کراچی کنگز کے کھلاڑی شعیب ملک نے کراچی کنگز سے راہیں جدا کرلیں۔
سماجی رابطے کی ویب سائٹ ایکس پر سابق قومی کرکٹر شعیب ملک نے لکھا کہ ’کراچی کنگز کے ساتھ میرا سفر ختم ہوگیا، کراچی کنگز اور اس کے کھلاڑیوں کے ساتھ کھیلنا بہترین تجربہ رہا۔
انہوں نے لکھا کہ ’سلمان اقبال اور مینجمنٹ نے ہمیشہ بے حد سپورٹ کیا، کراچی کنگز کے لیے نیک خواہشات کا اظہار کرتا ہوں۔
شعیب ملک نے مزید لکھا کہ ’پہلی بار پی ایس ایل ڈرافٹ کا حصہ بننے کے لیے پرجوش ہوں۔‘
پاکستان ٹیم کے سابق کپتان شعیب ملک کی اہلیہ اور شوبز انڈسٹری کی معروف اداکارہ ثنا جاوید نے اپنی اور شوہر کی نئی دلکش تصاور شیئر کردیں۔
فوٹو اینڈ شیئرنگ ایپ انسٹاگرام پر اداکارہ ثنا جاوید نے شعیب ملک کے ہمراہ نئی تصاور پوسٹ کیں، انھوں نے یہ تصاویر متحدہ عرب امارات سے شیئر کی ہیں جس میں جوڑا کافی خوشگوار موڈ میں نظر آرہا ہے۔
ثنا جاوید نے شعیب ملک کے ہمراہ کوالٹی ٹائم کی تصاویر کے ساتھ لکھا کہ ’کیوں کہ آپ جانتے ہیں نہ کہ میں آپ سے بہت محبت کرتی ہوں، ساتھ ہی انھوں نے ایموجیز کا بھی استعمال کیا۔
شعیب اور ثنا کی اس تصویر پر دیکھتے ہی دیکھتے مداحوں کے کمنٹس کا تانتا بندھ گیا، مداحوں نے جوڑے کی تصاویر پر مختلف خیالات کا اظہار کیا جبکہ کئی لوگوں نے ان کی تعریف بھی کی۔
اس سے قبل ثنا جاوید نے ورلڈ چیمپئن شپ آف لیجنڈز ٹورنامنٹ کے میدان سے شعیب ملک کی ویڈیو شیئر کی تھی، جس کے کیپشن میں انھوں نے لکھا تھا ’کیوٹی، مائی ملک‘ اور ساتھ میں ایموجیز استعمال کی تھیں۔
واضح رہے کہ ثنا جاوید اور شعیب ملک نے 20 جنوری کو اپنی شادی کا اعلان کیا تھا، اس جوڑی نے اپنے اپنے سوشل میڈیا اکاؤنٹس پر شادی کی تصاویر پوسٹ کی تھیں۔
شعیب اور ثنا کی یہ دوسری شادی ہے، شعیب ملک نے پہلی شادی سال 2010 میں بھارتی ٹینس اسٹار ثانیہ مرزا سے کی تھی جبکہ ثنا جاوید نے پہلی شادی سال 2020 میں گلوکار عمیر جیسوال سے کی تھی۔
پاکستانی کرکٹ ٹیم کے سابق کپتان شعیب ملک نے قومی ٹیم کے وکٹ کیپر محمد رضوان کے کپتان بنائے جانے پر اپنی رائے کا اظہار کیا ہے۔
رپورٹس کے مطابق ریاض میں میڈیا سے بات کرتے ہوئے سابق کپتان شعیب ملک نے کہا کہ محمد رضوان کے کرکٹ ٹیم کے کپتان بننے پر خوشی ہے، وہ اسمارٹ کرکٹر ہیں۔
سابق کپتان نے کہا کہ محمد رضوان نے جہاں بھی کپتانی کی کامیاب رہے، امید ہے قومی ٹیم میں بھی وہ کامیاب ہوں گے، ان کی کامیابی کے لیے دعا گو ہوں، ناکامی زیادہ سکھاتی اور کامیابی صرف آپ کا دماغ خراب کرتی ہے۔
واضح رہے کہ حال ہی میں محمد رضوان کو ون ڈے اور ٹی ٹوئنٹی فارمیٹ کا کپتان جبکہ آغا سلمان کو نائب کپتان مقرر کیا گیا ہے۔
اس سے قبل سابق چیئرمین پی سی بی و کمنٹیٹر رمیز راجہ نے گیری کرسٹن کے استعفیٰ اور محمد رضوان کو کپتان بنانے پر ردعمل دے دیا۔
سابق کرکٹر رمیز راجہ نے کہا کہ محمد رضوان کو جو ٹیم دی گئی ہے اس میں میچ ونر بھی نہیں ہے، بابر اعظم سے پوچھنا چاہیے تھا کہ وہ آرام چاہتے ہیں یا نہیں۔
انہوں نے کہا کہ فخر زمان وائٹ بال میں پاکستان ٹیم کی ضرورت ہیں۔
رمیز راجہ نے کہا کہ پاکستان کو کوچ گیری کرسٹن کے تجربے کی ضرورت تھی، گیری کے معاملے پر کرکٹ بورڈ کو وضاحت دینی چاہیے۔
گزشتہ روز سابق چیئرمین پی سی بی رمیز راجہ نے اپنے وی لاگ میں وضاحت دیتے ہوئے کہا تھا کہ رمیز راجہ نے کہا کہ کھلاڑیوں سے سوال کرنا میرا حق ہے، پاکستان کی کامیابی سے سب کو عزت ملے گی۔
ان کا کہنا تھا کہ سوشل میڈیا پر شرلی چھوڑ دی گئی، مقصد کسی کو نیا دکھانا نہیں تھا، شان کو بیٹنگ میں غلطیاں دور کرنے کا کہا تھا، پاکستان کی کامیابی سے سب کو عزت ملے گی۔
پاکستانی خوبرو معروف اداکارہ ثنا جاوید اور کرکٹر شعیب ملک آج کل بیرونِ ملک سیر سپاٹوں میں مصروف ہیں۔
فوٹو اینڈ شیئرنگ ایپ انسٹاگرام پر اداکارہ ثنا اور شعیب ملک نے اپنے اپنے انسٹاگرام اکاؤنٹس پر سوئٹزرلینڈ کے دلکش مقام سے خوبصورت تصویریں شیئر کی ہیں۔
View this post on Instagram
ان تصاویر میں ان دونوں کو سرسبز و شاداب حسین وادی کے درمیان قدرت کے نظاروں سے لطف اندوز ہوتے ہوئے دیکھا جاسکتا ہے، اس موقع ہر ثنا جاوید نے اپنے شوہر سے ڈریس ٹوئننگ کی ہوئی تھی۔
اداکارہ ثنا جاوید نے شوہر کے ہمراہ تصاویر شیئر کرتے ہوئے کیپشن میں دل والا ایموجی لگایا ہے۔
یاد رہے کہ رواں سال کے آغاز میں اپنی شادی کا اعلان کرنے والی یہ جوڑی لائم لائٹ میں آ گئی ہے اور ان شخصیات کی شہرت میں بھی پہلے سے اضافہ ہوا ہے۔
سوشل میڈیا پلیٹ فارمز پر جہاں اس جوڑے پر اپنے اپنے پہلے ہمسفر کو چھوڑنے پر تنقید کی جاتی ہے وہیں اِن کے کروڑوں کی تعداد میں مداح اور خیرخواہ بھی موجود ہیں۔
قومی کرکٹ ٹیم کے آل راؤنڈر شعیب ملک نے مستقبل میں قومی ٹیم کی جانب سے کھیلنے میں عدم دلچسپی ظاہر کردی۔
نجی ٹی وی چینل کو دیئے گئے انٹرویو میں قومی کرکٹ ٹیم کے آل راؤنڈر شعیب ملک نے کہا کہ پاکستان کیلئے ساری زندگی کرکٹ کھیلی اور خوب لطف اندوز ہوا، میں موجودہ زندگی سے بہت خوش اور مطمئن ہوں۔
شعیب ملک نے کہا کہ اب پاکستان کی طرف سے دوبارہ کھیلنے میں میری کوئی دلچسپی نہیں ہے، میں نے دو فامیٹ سے پہلے ہی ریٹائرمنٹ کا اعلان کردیا ہے، صرف ٹی20 فارمیٹ میں ایسا ہے جس میں ریٹائرمنٹ کا اعلان نہیں کیا تھا کیوں کہ میں اب بھی لیگز کھیلتا ہوں، اب اگر ریٹائر ہوا تو کوئی کرکٹ نہیں کھیلوں گا۔
ایک سوال پر شعیب ملک کا کہنا تھا کہ قومی ٹیم کی کوچنگ میں مجھے کوئی دلچسپی نہیں، البتہ بطور مینٹور ڈومیسٹک سطح پر اپنی ضرور خدمات پیش کروں گا۔
شعیب ملک نے بابر اعظم کی کپتانی سے متعلق کہا کہ بابر کو بطور بلے باز اپنی بہترین کارکردگی پر توجہ دینی چاہیے۔
انہوں نے کہا کہ اُتار چڑھاؤ زندگی کا ایک حصہ ہیں، بابر کو مضبوط رہنے کی ضرورت ہے لیکن مجھے لگتا ہے کہ اسے کپتانی چھوڑ دینی چاہیے، بابر کو صرف ایک کھلاڑی کے طور پر کھیلنا چاہیے۔ یہ میری رائے ہے۔ اگر وہ بطور کھلاڑی کھیلتا ہے تو وہ ٹیم کے لیے بہت کچھ کر سکتا ہے۔
قومی ٹیم کے سابق کپتان شعیب نے چیمپیئنز ٹرافی 2025 کے لیے بھارتی ٹیم سے پاکستان کا دورہ کرنے کی پرزور درخواست کی ہے۔
حال ہی میں نجی میڈیا گروپ کے یوٹیوب چینل سے سابق کپتان شعیب ملک نے تفصیلی بات چیت کی، اس دوران انہوں نے کھل کر اپنے خیالات کا اظہار کیا۔
دوران پروگرام جب میزبان نے شعیب ملک سے بھارتی ٹیم کے دورہ پاکستان سے متعلق سوال کیا تو شعیب ملک نے بھارتی ٹیم پر کھیل اور سیاست کو دور رکھنے اور پاکستان کا دورہ کرنے پر زور دیا۔
شعیب ملک کا کہنا تھا کہ پاکستان کرکٹ ٹیم نے ورلڈ کپ 2023 کے لیے بھارت کا دورہ کیا تھا، اب وقت آگیا ہے کہ بھارت حوصلہ کرے اور پاکستان کا دورہ کرے۔
شعیب ملک کا کہنا تھا کہ سیاست کو کھیلوں سے دور رکھیں اور پاکستان کا دورہ کریں ہم اچھے لوگ ہیں، بہت مہمان نواز ہیں، انہوں نے کہا کہ دونوں ممالک کے درمیان جو بھی تحفظات ہیں، وہ اپنی جگہ لیکن کھیل کے درمیان سیاست نہیں آنی چاہیے۔
شعیب ملک نے کہا کہ بھارتی ٹیم میں بہت سے کھلاڑی ایسے ہیں جنہوں نے کبھی بھی پاکستان کا دورہ نہیں کیا، اس لیے مجھے یقین ہے کہ یہ ان کے لیے بہت اچھا ہوگا، بھارتی ٹیم کو ضرور آنا چاہیے۔
واضح رہے کہ بھارت اور پاکستان کے درمیان کشیدہ سیاسی تعلقات کے پیش نظر دونوں ممالک کے درمیان کرکٹ کے دوطرفہ تعلقات بھی 2013 سے کشیدہ ہیں۔
انگلینڈ میں ورلڈ چیمپئن شپ آف لیجنڈز 2024ء کا انعقاد کیا جارہا ہے، جہاں پاکستان چیمپئنز، لیجنڈ سابق کھلاڑی یونس خان کی کپتانی میں اپنی صلاحیتوں کامظاہرہ کررہے ہیں۔
ورلڈ چیمپئن شپ آف لیجنڈز 2024ء میں گزشتہ روز بھی پاکستان نے اپنے دوسرے میچ میں ویسٹ انڈیز کو 29 رنز سے ہرادیا تھا۔
شعیب ملک ویسٹ انڈیز کے خلاف کھیلے گئے میچ میں 54 رنز بنا کر مین آف دی میچ قرار پائے تھے۔
شعیب ملک کی دوسری اہلیہ، اداکارہ ثناء جاوید نے اس بار بھی شعیب ملک کی تعریفوں کی پل باندھ دیئے، انہوں نے شعیب ملک کو ہیرو قرار دے دیا۔
اپنی انسٹاگرام اسٹوری پر اداکارہ ثناء جاوید نے شعیب ملک کی تصویر شیئر کرتے ہوئے اُنہیں ٹیگ کیا اور کمنٹ میں اُن کی بہترین پرفارمنس کی تعریف کرتے ہوئے انہیں ’ہیرو‘ لکھا۔
قومی ٹیم کے سابق کپتان شعیب ملک اور ان کی اہلیہ و اداکارہ ثناء جاوید کی ایک نئی تصویر سوشل میڈیا پر گردش کررہی ہے، جسے دیکھ کر ان کے چاہنے والوں میں تشویش کی لہر دوڑ گئی ہے۔
شعیب ملک اور ثناء جاوید کی تصویر مختلف سوشل میڈیا پلیٹ فارم پر وائرل ہو رہی ہے۔
وائرل ہونے والی تصویر میں دیکھا جاسکتا ہے کہ شعیب ملک اپنی اہلیہ ثناء جاوید کے ہمراہ مقامی ہوٹل میں ڈنر کا انتظار کررہے ہیں۔
صارفین نے تصویر سوشل میڈیا پر وائرل ہونے کے بعد تشویش کا اظہار کیا اور شعیب ملک کی صحت کے حوالے سے سوال کرتے دکھائی دیئے۔
کئی صارفین کے مطابق رواں سال کے آغاز میں اپنی شادی کے موقع پر جوان دکھائی دینے والے شعیب ملک چند ماہ میں ہی بوڑھے ہوگئے ہیں۔
بعض صارفین نے وائرل تصویر کے کمنٹس میں تبصرہ کرتے ہوئے ثناء جاوید اور ثانیہ مرزا کا موازنہ بھی کیا اور کہا کہ شعیب ملک ثانیہ مرزا کے سامنے کم عمر دکھائی دیتے تھے لیکن اب ثناء جاوید کے ساتھ بوڑھے نظر آ رہے ہیں۔
واضح رہے کہ رواں سال کے آغاز میں 20 جنوری 2024ء کو شعیب ملک نے اداکارہ ثناء جاوید سے شادی کا اعلان بذریعہ سوشل میڈیا کیا تھا۔
پاکستانی کرکٹ ٹیم کے سابق کپتان شعیب ملک نے امریکا کے ہاتھوں پاکستان کی شرمناک شکست پر بات کرتے ہوئے بابر اعظم کی کپتانی پر سوال اُٹھا دیا۔
شعیب ملک کا ٹاک شو میں بات کرتے ہوئے کہنا تھا کہ بابر اعظم کو کپتان بنے ہوئے 4 سال ہوگئے، مگر مجھے اس کی کپتانی میں کوئی فرق نظر نہیں آتا۔
سابق کپتان نے کہا کہ آپ اگر کہیں ہوتے ہیں اپنے آپ کو بہتر سے بہتر کرنے کی کوشش کرتے ہیں، اگر کوئی اپنے آپ کو بہتر بنا رہا ہوں تو آپ اسے ضرور وقت دیں، کیونکہ آپ کو اس کا اچھا رزلٹ نظر آئے گا۔
لیکن بابر اعظم بطور کپتان جیسے 4 سال پہلے تھا وہ آج بھی وہیں کھڑا ہے، مجھے اس کی کپتانی میں کوئی فرق نظر نہیں آیا۔
اس سے قبل سابق کپتان محمد حفیظ نے بھی قومی ٹیم کی امریکا کے ہاتھوں شکست پر شدید تنقید کرتے ہوئے کہا تھا کہ پہلے ہم نے 20 اوورز کا میچ ہارا، اس کے بعد ہم سپر اوور میں بھی ہارے ہیں، سابق کپتان نے کہا کہ مجھے حیرت ہے کہ آپ سپر اوور میں بھی ٹیم کو نہیں جتوا سکے۔
سابق کپتان کا پاکستان کی بولنگ پر تنقید کرتے ہوئے کہنا تھا کہ کونسا اچھا بالر ہے، آپ کو یہی نہیں پتہ؟ اس جگہ میں ہوتا تو میری پہلی آپشن ہوتی نسیم شاہ اور دوسری آپشن شاہین شاہ آفریدی ہوتی۔
محمد عامر سے متعلق سابق کپتان نے کہا کہ عامر پاکستان کی کرکٹ سے چار سال سے باہر تھے، خدارا انٹرنیشنل لیگ کی کرکٹ کو انٹر نیشنل کرکٹ سے نہ ملائیں، میں یہ بات بار بار سمجھانے کی کوشش کررہا ہوں۔
انہوں نے مزید کہا کہ میں نے پاکستان کے لئے 392 میچ کھیلے ہیں وہ میرا پرائیڈ ہے، میں نے دنیا کی لیگز کھیلی ہیں وہ میرا پرائیڈ نہیں ہے۔
اس سے قبل قومی ٹیم سابق وکٹ کیپر بیٹر کامران اکمل نے امریکا کیخلاف پاکستانی ٹیم کی شکست پر رد عمل دیتے ہوئے کہا تھا کہ کرکٹ چلانے والوں کو اب بھی شرم نہ آئی تو اللہ ہی حافظ ہے۔
سابق کرکٹر و سلیکشن کمیٹی کے رکن کامران اکمل نے اپنے یوٹیوب چینل پر گفتگو کرتے ہوئے کہا کہ ہم اگر انگلینڈ سے فائٹ کرکے ہارتے تو دکھ نہیں ہوتا، مگر اس ٹیم سے شکست کھائی جس نے زیادہ انٹرنیشنل میچز ہی نہیں کھیلے ہوئے۔
قومی کرکٹ ٹیم کے بہترین آل راؤنڈر شعیب ملک کی نئی تصاویر دیکھ کر مداحوں کو ان کی یاد ستانے لگی۔
گزشتہ روز ٹی ٹوئنٹی ورلڈ کپ 2024 کے سلسلے میں ہونے والے امریکا بمقابلہ پاکستان پر جہاں دنیا بھر کی نظریں جمی ہوئی تھیں وہیں سابق کپتان نے میچ دیکھا اور اپنے تاثرات کا اظہار کیا۔
سابق کپتان نے انسٹا گرام پر اپنی تازہ تصاویر شیئر کرتے ہوئے لکھا ”صوفہ اور کرکٹ“ اور ساتھ میں دعا کے ایموجی کے ہاتھ بنادیئے۔
سوشل میڈیا پر سابق کپتان کی تصاویر سامنے آنے کے بعد کرکٹ شائقین نے انہیں بتایا کہ وہ اُنہیں گراؤنڈ میں ایکشن میں دیکھنا چاہتے ہیں۔
شعیب ملک کی پوسٹ پر صارفین نے دلچسپ کمنٹس کئے، کسی نے لکھا کہ ’ہار رہے ہیں بھائی دانت اندر کر لو‘، ایک صارف نے لکھا کہ ’بھائی خدا کا واسطہ ہے مڈل آرڈر پر آپ آجائیں‘۔
ایک سوشل میڈیا صارف کا کہنا تھا کہ ’شعیب ملک امریکا کو جیتتا دیکھ کر خوش ہو رہے ہیں‘، تو کسی نے کہا کہ ’شعیب ملک کا ٹیم سے کہنا ہے کہ اور نہ لے کر جاؤ مجھے۔‘