ARYNews.tv | Urdu – Har Lamha Bakhabar

Tag: شعیب ملک

  • شعیب ملک کا ون ڈے کرکٹ سے ریٹائرمنٹ اور ٹی ٹوئنٹی کیریئر جاری رکھنے کا اعلان

    شعیب ملک کا ون ڈے کرکٹ سے ریٹائرمنٹ اور ٹی ٹوئنٹی کیریئر جاری رکھنے کا اعلان

    لارڈز: سابق کپتان اور آل راؤنڈر شعیب ملک نے ون ڈے کرکٹ سے ریٹائرمنٹ کا اعلان کرتے ہوئے پی سی بی کو اہم مشورہ دے دیا۔

    تفصیلات کے مطابق شعیب ملک نے ون ڈے سے ریٹائرمنٹ کا اعلان کرتے ہوئے کہا کہ ٹی ٹوئنٹی ورلڈکپ کھیلوں گا، کاردگی کبھی اچھی اور کبھی خراب ہوتی ہے، انہوں نے کرکٹ بورڈ کو مشورہ دیا کہ سرفراز یا کسی کو بھی 2 سال کے لیے کپتان بنائیں کیونکہ اُسے اپنے وقت کا معلوم ہونا چاہیے۔

    اُن کا کہنا تھا کہ شاہین آفریدی،بابراعظم،امام الحق،عماد وسیم ٹیم کامستقبل ہیں، ویسٹ انڈیز سے شکست خراب تھی جس سےرن ریٹ بہترنہ ہوسکا، بھارت سے ہارے تو بہت برا سلوک ہوا۔

    شعیب ملک کا کہنا تھا کہ آسٹریلیا ،بھارت کے خلاف 2سخت میچزسے پہلے بارش نےمتاثرکیا، آج کےمیچ میں فخرنےبتایاوکٹ سلو ہے 400کرنا مشکل ہے۔

    یاد رہے کہ شعیب ملک نے گزشتہ برس اعلان کیا تھا کہ وہ ورلڈکپ 2019 کے بعد ایک روزہ انٹرنیشنل کرکٹ سے ریٹائرمنٹ لے لیں گے۔ لارڈز میں بنگلادیش کے خلاف کھیلے جانے والے میچ میں امکان ظاہر کیا جارہا تھا کہ شاید شعیب ملک اپنے کریئر کا الوداعی میچ کھیلیں البتہ ایسا ممکن نہ ہوسکا۔

    شعیب ملک کو پلیئنگ الیون میں شامل کرنے کی مخالفت ہیڈ کوچ مکی آرتھر نے کی اور صاف انکار کیا کیونکہ وہ ٹیم میں کسی بھی تبدیلی کے خواہش مند نہیں تھے۔ ورلڈکپ 2019 کے دوران بھی سابق کپتان متنازع رہے اور اُن کے حوالے سے کئی سوالات بھی اٹھے۔

    سماجی رابطے کی ویب سائٹ پر اپنے آخری پیغام میں شعیب ملک نے بتایا کہ آج اُن کا ون ڈے انٹرنیشنل سے سفر اختتام پذیر ہورہا ہے۔ انہوں نے تمام کھلاڑیوں، کوچز، اہل خانہ، دوستوں ، میڈیا اور اپنے مداحوں کا شکریہ ادا کیا۔

    قومی ٹیم کے کھلاڑیوں نے انہیں شاندار انداز سے الوداع کہا اور تالیاں بجا کر انہیں اسٹیڈیم سے رخصت کیا۔

    شعیب ملک کے کیریئر پر مختصر نظر

    شعیب ملک نے 14 اکتوبر 1999 میں ون ڈے کرکٹ کا آغاز کیا، انہوں نے 19 سالہ ون ڈے کیریئر میں 287 ون ڈے میچز میں پاکستان کی نمائندگی کرتے ہوئے 34.55 کی اوسط سے 7 ہزار 534 رنز بنائے اور 158 وکٹیں حاصل کیں۔

    شعیب ملک نے اپنے ون ڈے کیریئر میں 9 سنچریاں اور 44 نصف سنچریاں بنائیں ان کا سب سے زیادہ اسکور 143 رنز تھا۔

  • شعیب ملک کیریئر کا آخری میچ کیوں نہیں کھیل سکے؟ وجہ سامنے آگئی

    شعیب ملک کیریئر کا آخری میچ کیوں نہیں کھیل سکے؟ وجہ سامنے آگئی

    لارڈز: آل راؤنڈر شعیب ملک اپنے ون ڈے کیریئر کا آخری میچ بھی نہیں کھیل سکے، ہیڈ کوچ مکی آرتھر نے شعیب ملک کو آخری میچ کھلانے سے صاف انکار کردیا۔

    تفصیلات کے مطابق آل راؤنڈر شعیب ملک کو آخری میچ کھلانے کے لیے تین سینئر کھلاڑیوں نے درخواست کی تھی لیکن ٹیم کے ہیڈ کوچ مکی آرتھر نے صاف انکار کردیا۔

    ہیڈ کوچ مکی آرتھر کا کہنا تھا کہ آخری میچ جیتنا چاہتے ہیں اس لیے ٹیم میں کوئی تبدیلی نہیں کی جائے گی۔

    شعیب ملک کی ورلڈ کپ میں پرفارمنس انتہائی مایوس کن رہی ہے، بھارت کے خلاف آخری میچ میں وہ صفر پر آؤٹ ہوئے تھے۔

    واضح رہے کہ شعیب ملک کا یہ آخری ورلڈ کپ تھا وہ ورلڈ کپ کے بعد ون ڈے کرکٹ سے ریٹائرمنٹ کا اعلان پہلے ہی کرچکے ہیں۔

    شعیب ملک نے 14 اکتوبر 1999 میں ون ڈے کرکٹ کا آغاز کیا، انہوں نے 19 سالہ ون ڈے کیریئر میں 287 ون ڈے میچز میں پاکستان کی نمائندگی کرتے ہوئے 34.55 کی اوسط سے 7 ہزار 534 رنز بنائے اور 158 وکٹیں حاصل کیں۔

    شعیب ملک نے اپنے ون ڈے کیریئر میں 9 سنچریاں اور 44 نصف سنچریاں بنائیں ان کا سب سے زیادہ اسکور 143 رنز تھا۔

  • شعیب ملک کی وائرل ہونے والی ویڈیو پر وضاحت

    شعیب ملک کی وائرل ہونے والی ویڈیو پر وضاحت

    لندن: قومی کرکٹر شعیب ملک کا کہنا ہے کہ 20 سال سے پاکستان کے لیے کرکٹ کھیل رہا ہوں، افسوس ہے ذاتی زندگی کے بارے میں وضاحتیں دینا پڑ رہی ہیں۔

    تفصیلات کے مطابق کرکٹر شعیب ملک نے سماجی رابطے کی ویب سائٹ ٹویٹر پر تمام کھلاڑیوں کی جانب سےعوام اور میڈیا سے درخواست کی کہ ہمارے خاندان سے متعلق احترام کو ملحوظ رکھیں۔

    شعیب ملک نے کہا کہ ہماری مرضی کے بغیرغیراہم معاملے میں نہ گھسیٹا جائے، ایساردعمل کسی طورصحیح نہیں ہے۔

    قومی کرکٹر شعیب ملک نے کہا کہ 20 سال سے پاکستان کے لیے کرکٹ کھیل رہا ہوں، افسوس ہے ذاتی زندگی کے بارے میں وضاحتیں دینا پڑ رہی ہیں۔

    انہوں نے کہا کہ سوشل میڈیا پر وائرل ویڈیو 13 جون کی ہے، 15 جون کی نہیں، اس سے قبل پی سی پی نے بھی کہا تھا کہ میچ کی رات کسی کھلاڑی نے کرفیو ٹائم کی خلاف ورزی نہیں کی۔

    دوسری جانب فاسٹ باؤلر محمد عامر نے بھی ٹویٹر پر اپنے پیغام میں کہا کہ شائقین پرفارمنس پر تنقید کرنے کا حق رکھتے ہیں مگر کھلاڑی کے لیے نازیبا الفاظ استعمال نہ کریں، ٹیم کم بیک ضرور کرے گی عوام کی سپورٹ کی ضرورت ہے۔

    یاد رہے کہ گزشتہ روز پی سی بی نے شعیب ملک اور دیگر کھلاڑیوں کی پاک بھارت میچ سے ایک رات قبل کرفیو ٹائم کی خلاف ورزی کی تردید کردی تھی۔

  • شعیب ملک دوسرے ون ڈے سے قبل قومی ٹیم کو جوائن کریں‌ گے

    شعیب ملک دوسرے ون ڈے سے قبل قومی ٹیم کو جوائن کریں‌ گے

    لندن: پاکستان کے تجربہ کار کرکٹر شعیب ملک جمعرات 9 مئی کو قومی ٹیم کو انگلینڈ میں جوائن کریں گے۔

    تفصیلات کے مطابق نجی مصروفیات کے سبب 10 دن کے لیے دورہ انگلینڈ سے دستبردار ہونے والے تجربہ کار بلے باز شعیب ملک 9 مئی کو قومی ٹیم کو جوائن کریں گے۔

    پی سی بی نے سماجی رابطے کی ویب سائٹ ٹویٹر پر لکھا ہے کہ سینئر بلے باز شعیب ملک دوسرے ون ڈے میں قومی ٹیم کو دستیاب ہوں گے۔

    واضح رہے کہ پاکستان اور انگلینڈ کے درمیان پانچ میچوں کی سیریز کا پہلا ون ڈے میچ کل کھیلا جائے گا، دوسرا ون ڈے میچ 11 مئی کو کھیلا جائے گا۔

    شعیب ملک نے ٹی ٹوینٹی میچ سے قبل کھلاڑی کو مورال بلند کرنے کے لیے ٹویٹ بھی کیا تھا۔

    یاد رہے کہ دو روز قبل واحد ٹی ٹوینٹی میچ میں انگلینڈ نے پاکستان کو 7 وکٹوں سے شکست دی تھی، ایون مورگن میچ کے بہترین کھلاڑی قرار پائے تھے۔

    خیال رہے کہ لیگ اسپنر شاداب خان ہیپاٹائٹس سی میں مبتلا ہونے کے سبب پہلے ہی سیریز سے باہر ہوچکے ہیں، امید ہے کہ ورلڈ کپ میں قومی کرکٹ ٹیم کو شاداب خان کی خدمات دستیاب ہوں گی۔

  • شعیب ملک اورثانیہ مرزا کے بیٹے کی تصویر وائرل

    شعیب ملک اورثانیہ مرزا کے بیٹے کی تصویر وائرل

    دبئی: پاکستانی کرکٹر شعیب ملک اور بھارتی ٹینس اسٹار ثانیہ مرزا کے ننھے شہزادے کی نئی تصویر وائرل ہوگئی ہے، ثانیہ ملک نے اسے سب سے پسندیدہ قرار دیا ہے۔

    تفصیلات کے مطابق ٹینس اسٹار ثانیہ مرزا نے سماجی رابطے کی ویب سائٹ ٹویٹر اور انسٹا گرام پر اپنے مداحوں کے لئے اپنے بیٹے کے ہمراہ تصویر شیئر کی۔ ٹینس اسٹار نے تصویر کے کیپشن میں اپنے بیٹے کو اپنا پسندیدہ قرار دیتے ہوئے لکھا کہ یہ سب سے خوبصورت تصویر ہے۔

    ثانیہ مرزا نے اس پوسٹ میں اوی گواریکر نامی فوٹو گرافر کی تعریف بھی کی ہے کہ وہ ایک بہترین فوٹو کھینچنے والے ہیں ۔ اوی گواریکر ایک پروفیشنل فوٹو گرافر ہیں، اور فیشن فوٹوگرافی کرتے ہیں۔

    یاد رہے کہ ثانیہ مرزا اکثر اپنے بیٹے کے ساتھ تصویر سوشل میڈیا پر شیئر کرتی رہتی ہیں جنہیں ن کے مداحوں کی جانب سے پسند کیا جاتا ہے۔ پاکستانی کرکٹر شعیب ملک اور بھارتی ٹینس اسٹار ثانیہ مرزاکے ہاں گذشتہ برس30اکتوبر کو بیٹے کی پیدائش ہوئی تھی۔

    شعیب ملک اور ثانیہ مرزا نے 8 سال قبل اپریل 2010 میں شادی کی تھی،شادی کے بعد دونوں نے مشترکہ طور پر دبئی میں رہنے کا فیصلہ کیا تھا، تاہم دونوں نے کئی دن بھارت اور پاکستان میں بھی ایک ساتھ گزارے ہیں۔

  • نجی مصروفیات، شعیب ملک کی 10 روز کے لیے وطن واپسی

    نجی مصروفیات، شعیب ملک کی 10 روز کے لیے وطن واپسی

    لندن: قومی ٹیم کے تجربہ کار بیٹسمین شعیب ملک دورہ انگلینڈ کے میچز سے قبل ہی ذاتی وجوہات کی بنا پر پاکستان واپس آرہے ہیں۔

    تفصیلات کے مطابق انگلینڈ کے خلاف سیریز سے قبل ہی شاداب خان کے بعد قومی ٹیم کو ایک اور دھچکا لگا ہے، آل راؤنڈر شعیب ملک ذاتی وجوہات کی بنا پر پاکستان آرہے ہیں۔

    پاکستان کرکٹ بورڈ (پی سی بی) نے شعیب ملک کو دس روز کے لیے ٹیم سے ریلیز کردیا۔

    مزید پڑھیں: ڈاکٹرز نے شاداب خان کو عالمی کپ سے قبل صحت یاب ہونے کی نوید سنادی

    ذرائع کا کہنا ہے کہ آل راؤنڈر شعیب ملک شروع کے میچز کے لیے دستیاب نہیں ہوں گے، دس روز کے بعد نجی معاملات کو نمٹا کر وہ جلد ٹیم کو جوائن کریں گے۔

    واضح رہے کہ آج قومی کرکٹ ٹیم نارتھمپٹن شائر کے خلاف پریکٹس میچ کھیل رہی ہے جس میں شعیب ملک کی جگہ آصف علی کو ٹیم میں شامل کیا گیا ہے۔

    قومی ٹیم دورہ انگلینڈ کا باقاعدہ آغاز 5 مئی سے کرے گی، قومی ٹیم انگلینڈ کے خلاف پانچ ون ڈے میچز کھیلے گی اور ایک ٹی ٹوینٹی میچ بھی کھیلا جائے گا۔

  • شعیب ملک کا رول ماڈل کون ہے؟

    شعیب ملک کا رول ماڈل کون ہے؟

    لاہور: قومی ٹیم کے سابق کپتان شعیب ملک نے کہا ہے کہ پاک بھارت میچ کے لئے جنگ کا لفظ مناسب نہیں، امید ہے کہ ورلڈ کپ میں اچھی کارکردگی دکھاؤں گا۔

    تفصیلات کے مطابق ایک انٹرویو میں سابق کپتان شعیب ملک نے کہا کہ وقت سے پہلے انگلینڈ جانے کا سو فیصد فائدہ ہوگا، ہر میچ کا پریشر ہوتا ہے، ورلڈ کپ اسکواڈ میں آنے پر انتہائی خوش ہوں یہ میرا آخری ورلڈ کپ ہوگا.

    شعیب ملک کا کہنا تھا کہ سابق کپتان اور موجودہ وزیراعظم عمران خان ان کے لیے رول ماڈل ہیں، انگلینڈ میں ہونے والا عالمی مقابلہ ان کے طویل کیریئر کا آخری عالمی ایونٹ ہوگا، جسے وہ یادگار  بنانے کی کوشش کریں گے۔

    مزید پڑھیں: پی سی بی نے ورلڈ کپ کے لیے سخت ترین ضابطہ اخلاق تیار کرلیا

    انھوں نے کہا کہ تنقید کرنے والوں کے ذاتی ایجنڈے بھی ہوتے ہیں، کھلاڑی پرایسا وقت بھی آتا ہے، جب وہ اپنا بہترین نہیں دے سکتا، پیار دوریاں ختم کرتا ہے، کھیل کے لیے جنگ مناسب لفظ نہیں۔

    دباؤ میں ہر کھلاڑی کے پاس کارکردگی دکھانے کا موقع ہوتا ہے، ہر کھلاڑی کی یہی کوشش ہوتی ہے کہ وہ بہترین کارکردگی دکھائے۔

    اس وقت قومی ٹیم کا کومبی نیشن اچھا ہے، ٹیم کا مقصد کسی ایک ٹیم سے میچ جیتنا نہیں، بلکہ ورلڈکپ جیتنا ہے۔

  • پاکستان آسٹریلیا ون ڈے سیریز، ٹرافی کی رونمائی، میدان آج شارجہ میں سجے گا

    پاکستان آسٹریلیا ون ڈے سیریز، ٹرافی کی رونمائی، میدان آج شارجہ میں سجے گا

    شارجہ: پاکستان اور آسٹریلیا کی ٹیموں کے درمیان پانچ میچوں کی ون ڈے سیریز کی ٹرافی کی رونمائی شارجہ میں کردی گئی، پہلا ون ڈے میچ آج سہ پہر تین بجے شروع ہوگا۔

    تفصیلات کے مطابق یو اے ای میں آج سے میدان سجے گا، پاکستان اور آسٹریلیا ون ڈے سیریز میں مدمقابل ہوں گے، ایرون فنچ اور شعیب ملک نے ٹرافی کی رونمائی کی اور دونوں کپتانوں نے جیت کا عزم ظاہر کیا۔

    قومی کرکٹ ٹیم کے ہیڈ کوچ مکی آرتھر نے کہا کہ آسٹریلیا کے خلاف سیریز میں نوجوان کھلاڑیوں کی کارکردگی جانچنے کا موقع ملے گا، کینگروز کے بعد انگلش ٹیم کے خلاف سیریز ورلڈ کپ کی تیاریوں میں مددگار ثابت ہوگی۔

    پاکستان ٹیم نے شارجہ کے میدان میں گزشتہ روز بھرپور پریکٹس کی، قومی ٹیم کی قیادت شعیب ملک کررہے ہیں جبکہ سرفراز احمد کو آرام کی غرض سے ٹیم میں شامل نہیں کیا گیا ہے۔

    اس سے قبل سرفراز احمد پر تین میچوں کی پابندی کے سبب جنوبی افریقا کے خلاف شعیب ملک نے ون ڈے سیریز میں کپتانی کے فرائض انجام دئیے تھے سیریز میں پاکستان کو 3-2 سے شکست ہوئی تھی۔

    واضح رہے کہ اس سے قبل شعیب ملک کی سربراہی میں 38 ایک روزہ میچز کھیلے گئے جس میں سے 25 میں وہ فتح یاب ہوئے جبکہ 13 میں انہیں شکست کا سامنا کرنا پڑا ، اس حساب سے ان کی فتح کا تناسب بہت عمدہ ہے۔

    پاکستان کے خلاف کپتان ایرون فنچ کی قیادت میں آسٹریلوی اسکواڈ میں شان مارش، عثمان خواجہ، پیٹرہینڈسکومب، کین رچرڈسن، گلین میکسویل، جیسن بہرنڈوف، ایڈم زمپا اور نیتھن لیون شامل ہیں۔

    دوسری جانب قومی کرکٹ ٹیم کے 16 رکنی اسکواڈ میں شعیب ملک کپتان، امام الحق، عمراکمل، شان مسعود، عماد وسیم، حارث سہیل، فہیم اشرف، محمد عامر، جنید خان، عثمان خان شنواری، محمد عباس، سعد علی، یاسر شاہ اور محمد حسنین شامل ہیں۔

  • پاکستان اورآسٹریلیا کے درمیان پہلا ون ڈے کل کھیلا جائے گا

    پاکستان اورآسٹریلیا کے درمیان پہلا ون ڈے کل کھیلا جائے گا

    شارجہ: پاکستان اور آسٹریلیا کے درمیان پانچ ایک روزہ میچوں کی سیریز کا پہلا ون ڈے کل شارجہ میں کھیلا جائے گا۔

    تفصیلات کے مطابق پاکستان اور آسٹریلیا کی ٹیمیں کل شارجہ کے اسٹیڈیم میں آمنے سامنے ہوں گی، ون ڈے سیریز کا پہلا میچ پاکستانی وقت کے مطابق شام 4 بجے شروع ہوگا۔

    پاکستان اور آسٹریلیا کے درمیان کھیلی جانے والے والی ون ڈے سیریز کی ٹرافی کی تقریب رونمائی آج ہوگی۔

    پاکستان کے خلاف کپتان ایرون فنچ کی قیادت میں آسٹریلوی اسکواڈ میں شان مارش، عثمان خواجہ، پیٹرہینڈسکومب، کین رچرڈسن، گلین میکسویل، جیسن بہرنڈوف، ایڈم زمپا اور نیتھن لیون شامل ہیں۔

    دوسری جانب قومی کرکٹ ٹیم کے 16 رکنی اسکواڈ میں شعیب ملک کپتان، امام الحق، عمراکمل، شان مسعود، عماد وسیم، حارث سہیل، فہیم اشرف، محمد عامر، جنید خان، عثمان خان شنواری، محمد عباس، سعد علی، یاسر شاہ اور محمد حسنین شامل ہیں۔

    پاک آسٹریلیا سیریز: اسکواڈ کا اعلان، سرفراز کپتانی نہیں کریں گے

    واضح رہے کہ اس سے قبل شعیب ملک کی سربراہی میں 38 ایک روزہ میچز کھیلے گئے جس میں سے 25 میں وہ فتح یاب ہوئے جبکہ 13 میں انہیں شکست کا سامنا کرنا پڑا ، اس حساب سے ان کی فتح کا تناسب بہت عمدہ ہے۔

  • پشاور زلمی نے ملتان سلطانز کو 5 وکٹوں سے شکست دے دی

    پشاور زلمی نے ملتان سلطانز کو 5 وکٹوں سے شکست دے دی

    شارجہ: پی ایس ایل فور کے 14 ویں میچ میں پشاور زلمی نے ملتان سلطانز کو 5 وکٹوں سے شکست دے دی، امام الحق میچ نے شاندار نصف سنچری اسکور کی۔

    تفصیلات کے مطابق شارجہ میں کھیلے جانے والے میچ میں ملتان سلطانز کی جانب سے دیا جانے والا 146 رنز کا ہدف زلمی کی ٹیم نے 5 وکٹوں کے نقصان پر حاصل کرلیا۔

    امام الحق نے شاندار 52 رنز کی اننگز کھیلی انہیں جنید خان نے ایل بی ڈبلیو آؤٹ کیا، کامران اکمل صرف 4 رنز پر محمد عرفان کی گیند پر آؤٹ ہوئے۔

    ملان نے 38 رنز کی اننگز کھیلی، لیام ڈوسن 18 رنز پر بنا کر آؤٹ ہوئے، دونوں کھلاڑیوں کو ڈینئل کرسچن نے آؤٹ کیا۔

    کیرون پولارڈ نے محمد عرفان کی چار گیندوں پر چار چھکے جڑ دئیے وہ  25 رنز بنا کر جنید خان کی گیند پر آؤٹ ہوئے، ڈیرن سیمی 5 رنز پر ناٹ آؤٹ رہے۔

    ملتان سلطانز کی جانب سے ڈینئل کرسچن اور جنید خان نے دو وکٹیں حاصل کیں جبکہ محمد عرفان کے حصے میں ایک وکٹ آسکی۔

    قبل ازیں شارجہ میں کھیلے جانے والے میچ میں ملتان سلطانز نے مقررہ اوورز میں آل آؤٹ ہوکر 145 رنز بنائے اور پشاور زلمی کو جیت کے لیے 146رنز کا ہدف دیا، حسن علی نے ایک وکٹ حاصل کی۔

    ملتان سلطانز کی پہلی وکٹ 1 رنز پر گری جب جیمز ونس صفر پر پویلین لوٹ گئے، دوسری وکٹ 81 رنز پر گری جب عمر صدیق 20 رنز بنا کر آؤٹ ہوئے۔

    چارلس نے 34 گیندوں پر 53 رنز کی شاندار اننگز کھیلی، انہیں عمید آصف نے آؤٹ کیا، ڈینئل کرسچن کو ثمین گل نے 17 رنز پر آؤٹ کیا۔ شعیب ملک 22 رنز بنا کر حسن علی کا شکار بنے، شاہد آفریدی 14 رنز بنا کر پویلین لوٹ گئے۔

    آل راؤنڈر حماد اعظم بغیر کوئی رن بنائے حسن علی کی گیند پر ایل بی ڈبلیو آؤٹ ہوئے، محمد الیاس کو ایک رن پر وہاب ریاض نے بولڈ کیا، جنید خان صفر پر رن آؤٹ ہوئے۔

    پشاور زلمی کے حسن علی نے 4 وکٹیں حاصل کیں، ثمین گل، وہاب ریاض، عمید آصف اور لیام ڈوسن نے ایک، ایک وکٹ حاصل کی۔

    قبل ازیں شارجہ میں کھیلے جانے والے میچ میں زلمی کے کپتان ڈیرن سیمی نے ٹاس جیت کر ملتان سلطانز کو پہلے بیٹنگ کی دعوت دی ہے۔

    پشاور زلمی کی ٹیم میں کوئی تبدیلی نہیں کی گئی ہے جبکہ ملتان سلطانز کی ٹیم میں ایک تبدیلی کی گئی ہے اور شاہد خان آفریدی کو ٹیم میں شامل کیا گیا ہے۔

    پشاور زلمی نے پانچ میچ کھیلے ہیں جس میں سے تین جیتے اور دو ہارے ہیں، پوائنٹس ٹیبل پر زلمی کی ٹیم کے 6 پوائنٹس ہیں۔

    ملتان سلطانز نے پانچ میچ کھیلے ہیں چار ہارے اور ایک میچ جیتا ہے، سلطانز کے پوائنٹس ٹیبل پر 2 پوائنٹس ہیں۔