملے گا۔

    نوٹی فکیشن کے مطابق سیونگز اکاؤنٹ پرشرح منافع میں بھی اضافہ کیا گیا ہے ، شرح منافع میں اضافے کا اطلاق 12دسمبر سے ہو گا۔

    یاد رہے رواں سال جون میں قومی بچت اسکیموں کےشرح منافع میں تبدیلی کی گئی تھی ، نوٹیفکیشن میں بتایا گیا تھا کہ 10سالہ ڈیفنس سیونگزسرٹیفکیٹ پرشرح منافع 9.35 فیصد اور ریگولرانکم سیونگزسرٹیفکیٹ پرشرح منافع 8.76فیصد مقرر کردی گئی ہے۔

    نوٹیفکیشن میں کہا گیا تھا کہ 6 ماہ کےشارٹ ٹرم سیونگزسرٹیفکیٹ پرشرح منافع 7.20فیصدمقرر کیا گیا ہے جبکہ اسپیشل سیونگزسرٹیفکیٹ ، بہبود،پنشنرز اور شہدا فیملی اور سیونگزاکاؤنٹ سرٹیفکیٹ پرشرح منافع برقراررہےگا۔

  • سیونگ اکاؤنٹس پر شرح منافع، صارفین کیلئے اچھی خبر آگئی

    سیونگ اکاؤنٹس پر شرح منافع، صارفین کیلئے اچھی خبر آگئی

    کراچی : اسٹیٹ بینک آف پاکستان نےتمام سیونگ اکاؤنٹس پر شرح منافع 1.5 فیصد سے بڑھا کر 7.25 فیصد کر دیا، بینک شرح منافع سیونگ اکاؤنٹس پر یکم دسمبر سے ادا کریں گے۔

    تفصیلات کے مطابق اسٹیٹ بینک آف پاکستان نے تمام سیونگ اکاؤنٹس پر شرح منافع 7.25 فیصد کر دیا ، اس حوالے سے مرکزی بینک کی جانب سے کہا گیا ہے کہ بینک شرح منافع سیونگ اکاؤنٹس پر یکم دسمبر سے ادا کریں گے۔

    اسٹیٹ بینک کا کہنا تھا کہ تمام سیونگ اکاؤنٹس پر شرح منافع 1.5 فیصد بڑھا دیا گیا ہے، جس کے بعد نیا شرح منافع 7.5 فیصد ہونا چاہیے، کسٹمرز شرح منافع نہ ملنے پر ایس بی پی کو شکایت کر سکتے ہیں۔

    مرکزی بینک کے مطابق جنوری 2022سے بینکس بائیومیٹرک سے اکاؤنٹس کھولنے کےپابند ہوں گے۔

    خیال رہے اسٹیٹ بینک نے اگلے 2 ماہ کے لیے مانیٹری پالیسی کا اعلان کیا تھا ،جس میں شرح سود میں 1.50 فی صد اضافہ کردیا تھا ، جس کے بعد آئندہ 2 ماہ کے لیے شرح سود 8.75 فی صد رہے گی۔

  • منافع زیادہ ، قومی بچت اسکیموں میں سرمایہ کاری کرنے والوں کیلیے بڑی خبر

    منافع زیادہ ، قومی بچت اسکیموں میں سرمایہ کاری کرنے والوں کیلیے بڑی خبر

    اسلام آباد: قومی بچت اسکیموں کی شرح منافع میں اضافہ کردیا گیا ، اسکیموں پرمنافع کی نئی شرح کا اطلاق آج 21جنوری سےہو گا تاہم سیونگ اکاؤنٹ پرشرح منافع تبدیل نہیں کی گئی۔

    تفصیلات کے مطابق وفاقی حکومت نے قومی بچت اسکیموں کی شرح منافع میں اضافہ کردیا اور اس حوالے سے نوٹی فکیشن بھی جاری کردیا ، جس میں کہا گیا ہے کہ قومی بچت اسکیموں پرمنافع کی نئی شرح کا اطلاق آج 21جنوری سےہو گا۔

    نوٹیفکیشن کے مطابق پنشن بینیفٹ اوربہبودسیونگ سرٹیفکیٹ کامنافع860 سےبڑھاکر940روپےماہانہ کردیا ہے جبکہ ا سپیشل سیونگ سرٹیفکیٹ پرہر     6 ماہ بعد 3 ہزار 900 روپے اور ڈیفنس سیونگ سرٹیفکیٹ پر 10سال بعد 2لاکھ 46ہزارروپے ملیں گے۔

    نوٹی فکیشن میں کہا گیا ہے کہ سیونگ اکاؤنٹ پرشرح منافع تبدیل نہیں کی گئی ، قومی بچت کی اسکیموں میں اوسطاً 0.97 فی صد اضافہ کیا گیا۔

    یاد رہے گذشتہ سال یاد رہے وفاقی حکومت نے قومی بچت اسکیموں میں ادارہ جاتی سرمایہ کاری پر پابندی عائد کردی تھی، پابندی اسٹیٹ بینک کی سفارشات کی بنیاد پرعائد کی گئی تھی۔

  • پینشنرز اور بیواؤں کیلئے خوشی کی خبر

    پینشنرز اور بیواؤں کیلئے خوشی کی خبر

    کراچی : قومی بچت اسکیم کی جانب سے منافع میں نصف فیصد تک کا اضافہ کردیا گیا، بہود سیونگز پر شرح منافع  10.2 فیصد جبکہ سیونگ اکاؤنٹ پر شرح سود 5 فیصد ہوگئی ہے۔

    تفصیلات کے مطابق قومی بچت کی جانب سےمنافع کی شرح میں اضافہ کردیا گیا، اضافے کا اطلاق یکم جولائی سے کی جانے والی سرمایہ کاری پر ہوگا، اعلامیہ کے مطابق بہبود سیونگز، اور پینشنر بینفیٹ اکاؤنٹ پر شرح منافع میں 0.12 کا اضافہ کیا گیا ہے جبکہ ڈیفنس سیونگز سرٹیفکیٹ پر منافع صفر اعشاریہ دو فیصد اضافے کے ساتھ آٹھ اعشاریہ تین فیصد ہوگیا ہے۔

    اعلامیہ میں کہا گیا ہے کہ اسپیشل سیونگ سرٹیفیکٹ پر منافع صفر اعشاریہ تین فیصد بڑھایاگیا ہے، سیونگز اکاؤنٹ پر شرح منافع میں نصف فیصد اضافے کے بعد پانچ فیصد ہوگیا ہے۔

    قلیل مدتی سرٹیفیکیٹ پر بھی منافعے کی شرح میں اضافہ کیا گیا ہے۔

    یاد رہے رواں سال اپریل کے آخر میں بھی قومی بچت اسکیموں پر منافع کی شرح میں 14 ماہ بعد اضافہ کیا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں