اسلام آباد : شمالی علاقوں میں گرمی کی لہر کے باعث گلیشیئر پگھلنے لگے، جس سے دریاؤں میں پانی کا بہاؤ میں اضافہ ہوگیا۔
تفصیلات کے مطابق شمالی علاقوں میں گرمی کی شدت میں نمایاں اضافے کے باعث اسکردو میں درجہ حرارت بتیس ڈگری سینٹی گریڈ تک پہنچ گیا اور گلئیشیر پگھلنے سے دریاؤں کے بہاؤ میں اضافہ ہوا ہے
ارسا نے کہا ہے کہ دریاؤں میں پانی کا مجموعی بہاو چارلاکھ تین ہزارکیوسک ہو گیا ہے، ڈیموں میں پانی کا ذخیرہ انتالیس لاکھ ایکڑ فٹ ہے۔
ارسا نے بتایا کہ دریائے سندھ میں تربیلا کےمقام پرپانی کا بہاودولاکھ سات ہزار، دریائے جہلم میں منگلا کے مقام پر پانی کی آمد اکسٹھ ہزارکیوسک ہے،
اس کے علاوہ دریائے کابل میں نوشہرہ کے مقام پر نچلے درجے کا سیلاب ، دریائے کابل میں پانی کا بہاو سڑسٹھ ہزارکیوسک اور دریائے چناب میں مرالہ کے مقام پرپانی کا بہاو انہترہزار کیوسک ہے۔
