اسلام آباد: پاکستان پیپلز پارٹی کے شریک چیئرمین اور سابق صدر آصف علی زرداری نے کہا ہے کہ خارجہ پالیسی پر عدم توجہی کے باعث بے شمار مسائل پیدا ہوگئے ہیں لیکن نواز شریف کی ترجیح ہمیشہ غیر ملکیوں کو ذاتی دوست بنانا رہی ہے۔
ان خیالات کا اظہار انہوں نے پیپلز پارٹی جہلم کے عہدیداروں سے خطاب کرتے ہوئے کیا، آصف زرداری کا کہنا تھا کہ موجودہ حکومت نے خارجہ امور پر کوئی توجہ نہیں دیا، عدم توجہی کے نتیجے میں بے شمار مسائل پیدا ہوگئے ہیں۔
انہوں نے کہا کہ موجودہ حکومت نے معیشت تباہ کردی ہے، حالت یہ ہے کہ فی لیٹر پر عوام سے 40 روپے ٹیکس لیا جاتا ہے، ہمارے دورے حکومت میں ملک کی معیشت مضبوط حالت میں تھی۔
2013 میں نواز شریف نے آر اوز کی مدد سے اقتدار حاصل کیا، اب ایسا نہیں ہوگا: آصف زرداری
سابق صدر نے کہا کہ آنے والا وقت پیپلز پارٹی کا ہے، وزیر اعظم کے ساتھ ساتھ وزرائے اعلیٰ ہاؤسز میں بھی بھٹو کے نعرے گونجیں گے، چاروں صوبوں کی گورنر شپ بھی جیالوں کے ہاتھوں میں ہوگی۔
ان کا مزید کہنا تھا کہ پی پی قیادت کی ہمیشہ کوشش رہی کہ پاکستان کے دیگر ممالک کے ساتھ تعلقات مضبوط کریں اور تاکہ دوست ممالک میں اضافہ ہو، جمہوریت اور عوام سے ہمارا روح کا رشتہ ہے۔
راؤ انوار مجرم ہے تو قانون کی گرفت میں ضرور آئے گا، آصف علی زرداری
خیال رہے گذشتہ دنوں راولپنڈی میں پارٹی کے مقامی عہدے داروں سے خطاب کرتے ہوئے آصف زرداری کا کہنا تھا کہ ماضی میں ہمارے ہاتھ بندھے ہوئے تھے، مگر اب وہ حالات نہیں، اب بلاول بھٹو میدان میں ہے، پیپلزپارٹی ذوالفقار علی بھٹو کے فلسفے پرعمل پیرا ہے۔ ہم سب بے نظیر بھٹوکے نقش قدم پر چل رہے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
