Tag: شریف خاندان

  • دس سال میں قوم مقروض زرداری، شریف خاندان ارب پتی بن گیا: وزیر اعظم

    دس سال میں قوم مقروض زرداری، شریف خاندان ارب پتی بن گیا: وزیر اعظم

    وزیر اعظم عمران خان نے کہا ہے کہ ملک کرپشن کی وجہ سے غریب ہوتا ہے، کرپشن کا مطلب ہے، عوام کا پیسہ چوری کرنا.

    ان خیالات کا اظہار انھوں نے سرسید ایکسپریس کے افتتاح کے موقع پر کیا. وزیر اعظم نے کہا کہ کرپشن غریب کو غریب اورچھوٹے طبقے کو امیر کردیتی ہے، ملک مشکل وقت سے گزر رہا ہے، 10 سال میں 2 حکومتوں نے ملک کا قرضہ 30 ہزار ارب تک پہنچا دیا.

     شریفوں اور زرداری کے گھرانے دیکھیں، تو یہ کتنے امیر ہیں، ان دو خاندانوں کے بچوں کے بچے بھی امیر بن گئے. انتقامی کارروائی تو میرے خلاف کی گئی تھی، لندن میں اربوں روپے کے محلات پکڑے گئے، تو مجھ پر مقدمات بنا دیے.

    دس سال میں قوم مقروض زرداری، شریف خاندان ارب پتی بن گئے، شریف اور زرداری خاندان آدھا پیسہ بھی واپس لائے تو روپیہ اوپر  جائے گا، ڈالر گر جائے گا، کبھی بڑ ٍے ڈاکوؤں پر ہاتھ نہیں ڈالا گیا، کبھی ایسے لوگوں کا احتساب نہیں ہوا، جیلوں میں جائیں تو صرف غریب لوگ ملتے ہیں.

    مزید پڑھیں: وزیراعظم عمران خان کی ادارہ جاتی اصلاحات کے مثبت نتائج سامنے آنے لگے

    ڈاکوؤں کو جیلوں میں وی آئی پی کھانا، اے سی، ٹی وی چاہیے، وزیر قانون سے کہہ دیا ہے کہ جیلوں میں سب کے لئے قانون ایک ہونا چاہیے، کیوں کہ یہ لوگوں کو پیغام دے رہے ہیں کہ ڈاکا مارو، تو بڑا ڈاکا مارو، جیلوں میں سہولیات دینے کا مطلب بڑے ڈاکے مارنےکی اجازت ہے.

    وزیراعظم نے کہا کہ عام افراد ایڑھیاں رگڑتے رہتے ہیں، مگر انصاف نہیں ملتا، ملک کا دیوالیہ کسی چھوٹے نے نہیں، انھیں بڑےلوگوں نےنکالا ہے.

    اس موقع پر انھوں نے کہا کہ سرسید ایکسپریس کے افتتاح پر شیخ رشید کو مبارک باد دیتا ہوں، مہذب معاشرے میں ریلوے پر زیادہ زوردیا جاتا ہے، ریلوے کا36ارب سے خسارہ کم ہوکر 32ارب پر آگیا ہے، دیانت داری سے کام کرکے شیخ رشید نے واضح کیا کہ اداروں میں کرپشن ہے.

  • شریف خاندان کے خلاف وعدہ معاف گواہ مشتاق چینی کی درخواست ضمانت منظور

    شریف خاندان کے خلاف وعدہ معاف گواہ مشتاق چینی کی درخواست ضمانت منظور

    لاہور : لاہور ہائی کورٹ نے منی لانڈرنگ کیس میں حمزہ شہباز کے خلاف وعدہ معاف گواہ مشتاق چینی کی درخواست ضمانت منظور کرلی اور 5،5 لاکھ روپے کے دو مچلکوں کے عوض رہا کرنے کا حکم دیا۔

    تفصیلات کے مطابق لاہور ہائی کورٹ کے جسٹس علی باقر نجفی اور جسٹس سردار احمد نعیم پر مشتمل بنچ نے منی لانڈرنگ سے متعلق انکوائری میں حمزہ شہباز کے خلاف وعدہ معاف گواہ مشتاق چینی کی درخواست ضمانت پر سماعت کی۔

    مشتاق چینی نے موقف اختیار کیا کہ نیب کی جانب سے کرپشن الزامات کے تحت گرفتار کیا گیا، حمزہ اور سلمان شہباز کے خلاف وعدہ معاف گواہ بن کر بیان ریکارڈ کروا دیا ہے، اپنے بیان میں رقوم ٹرانسفر کرنے کے تمام حقائق بیان کردئیے، درخواست ضمانت منظور کی جائے۔

    عدالت نے مشتاق چینی کی ضمانت منظور کرلی اور اسے 5،5 لاکھ روپے کے دو مچلکوں کے عوض رہا کرنے کا حکم دے دیا۔

    مزید پڑھیں : فرنٹ مین مشتاق چینی نے شہباز شریف فیملی کی منی لانڈرنگ کاکچھاچٹھاکھول دیا

    یاد رہے شریف خاندان کا فرنٹ مین مشتاق چینی وعدہ معاف گواہ بن گیا تھا اور اپنے بیان میں کہا تھا شہباز شریف اور حمزہ شہباز شریف کے کہنے پر منی لانڈرنگ کی اور کالے دھن کوسفید کرنے میں مرکزی کردارادا کیا۔

    وعدہ معاف گواہ مشتاق چینی نے تفتیش کے دوران شہباز شریف فیملی منی لانڈرنگ کاکچھاچٹھاکھول دیا تھا اور کہا تھا شریف فیملی کیساتھ دوہزار پانچ سے کاروبار ررہاہے، دوہزارچودہ میں بیرون ملک سے اکیس کروڑ چالیس لاکھ کی ٹیلی گرافک ٹرانسفر لگوائی گئی۔

    خیال رہے کہ مشتاق چینی کو بیرون ملک فرار ہوتے ہوئے لاہور ایئر پورٹ سے گرفتار کیا گیا تھا، محمد مشتاق چینی پی آئی اے کی پرواز 203 سے دبئی روانہ ہو رہا تھا تاہم اس کا نام ای سی ایل میں شامل ہونے پر اسے آف لوڈ کردیا گیا تھا۔

  • منی لانڈرنگ کیس : شریف خاندان کے فرنٹ مین  کا وعدہ معاف گواہ بننے کا امکان

    منی لانڈرنگ کیس : شریف خاندان کے فرنٹ مین کا وعدہ معاف گواہ بننے کا امکان

    لاہور : شریف فیملی منی لانڈرنگ کیس میں حمزہ شہباز اور سلمان شہباز کے دست راست مشتاق چینی کا وعدہ معاف گواہ بننے کا امکان ہے، نیب نے احتساب عدالت سے مشتاق چینی کا راہداری ریمانڈ حاصل کر لیا ہے۔

    تفصیلات کے مطابق شریف فیملی منی لانڈرنگ کیس میں بڑی پیشرفت سامنے آئی، اپوزیشن لیڈر قومی اسمبلی شہباز شریف کے صاحبزادے حمزہ شہبازاور سلمان شہباز کے دست راست کا وعدہ معاف گواہ بننے کا امکان ہے۔

    نیب نے احتساب عدالت سے مشتاق عرف چینی کا راہداری ریمانڈ مانگ لیا، جس پر احتساب عدالت کے جج محمد وسیم اختر نےمشتاق عرف چینی کا راہداری ریمانڈ منظور کرلیا۔

    نیب پراسیکیوٹر کی جانب سے مؤقف اختیار کیا گیا کہ مشتاق چینی کو اسلام آباد نیب آفس میں پیش کرنا ہے، مشتاق چینی کو منی لانڈرنگ کی تفتیش کے  سلسلے میں چئرمین نیب کے روبرو پیش کرنا ہے۔

    نیب ذرائع کے مطابق مشتاق چینی نے اقرار جرم کر کے حقائق بیان کر دیئے ہیں اور دو نجی بنکوں کے ذریعے 37 ٹرانزیکشن سے متعلق ریکارڈ نیب کو فراہم کر دیا ہے۔

    ذرائع کے مطابق مشتاق چینی نے بتایا ہے کہ 2 بنکس اکاؤنٹس کے ذریعے 50 کروڑ 44 لاکھ 4 ہزار کی غیر ملکی ترسیلات موصول ہوئیں، سلمان شہباز کے اکاؤنٹ میں 60 کروڑ 30 لاکھ 54 ہزار بذریعہ چیکس منتقل کیے۔ مشتاق چینی نے نیب کو 6 کروڑ 10 لاکھ 27 ہزار 612 روپے کی غیر ملکی ترسیلات کے بارے میں بھی بتا دیا۔

    نیب ذرائع کا کہنا ہے دوران تفتیش مشتاق چینی کے مختلف بنکوں میں 23 بنکس اکاؤنٹس سامنے آئے، جن میں سینکڑوں مشکوک ٹرانزیکشن ہو چکی ہیں جو اربوں روپے کی ہیں، مشتاق چینی نے اپنے اور کمپنی کے نام پر یہ اکاؤنٹس کھلوا رکھے تھے۔

    نیب نے بتایا مشتاق چینی ناصرف سہولت کار بلکہ شریف فیملی کا بے نامی دار بھی ہے، مشتاق چینی نے 9 غیر ملکی کرنسی کی مشکوک ٹرانزیکشن کا ریکارڈ نیب کو فراہم کر دیا ہے، 9 ٹرانزیکشن کے ذریعے 6 کروڑ 10 لاکھ 27 ہزار 612 روپے منتقل ہوئے۔

    ذرائع کے مطابق مشتاق چینی کو 12 جنوری 2009 تک تواتر سے غیر ملکی ترسیلات موصول ہوتی رہیں۔ ذرائع کا کہنا ہے کہ چیئرمین نیب کی منظوری کے بعد مشتاق چینی کا دفعہ 164 کا بیان ریکارڈ کیا جائے گا۔

    خیال رہے کہ مشتاق چینی کو  بیرون ملک فرار ہوتے ہوئے لاہور ایئر پورٹ سے گرفتار کیا گیا تھا۔ محمد مشتاق چینی پی آئی اے کی پرواز 203 سے دبئی روانہ ہو رہا تھا تاہم اس کا نام ای سی ایل میں شامل ہونے پر اسے آف لوڈ کردیا گیا تھا۔

  • شریف خاندان نے معاشی دہشت گردی سےعوام، معیشت کولہولہان کیے رکھا،فردوس عاشق اعوان

    شریف خاندان نے معاشی دہشت گردی سےعوام، معیشت کولہولہان کیے رکھا،فردوس عاشق اعوان

    اسلام آباد: معاون خصوصی برائے اطلاعات ونشریات ڈاکٹر فردوس عاشق اعوان نے کہا کہ معاشی تباہ کاریوں کے بعد اب یہ کس منہ سے عوام کے پاس جانے کی بات کرتے ہیں۔

    تفصیلات کے مطابق سماجی رابطے کی ویب سائٹ ٹویٹر پرفردوس عاشق اعوان نے کہا کہ شریف خاندان نے معاشی دہشت گردی سےعوام، معیشت کولہولہان کیے رکھا۔


    معاون خصوصی برائے اطلاعات ونشریات نے کہا کہ معاشی تباہ کاریوں کے بعد اب یہ کس منہ سے عوام کے پاس جانے کی بات کرتے ہیں، 30سال معیشت کا جنازہ نکالنے والےعوام کا مزید تیل نکالنا چاہتے ہیں۔

    احتساب وہی کرتا ہے جس کے ہاتھ اور نیت صاف ہوں، فردوس عاشق اعوان

    یاد رہے کہ دو روز قبل فردوس عاشق اعوان کا کہنا تھا کہ اپوزیشن کے رہنماؤں اور ترجمانوں کی زبانیں گروی ہیں، ان کے اندر ان کے کرپٹ لیڈر بولتے ہیں۔

    معاون خصوصی برائے اطلاعات کا کہنا تھا کہ شاہد خاقان عباسی ایک کٹھ پتلی وزیراعظم تھے، آپ ایک بار شریفوں کا نہیں اس ملک کا بن کر سوچیں۔

  • حکومت کی شریف خاندان کیخلاف نئے کیسز دائر کرنے کی تیاری مکمل

    حکومت کی شریف خاندان کیخلاف نئے کیسز دائر کرنے کی تیاری مکمل

    لاہور : پنجاب کے وزیر میاں محمودالرشید نے کہا وفاقی اور صوبائی حکومت کے اداروں نے شریف خاندان کے خلاف نئے کیسز کے لیے مواد اکٹھا کر لیا ہے، وزیر اعظم نے وزراءکو شریف خاندان کی مزید کرپشن بے نقاب کرنے کا ٹاسک دیا تھا۔

    تفصیلات کے مطابق حکومت نے شریف خاندان کیخلاف نئے مقدمات دائر کرنے کا فیصلہ کرلیا، صوبائی وزیر میاں محمودالرشید نے کہا کہ تحریک انصاف کی حکومت نے شریف فیملی کے خلاف نئے کیسز کی تیاری مکمل کرلی ہے، وفاقی اور صوبائی حکومت کے اداروں نے نئے کیسز کے لیے مواد اکٹھا کر لیا۔

    میاں محمودالرشید کا کہنا تھا شریف فیملی کے خلاف پہلے پرانے کیسز تھے مگر اب نئے مقدمات دائر ہوں گے، تمام مقدمات کی تفصیل سےعوام کو آگاہ کریں گے ، تحریک انصاف کابنیادی ایجنڈااحتساب ہے۔

    مزید پڑھیں : شریفوں سے نہ ڈریں، اب وہ واپس نہیں آئیں گے: وزیر اعظم عمران خان

    یاد رہے گذشتہ روز لاہور میں وزیراعظم عمران خان کی زیر صدارت تحریک انصاف پنجاب کی صوبائی پارلیمانی پارٹی اور صوبائی کابینہ کا اجلاس ہوا تھا، جس میں عمران خان نے وزراءکو شریف فیملی کے خلاف کرپشن کی معلومات سے آگاہ کیا اور مزید کرپشن بے نقاب کرنے کا ٹاسک دیا تھا۔

    وزیراعظم کا کہنا تھا اب شریف خاندان واپس نہیں آئے گا، مستقبل میں دو جماعتوں کا ڈٹ کرمقابلہ کرنا ہے، حمزہ شہباز کے کرپشن کیس میں بڑی محنت کی گئی، وہ جلدگرفتارہوں گے۔

  • شریف خاندان کا فرنٹ مین مشتاق چینی 14 روزہ ریمانڈ پر نیب کے حوالے

    شریف خاندان کا فرنٹ مین مشتاق چینی 14 روزہ ریمانڈ پر نیب کے حوالے

    لاہور: لاہور کی احتساب عدالت نے شریف خاندان کے فرنٹ مین مشتاق عرف چینی کو 14 دن کے جسمانی ریمانڈ پر قومی ادارہ احتساب (نیب) کے حوالے کردیا۔

    تفصیلات کے مطابق گزشتہ روز گرفتار کیے گئے شریف خاندان کے فرنٹ مین مشتاق عرف چینی کو لاہور کی احتساب عدالت میں پیش کیا گیا۔ نیب نے عدالت کو بتایا کہ مشتاق عرف چینی شہباز شریف کی فیملی کا فرنٹ مین ہے۔

    نیب کا کہنا تھا کہ مشتاق عرف چینی نے سلمان شہباز کے اکاؤنٹ میں 50 کروڑ کی ٹرانزیکشن کی، ملزم سے نیٹ ورک سے متعلق تحقیقات کرنی ہے، نیب نے عدالت سے 15 روزہ جسمانی ریمانڈ کی استدعا کی۔

    عدالت نے مشتاق عرف چینی کو 14 دن کے جسمانی ریمانڈ پر نیب کے حوالے کردیا۔

    خیال رہے کہ مشتاق چینی کو گزشتہ روز بیرون ملک فرار ہوتے ہوئے لاہور ایئر پورٹ سے گرفتار کیا گیا تھا۔ محمد مشتاق چینی پی آئی اے کی پرواز 203 سے دبئی روانہ ہو رہا تھا تاہم اس کا نام ای سی ایل میں شامل ہونے پر اسے آف لوڈ کردیا گیا۔

    ذرائع کا کہنا ہے کہ مشتاق چینی نے سلمان شہباز کے اکاؤنٹ میں 60 کروڑ روپے کی ٹرانزیکشن کی تھی اور حمزہ شہباز کی ماڈل ٹاؤن میں گرفتاری کے موقع پر روپوش ہوگیا تھا۔

    مشتاق چینی سے متعلق مزید انکشافات سامنے آئے تھے جس کے مطابق ملزم نیب کو 2 مختلف مقدمات میں مطلوب تھا اور اس پر 60 کروڑ روپے کی منی لانڈرنگ کا الزام ہے جبکہ رمضان شوگر مل سے نکاسی کے لیے نالے کا جعلی سروے کروانے کا بھی الزام ہے۔

    گزشتہ روز اے آر وائی نیوز کے پروگرام پاور پلے میں انکشاف ہوا تھا کہ مشتاق عرف چینی نے کمپنی بنا کر لاکھوں ڈالرز کی منی لانڈرنگ کی، جعلی اکاؤنٹس میں ملوث دبئی کی کمپنی سے ٹرانزیکشن کی گئی۔

    برلاس ٹریڈنگ کمپنی سے لاکھوں ڈالر مشتاق کی کمپنی کو بھیجے گئے، برلاس ٹریڈنگ کمپنی کا نام بھی جے آئی ٹی رپورٹ میں موجود ہے۔ سلمان شہباز، مشتاق چینی میں 50 کروڑ روپے کی ٹرانزیکشن ہوئی، مشتاق چینی کے اکاؤنٹ سے 50 کروڑ روپے سلمان شہباز کو گئے۔

    مشتاق چینی نے 7 لاکھ سے زائد درہم کی ٹی ٹی منگوائی تھی، سال 2002 میں سلمان شہباز نے اپنی دولت 20 ہزار روپے ظاہر کی۔ سلمان شہباز کی دولت دیکھتے ہی دیکھتے اربوں روپے ہوگئی، سلمان شہباز کو اربوں روپے ٹی ٹی کے ذریعے دیے گئے۔

  • دبئی کی کمپنی برلاس آصف زرداری اور شریف خاندان کی آلہ کار نکلی، پاور پلے میں انکشاف

    دبئی کی کمپنی برلاس آصف زرداری اور شریف خاندان کی آلہ کار نکلی، پاور پلے میں انکشاف

    اسلام آباد : شہباز شریف کے مبینہ فرنٹ مین مشتاق چینی نے کمپنی بنا کر لاکھوں ڈالرز کی منی لانڈرنگ کی، دبئی کی برلاس کمپنی آصف زرداری اور شریف خاندان کیلئے آلہ کار نکلی، سلیمان شہباز، مشتاق چینی میں 50کروڑ روپے کی ٹرانزیکشن ہوئی۔

    تفصیلات کے مطابق جعلی اکاؤنٹس میں ملوث دبئی کی کمپنی سے بہت بڑی ٹرانزیکشن کا انکشاف ہوا ہے۔ آصف زرداری اور شریف خاندان کی منی لانڈرنگ کا ایک اور باب کھل گیا۔

    دبئی کی کمپنی برلاس آصف زرداری اور شریف خاندان کی آلہ کار نکلی، اےآر وائی نیوز کے پروگرام پاور پلے میں انکشاف ہوا، منی لانڈرنگ میں مشتاق عرف چینی، ٹیلی گرافک ٹرانسفر اور برلاس ٹریڈنگ کا گٹھ جوڑ سامنے آگیا۔

    زرداری اور شریف خاندان کے منی لانڈرنگ کا گورکھ دھندا بے نقاب ہوگیا، مشتاق عرف چینی نے کمپنی بنا کر لاکھوں ڈالرز کی منی لانڈرنگ کی، جعلی اکاؤنٹس میں ملوث دبئی کی کمپنی سے ٹرانزیکشن کی گئی۔

    برلاس ٹریڈنگ کمپنی سے لاکھوں ڈالر مشتاق کی کمپنی کو بھیجے گئے، برلاس ٹریڈنگ کمپنی کا نام بھی جےآئی ٹی رپورٹ میں موجود ہے، سلیمان شہباز، مشتاق چینی میں 50کروڑ روپے کی ٹرانزیکشن ہوئی، مشتاق چینی کےاکاؤنٹ سے50کروڑروپے سلیمان شہباز کو گئے۔

    مشتاق چینی نے سات لاکھ سے زائد درہم کی ٹی ٹی منگوائی تھی، سال 2002میں سلیمان شہباز نےاپنی دولت20ہزار روپے ظاہر کی، سلیمان شہباز کی دولت دیکھتے ہی دیکھتے اربوں روپے ہوگئی، سلیمان شہباز کو اربوں روپے ٹی ٹی کے ذریعےدیے گئے، سلیمان شہباز کو اربوں روپے برلاس ٹریڈنگ ٹی ٹی کیے۔

  • قوم چاہتی ہے کہ طاقتوروں کا احتساب ہو: ندیم افضل چن

    قوم چاہتی ہے کہ طاقتوروں کا احتساب ہو: ندیم افضل چن

    اسلام آباد: وزیر  اعظم کے معاون خصوصی ندیم افضل چن نے کہا ہے کہ شریف خاندان کا ابھی وی آئی پی احتساب ہو رہا ہے.

    ان خیالات کا اظہار  انھوں نے میڈیا سے گفتگو کرتے ہوئے کیا، ان کا کہنا تھا کہ یہ اداروں کے بغیر سیاست نہیں کر سکتے.

    ندیم افضل چن نے کہا کہ حمزہ شہبازکو نیب بلاتا ہے، تو ان کو خود جانا چاہیے، ہم تو میثاق معیشت اور  احتساب کے حوالے سے بھی تیار ہیں.

    انھوں نے کہا کہ احتساب اور سیاست الگ ہونی چاہیے، پی ٹی آئی کا کوئی کیس بنایا ہوا نہیں ہے، قوم کرپشن سے تنگ ہے، چاہتی ہے کہ طاقتوروں کا احتساب ہو.

    مزید پڑھیں: گرفتاری میں مزاحمت، نیب کی ٹیم حمزہ شہباز کو گرفتار کیے بغیر واپس روانہ

    وزیر اعظم کے معاون خصوصی ندیم افضل چن نے کہا کہ اگر ریلیف ملے، تو  سسٹم کی واہ واہ اگر نہ ملے، تو  سسٹم خراب، بات یہ ہے کہ ان کے چہروں سے رونق خود چلی جاتی ہے.

    یاد رہے کہ نیب نے اپوزیشن لیڈر پنجاب اسمبلی حمزہ شہباز کی گرفتاری کے لئے ماڈل ٹاؤن 96 ایچ رہائش گاہ پر چھاپہ مارا تھا، مزاحمت کے پیش نظر حمزہ شہبازکی گرفتاری نہیں ہوسکی اور ٹیم حمزہ شہباز شریف کی رہائش گاہ سے واپس روانہ ہوگئی.

  • شہباز شریف کی آئندہ 2 روز میں برطانیہ روانگی کا امکان، شریف خاندان کی تردید

    شہباز شریف کی آئندہ 2 روز میں برطانیہ روانگی کا امکان، شریف خاندان کی تردید

    لاہور : اپوزیشن لیڈرشہبازشریف کی آئندہ دورروزمیں برطانیہ روانگی کا امکان ہے ، شہبازشریف اپنی بہو اور پوتی سے برطانیہ میں ملاقات کریں گے تاہم  ترجمان شریف فیملی نے تردید کی ہے شہباز شریف ملک سے باہر نہیں جارہے۔

    تفصیلات کے مطابق مسلم لیگ ن کے ذرائع کا کہنا ہے اپوزیشن لیڈر شہباز شریف آئندہ 72گھنٹوں میں برطانیہ روانہ ہوسکتے ہیں، شہباز شریف کی برطانیہ روانگی کا مقصد اپنی بہو اور پوتی سے ملاقات کے ساتھ ساتھ وہاں موجود ڈاکٹرز سے اپنے طبی مسائل پر بات چیت کرنا ہے اس حوالے سے شہباز شریف  نے برطانیہ میں مقیم اپنے ڈاکٹرز سے رابطہ بھی کیا ہے۔

    شہباز شریف ملک سے باہر نہیں جارہے، ترجمان شریف فیملی


    دوسری جانب ترجمان شریف فیملی نے شہبازشریف کہ بیرون ملک روانگی کی خبروں پر تبصرہ کرتے ہوئے کہا کہ اپوزیشن لیڈر کا نام ای سی ایل سے اخراج کے حوالے سے ابھی لاہور ہائی کورٹ کا حکم نامہ نہیں ملا۔

    ترجمان کا کہنا تھا کہ شہباز شریف ملک سے باہر نہیں جارہے، اس حوالے سے چلنے والی خبریں بے بنیاد ہیں، شہبازشریف فی الوقت پاکستان میں ہی ہیں اور ان کی بیرون ملک روانگی تکنیکی مسائل سے مشروط ہے، جسے حل کرنے کا اختیار وفاقی حکومت کے پاس ہے۔

    یاد رہے 26 مارچ کو لاہور ہائی کورٹ نے شہباز شریف کا نام ای سی ایل سے نکالنے کا حکم دیا تھا، ان کا نام گزشتہ ماہ نیب کی سفارش پر ای سی ایل میں ڈالا گیا  تھا، جس کے خلاف 28 فروری کو شہباز شریف نے اپیل دائر کی تھی۔

    مزید پڑھیں : لاہورہائی کورٹ کا شہباز شریف کا نام ای سی ایل سے نکالنے کا حکم

    فروری میں ہی لاہور ہائی کورٹ میں جسٹس ملک شہزاد اور جسٹس مرزا وقاص پرمشتمل بینچ نے شہبازشریف کی رمضان شوگر ملز اور آشیانہ اسکینڈل کیسز درخواست ضمانت پرسماعت کرتے ہوئے ان کی ضمانت منظور کی تھی اور 10 ، 10لاکھ کے 2 ضمانتی مچلکے جمع کرانے کی ہدایت بھی کی تھی۔

  • حمزہ شہبازکا نام ای سی ایل میں شامل کرنے کے خلاف کیس کی سماعت 26 مارچ تک ملتوی

    حمزہ شہبازکا نام ای سی ایل میں شامل کرنے کے خلاف کیس کی سماعت 26 مارچ تک ملتوی

    لاہور: حمزہ شہبازکا نام ای سی ایل میں شامل کرنے کے خلاف کیس کی سماعت کے دوران عدالت نے نیب کو 26 مارچ تک ریکارڈ عدالت میں پیش کرنے کا حکم دے دیا۔

    تفصیلات کے مطابق لاہور ہائی کورٹ میں حمزہ شہباز کا نام ای سی ایل میں شامل کرنے کے خلاف کیس کی سماعت ہوئی۔

    عدالت میں سماعت کے دوران وکیل نیب نے بتایا کہ حمزہ شہباز کے خلاف رمضان شوگر مل میں ریفرنس دائر کردیا ہے۔

    جسٹس فرخ عرفان نے ریمارکس دیے کہ آئندہ سماعت پر ریفرنس کی کاپی بھی ریکارڈ کا حصہ بنائیں۔

    بعدازاں لاہور ہائی کورٹ نے حمزہ شہباز کے خلاف کیس کی سماعت 26 مارچ تک ملتوی کرتے ہوئے نیب کو ریکارڈ عدالت میں پیش کرنے کا حکم دے دیا۔

    عدالت میں گزشتہ سماعت کے دوران ڈپٹی اٹارنی جنرل نے ایف آئی اے کی جانب سے جواب جمع کرایا تھا۔ان کا کہنا تھا کہ عدالت کی بجائے وزارت داخلہ سے رجوع کیا جائے۔

    وکیل حمزہ شہباز نے دلائل دیتے ہوئے کہا تھا کہ وفاقی سیکرٹری داخلہ سے پہلے ہی رجوع کر رکھا ہے، وفاقی کابینہ نے نام ای سی ایل میں شامل کرنے کی منظوری دی تھی۔

    یاد رہے کہ اس وقت شریف خاندان کے مختلف افراد کو بدعنوانی کے الزامات کے تحت مقدمات کا سامنا ہے، جن میں شہباز شریف کے صاحب زادہ حمزہ شہباز بھی شامل ہیں۔

    واضح رہے کہ 11 جنوری 2019 کو قومی احتساب بیورو (نیب) نے چنیوٹ میں رمضان شوگر ملز کیس کا ریفرنس مکمل کرکے شہباز شریف اور حمزہ شہباز کو ملزم نامزد کیا تھا۔