میاں بیوی کے درمیان چھوٹی باتوں پر بھی لڑائی ہوجاتی ہے تاہم سائنسدانوں نے جوڑوں کے درمیان تعلقات خراب کرنے والی غیرمتوقع چیز دریافت کی ہے۔
جرنل سوشل اینڈ پرسنل ریلیشن شپس میں ایک نئی ریسرچ شائع ہوئی ہے، جس میں اس غیرمتوقع عنصر سے پردہ اٹھایا گیا ہے جو شریک حیات کو میں دور اور دراڑ کا باعث بنتی ہے، دلچسپ بات یہ ہے کہ غیرمتوقع عنصر دولت ہے جو تعلقات کی خرابی میں اہم کردار ادا کرتا ہے۔
ماضی میں ایک بڑی وجہ جو سائنسدان تعلقات میں خرابی کی منکشف کرچکے ہیں وہ جوڑوں کے درمیان زبان پر قابو نہ رکھنا بھی ہے، یعنی زبان کا غیرمتوقع اور بے موقع استعمال بھی لڑائی کی وجہ بنتا ہے۔
سائنسدانوں نے حالیہ تحقیق میں انکشاف کیا کہ جو جوڑے دولت پر بہت زیادہ توجہ مرکوز کرتے ہیں وہ مالی معاملات پر ایک دوسرے سے زیادہ بات چیت نہیں کرتے، جس کے باعث ان کا باہمی رشتہ اطمینان بخش نہیں رہتا۔
اگر دیکھا جائے تو دولت پر لڑائی کوئی اتنی غیرمعمولی بات نہیں مگر تحقیق سے پتا چلا کہ لڑائی س وجہ سے نہیں ہوتی کہ وہ کتنے امیر ہیں بلکہ اس کا انحصار اس پر ہوتا ہے کہ وہ دولت کے بارے میں کیا سوچتے ہیں۔
تحقیق میں بتایا گیا کہ جب شادہ شدہ جوڑے اس چیز پر یقین رکھتے ہیں کہ دولت خوشی کے لیے اہم ہے تو ان کی ذہنیت بھی مادہ پرست ہو جاتی ہے اور ان کا رویہ تبدیل ہوتا ہے۔
شادہ شدہ جوڑوں پر تحقیق کرنے والے سائسدانوں کا کہنا ہے کہ دولت ایسا اہم عنصر ہے جو رشتے کو جوڑ بھی سکتا ہے اور اسے توڑ بھی سکتا ہے۔
دو شدہ افراد یا کوئی جوڑا جب یہ مانتا ہے کہ زیادہ دولت کا مطلب زیادہ خوشی ہے تو وہ ایک دوسرے سے مالی معاملات پر زیادہ جھگڑا کرتے ہیں، ایک دوسرے سے بات چیت بہت کم کرتے ہیں اور شادی کے رشتے سے زیادہ مطمئن نہیں ہوتے جو انھیں دور بھی کرتا ہے۔
محققین نے یہ بھی بتایا کہ اگر دولت کے بارے میں جوڑوں کے خیالات ایک دوسرے سے ملتے جلتے ہوں تو وہ آپس میں زیادہ بات چیت کرتے ہیں اور اپنے تعلق پر زیادہ مطمئن رہتے ہیں۔
سائنسدانوں نے جوڑوں کے درمیاں اچھے تعلق کےلیے مشورہ دیا کیہ اس بات پر توجہ مرکوز نہ کی جائے کہ کتنی دولت کافی ہے بلکہ جوڑوں کو ایک دوسرے کے خیالات پر بات چیت کرنی چاہے اور انھیں سمجھنا چاہیے۔
