ARYNews.tv | Urdu – Har Lamha Bakhabar

Tag: شعیب ملک

  • ننھا اذہان والدہ کی سالگرہ پر خوشی سے نہال

    ننھا اذہان والدہ کی سالگرہ پر خوشی سے نہال

    قومی کرکٹ ٹیم کے آل راؤنڈر شعیب ملک اور معروف ٹینس اسٹار ثانیہ مرزا کے بیٹے اذہان ملک کی تصویر سوشل میڈیا پر وائرل ہوگئی جس میں وہ اپنی والدہ کی سالگرہ کو بہت انجوائے کرتے دکھائی دے رہے ہیں۔

    تفصیلات کے مطابق معروف ٹینس اسٹار ثانیہ مرزا اور قومی کرکٹ ٹیم کے آل راؤنڈر شعیب ملک کے بیٹے اذہان ملک کے سماجی رابطے کی ویب سائٹ انسٹاگرام اکاؤنٹ سے ایک پوسٹ کی گئی۔

    اذہان کے نام سے قائم اس اکاؤنٹ سے پوسٹ میں کہا گیا کہ میری ماما کی سالگرہ بہت شاندار تھی، اس میں بہت سے غبارے اور کیک تھے۔

    اذہان مرزا ملک کے نام سے یہ انسٹاگرام اکاؤنٹ خود ثانیہ مرزا ہی چلاتی ہیں اور اس پر اکثر و بیشتر ننھے اذہان کی تصاویر و ویڈیوز پوسٹ کر کے اذہان کی طرف سے اس میں کیپشن ڈالتی ہیں۔

    خود ثانیہ مرزا بھی اپنے انسٹاگرام پر اپنی اور اپنے بیٹے کی تصاویر پوسٹ کرتی رہتی ہیں۔ اپنی سالگرہ کی تصاویر بھی انہوں نے اپنے انسٹاگرام پر پوسٹ کیں۔

     

    View this post on Instagram

     

    A post shared by Sania Mirza (@mirzasaniar)

     

    View this post on Instagram

     

    A post shared by Sania Mirza (@mirzasaniar)

    اس سے قبل انہوں نے بیٹے کی ایک ویڈیو پوسٹ کی تھی جس میں وہ والدہ کو دعا پڑھ کر سنا رہے تھے۔ ثانیہ نے لکھا تھا کہ اذہان نے یہ دونوں دعائیں 5 دن کے عرصے میں سیکھی ہیں، ان میں انشا اللہ بہتری آئے گی۔

    انہوں نے لکھا تھا کہ انہیں اذہان پر فخر ہے، اذہان نے سونے سے پہلے کی دعا بھی یاد کرلی ہے۔ وہ مجھے ہر گزرتے دن کے ساتھ حیران کردیتا ہے، اس کی یادداشت بہت اچھی ہے۔

  • شعیب ملک کے لیے سب سے بڑا خطاب کیا ہے ؟

    شعیب ملک کے لیے سب سے بڑا خطاب کیا ہے ؟

    کراچی : قومی کرکٹ ٹیم کے نامور کھلاڑی شعیب ملک نے اپنے لیے سب سے بڑے خطاب کے بارے میں بتا دیا۔

    تفصیلات کے مطابق سماجی رابطے کی ویب سائٹ ٹویٹر پر قومی کرکٹ ٹیم کے سابق کپتان شعیب ملک نے اپنے پیغام میں کہا کہ انہیں سالوں کے دوران کئی خطابات ملے لیکن ‘بابا’ کا خطاب سب سے پسندیدہ ہے۔

    انہوں نے اپنے پیغام میں لکھا کہ اس خطاب کے لیے اس چھوٹے بچے اذہان کا شکریہ۔ شعیب ملک نے اپنے پیغام کے ساتھ ویڈیو بھی شیئر کی جس میں انہیں اپنے بیٹے اذہان کے ساتھ کھیلتے ہوئے دیکھا جا سکتا ہے۔

    یاد رہے کہ پاکستانی کرکٹر شعیب ملک اور بھارتی ٹینس اسٹار ثانیہ مرزا کے ہاں 30 اکتوبر 2018 کو بیٹے کی پیدائش ہوئی تھی۔

    شعیب ملک اور ثانیہ مرزا نے اپریل 2010 میں شادی کی تھی،شادی کے بعد دونوں نے مشترکہ طور پر دبئی میں رہنے کا فیصلہ کیا تھا، تاہم دونوں نے کئی دن بھارت اور پاکستان میں بھی ایک ساتھ گزارے ہیں۔

  • ننھے اذہان کو موسیقی کیوں پسند نہیں آئی؟

    ننھے اذہان کو موسیقی کیوں پسند نہیں آئی؟

    معروف بھارتی ٹینس اسٹار ثانیہ مرزا اور قومی کرکٹ ٹیم کے سابق کپتان شعیب ملک کے بیٹے اذہان ملک کی نئی ویڈیو سوشل میڈیا پر وائرل ہوگئی۔

    ٹینس اسٹار ثانیہ مرزا اور شعیب ملک کے بیٹے اذہان کے سماجی رابطے کی ویب سائٹ انسٹا گرام پر نئی ویڈیو پوسٹ کی گئی جس میں اذہان اپنے نانا کے ساتھ موجود ہے۔

    ویڈیو میں اذہان کے نانا کھلونا آلہ موسیقی بجا رہے ہیں جسے کچھ دیر سننے کے بعد اذہان وہاں سے چلا گیا جس پر اس کے نانا ہنس پڑے۔

    ویڈیو کے کیپشن میں (اذہان کی طرف سے) لکھا گیا کہ موسیقی ہمارے خاندان میں موجود نہیں، یہ بے ہنگم موسیقی سننے کے کچھ دیر بعد مجھے بھی کمرے سے جانا پڑا۔

     

    View this post on Instagram

     

    Okay .. maybe music isn’t the strength in our family 🤣 even I had to walk away after a while 🤔👶🏽 #jugalbandiwithnanas

    A post shared by Izhaan Mirza Malik (@izhaan.mirzamalik) on

    خیال رہے کہ ثانیہ مرزا اکثر و بیشتر اپنے بیٹے کے ساتھ تصاویر اور ویڈیوز شیئر کرتی رہتی ہیں۔ کچھ دن قبل بھی انہوں نے اذہان کی معصومانہ باتیں کرنے کی ویڈیو شیئر کی تھی جسے مداحوں نے بے حد پسند کیا۔

  • ویرات کوہلی کی طرح بابراعظم کو کیا کرنا چاہیے؟ شعیب ملک کا مشورہ

    ویرات کوہلی کی طرح بابراعظم کو کیا کرنا چاہیے؟ شعیب ملک کا مشورہ

    لاہور: قومی کرکٹ ٹیم کے آل راؤنڈر شعیب ملک نے کہا ہے کہ بابراعظم ہمارا فخر ہے، اسے چاہیے کہ ویرات کوہلی کی طرح اپنی ٹیم کو سپورٹ کرے تاکہ کھلاڑی بابر کے لیے کھڑے ہوں۔

    تفصیلات کے مطابق اپنے ایک انٹرویو میں شعیب ملک نے ون ڈے اور ٹی ٹوئنٹی ٹیم کے کپتان بابراعظم کی تعریف کی اور مایہ ناز کھلاڑی کی قومی ٹیم کے لیے خدمات کو سراہا۔ ان کا کہنا تھا کہ بابراعظم کرکٹ میں ایک ٹیم بنا کرچلے، آپس میں ایک دوسرے کو ہرممکن سپورٹ کریں۔

    انہوں نے پاکستان کرکٹ بورڈ(پی سی بی) سے مطالبہ کیا کہ بابراعظم کو بحیثیت کپتان تمام تراختیارات فراہم کریں تاکہ مستقبل میں کھیل کے دوران وہ بڑے فیصلے لے سکے۔

    بابراعظم نے تیز ترین ایک ہزار رنز بنا لیئے، ویرات کوہلی عالمی ریکارڈ سے محروم

    شعیب ملک نے نیک تمناؤں کا اظہار کرتے ہوئے کہا کہ بابراعظم اب دو فامیٹ کا کپتان ہے، میری دعا ہے وہ کامیاب ہو، اسے بھی ابھی سپورٹ کی ضرورت ہے تاکہ بابر ایک بڑا کپتان بن کر ابھرے۔

    ان کا کہنا تھا کہ پی سی بی کا بابراعظم کو ایک طویل مدت کے لیے کپتان بنایا ایک اچھا اور بڑا فیصلہ ہے، ہمیں اس پر فخر ہے، کرکٹ کے لیے اس کی خدمات کو دیکھ کر دوسروں کو بھی سیکھنا چاہیے۔

  • ثانیہ شعیب کا بیٹا بڑا ہو کر کیا بنے گا؟

    ثانیہ شعیب کا بیٹا بڑا ہو کر کیا بنے گا؟

    نئی دہلی: پاکستانی آل راؤنڈر شعیب ملک کی اہلیہ ثانیہ مرزا نے اپنے بیٹے اذہان کی نئی تصویر سوشل میڈیا پر شیئر کی جس پر صارفین نے بچے کے مسنتقبل کے بارے میں اندازہ لگانا شروع کردیا۔

    تفصیلات کے مطابق بھارتی ٹینس اسٹار ثانیہ مرزا نے اپنے بیٹے اذہان کی نئی تصویر شیئر کردی جس میں اس نے ریکٹ اٹھایا ہوا ہے۔ سماجی رابطے کی ویب سائٹ انسٹاگرام پر شیئر کی جانے والے اس تصویر پر ہزاروں صارفین نے تبصرے کیے اور مستقبل کی پیش گوئی بھی کرنے لگے۔

    پاکستانی آل راﺅنڈر شعیب ملک کی اہلیہ ثانیہ نے اذہان کی جو تصویر شیئر کی اس میں وہ ریکٹ تھامے سوچ میں گم دکھائی دے رہا ہے۔ پاکستانی فاسٹ بولر وہاب ریاض نے کمنٹس میں لکھا کہ ’ماشاءاللہ یہ بہت پیارا ہے‘۔

    شائقین میں اب یہ بحث ہورہی ہے کہ اذہان اپنی والدہ کی طرح ٹینس پلیئر بنیں گے یا اپنے والد کے نقش قدم پر چلتے ہوئے کرکٹ کھیلیں گے۔ البتہ اس حوالے سے حتمی فیصلہ بچے نے بڑے ہوکر کرنا ہے۔

  • شعیب ملک کا ریٹائرمنٹ کے معاملے پر یوٹرن

    شعیب ملک کا ریٹائرمنٹ کے معاملے پر یوٹرن

    کراچی: قومی کرکٹ ٹیم کے سابق کپتان شعیب ملک نے ریٹائرمنٹ کے معاملے پر یوٹرن لے لیا۔

    تفصیلات کے مطابق قومی کرکٹ ٹیم کے آل راؤنڈر شعیب ملک نے ریٹائرمنٹ کے معاملے پر یوٹرن لے لیا، شعیب ملک نے ٹی ٹوینٹی ورلڈ کپ کو اپنا آخری ایونٹ قرار دیا تھا۔

    شعیب ملک کا کہنا ہے کہ 2020 ٹی ٹوینٹی ورلڈ کپ ان کا آخری ایونٹ نہیں ہوگا، ریٹائرمنٹ کا فیصلہ ورلڈ کپ سے پہلے کروں گا۔

    واضح رہے کہ شعیب ملک کی بنگلہ دیش کے خلاف ٹی ٹوینٹی سیریز میں واپسی ہوئی تھی، انہوں نے نیوز کانفرنس کرتے ہوئے کہا کہ تھا کہ میرا ہدف کسی کو خوش کرنا نہیں، بہترین پرفارم کرنا چاہتا ہوں۔

    شعیب ملک کا کہنا تھا کہ کم بیک کرنا مشکل ہوتا ہے، کوشش ہوتی ہے اچھا کرنا ہے، میں جب بھی ٹیم سے ڈراپ ہوا گھر نہیں بیٹھا۔

    مزید پڑھیں: ہدف کسی کو خوش کرنا نہیں، بہترین پرفارم کرنا ہے، شعیب ملک

    بنگلہ دیش کے خلاف ٹی ٹوینٹی میچ میں گیند پیڈز پر لگنے پر شعیب ملک کا کہنا تھا کہ پہلی گیند پیڈز پر لگنے سے کہانی ختم ہونے کا احساس نہیں ہوا، کہانی کبھی ایک صفحے کی نہیں ہوتی، ابھی میری کرکٹ باقی ہے، انسان ہمیشہ سیکھتا رہتا ہے اور سیکھنے کا عمل جاری رہتا ہے۔

    یاد رہے کہ گزشتہ سال جولائی میں شعیب ملک نے ون ڈے کرکٹ سے ریٹائرمنٹ کا اعلان کرتے ہوئے ٹی ٹوینٹی کرکٹ جاری رکھنے کا اعلان کیا تھا۔

    شعیب ملک نے 14 اکتوبر 1999 میں ون ڈے کرکٹ کا آغاز کیا، انہوں نے 19 سالہ ون ڈے کیریئر میں 287 ون ڈے میچز میں پاکستان کی نمائندگی کرتے ہوئے 34.55 کی اوسط سے 7 ہزار 534 رنز بنائے اور 158 وکٹیں حاصل کیں۔

    شعیب ملک نے اپنے ون ڈے کیریئر میں 9 سنچریاں اور 44 نصف سنچریاں بنائیں ان کا سب سے زیادہ اسکور 143 رنز تھا۔

  • پی سی بی کے نوجوان کھلاڑیوں کو سینٹرل کنٹریکٹ دینے کو سراہتا ہوں: شعیب ملک

    پی سی بی کے نوجوان کھلاڑیوں کو سینٹرل کنٹریکٹ دینے کو سراہتا ہوں: شعیب ملک

    لاہور: پاکستانی کرکٹر شعیب ملک کا کہنا ہے کہ مجھے اور محمد حفیظ کو سینٹرل کنٹریکٹ نہیں ملا، پاکستان کرکٹ بورڈ کے نوجوان کھلاڑیوں کو سینٹرل کنٹریکٹ دینے کو سراہتا ہوں۔

    تفصیلات کے مطابق پاکستانی کرکٹر شعیب ملک نے نیوز کانفرنس سے خطاب کرتے ہوئے کہا کہ قومی ٹی 20 اسکواڈ میں ایسے کھلاڑی ہیں جو کافی میچز کھیل چکے ہیں، امید ہے بابر اعظم کی طرح دیگر کھلاڑی بھی تسلسل سے موقع ملنے پر کارکردگی دکھائیں گے۔

    شعیب ملک کا کہنا تھا کہ کوشش ہوگی تجربے کی بنیاد پر نئے کھلاڑیوں کو سپورٹ کریں، میری ورلڈ کپ میں کارکردگی اچھی نہیں تھی۔ نوجوان کھلاڑیوں کے ساتھ مل کر کھیلنا چاہتا ہوں، کوشش ہوگی بنگلہ دیش کے خلاف اچھی کارکردگی کا مظاہرہ کروں۔

    انہوں نے کہا کہ کوشش ہوتی ہے ہمیشہ مثبت سوچ کے ساتھ کرکٹ کھیلوں، سینئرز کے ذاتی ایجنڈے ہوں تو کبھی بھی اچھی چیز نہیں ہوتی۔ محمد حفیظ کی گارنٹی لے سکتا ہوں کہ انہوں نے ہمیشہ ساتھ دیا۔

    شعیب ملک کا کہنا تھا کہ ضروری نہیں کہ بطور کپتان ہی آپ کارکردگی دکھا سکتے ہیں، تمام کھلاڑیوں کی سوچ اور کوشش ٹیم کو جتوانے پر ہوتی ہے۔ مایوس ہوتا تو کرکٹ پوری طرح سے چھوڑ دیتا، لیگز میں بھی نہ جاتا۔ مایوسی نہیں ہے بس ٹیسٹ کی وجہ سے تھکا ہوا ہوں۔

    انہوں نے کہا کہ ہمیشہ سےخواہش ہوتی ہے پاکستان کرکٹ ٹیم کے لیے کچھ کروں، مجھے اور حفیظ بھائی کو سینٹرل کنٹریکٹ نہیں ملا۔ میرے خیال میں دیگر کھلاڑی سینٹرل کنٹریکٹ کے زیادہ حقدار ہیں۔ پی سی بی کے اقدام کو سراہتا ہوں، نوجوان کھلاڑیوں کو سینٹرل کنٹریکٹ دینا اچھی بات ہے۔

    شعیب ملک کا کہنا تھا کہ پاکستان ایسی جگہ ہے جہاں سیکیورٹی بہترین ہوتی ہے، دنیا میں کہیں بھی پاکستان جیسی سیکیورٹی نہیں ملتی۔

  • ثانیہ مرزا نے بیٹے کو سالگرہ کی مبارک باد کیسے دی؟

    ثانیہ مرزا نے بیٹے کو سالگرہ کی مبارک باد کیسے دی؟

    دبئی: قومی کرکٹ ٹیم کے سابق کپتان شعیب ملک اور بھارتی ٹینس اسٹار ثانیہ مرزا کے بیٹے اذہان مرزا ملک آج پورے ایک برس کے ہوگئے۔

    تفصیلات کے مطابق ثانیہ مرزا نے اپنے بیٹے کی پہلی سالگرہ پر پیدائش کے بعد کی تصویر شیئر کرتے ہوئے اذہان کو سالگرہ کی مبارک باد دی اور دعا کی کہ اللہ تمھیں ہر وہ چیز دے جس کے بارے میں تم سوچو اور تمھاری ہر وہ خواہش پوری ہو جس سے تم محبت کرنے والے اچھے لڑکے بنو ، جو کے تم پہلے ہی ہو۔

    انہوں نے رب کا شکر ادا کرتے ہوئے لکھا کہ آپ نے ہمیں اذہان دینے کا انتخاب کیا جس کے لیے ہم آپ کے شکر گزار ہیں۔

    قبل ازیں ثانیہ مرزا نے ٹویٹ میں بیٹے کو مخاطب کرتے ہوئے لکھا کہ ’’ایک سال پہلے اسی دن تم ہماری دنیا میں آئے تھے، پیدائش کے پہلے دن تم مسکرائے اور اب وہ سلسلہ ہر اُس جگہ پھیل گیا جہاں تم جاتے ہو’’۔

    مزید پڑھیں: ’’ہر کہانی کا اختتام ہوتا ہے‘‘ ، شعیب ملک کی ریٹائرمنٹ پر ثانیہ مرزا کا جذباتی پیغام

    انہوں نے پیار بھرے انداز میں لکھا کہ میرے نہایت سچے، خالص اور نہایت شان دار لڑکے، میں تم سے محبت کرتی ہوں اور یہ وعدہ کرتی ہوں کہ آخری سانس تک تمھارے ساتھ رہوں گی۔

    یاد رہے کہ شعیب ملک اور ثانیہ مرزا 2010 میں شادی کے بندھن میں بندھے تھے، شادی کے بعد دونوں نے اپنے اپنے ممالک میں زیادہ وقت گزارا البتہ اس دوران دونوں کا ایک دوسرے کے گھر کا چکر بھی لگتا رہا۔

    یاد رہے کہ گزشتہ برس 30 اکتوبر کو نامور پاکستانی کرکٹر اور بھارتی ٹینس اسٹار کے گھر بیٹے کی پیدائش ہوئی تھی جس کا نام انہوں نے اذہان رکھا۔

  • پی سی بی کا نئے سینٹرل کنٹریکٹ میں کھلاڑیوں کی تعداد کم کرنے کا فیصلہ

    پی سی بی کا نئے سینٹرل کنٹریکٹ میں کھلاڑیوں کی تعداد کم کرنے کا فیصلہ

    لاہور: پاکستان کرکٹ بورڈ (پی سی بی) نے نئے سینٹرل کنٹریکٹ میں کھلاڑیوں کی تعداد کم کرنے کا فیصلہ کرلیا۔

    تفصیلات کے مطابق پی سی بی سینٹرل کنٹریکٹ کمیٹی کا پہلا اجلاس ہوا، جس کی صدارتی ایم ڈی وسیم خان نے کی، اجلاس میں نئے سینٹرل کنٹریکٹ میں کھلاڑیوں کی تعداد کم کرنے پراتفا ق کیا گیا۔

    ذرائع کے مطابق سینٹرل کنٹریکٹ کمیٹی نے کھلاڑیوں کی مراعات کا جائزہ لیا، محمد حفیظ، شعیب ملک کے سینٹرل کنٹریکٹ میں تنزلی کا فیصلہ کیا گیا ہے۔

    ذرائع کا کہنا ہے کہ کمیٹی حتمی فہرست سے قبل کھلاڑیوں کی کارکردگی کا جائزہ لے گی، کسی بھی سابق کپتان کی اے کیٹگری میں شمولیت کی شرط ختم کیے جانے کا امکان ہے۔

    پی سی بی سینٹرل کنٹریکٹ کمیٹی کے اجلاس میں یہ فیصلہ کیا گیا کہ چیف سلیکٹر کی تعیناتی کے بعد کمیٹی کھلاڑیوں ناموں پر مشاورت کرے گی۔

    مزید پڑھیں: مکی آرتھر کی کرکٹ بورڈ حکام سے ملاقاتیں، کارکردگی رپورٹ جمع کرادی

    پاکستان کرکٹ بورڈ کمیٹی کے اجلاس کے بعد سینٹرل کنٹریکٹ کمیٹی کا دورہ اجلاس ہوگا، تینوں فارمیٹس کی ٹیموں کے کپتانوں کو اے کیٹگری میں شامل کیا جائے گا۔

    یاد رہے کہ چند روز قبل قومی کرکٹ ٹیم کے ہیڈ کوچ نے پی سی بی حکام سے ملاقات کی تھی جس میں ایم ڈی پی سی بی وسیم خان، ڈائریکٹر انٹرنیشنل ذاکر خان ودیگر موجود تھے۔

    مکی آرتھر نے ورلڈ کپ، انگلینڈ سیریز پر رپورٹ ڈائریکٹر انٹرنیشنل کو جمع کرائی تھی، ہیڈ کوچ کی رپورٹ کرکٹ کمیٹی اجلاس میں زیر بحث آئے گی۔

    مکی آرتھر نے اپنی رپورٹ میں کہا تھا کہ بدقسمتی سے ورلڈ کپ کا آغاز اچھا نہیں کرسکے، پاکستان ٹیم نے آخری چار میچز میں اچھا کم بیک کیا۔

  • ’’ہر کہانی کا اختتام ہوتا ہے‘‘ ، شعیب ملک کی ریٹائرمنٹ پر ثانیہ مرزا کا جذباتی پیغام

    ’’ہر کہانی کا اختتام ہوتا ہے‘‘ ، شعیب ملک کی ریٹائرمنٹ پر ثانیہ مرزا کا جذباتی پیغام

    نئی دہلی: بھارتی ٹینس اسٹار اور قومی کرکٹ ٹیم کے سابق کپتان کی اہلیہ نے خاوند کی ریٹائرمنٹ پر جذباتی پیغام شیئر کر کے اُن کی کھیلوں کے لیے خدمات کو خراجِ تحسین پیش کیا۔

    تفصیلات کے مطابق شعیب ملک نے گزشتہ روز ون ڈے کرکٹ سے ریٹائرمنٹ کا اعلان کیا اور ٹی ٹوینٹی فارمیٹ میں اپنی دستیابی ظاہر کی، ساتھ ہی سابق کپتان نے کرکٹ بورڈ کو بھی اہم مشورہ دیا تھا۔

    شعیب ملک کی ریٹائرمنٹ پر جہاں ساتھی کھلاڑیوں نے اُن کی خدمات کو سراہا وہیں ثانیہ مرزا بھی میدان میں آئیں اور جذباتی پیغام شیئر کیا۔

    مزید پڑھیں: شعیب ملک کا ون ڈے کرکٹ سے ریٹائرمنٹ اور ٹی ٹوئنٹی کیریئر جاری رکھنے کا اعلان

    ثانیہ مرزا نے ٹویٹر پر لکھا کہ ’’ہر کہانی کا اختتام ہوتا ہے، لیکن زندگی میں ہر اختتام کی نئی شروعات ہوتی ہے، آپ نے 20 سال تک اپنے ملک پاکستان کے لیے خدمات انجام دیں، اس سلسلے کو عزت اور عاجزی کے ساتھ جاری رکھیں‘‘۔

    شعیب ملک کی اہلیہ کا کہنا تھا کہ کھیل کے میدان میں جو کچھ بھی حاصل کیا اُس پر مجھے اور ازہان کو فخر ہے  لیکن اُس سے زیادہ آپ جو ہیں ہمیں اُس پر فخر ہے۔

    واضح رہے کہ گزشتہ روز شعیب ملک نے بنگلادیش کے خلاف کھیلے جانے والے میچ کے بعد کرکٹ سے ریٹائرمنٹ کا اعلان کیا، اس موقع پر انہیں کھلاڑیوں نے شاندار انداز سے الوداع کہا جبکہ شعیب ملک نے بھی تمام کھلاڑیوں، کوچز، میڈیا، دستوں اور اہل خانہ کا بھی شکریہ ادا کیا۔

    شعیب ملک کے کیریئر پر مختصر نظر

    شعیب ملک نے 14 اکتوبر 1999 میں ون ڈے کرکٹ کا آغاز کیا، انہوں نے 19 سالہ ون ڈے کیریئر میں 287 ون ڈے میچز میں پاکستان کی نمائندگی کرتے ہوئے 34.55 کی اوسط سے 7 ہزار 534 رنز بنائے اور 158 وکٹیں حاصل کیں۔

    شعیب ملک نے اپنے ون ڈے کیریئر میں 9 سنچریاں اور 44 نصف سنچریاں بنائیں ان کا سب سے زیادہ اسکور 143 رنز تھا۔