اسلام آباد: دسمبر کے دوسرے ہفتے کے دوران مہنگائی کی شرح میں صفر اعشاریہ چار فیصد کی نمایاں کمی ریکارڈ کی گئی۔
پاکستان بیورو شماریات کےمطابق بارہ دسمبر کو ختم ہونے والے ہفتے کے دوران ٹماٹر، مرغی،ادرک، گندم اور مٹی کاتیل سمیت سات اشیائےکی قیمتوں میں اضافہ ہوا۔
پیاز، چینی، انڈے،مسور کی دال ،چنے کی دال ،سرخ مرچ ،ایل پی جی ، دال ماش ،آٹا ،کیلا، چاول اور خوردنی تیل سمیت سترہ اشیائےکی قیمتوں میں کمی ریکارڈ کی گئی، جبکہ گیس وبجلی کے نرخ ، کپڑے اورکھلا گھی سمیت انتیس اشیائے کی قیمتوں میں استحکام رہا۔
اسلام آباد: دسمبردو ہزار چودہ کے پہلے ہفتے کے دوران مہنگائی کی شرح میں صفراعشاریہ آٹھ نو فیصد کی نمایاں کمی ریکارڈ کی گئی۔پاکستان بیورو شماریات کےمطابق کم ماہانہ آمدنی والےطبقے کیلئے پانچ دسمبر کو ختم ہونے والے ہفتے کے دوران مرغی،دالوں اورجلانے کی لکڑی سمیت آٹھ اشیائے ضروریہ کی قیمتوں میں اضافہ ہوا۔
پٹرول ،ڈیزل،مٹی کاتیل،ایل پی جی،پیاز،آلو،ٹماٹر، آٹا ،کیلا،چینی ، انڈے، باسمتی چاول اور تیل سمیت اٹھارہ اشیائے کی قیمتوں میں کمی ریکارڈ کی گئی۔ دھی اری چاول ، گھی، گیس وبجلی کے نرخ ،ملک پاؤڈر ، نمک چائے ، کپڑے اورگھی سمیت ستائس اشیائے کی قیمتوں میں استحکام رہا۔
برلن : ٹرانسپرنسی انٹرنیشل کی رپورٹ کے مطابق پاکستان میں گزشتہ سال کی نسبت کرپشن کی شرح میں کمی آئی ہے ، ایک سو پچھتر ممالک کی فہرست میں پاکستان ایک سو چھبیس ویں نمبر پر آگیا۔
کہتے ہیں کرپشن ملک کی بنیادوں کو کھوکھلا کردیتی ہے اور اس کو قابو کرنے کیلئے دنیا بھر کے مختلف ممالک نئے نئے حربے استعمال کرتے رہتے ہیں ۔پھر بھی یہ بلا قابو ہونے میں ہی نہیں آتی ۔
دنیا بھر کے ممالک میں ہونے والی بدعنوانی پر نظر رکھنے والے ادارے ٹرانسپیرنسی انٹرنیشل نے دوہزار چودہ کیلئے فہرست جاری کردی ۔ رپورٹ کے مطابق اقتدار کا غلط استعمال ، خفیہ سودے اور رشوت خوری عالمی سطح پر معاشروں کو برباد کر رہے ہیں ۔
انڈیکس کے مطابق پاکستان انتیس پوائنٹس کے ساتھ ایک سو چھبیس ویں مقام پر ہے جب کہ پڑوسی ملک بھارت پچیاسویں پوزیشن پر ہے۔جنوبی ایشیا میں افغانستان کی حالت سب سے خراب بتائی گئی ہے۔جو فہرست میں ایک سو بہتر ویں مقام پر ہے ۔
ٹرانسپیرنسی انٹرنیشنل کی فہرست میں پہلے نمبر پر ڈنمارک جبکہ نیوزی لینڈ اور فن لینڈ دوسرے اور تیسرے نمبر پر ہیں ، اس فہرست میں صومالیہ اور شمالی کوریا آخری نمبر پر ہیں۔
