Tag: شعیب ملک

پاکستان کے سابق کپتان شعیب ملک نے ٹی ٹوئنٹی فارمیٹ میں بڑا کارنامہ انجام دیتے ہوئے اہم سنگ میل عبور کرلیا۔

آل راؤنڈر شعیب ملک کافی عرصے سے قومی کرکٹ ٹیم میں جگہ نہیں بناپائے تاہم وہ لیگز اور ڈومیسٹک کرکٹ میں کھیلتے نظر آتے ہیں۔ قومی کرکٹ ٹیم کے سابق کپتان نے ٹی ٹوئنٹی میں ملک کی طرف سے سب سے زیادہ چوکے لگانے کا اعزاز حاصل کرلیا ہے۔

نیشنل ٹی ٹوئنٹی میں سیالکوٹ کی نمائندگی کرنے والے شعیب ملک اس فارمیٹ میں ایک ہزار چوکے مکمل کرلیے ہیں۔ ٹی ٹوئنٹی مقابلوں میں ایک ہزار چوکے لگانے والے وہ پہلے پاکستانی کرکٹر ہیں۔

شعیب ملک نے 3 دسمبر کو نیشنل ٹی ٹوئنٹی میں سیالکوٹ کی طرف سے راولپنڈی کے خلاف 6 چوکوں اور 4 چھکوں کی مدد سے 84 رنز بنائے۔ اس دوران انھوں نے کیریئر میں مجموعی طور پر ہزار چوکے مارنے کا کارنامہ بھی انجام دیا۔

شعیب ملک یہ اعزاز پانے والے مجموعی طور پر دنیا کے آٹھویں کھلاڑی ہیں، انھوں نے ایک ہزار چوکے لگانے کے لیے 482 اننگز کا سہارا لیا۔

آل راؤنڈر نے ٹی ٹوئنٹی فارمیٹ میں چار سو چھکے بھی مکمل کرلیے ہیں جبکہ یہ سنگ میل عبور کرنے والے بھی وہ پہلے پاکستانی کرکٹر ہیں۔

شعیب مختصر فارمیٹ میں 12 ہزار سے زائد رنز بنا چکے ہیں، وہ ویسٹ انڈیز کے جارح مزاج بیٹر کرس گیل کے بعد یہ کارنامہ انجام دینے والے دنیا کے دوسرے کرکٹر ہیں۔

پاکستان کے سابق کپتان شعیب ملک نے تبریز شمسی کی جانب سے جوتے سے کال ملانے کی کہانی بتا دی، سابق آل راؤنڈر نے بتایا کہ یہ ان کی اور عمران طاہر کی اسٹوری ہے۔

اے اسپورٹس کے پروگرام میں اظہار خیال کرتے ہوئے شعیب ملک کا کہنا تھا کہ تبریز شمسی بہت اچھے انسان بھی ہیں اور اچھے بولر بھی ہیں ان کی حس مزاح کافی اچھی ہے۔ وہ جان لگا کر بولنگ کرتے ہیں۔

شعیب ملک نے ان کے انوکھے انداز جشن اور جوتے سے کال ملانے کی کہانی بتاتے ہوئے کہا کہ وہ تبریز شمسی اور عمران طاہر کی اسٹوری ہے۔ وہ آؤٹ کرتے ہیں تو اپنا جوتا اتار کر فون ملاتے ہیں۔

انھوں نے کہا کہ جوتے کے نیچے جو نیلز لگے ہوتے ہیں لیفٹ آرم لیگ اسپنر انھیں اس طرح استعمال کرتے ہیں جیسے کہ وہ نمبرز ڈائل کررہے ہیں۔

جنوبی افریقی بولر کے بارے میں مزید بتاتے ہوئے انھوں نے کہا تبریز شمسی بیٹر کا تجزیہ کرتے ہیں کہ وہ کس طرف زیادہ شارٹس کھیل رہا ہے۔

اسپنر کی سب سے اہم چیز یہ ہے کہ اسے پہلے پچ کا تجزیہ کرنا ہوتا ہے اور اس کے بعد بیٹر کا تجزیہ کرنا ہوتا ہے کہ وہ کس طرف زیادہ اچھے شارٹس کھیل رہا ہے۔ وہ اگر اپنے مخصوص دن پر آف سائیڈ پر اچھا کھیل رہا ہے تو اسے بیچ میں اسٹمپس میں بال کرتے ہیں۔

شعیب ملک نے کہا کہ ان کا اہم ہتھیار الٹا والا بال ہے جسے ہم گوگلی کہتے ہیں جو کلدیپ یادیو بھی بہت اچھے سے استعمال کررہے ہیں۔ تبریز شمسی نے حال ہی میں سلائیڈر ڈیولپ کیا ہے۔

ان کا کہنا تھا کہ جنوبی افریقہ لیگ اسپنر کو میچز کے دوران بہت بہترطریقے سے استعمال کرتا ہے اور وہ ان ٹیمز کے خلاف کرتے ہیں جو رسٹ اسپنرز کو اچھا نہیں کھیل پاتے۔

شعیب ملک ٹیم کی سپورٹ میں سامنے آگئے، سابق آل راؤنڈر نے کہا کہ ایک میچ ہارنے سے پاکستان ٹیم کے لیے دنیا ختم نہیں ہوگئی۔

اے اسپورٹس کے پروگرام میں گفتگو کرتے ہوئے پاکستان کے سابق کپتان نے اپنی رائے کا اظہار کرتے ہوئے کہا کہ پاکستان کرکٹ ٹیم کے لیے یہی وقت ہے کہ اس ہار سے سیکھے اور آگے بڑھنے کی کوشش کرے اور اب ہمیں جاگ جانا چاہیے۔

شعیب ملک نے تجزیہ کرتے ہوئے کہا کہ یہاں پر پاکستان ٹیم کے لیے دنیا میں ختم نہیں ہوگئی، ابھی بھی چھ میچز باقی ہیں، یہی 15 پلیئرز ہیں ہمارے اور ان سے ہی ہوگا۔

انھوں نے کہا کہ جب آپ ایسا میچ ہار جائیں تو آپ ڈاؤن ہوتے ہیں یہ پاکستان کرکٹ ٹیم کے لیے وقت ہے کہ وہ جاگیں جائیں اور یہاں سے آگے بڑھیں۔ اس وقت پاکستان نمبر ون ٹیم ہے، ایک میچ ہارنے سے آپ برے نہیں بن جاتے اور ایک میچ جیتنے سے آپ بہت اچھے بھی نہیں بن جاتے لیکن

شعیب نے کہا کہ جن چیزوں پر کام کرنے کی ضرورت ہے وہ ٹیم کا اسپننگ ڈپارٹمنٹ ہے کیوں کہ وہ جدوجہد کا شکار نظر آتا ہے اس میں تبدیلیاں لے کر آنی چاہئیں۔

View this post on Instagram

A post shared by ASports (@asportstv.pk)

سابق آل راؤنڈر نے کہا کہ ان 11 پلیئرز سے کوئی شکایات نہیں، جو ہمارے بہترین پلیئرز تھے انھیں ہی چنا گیا ہے۔ ایک ہی میچ ہوا ہے میں اس میچ اسی طرح ہے جیسا آئی سی سی چیمپئنز ٹرافی 2017 میں ہوا تھا جب ہم لوگ پہلا میچ ہارے تھے میں اس ٹیم کا حصہ تھا وہ بھی ایسا ہی کوئی میچ تھا۔

انھوں نے کہا کہ میچ ہارنے کے بعد وہاں پر ایک میٹنگ ہوئی تھی اور اس میٹنگ کے دوران میں نے ایک ہی چیز پر زور دیا تھا کیوں کہ جب آپ ایسا میچ ہارتے ہیں تو مشکل وقت ہوتا ہے۔

شعیب ملک نے کہا کہ اتنا ہائی وولٹیج میچ ہو اور جب آپ ہار جائیں تو ہر بندہ ڈاؤن ہوتا ہے۔ جیسے کہ یہاں پر بیٹھے ہوئے ہم بھی ڈاؤن ہیں۔ بہت سارے فینز ہیں وہ بھی ڈاؤن ہیں اور مجھے یقین ہے کہ پلئرز بھی ڈاؤن ہونگے۔

انھوں نے کہا کہ یہ ایسا وقت ہوتا ہے جب کچھ سمجھ نہیں آرہا ہوتا ہے لیکن اس سے سیکھنا چاہیے اور اسطرح کی چوٹ پڑتی ہے تو آپ کے اندر والا انسان جاگتا ہے۔

قومی کرکٹ ٹیم کے سابق کپتان شعیب ملک کی ورلڈکپ میں سری لنکا کیخلاف میچ میں  پاکستان کی اننگز سے قبل کی گئی پیشگوئی سچ ثابت ہوگئی۔

اے اسپورٹس کے پروگرام ’دی پویلین‘ میں شعب ملک نے اننگز بریک میں اپنا تجزیہ پیش کرتے ہوئے کہا تھا کہ پاکستان ٹیم یہ345 رنز کا بڑا ہدف بھی حاصل کرلے گی۔

شعیب ملک کا کہنا تھا کہ پچھلے میچوں کے مقابلے میں یہ پچ بہت بہتر ہے، نواز اور شاداب کی بولنگ جس طرح کامیاب نہیں رہی اسی طرح سری لنکا کو بھی بولنگ میں مشکل ہوگی۔

شعیب ملک کا کہنا تھا کہ اگر اس پچ پر پاکستان کے ابتدائی کھلاڑیوں میں سے کوئی دو بھی سنچری اسکور کرلیتے ہیں تو یہ ہدف کوئی مشکل ہدف نہیں ہوگا۔

واضح رہے کہ ورلڈ کپ 2023 کا ایک دلچسپ میچ گزشتہ روز بھارت کے تاریخی شہر حیدرآباد دکن کے راجیو گاندھی کرکٹ اسٹیڈیم میں کھیلا گیا۔ سری لنکا کے دیے گئے 345 رنز کے ہدف کے تعاقب میں 37 رنز پر کپتان بابر اعظم سمیت دو وکٹیں گر چکی تھیں اور پاکستان کی جیت کی امیدیں مایوسی میں بدل رہی تھیں۔

ایسے میں ورلڈ کپ میں اپنا ڈیبیو کرنے والے عبداللہ شفیق اور مرد بحران محمد رضوان نے تیسری وکٹ کی پارٹنر شپ میں 176 قیمتی رنز جوڑے۔ عبداللہ شفیق نے 113 رنز کی شاندار اننگ کھیلی اور اپنا ڈیبیو یادگار بنایا۔

اس کے بعد محمد رضوان نے سخت تکلیف دہ صورتحال کے باوجود سعود شکیل اور افتخار احمد کے ساتھ مل کر ورلڈ کپ کی 50 سالہ تاریخ کو بدل دیا اور میگا ایونٹ کا سب سے بڑا ہدف حاصل کرنے والی ٹیم بن گئی۔

قومی کرکٹ ٹیم کے کھلاڑی شعیب ملک کی بیٹے اذہان کے ساتھ سیر سپاٹے کرنے کی ویڈیو سوشل میڈیا پر وائرل ہوگئی۔

پاکستانی کرکٹر شعیب ملک نے سوشل میڈیا پر بیٹے کے ساتھ گزارے گئے بہترین لمحات کی ویڈیوز اور تصاویر شیئر کی ہیں۔

اسٹار کرکٹر شعیب ملک نے سماجی رابطے کی ویب سائٹ ایکس پر ایک مختصر سی ویڈیو شیئر کی ہے جس میں وہ دورانِ ڈرائیونگ اپنے بیٹے اذہان سے کہہ رہے ہیں کہ منی راک آپ ایک چیز تو کر کے دکھائیں؟

– Mr. Mini ROCK… pic.twitter.com/2OfvrW17Oz

— Shoaib Malik 🇵🇰 (@realshoaibmalik) September 7, 2023

والد کی فرمائش پوری کرتے ہوئے بیٹا اپنی بھنووں کو حرکت دینے لگتا ہے جس پر شعیب ملک بہت خوش ہوتے ہیں۔

کچھ دن قبل  بھی فوٹو اینڈ ویڈیو شیئرنگ ایپ انسٹاگرام پر شعیب ملک نے بیٹے کیساتھ کار میں بیٹھے تصاویر شیئر کیں تھیں جنہیں خوب پسند کیا گیا تھا ۔

– Boys will be boys ❤️ pic.twitter.com/W9KLoHJal2

— Shoaib Malik 🇵🇰 (@realshoaibmalik) September 4, 2023

شعیب ملک اور ثانیہ مرزا نے اپریل 2010 میں شادی کی تھی جس سے ان کا بیٹا اذہان ہے۔ مگر اب گزشتہ کچھ عرصے سے یہ دونوں ایک ساتھ نظر نہیں آ رہے ہیں۔