خیبرایجنسی :وادی تیراہ میں سیکیورٹی فورسزنے کارروائی میں پچاس دہشت گرد ہلاک ہو گئے۔
پاک فوج دہشتگردوں کے مکمل خاتمے کیلئے پرعزم،خیبر ایجنسی میں آپریشن خیبر ون کامیابی سے جاری، تازہ کارروائی میں سیکیورٹی فورسز نے وادی تیراہ میں بھاری توپ خانےسےگولہ باری کی۔ فوج کی بھرپور کارروائی میں پچاس شدت پسند ہلاک ہوگئے۔
شیلنگ سے شدت پسندوں کے متعدد ٹھکانے تباہ ہو گئے۔ مارے جانے والے دہشتگردوں کا تعلق کالعدم تنظیم لشکر اسلام سےہے،عسکری ذرائع کے مطابق فوجی کارروائی میں اسلحہ گولا بارودبھی تباہ ہواہے۔
پشاور: شمالی وزیرستان آپریشن کے متاثرین کی رجسٹریشن کا عمل مکمل ہوگیا ہے، رجسٹرڈ متاثرین کا ڈیٹا مرتب کرکے نادرا کو بھجوایا جارہا ہے۔
پاک فوج کی جانب سے شمالی وزیرستان میں ایک ماہ سے دہشتگردوں کیخلاف آپریشن جاری ہے،متاثرہ علاقے سے نقل مکانی کرنے والے نو لاکھ سے زائد افراد کیلئے حکومت ، پاک فوج اور فلاحی اداروں کی جانب سے امداد کا سلسلہ جاری ہے۔
ایف ڈی ایم اے حکام کے مطابق پشاور میں متاثرین کی رجسٹریشن کا عمل مکمل ہوگیا ہے، ایک ہزار ایک سو بیالیس خاندانوں کی رجسٹریشن کر لی گئی ہے، رجسٹرڈ متاثرین کا ڈیٹا مرتب کرکے نادرا کو بھجوایا جارہا ہے۔ آپریشن متاثرین کا ڈیٹا جلد از جلد مکمل کرکے رقوم کی فوری ادائیگی کو یقینی بنایا جارہا ہے ۔
بنوں میں بھی متاثرین کوموبائل سم کے ذریعے امدادی رقم مل رہی ہے اور اب تک تین ہزار سے زائد افراد سم کے ذریعے امدادی رقم لے چکے ہیں۔
پشاور: شمالی وزیرستان آپریشن متاثرین کی رجسٹریشن کا آج آخری دن ہے ، اب تک نو ہزار افراد کی رجسٹریشن کر لی گئی ہے۔
شمالی وزیرستان میں پاک فوج کے آپریشن ضرب عضب کےدوران نقل مکانی کرنے والے متاثرین کی رجسٹریشن اورامداد کا سلسلہ جاری ہے، ایف ڈی ایم اے کے مطابق پشاور کے علاقے حیات آباد میں آج متاثرین کی رجسٹریشن کا آخری دن ہے، رجسٹریشن کاعمل سات جولائی کوشروع ہواتھا۔
سرکاری اعداد و شمار کے مطابق شمالی وزیرستان سے نقل مکانی کرنے والوں کی تعداد نو لاکھ سے تجاوز کرگئی ہے،جن میں دولاکھ اڑتیس ہزارسات سو دس مرد،دولاکھ پینسٹھ ہزاردو سو سات خواتین اور چارلاکھ اڑتیس ہزار چھ بچے شامل ہیں۔
سرکاری حکام کے مطابق انتیس ہزارآٹھ سو ترپن خاندانوں میں امدادی رقوم تقسیم کرلی گئی ہے، متاثرہ خاندانوں میں پینتیس کروڑ بیاسی لاکھ چھتیس ہزار روپےکی رقم تقسیم کی جا چکی ہے،حکومتِ خیبر پختونخوا کی جانب سے بھی متاثرہ افراد کیلئے امدادی پروگرام ایثار پختونخوا جاری ہے، اب تک ایثار پروگرام کے تحت سات ہزار خاندانوں کوامدادی رقوم مل چکی ہے۔
بنوں : امیر جماعت اسلامی سراج الحق کا کہنا ہے کہ شمالی وزیرستان آپریشن طویل ہوا تو ملک کو نقصان ہوگا، تمام اسلامی ممالک کو غزہ پر اسرائیلی بمباری رکوانے کیلئے اقدامات کرنے چاہیئے۔
بنوں میں میڈیا سے بات کرتے ہوئے سراج الحق نے کہا کہ شمالی وزیر ستان کے متاثرین کا مسئلہ اہم ہے، وزیراعظم اور آرمی چیف کو مسائل ترجیحی بنیادوں پر حل کرنا ہوں گے، انھوں نے بتایا کہ جماعت اسلامی اور الخدمت فاؤنڈیشن کے کارکنان نے شمالی وزیرستان متاثرین میں چھ کروڑ روپے کا سامان تقسیم کیا۔
سراج الحق کا کہنا تھا کہ وفاق سے ڈاکٹر شکیل آفریدی کو لے جانے کا مطالبہ کیا تھا پر وفاق نے خیبر پختو نخوا کی درخواست مسترد کر دی، غزہ پر اسرائیلی جارحیت پرانھوں نے کہا کہ حوالے سے ہفتہ احتجاج منایا جائے گا۔
