ARYNews.tv | Urdu – Har Lamha Bakhabar

Tag: شرکاء سے خطاب

  • حقیقی آزادی مارچ : عمران خان آج لالہ موسیٰ میں شرکاء سے خطاب کریں گے

    حقیقی آزادی مارچ : عمران خان آج لالہ موسیٰ میں شرکاء سے خطاب کریں گے

    لالہ موسی : پاکستان تحریک انصاف کے چیئرمین عمران خان آج لالہ موسیٰ میں حقیقی آزادی مارچ کے شرکاء سے خطاب کریں گے۔

    تفصیلات کے مطابق پاکستان تحریک انصاف کا حقیقی آزادی مارچ آج لالہ موسی کے لیے روانہ ہوگا، لالہ موسیٰ میں اسٹیج تیار کرلیا گیا ہے اور عمران خان کا خطاب دکھانے کیلئے اسکرین لگادی گئی ہے۔

    عمران خان آج شام 4 بجے مارچ کے شرکا سے لالہ موسیٰ میں ویڈیولنک پر خطاب کریں گے۔

    دوسری جانب اسدعمرکی قیادت میں مارچ دربارحضرت سلطان باہوپہنچ گیا ، جہاں صاحبزادہ محبوب سلطان ،امیرسلطان ، صاحبزادہ حبیب سلطان نےاستقبال کیا۔

    جھنگ : اسد عمردربارپرحاضری کےبعدلانگ مارچ کا آغاز کریں گے ، مارچ گڑھ موڑ ،کوٹ بہادر،روڈسلطان،اٹھارہ ہزاری، ہیڈ تریموں اور ملہوآنہ موڑ سے گزرے گا۔

    جھنگ شہر تک راستے میں پی ٹی ورکرز نے جگہ جگہ استقبالیہ کیمپ لگا لئے گئے ہیں ،تحریک انصاف جھنگ میں بھی پاور شوکرے گی۔

    اسد عمر جھنگ کی چرچ گراؤنڈ میں شام کو اجتماع سے خطاب کریں گے اس کے علاوہ پی ٹی آئی چیئرمین عمران خان بھی شرکا سے ویڈیو لنک خطاب کریں گے۔

    اس حوالے سے پی ٹی آئی رہنما فیصل جاوید نے اپنے ٹوئٹ میں کہا ہے کہ عوام کاسمندرعمران خان کی قیادت میں اسلام آبادکا رخ کرے گا ،مارچ میں عوام باالخصوص فیملیز نے ریکارڈشرکت کی، اسلام آباد میں عدالت کی مختص کردہ جگہ پر تاریخی اورپرامن احتجاج ہوگا۔

  • عمران خان وڈیو لنک کے ذریعے لانگ مارچ کے شرکاء سے خطاب کریں گے

    عمران خان وڈیو لنک کے ذریعے لانگ مارچ کے شرکاء سے خطاب کریں گے

    لاہور : چیئرمین پی ٹی آئی عمران خان زمان پارک سے ہی آزادی مارچ کی مانیٹرنگ کریں گے اور وڈیو لنک کے ذریعے لانگ مارچ کے شرکا سے خطاب کریں گے۔

    تفصیلات کے مطابق تحریک انصاف کے حقیقی آزادی لانگ مارچ کا آج دوبارہ آغاز ہورہا ہے ، چیئرمین پی ٹی آئی عمران خان زمان پارک میں موجود ہیں۔

    عمران خان زمان پارک سے ہی آزادی مارچ کی مانیٹرنگ کریں گے اور وڈیو لنک کے ذریعے لانگ مارچ کے شرکاسے خطاب کریں گے۔

    عمران خان زمان پارک میں آج بھی مصروف دن گزاریں گے ، عمران خان آج اہم ملاقاتیں کریں گے جبکہ پارٹی رہنما اور ارکان اسمبلی آج بھی ملاقات کریں گے۔

    عمران خان مارچ کی قیادت کیلئے 2 ہفتے بعد زمان پارک سے ہی راولپنڈی پہنچیں گے ،عمران خان کی مشاورت کا سلسلہ زمان پارک سے جاری رہے گا۔

    خیال رہے وزیرآباد کچہری چوک میں حقیقی آزادی لانگ مارچ کی تیاریاں جاری ہے، لانگ مارچ کے لیے نیا کنٹینر پہنچ گیا ہے، وائس چیئرمن تحریک انصاف شاہ محمود قریشی مارچ کی قیادت کریں گے۔

    کچہری چوک کو بینز اور فلکس سے سجادیاگیا اور عمران خان کے خطاب کے لیے بڑی اسکرین لگائی جارہی ہے۔

  • غریبوں کے حقوق کیلئے ایک سال بھی بیٹھنا پڑاتوبیٹھوں گا، طاہرالقادری

    غریبوں کے حقوق کیلئے ایک سال بھی بیٹھنا پڑاتوبیٹھوں گا، طاہرالقادری

    اسلام آباد: پاکستان عوامی تحریک کے سربراہ ڈاکٹر طاہرالقادری نے انقلاب مارچ کے شرکاء سے خطاب کرتے ہوئے کہا کہ  میرے کارکن مجھے میری جان سے بھی زیادہ عزیز ہے، میری شخصیت فولاد سے بھی زیادہ مضبوط ہے، غریبوں کی جنگ لڑنے اور ظالموں کے خاتمے کے لئے ایک سال بھی بیٹھنا پڑا توبیٹھوں گا۔

    طاہرالقادری نے کہا کہ میں کھلے دل سے کہہ رہا ہوں کہ جو انتہائی مجبور ہے پریشانی میں ہیں، یہاں بیٹھنے میں مسائل ہورہے ہیں انہیں اجازت دیتا ہوں کہ وہ چلے جائیں، میں یہاں بیٹھا  آپ کی جنگ لڑتا رہوں گا۔ جتنے مرضی مذاکرات کر لئے جائیں لیکن میرے موٗقف  میں لچک نہیں آسکتی ۔ آپ کے چہروں کی پریشانی مجھے کمزور کردے گی

     طاہرالقادری نے کہا کہ آپکا حال دیکھتا ہوں تودل کانپتا ہے، آپ کو تکلیف میں مبتلا کر رکھا ہے، میں یہاں بیٹھا ہوں دنیا کی کوئی طاقت نہیں اٹھا سکتی،میں آخری دم تک ظلم کے خلاف لڑوں گا۔

    میں جب اپنے مظلوم، غربت اور ستائے ہوئے بے بس کارکنوں کو دیکھتا ہوں تو مجھے بہت تکلیف ہوتی ہے اور مجھے رونا آتا ہے، میں یہاں اپنے ظلم لوگوں کی شہادت کا بدلہ لینے کے لئے آیا ہوں اور وزیراعظم نواز شریف اور وزیراعلیٰ پنجاب شہباز شریف کے استعفوں کے بغیر نہیں جائیں گے۔

    طاہر القادری نے کہا کہ میں گواہی دیتا ہوں کہ آپ لوگ سرخ رو ہو چکے ہیں، مجھے اندازہ ہے کہ بہت سے لوگوں کے گھر کا چولہا جلنا بند ہونے کا خدشہ ہے، ان کی نوکریوں کو خطرہ ہے، بچوں کے اسکول کا مسئلہ ہے اس لئے میری طرف سے ان تمام لوگوں کو اجازت ہے کہ آپ لوگ واپس اپنے گھروں میں جا سکتے ہیں، میں قبر میں بھی اور آخرت میں بھی آپ لوگوں کی ثابت قدمی کی گواہی دوں گا۔

    تیس گھنٹے میں ایک بار کھانا کھاتا ہوں بہت سی دوائیاں لینی ہوتی ہے۔تو  پھر بھی اس طرح ہشاش بشاش نظر آؤں گا کیونکہ میری صحت کے پیچھے میرا مقصد ہے، نظریہ ہے اور آپ لوگوں کی شہادتیں ہیں۔ اگر آپ لوگ اسی طرح پریشانی کی حالت میں یہاں موجود رہیں گے تو یہ نا ہو کہ آپ لوگوں کو دیکھ کر کوئی غلط فیصلہ کر بیٹھوں۔

    اس سے قبل طاہرالقادری کا کہنا تھا کہ انقلاب مارچ منسوخ کرتا تو بیرون ملک تاثرپھیلتا کہ بک گیا ہوں، مڈل کلاس کیلئے جنگ لڑ رہا ہوں، انھوں نے کہا کہ پولیس نے سادے لباس میں لوگ دھرنے میں بھیجے ہیں جاسوس افواہیں پھیلائیں گے کہ معاہدہ ہوگیا کسی کی بات پر یقین نہ کرنا جب تک اعلان نہ کروں کسی پر شک ہوتو اسے پکڑ لینا۔