ARYNews.tv | Urdu – Har Lamha Bakhabar

Tag: شمالی وزیرستان

  • شمالی وزیرستان میں 4 روز کے لیے کرفیو نافذ

    شمالی وزیرستان میں 4 روز کے لیے کرفیو نافذ

    (یکم اگست 2025): شمالی وزیرستان میں چار روز کے لیے کرفیو نافذ کر دیا گیا ہے کرفیو کا اطلاق آج شام 7 بجے سے 4 اگست کی صبح 5 بجے تک ہوگا۔

    اے آر وائی نیوز کے مطابق ڈپٹی کمشنر نے شمالی وزیرستان میں چار روز کے لیے کرفیو نافذ کر دیا ہے۔ کرفیو کا اطلاق آج یکم اگست (جمعہ) شام 7 بجے سے 4 اگست کی صبح 5 بجے تک ہوگا۔

    اس دوران بنوں سے تحصیل دتہ خیل اور رزمک سب ڈویژن سے تحصیل غلام خان تک کرفیو نافذ رہے گا۔

    کرفیو کے دوران ضلع بھر کی مرکزی شاہراہیں عام ٹریفک کے لیے بند رہیں گی جب کہ سیکیورٹی فورسز کی گاڑیاں نقل وحرکت میں مصروف رہیں گی۔

    ڈپٹی کمشنر شمالی وزیرستان نے عوام سے کہا ہے کہ وہ ہفتہ اور اتوار کو اپنی روزمرہ کی مصروفیات ختم کر دیں۔

    واضح رہے کہ شمالی وزیرستان میں سیکیورٹی وجوہات کی بنا پر اس سے قبل بھی کئی بار کرفیو نافذ کیا جا چکا ہے۔

    گزشتہ ماہ 9 جولائی کو بھی شمالی وزیرستان میں کرفیو نافذ کیا گیا تھا اور شہریوں کو گھروں میں رہنے کی ہدایت کی گئی تھی۔

    https://urdu.arynews.tv/curfew-imposed-in-north-waziristan/

  • شمالی وزیرستان: میران شاہ سمیت ضلع بھر میں کرفیو نافذ

    شمالی وزیرستان: میران شاہ سمیت ضلع بھر میں کرفیو نافذ

    شمالی وزیرستان: ضلعی انتظامیہ نے میران شاہ سمیت ضلع بھر میں کرفیو نافذ کردیا۔

    ضلعی انتظامیہ کی جانب سے جاری نوٹیفکیشن کے مطابق کرفیو صبح 5 بجے سے شام 7 بجے تک نافذ رہے گا۔ کرفیو کے دوران تمام مین شاہراہیں عام ٹریفک کے لیے بند رہیں گی۔

    ضلعی انتظامیہ کا کہنا ہے کہ کرفیو کے دوران عوام گھروں میں رہیں۔

    یاد رہے کہ گزشتہ ماہ شمالی وزیرستان میں فورسز کے قافلے پر دہشت گردوں کے حملے میں پاک فوج کے 13 جوان شہید ہوگئے تھے جوابی کارروائی میں 14 خوارج کو واصل جہنم کردیا گیا تھا۔

    پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے میر علی میں فورسز کے قافلے پر دہشت گردوں نے حملہ کیا جس کے نتیجے میں 13 جوان شہید ہوئے تھے۔

    ترجمان پاک فوج کا کہنا تھا کہ شہدا میں صوبیدار زاہد اقبال،حوالدار سہراب خان، حوالدار میاں یوسف شامل ہیں۔

    آئی ایس پی آر کے مطابق نائیک خطاب شاہ، لانس نائیک اسماعیل، سپاہی روحیل، سپاہی محمد رمضان، سپاہی نواب، سپاہی زبیر احمد، سپاہی محمد سخی، سپاہی ہاشم عباسی، سپاہی مدثر اعجاز، سپاہی منظر علی شہدا میں شامل ہیں۔

    بھارتی حمایت یافتہ فتنہ الخوارج کی بزدلانہ کارروائی میں دو بچے اور خاتون شدید زخمی ہوئے۔

    ترجمان پاک فوج کا کہنا تھا کہ خودکش بم بار نے دھماکا خیز مواد سے بھری گاڑی قافلے سے ٹکرائی تھی، جوابی کارروائی میں 14 خوارج مارے گئے۔

    سیکیورٹی فورسز کا جنوبی وزیرستان میں آپریشن، بھارتی حمایت یافتہ 11فتنہ الخوارج ہلاک

    آئی ایس پی آر کے مطابق سیکیورٹی فورسز بھارتی حمایت یافتہ دہشت گردوں کے خاتمے کے لیے پرعزم ہے، بہادر جوانوں اور شہریوں کی قربانیاں ہمارے عزم کو تقویت دیتی ہیں۔

  • شمالی وزیرستان: سیکیورٹی فورسز کا آپریشن، 14 بھارتی اسپانسرڈ خارجی ہلاک

    شمالی وزیرستان: سیکیورٹی فورسز کا آپریشن، 14 بھارتی اسپانسرڈ خارجی ہلاک

    دتہ خیل : سیکیورٹی فورسز نے شمالی وزیرستان میں انٹیلی جنس بیسڈ آپریشن کے دوران 14بھارتی اسپانسرڈ خارجیوں کو ہلاک کردیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ شمالی وزیرستان کے علاقے دتہ خیل میں سیکیورٹی فورسز نے فتنہ الخوارج کی موجودگی کی اطلاعات پر انٹیلی جنس بیسڈ آپریشن کیا۔

    آئی ایس پی آر کا کہنا تھا کہ دو اور تین جون کو کئے گئے آپریشن میں سیکیوٹی فورسز نے دہشت گردوں کے ٹھکانے کو مؤثر طریقے سے نشانہ بنایا۔

    ترجمان نے کہا کہ آپریشن کے دوران شدید فائرنگ کے تبادلے میں چودہ بھارتی حمایت یافتہ خوارج مارے گئے، جس کے بعد علاقے میں ممکنہ خوارج کے خاتمے کیلئے کلیئرنس آپریشن بھی کیا گیا۔

    آئی ایس پی آر کا کہنا ہے سیکیورٹی فورسز بھارتی سرپرستی میں دہشت گردی کے خاتمے کے لئے پرعزم ہیں ۔۔

    وزیراعظم شہبازشریف نے بھارتی حمایت یافتہ فتنہ الخوارج کے چودہ دہشت گردوں کو جہنم رسید کرنے پر سیکیورٹی فورسز کو خراج تحسین پیش کیا۔

    وزیراعظم کا کہنا تھا انسانیت کے دشمن دہشت گردوں کے مذموم عزائم خاک میں ملا دیں گے،سیکیورٹی فورسز کی پیشہ ورانہ مہارت کی بدولت ہم دہشت گردی کی عفریت کو جڑ سے اکھاڑ پھینکیں گے، حکومت اور سیکیورٹی فورسز ملک سے دہشتگردی کے مکمل خاتمے کے لیے پر عزم ہیں۔

    وزیرداخلہ محسن نقوی نے بھی بھارتی اسپانسرڈفتنہ الخوارج کیخلاف کامیاب آپریشن پرفورسزکو خراج تحسین پیش کرتے ہوئے آپریشن پرفورسزکی پیشہ وارانہ صلاحیتوں کوسراہا۔

    ان کا کہنا تھا کہ فورسز کو 14 بھارتی حمایت یافتہ دہشتگردوں کوجہنم واصل کرکےبڑی کامیابی ملی، دہشت گردوں کے ناپاک ارادوں کو ناکام بنانے پر فورسز کوسلام پیش کرتے ہیں۔

    یاد رہے گذشتہ روز سیکیورٹی فورسز کے بلوچستان میں فتنہ الہندوستان کیخلاف مختلف علاقوں میں دو آپریشنز کے دوران 7 دہشتگردہلاک کر دیے گئے تھے۔

  • اینٹی نارکوٹکس کے انسپکٹر کو اغوا کر لیا گیا

    اینٹی نارکوٹکس کے انسپکٹر کو اغوا کر لیا گیا

    شمالی وزیرستان:میر علی سب ڈویژن میں اینٹی نارکوٹکس فورس کے انسپکٹر کو اغوا کر لیا گیا ہے۔

    تفصیلات کے مطابق شمالی وزیرستان کے علاقے میرعلی سب ڈویژن میں اینٹی نارکوٹکس کا انسپکٹر اغوا کر لیا گیا ہے، اس حوالے سے پولیس کا کہنا ہے کہ انسپکٹر محمد حنیف کو ڈیوٹی کے دوران نامعلوم افراد نے اغوا کر لیا۔

    پولیس کے مطابق مذکورہ انسپکٹر پاک افغان سرحد تحصیل غلام خان میں زیرو پوائنٹ پر ڈیوٹی سرانجام دے رہا تھا۔

    پولیس ذرائع کے مطابق انسپکٹر محمد حنیف بنوں سے براستہ میرانشاہ غلام خان جارہا تھا کہ راستے میں انہیں اغوا کرلیا گیا۔

    یاد رہے کہ 2024 میں بھی خیبر پختونخوا کے ضلع شمالی وزیرستان میں کسٹمز انفورسمنٹ انسپکٹر کو ڈرائیور سمیت اغوا کرلیا گیا تھا۔

    https://urdu.arynews.tv/khairpur-journalist-kidnapping-drop-scene/

  • شمالی وزیرستان میں فائرنگ سے 4 افراد قتل

    شمالی وزیرستان میں فائرنگ سے 4 افراد قتل

    شمالی وزیرستان: دتہ خیل میں نامعلوم افراد نے فائرنگ کرکے 4 افراد کو قتل کردیا۔

    پولیس کا اس حوالے سے کہنا ہے کہ شمالی وزیرستان دتہ خیل میں مرنے والوں کی لاشوں کو اسپتال منتقل کردیا گیا ہے جبکہ واقعے کی تحقیقات کا آغاز کردیا گیا ہے۔

    واضح رہے کہ گزشتہ ماہ جنوبی وزیرستان کے علاقے اعظم ورسک میں دہشت گردوں نے انسداد پولیو ٹیم کی ڈیوٹی پر معمور پولیس پارٹی پر حملہ بھی کیا تھا، جس میں ایک دہشت گردہلاک اور ایک کانسٹیبل شہید ہوگیا تھا۔

    سینٹرل پولیس آفس سے جاری بیان میں کہا گیا تھا کہ جنوبی وزیرستان لوئر میں پولیس اسٹیشن اعظم ورسک کے علاقے کلوشہ میں نامعلوم دہشت گردوں نے پولیس پارٹی پر بھاری ہتھیاروں سے اس وقت حملہ کیا جب پولیس ٹیمیں علاقے میں انسداد پولیو ٹیموں کی سیکورٹی پر تعینات تھی۔

    پولیس اور دہشت گردوں کے مابین 30 منٹ تک جاری رہنے والے فائرنگ کے تبادلے میں ایک دہشت گرد ہلاک جبکہ باقی فرار ہوگئے تھے۔

    پولیس کا کہنا تھا کہ دہشت گردوں کے قبضے سے ایس ایم جی راکٹ لانچر اور دو موٹر سائیکل برامد ہوئی جبکہ ہلاک دہشتگرد کی شناخت افنان کے نام سے ہوئی، جس سے دو شناختی کارڈز تین اے ٹی ایم کارڈز اور موبائل فون برآمد ہوا۔

    حکام کے مطابق ہلاک دہشت گرد کے قبضے سے بر آمد ہونے والے کارڈز شپید کانسٹیبل عمران کے تھے، جو عید سے قبل شہید ہوئے تھے، شہید عمران کانسٹیبل کا مقدمہ جنوبی وزیرستان تھانہ سی ٹی ڈی میں درج ہے۔

    کراچی میں ڈاکوؤں کی فائرنگ سے زخمی راہ گیر دم توڑ گیا

    وزیراعظم نے جنوبی وزیرستان میں انسدادپولیو مہم پولیس سیکیورٹی ٹیم پر حملے کی مذمت کرتے ہوئے دہشت گرد حملے میں پولیس کانسٹیبل کی شہادت پر اظہار افسوس کیا تھا۔

  • تیل و گیس کے ذخائر کی تلاش ، پاکستان کو ایک اور بڑی کامیابی مل گئی

    تیل و گیس کے ذخائر کی تلاش ، پاکستان کو ایک اور بڑی کامیابی مل گئی

    کراچی : تیل و گیس کے ذخائر کی تلاش میں پاکستان کو ایک اور  بڑی کامیابی مل گئی، شمالی وزیرستان میں نئی دریافت سے مقامی ضروریات پوری کرنے میں مدد ملے گی۔

    تفصیلات کے مطابق شمالی وزیرستان میں سپن وام ون کنویں سے تیسری جگہ تیل اور گیس دریافت ہوئی، سپنوام شمالی وزیرستان میں ہنگو فارمیشن میں واقع ہے۔

    ترجمان ماڑی انرجیز کا کہنا ہے تئیس اعشاریہ آٹھ ،پانچ ایم ایم سی ایف ڈی گیس اور ایک سو بائیس بیرل یومیہ تیل دریافت ہوا تاہم سپنوام سے تیل وگیس کی مزید دریافت کے لئے کام جاری ہے۔

    ترجمان کا کہنا تھا کہ وزیرستان بلاک میں ماڑی، اوجی ڈی سی ایل اور اورینٹ پٹرولیم کام کررہی ہیں، آپریشنز میں تعاون فراہم کرنے پر وزارت پٹرولیم قانون نافذ کرنے والے اداعوں کے شکرگزار ہیں۔

    مزید پڑھیں : شمالی وزیرستان میں کنوئیں سے تیل اور گیس کا ذخیرہ دریافت

    ماڑی انرجیز نے کہا کہ تیل وگیس کی نئی دریافت سے مقامی ضروریات پوری کرنے میں مدد ملے گی۔

    ترجمان ماڑی انرجیز کا بتانا تھا کہ اس سے قبل سامنسک اور کاوگ فارمیشنز سے دو دریافتیں ہوچکی ہیں، کاوگ فارمیشن سے 20.48 ایم ایم سی ایف ڈی گیس اور 117 بیرل یومیہ تیل جبکہ سامنسک فارمیشن سے 12.96 ایم ایم سی ایف ڈی گیس اور 20 بیرل یومیہ تیل دریافت ہوا تھا۔

  • بڑی خبر، شمالی وزیرستان میں کنوئیں سے تیل اور گیس کا ذخیرہ دریافت

    بڑی خبر، شمالی وزیرستان میں کنوئیں سے تیل اور گیس کا ذخیرہ دریافت

    شمالی وزیرستان میں سپنوام وَن ویل، کورگڑھ فارمیشن سے تیل اور گیس کی دریافت ہوئی ہے۔

    ترجمان ماڑی انرجیز کے مطابق شمالی وزیرستان میں کورگڑھ فارمیشن سے سپنوام وَن کے کنوئیں سے 20.48 ایم ایم سی ایف ڈی گیس، اور 117 بیرل یومیہ تیل دریافت ہوا ہے۔

    شمالی وزیرستان میں سپنوام ون سے تیل وگیس کی یہ دوسری دریافت ہے، اس سے قبل سپنوام وَن سے 12.96 ایم ایم سی ایف ڈی گیس جب کہ 20 بیرل یومیہ تیل دریافت ہوا تھا۔

    نئے دریافت شدہ ذخائر مقامی وسائل کے حوالے سے اہم پیش رفت ہے، اور اس سے گیس کی طلب اور رسد کا فرق کم کرنے میں مدد ملے گی۔

    شمالی وزیرستان میران بلاک میں تیل و گیس کی دریافت کیلیے معاہدے

    یاد رہے کہ رواں برس 26 فروری کو شمالی وزیرستان میران بلاک میں تیل و گیس کی دریافت کے لیے خیبر پختونخوا آئل اینڈ گیس کمپنی لمیٹڈ اور آئل اینڈ گیس ڈیویلپمنٹ کمپنی لمیٹڈ، پاکستان پیٹرولیم لمیٹڈ اور گورنمنٹ ہولڈنگ پرائیویٹ لمیٹڈ میں معاہدے ہوئے تھے۔

    پی او جی سی ایل مذکورہ بلاک میں 51 فی صد منافع کا مالک ہوگا، منصوبے پر اگلے 3 سال میں 20 ارب روپے کی سرمایہ کاری کی جائے گی، ساری سرمایہ کاری او جی ڈی سی ایل اور کنسورشیم میں شامل کمپنیاں کریں گی۔

  • شمالی وزیرستان میں ہلاک دہشت گرد افغان شہری نکلا

    شمالی وزیرستان میں ہلاک دہشت گرد افغان شہری نکلا

    راولپنڈی: شمالی وزیرستان کے علاقے دتہ خیل میں ہونے والے آپریشن میں ہلاک ہونیوالا دہشت گرد افغان شہری نکلا۔

    پاک فوج کے شعبہ تعلقات عامہ (آئی ایس پی آر) کے مطابق افغان شہریوں کی پاکستان کے اندر دہشت گردی میں ملوث ہونے کے ناقابل تردید ثبوت ایک بار پھر سامنے آگئے۔

    آئی ایس پی آر کے مطابق شمالی وزیرستان کے علاقے دتہ خیل میں سیکیورٹی فورسز کی کارروائی میں ہلاک ہونے والا دہشت گرد افغان شہری نکلا، سیکیورٹی فورسز نے 6 فروری کو شمالی وزیرستان کے علاقے دتہ خیل میں انٹیلی جنس بیسڈ آپریشن کیا تھا۔

      آئی ایس پی آر کے مطابق شمالی وزیرستان کے علاقے دتہ خیل میں سیکیورٹی فورسز کی کارروائی میں ہلاک ہونے والے شخص کی شناخت لقمان خان عرف نصرت (افغان نیشنل) کے طور پر ہوئی۔

    آئی ایس پی آر کے مطابق لقمان خان کمال خان کا بیٹا ہے، اور افغانستان کے صوبہ خوست کے ضلع سپیرا کا رہائشی ہے، افغان شہری ہونے کے ناطے اس شخص کی لاش کی حوالگی کیلئے عبوری افغان حکومت کے حکام سے رابطہ کیا جا رہا ہے۔

     ترجمان کے مطابق اس طرح کے واقعات واضح طور پر پاکستان میں دہشت گردی کی سرگرمیوں میں افغان شہریوں کے ملوث ہونے کا ناقابل تردید ثبوت ہیں، توقع ہے کہ عبوری افغان حکومت اپنی ذمہ داریاں پوری کرے گی اور دہشت گردوں کی جانب سے پاکستان کے خلاف دہشت گردی کی کارروائیوں کے لئے افغان سرزمین کے استعمال سے روکے گی۔

  • سیکیورٹی فورسز کا شمالی وزیرستان میں آپریشن ، 6 خوارج ہلاک، میجر اور سپاہی شہید

    سیکیورٹی فورسز کا شمالی وزیرستان میں آپریشن ، 6 خوارج ہلاک، میجر اور سپاہی شہید

    راولپنڈی : سیکیورٹی فورسز کے شمالی وزیرستان میں آپریشن کے دوران میجر اور سپاہی شہید ہوگئے جبکہ 6 خوارج ہلاک ہوئے۔

    تفصیلات کے مطابق پاک فوج کے شعبہ تعلقاتِ عامہ (آئی ایس پی آر) کی جانب سے بیان میں کہا ہے کہ شمالی وزیرستان کے علاقے میر علی میں سیکیورٹی فورسز نے انٹیلی جنس بیسڈ کارروائی کی۔

    آئی ایس پی آر کا کہنا تھا کہ سیکیورٹی فورسز کےآپریشن کے دوران 6 خوارج جہنم واصل کیا جبکہ میجر حمزہ اسرار اور سپاہی محمد نعیم بہادری سے لڑے ہوئے شہید ہوگئے۔

    شہید میجر حمزہ اسرار کی عمر29 سال اور تعلق راولپنڈی سے تھا اور شہید سپاہی محمد نعیم کی عمر 26 سال اور تعلق نصیر آباد سے تھا۔

    ترجمان کا کہنا تھا کہ شہید میجرحمزہ اسرار اپنے دستوں کی قیادت کر رہے تھے اور سیکیورٹی فورسز کا علاقے میں سینی ٹائزیشن آپریشن جاری ہے۔

    میجر حمزہ اسرار شہید نے 9 سال تک دفاع وطن کافریضہ سرانجام دیا اور ان کی حال ہی میں شادی ہوئی تھی ، شہید نے سوگواران میں اہلیہ، والدین ،بہن بھائی چھوڑے ہیں۔

    سپاہی محمد نعیم شہیدنے 6سال پاک فوج میں رہتےہوئےوطن کادفاع کیا، شہید نے سوگواران میں والدین چھوڑے۔

    پاک فوج کے ترجمان نے کہا کہ سیکیورٹی فورسز ملک سے دہشتگردی کی لعنت ختم کرنے کیلئےپرعزم ہیں ، بہادر سپاہیوں کی قربانیاں ہمارے عزم کو مزید مضبوط کرتی ہیں۔

    وزیراعظم نے شمالی وزیرستان میں 6خارجیوں کوجہنم واصل کرنےپرسیکیورٹی فورسز کی پذیرائی کرتے ہوئے میجر حمزہ اسرار اور سپاہی محمدنعیم کی شہادت پر دکھ اورافسوس کا اظہار کیا۔

    وزیراعظم نے شہداکی بلندی درجات اور اہل خانہ کیلئے صبر کی دعا کرتے ہوئے کہا کہ قوم کےبیٹوں کی عظیم قربانیاں رائیگاں نہیں جانے دیں گے،ملک دشمن عناصر کےمذموم عزائم کو خاک میں ملائیں گے، حکومت اورسیکیورٹی فورسز ملک سےدہشتگردی کے مکمل خاتمے کیلئے متحرک ہیں۔

  • شمالی وزیرستان میں سیکیورٹی فورسز کا آپریشن ، 4 خوارج ہلاک

    شمالی وزیرستان میں سیکیورٹی فورسز کا آپریشن ، 4 خوارج ہلاک

    راولپنڈی : سیکورٹی فورسز نے شمالی وزیرستان کے علاقے سپن وام میں انٹیلی جنس بیسد آپریشن میں 4 خوارج کو ہلاک کردیا۔

    تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا کہ سیکورٹی فورسز نے خوارج کی موجودگی کی اطلاع پر شمالی وزیرستان کے علاقے سپن وام میں 14 اور 15 جنوری کی رات کو انٹیلی جنس بیسد آپریشن کیا۔

    آئی ایس پی آر کا کہنا تھا کہ آپریشن کے دوران سیکیورٹی اہلکاروں نے خوارج کے ٹھکانے کو مؤثر انداز سے نشانہ بنایا، شدید فائرنگ کے تبادلے کے بعد چار خوارج مارے گئے۔

    ترجمان نے بتایا کہ ہلاک خوارج کے قبضے سے اسلحہ اور گولہ بارود بھی برآمد ہوا، سیکیورٹی ہلاک خوارج سیکیورٹی فورسز کے خلاف دہشت گردی کی متعدد کارروائیوں سمیت معصوم شہریوں کی ٹارگٹ کلنگ میں بھی ملوث تھے۔

    پاک فوج کے ترجمان نے مزید کہا کہ علاقے میں پائے جانے والے کسی بھی ممکنہ خارجی کو ختم کرنے کے لیے سینیٹائزیشن آپریشن بھی کیا گیا، سیکیورٹی فورسز ملک سے دہشت گردی کی لعنت کو ختم کرنے کے لئے پرعزم ہیں۔

    وزیراعظم نے اسپن وام میں 4 خوارجیوں کو جہنم واصل کرنے پر فورسزکوخراج تحسین پیش کرتے ہوئے کہا کہ قوم کو سیکیورٹی فورسز کے نڈر نوجوانوں پر فخر ہے، انسانیت کے دشمنوں کے مذموم عزائم کو اسی طرح خاک میں ملاتےرہیں گے، حکومت ،سیکیورٹی فورسز دہشتگردی کے مکمل سدباب کیلئےپر عزم ہیں۔

    صدر مملکت آصف زرداری نے شمالی وزیرستان میں 4 دہشت گردوں کو جہنم واصل کرنے پر فورسز کو خراج تحسین پیش کرتے ہوئے خوارج کو جہنم واصل کرنے پر سکیورٹی فورسز کی بہادری کو سراہا۔

    آصف زرداری کا کہنا تھا کہ سیکورٹی فورسز دہشتگردی کے عفریت کے خاتمے کیلئےکارروائیاں کر رہی ہیں، پوری قوم دہشت گردی کے خلاف متحد ہے، دہشت گردی کےمکمل خاتمے تک فتنہ الخوارج کیخلاف کارروائیاں جاری رہیں گی، صدر ممل