ARYNews.tv | Urdu – Har Lamha Bakhabar

Tag: شمالی وزیرستان

  • وزیرستان کو ملک کے دیگر اضلاع کی طرح ترقی دینے کا وقت آ گیا: آرمی چیف

    وزیرستان کو ملک کے دیگر اضلاع کی طرح ترقی دینے کا وقت آ گیا: آرمی چیف

    راولپنڈی: پاک فوج کے سربراہ جنرل قمر جاوید باجوہ نے کہا ہے کہ دہشت گردوں کو وزیرستان کے علاقے میں دوبارہ نہیں آنے دیں گے۔

    تفصیلات کے مطابق آرمی چیف جنرل قمر جاوید باجوہ نے شمالی وزیرستان کا دورہ کیا، انھوں نے عزم کا اظہار کیا کہ علاقے میں دہشت گردوں کو دوبارہ نہیں آنے دیا جائے گا۔

    [bs-quote quote=”وزیرستان کو ملک کے دیگر اضلاع کی طرح ترقی دینے کا وقت آ گیا ہے: آرمی چیف” style=”style-7″ align=”left” color=”#dd3333″][/bs-quote]

    پاک فوج کے شعبۂ تعلقاتِ عامہ (آئی ایس پی آر) کے مطابق شمالی وزیرستان دورے کے موقع پر آرمی چیف کو سیکورٹی کی صورتِ حال، بارڈر مینجمنٹ اور ترقیاتی کاموں پر بریفنگ دی گئی۔

    آئی ایس پی آر کے مطابق جنرل قمر جاوید باجوہ کو علاقے کے متاثرین کی بحالی کے سلسلے میں بھی بریفنگ دی گئی، آرمی چیف نے افسروں اور جوانوں کے حوصلے اور جرأت کو سراہا۔

    امن و استحکام کے لیے کوششوں سے اپنا مقام حاصل کریں گے، آرمی چیف

    پاک فوج کے شعبۂ تعلقاتِ عامہ کے مطابق آرمی چیف جنرل قمر جاوید باجوہ نے علاقے میں دیر پا امن کے قیام کے لیے اقدامات کرنے کی ہدایت کی۔

    آرمی چیف نے کہا کہ سماجی، اقتصادی ترقی اور استحکام سے متعلق آپریشنز پر توجہ رکھی جائے، وزیرستان کو ملک کے دیگر اضلاع کی طرح ترقی دینے کا وقت آ گیا ہے۔

    https://www.facebook.com/OfficialDGISPR/videos/279679889539765/

  • سیکورٹی فورسز کا شمالی وزیرستان میں آپریشن، 9 دہشت گرد ہلاک، 7 اہل کار شہید

    سیکورٹی فورسز کا شمالی وزیرستان میں آپریشن، 9 دہشت گرد ہلاک، 7 اہل کار شہید

    راولپنڈی: پاک فوج کے شعبہ تعلقاتِ عامہ (آئی ایس پی آر) کا کہنا ہے کہ سیکورٹی فورسز نے شمالی وزیرستان میں خفیہ اطلاع پر آپریشن کیا جس میں 9 دہشت گرد ہلاک ہو گئے۔

    تفصیلات کے مطابق انٹر سروسز پبلک ریلیشنز کی طرف سے جاری اعلامیے میں کہا گیا ہے کہ سیکورٹی فورسز کے شمالی وزیرستان میں ایک آپریشن کے دوران نو دہشت گرد مارے گئے۔

    شمالی وزیرستان میں خفیہ اطلاع پر کی گئی کارروائی میں دہشت گردوں کی جانب سے فائرنگ کے نتیجے میں پاک فوج کے کپیٹن سمیت 7 اہل کاروں نے بھی جامِ شہادت نوش کیا۔

    آئی ایس پی آر کے مطابق دہشت گردوں کے ہاتھوں شہید ہونے والے جوانوں میں کیپٹن جنید، حوالدار عامر، حوالدار عاطف، حوالدار ناصر، حوالدار عبد الرزاق، سپاہی سمیع اور سپاہی انور شامل ہیں۔

    یہ بھی پڑھیں:  پاکستان جنگ کیلئے تیار ہے مگر امن چاہتا ہے، پاک فوج کا بھارت کو منہ توڑ جواب

    پاک فوج کے شعبہ تعلقاتِ عامہ کے مطابق سیکورٹی فورسز کے آپریشن کے بعد علاقہ کلیئر کر دیا گیا، جب کہ مارے گئے دہشت گردوں کی شناخت کی جا رہی ہے۔

  • قومی اداروں کو بدنام کرنے والی پی ٹی ایم کا مکروہ چہرہ بے نقاب ہوگیا

    قومی اداروں کو بدنام کرنے والی پی ٹی ایم کا مکروہ چہرہ بے نقاب ہوگیا

    شمالی وزیرستان : ملک دشمنوں کی جانب سے قومی اداروں کو بدنام کرنے والے عناصر کا چہرہ شمالی وزیرستان میں جاں بحق ہونے والے مسعود کے والد نے بے نقاب کردیا۔

    تفصیلات کے مطابق پشتون تحفظ موومنٹ (پی ٹی ایم) کا مکروہ چہرہ بے نقاب ہوگیا، ملکی اداروں کو بدنام کرنے کی ایک اور کوشش ناکام ہوگئی، وزیرستان میں جاں بحق ہونے والے نوجوان مسعود کے والد کا بیان سامنے آگیا۔

    ان کا کہنا ہے کہ میرا بیٹا رکشے کی ٹکر سے جاں بحق اور نواسہ زخمی ہوا تھا، ڈرائیور کے خلاف تھانے میں ایف آئی آر بھی درج کرادی ہے، واقعے سے متعلق غلط خبریں چلائی جارہی ہیں، پروپیگنڈا کیا جارہاہے، انہوں نے واضح کیا کہ کوئی تنظیم ہمارا نام لے کر اپنا مذموم مقاصد پورے نہ کرے۔

    یاد رہے کہ گزشتہ روز ڈی جی آئی ایس پی آر میجر جنرل آصف غور نے کہا تھا کہ شمالی وزیرستان میں کوئی شخص فورسز کے ہاتھوں جاں بحق یا زخمی نہیں ہوا ہے، وائس آف امریکا دیوا کی خبر جھوٹ پر مبنی ہے۔

    مزید پڑھیں: شمالی وزیرستان میں‌ کوئی شخص فورسز کے ہاتھوں جاں بحق یا زخمی نہیں ہوا، ڈی جی آئی ایس پی آر

    میجر جنرل آصف غفور نے اپنے ٹویٹ میں کہا کہ وائس آف امریکا دیوا نے من گھڑت رپورٹنگ کی روایت برقراررکھی ہے۔ ڈی جی آئی ایس پی آر نے مزید کہا کہ کسی کورٹ مارشل کی کوئی یقین دہانی نہیں کرائی گئی جبکہ کیپٹن ضرار کے معاملے پر انکوائری کا حکم دے دیا گیا ہے۔

  • شمالی وزیرستان میں بارودی سرنگ کا دھماکا، 1 اہلکار شہید، 3 زخمی

    شمالی وزیرستان میں بارودی سرنگ کا دھماکا، 1 اہلکار شہید، 3 زخمی

    راولپنڈی: شمالی وزیرستان کے علاقے ڈنڈ کلے کے قریب بارودی سرنگ کا دھماکا ہوا جس کے نتیجے میں ایک اہلکار شہید اور 3 جوان زخمی ہوگئے۔

    پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے کے مطابق بم ڈسپوزل اسکواڈ کی ٹیم گاڑی میں معمول کے سرچ آپریشن پر تھی کہ اچانک اس کی بارودی سرنگ سے ٹکر ہوگئی۔

    ڈنڈ کلے میں ہونے والے بارودی سرنگ کے دھماکے سے ایک اہلکار شہید ہوا جس کی شناخت 38 سالہ حوالدار احمد خان کے نام سے ہوئی، مذکورہ اہلکار کا تعلق میانوالی سے تھا۔

    پاک فوج کے ترجمان کا کہنا تھا کہ شہید حوالدار احمدخان نے سوگوران میں بیوہ،بیٹا اور 2بیٹیاں چھوڑی ہیں۔

    واضح رہے کہ پاک فوج کے جوان عید کے روز بھی وطن عزیز کی حفاظت کی خاطر اپنی ڈیوٹیوں پر تعینات ہیں اور وہ دشمن کی سازشوں کا ناکام بنانے کے لیے جان ہتھلیوں پر رکھ کر امور سرانجام دے رہے ہیں تاکہ ملک میں‌ امن برقرار رہے۔

  • وزیرستان میں سیکیورٹی فورسز کی کارروائیاں، بھاری مقدار میں اسلحہ برآمد

    وزیرستان میں سیکیورٹی فورسز کی کارروائیاں، بھاری مقدار میں اسلحہ برآمد

    راولپنڈی: آپریشن رد الفساد میں ایک اور پیشرفت سامنے آئی ہے۔ سیکیورٹی فورسز نے شمالی اور جنوبی وزیرستان میں کارروائیوں کے دوران بھاری مقدار میں اسلحہ برآمد کیا۔

    پاک فوج کے شعبہ تعلقات عامہ (آئی ایس پی آر) کے مطابق آپریشن رد الفساد کے تحت سیکیورٹی فورسز نے شمالی اور جنوبی وزیرستان میں کارروائیاں کیں۔

    کارروائیوں میں بھاری مقدار میں گولہ بارود اور مختلف نوعیت کے ہتھیار برآمد کیے گئے۔ برآمد اسلحے کے ساتھ مواصلاتی آلات بھی تحویل میں لیے گئے۔

    آئی ایس پی آر کے مطابق اسلحے میں اینٹی ٹینک مائن، مارٹر بم، راکٹس، بارودی سرنگیں اور گرینیڈ شامل ہیں۔

    خیال رہے کہ گزشتہ ہفتے جنوبی وزیرستان میں آپریشن کے دوران 6 انتہائی مطلوب دہشت گرد ہلاک ہوگئے تھے۔ کارروائی کے دوران پاک فوج کے 2 جوان بھی شہید ہوئے۔

    آئی ایس پی آر کے مطابق دہشت گرد نقل مکانی کرنے والوں کا بھیس بدل کر آئے تھے۔ دہشت گردوں کا افغان صوبے پکتیا میں سہولت کاروں سے رابطہ تھا۔ ایک دہشت گرد مقامی افراد کے قتل میں ملوث تھا۔

    کارروائی میں بھاری مقدار میں گولہ بارود، اسلحہ، ہتھیار اور مواصلاتی آلات بھی برآمد ہوئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • قبائلی عوام کی معاشی بحالی اولین ترجیح ہے، میجرجنرل آصف غفور

    قبائلی عوام کی معاشی بحالی اولین ترجیح ہے، میجرجنرل آصف غفور

    راولپنڈی : ڈی جی آئی ایس پی آر میجر جنرل آصف غفور نے کہا ہے کہ قبائلی عوام کی معاشی بحالی اولین ترجیح ہے، فاٹا کے بہادر قبائلیوں نے بے پناہ قربانیوں کے بعد امن حاصل کیا۔

    ان خیالات کا اظہار انہوں نے شمالی وزیرستان ایجنسی کے تاجروں سے ملاقات کے بعد اپنے ٹوئٹ میں کیا۔ تفصیلات کے مطابق شمالی وزیرستان ایجنسی کے تاجروں نے اسلام آباد میں اپنے مطالبات کے حق میں دھرنا دیا ۔

    کئی روز سے جاری احتجاج کے بعد شمالی وزیرستان کے تاجروں اورپولیٹیکل انتظامیہ میں مذاکرات کیے گئے، مذکرات کی کامیابی کے بعد تاجروں نے ڈی جی آئی ایس پی آر میجرجنرل آصف غفور سے ملاقات کی یہ ملاقات4گھنٹے سے زائد جاری رہی۔

    ڈی جی آئی ایس پی آر نے تاجروں کے مطالبات غور سے سنے اور ان کے جائز مطالبات کو تسلیم کرتے ہوئے انہیں حل کرنے کی یقین دہانی بھی کرائی، ڈی جی آئی ایس پی آر کی یقین دہانی پر شمالی وزیرستان کے تاجر مطمئن ہوگئے اور دھرنا ختم کرنے کا اعلان کیا۔

    مطالبات تسلیم ہونے پر مظاہرین نے خوشی کا اظہار کیا، انہوں نے پاک فوج زندہ باد کے نعرے لگائے اور کئی روز سےجاری احتجاجی کیمپ ختم کردیا گیا۔

    بعد ازاں سماجی رابطے کی ویب سائٹ ٹوئٹر پر اپنے پیغام میں ڈی جی آئی ایس پی آرمیجرجنرل آصف غفور نے کہا کہ فاٹا میں متحرک آپریشن کے بعد معمولات زندگی کی بحالی دیرپا امن کاحصہ ہے، ریاست بشمول سیکیورٹی فورسز متاثرین کی بحالی کیلئے پرعزم ہیں۔

    ڈی جی آئی ایس پی آر کا کہنا تھا کہ دیرپا امن اور تعمیر نو کا عمل جاری ہے، یہ ہمارا گھر ہے مل جل کر تسلسل سے حالات پرامن کرلیں گے۔

    میجر جنرل آصف غفور نے مزید کہا کہ تاجروں کی سول ملٹری اور قبائلی نمائندوں کے ساتھ میٹنگ جلد ہوگی،22اپریل میٹنگ کی میں حقیقی مسائل اور آئندہ کے لائحہ عمل پر بات ہوگی، قبائلیوں کی معاشی بحالی اولین ترجیح ہے۔

    نقصان کا سامنا کرنے والے تاجروں کو معاوضہ بھی دیا جائےگا، انہوں نے کہا کہ ہم نے غیریقینی پھیلانے والی دشمن قوتوں کو کامیاب نہیں ہونے دینا، فاٹا کو قومی دھارے میں لا کر ہی ملک میں ترقی و خوشحالی آ سکتی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • آرمی چیف جنرل باجوہ کا شمالی وزیرستان کا دورہ، سرحدی باڑکا معائنہ کیا

    آرمی چیف جنرل باجوہ کا شمالی وزیرستان کا دورہ، سرحدی باڑکا معائنہ کیا

    راولپنڈی : آرمی چیف جنرل قمر جاوید باجوہ نے شمالی وزیرستان کا دورہ کیا، آرمی چیف کو سیکیورٹی صورت حال، ترقیاتی امور اور متاثرین کی بحالی پر بریفنگ دی گئی۔

    پاک فوج کے شعبہ تعلقات عامہ آئی ایس پی آر کے مطابق پاک فوج کے سربراہ جنرل قمر باجوہ آج شمالی وزیرستان کے دورے پر پہنچے، جی اوسی میران شاہ نے ان کا پرتپاک استقبال کیا۔

    آرمی چیف نے میران شاہ میں یادگار شہداء پر پھول چڑھائے، بعد ازاں انہوں نے پاک افغان بارڈر پر حال ہی میں تعمیر ہونے والے قلعے اور سرحدی باڑ کا معائنہ بھی کیا۔

    اس موقع پر انہیں جی اوسی میران شاہ نے سیکیورٹی کی تازہ صورت حال، ترقیاتی امور اور نقل مکانی کرنیوالے متاثرین کی بحالی پر بریفنگ دی۔

    آرمی چیف نے بارڈر سیکیورٹی اقدامات کو سراہا، کور کمانڈر پشاور لیفٹیننٹ جنرل نذیراحمد بٹ بھی ان کے ہمراہ تھے۔

    آرمی چیف کی تین شہید فوجی بھائیوں کے والد سے ملاقات

    بعد ازاں آرمی چیف نے آرمی چیف نے کرک میں پاک فوج کے تین شہید فوجیوں کے والد محمد علی خان کے گھر جا کر ان سے ملاقات کی۔

    آئی ایس پی آر کے مطابق محمد علی خان کے3بیٹے مختلف آپریشنز میں شہید ہوئے، جبکہ ان کے دیگر3بیٹے ایف سی اور پاک فوج میں اپنی خدمات انجام دے رہے ہیں، اس کے علاوہ محمد علی خان کے دو بھتیجے بھی خدمات کی انجام دہی کے دوران شہید ہوئے۔

    آرمی چیف کا کہنا تھا کہ محمدعلی خان کے 3 بیٹوں نےملک کی خاطرجان قربان کی، ایسے والدین کی موجودگی میں پاکستان پر کوئی آنچ نہیں آسکتی، ایسے بہادر بیٹوں کی موجودگی میں ہرخطرے سے نمٹ سکتے ہیں، دشمن قوتیں جان لیں بہادر بیٹوں کی موجودگی میں اس وطن پر کوئی آنچ نہیں آسکتی۔

    جنرل قمر جاوید باجوہ نے مزید کہا کہ پرامن پاکستان کیلئے حب الوطنی اور قربانی کا یہ عظیم جذبہ ہے اور اس جذبے کا کوئی نعم البدل نہیں ہوسکتا۔

    محمد علی خان نے کہا کہ میرے گھرآنے پرآرمی چیف کا شکر گزارہوں، ہماراخون پاکستان کیلئے ہے، میرےتمام بیٹے وطن پرقربان، بیٹوں کی شہادت پرغم زدہ نہیں ،میں بھی شہادت کیلئے تیارہوں۔

    محمدعلی خان کا مزید کہنا تھا کہ میرے پاس الفاظ نہیں ہیں کہ آرمی چیف کا شکریہ ادا کرسکوں، اللہ پاک آرمی چیف جنرل قمرجاوید باجوہ کو مزید ترقیاں عطا فرمائے، آمین۔

    دعا کرتاہوں کہ میرے جو بچے زندہ ہیں ان کو بھی شہادت نصیب ہو۔آرمی چیف کی جانب سے خصوصی فلاحی پیکج پر ان کا شکریہ ادا کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

     

  • شمالی وزیرستان میں بارودی سرنگ کا دھماکہ‘ 3 اہلکار شہید

    شمالی وزیرستان میں بارودی سرنگ کا دھماکہ‘ 3 اہلکار شہید

    شمالی وزیرستان : پاک افغان سرحد کے قریب شمالی وزیرستان کے علاقے غلام خان میں بارودی سرنگ کے دھماکے کے نتیجے میں 3 سیکورٹی اہلکار شہید ہوگئے۔

    تفصیلات کے مطابق پاک افغان بارڈر کے قریب شمالی وزیرستان کی تحصیل غلام خان میں بارودی سرنگ کے دھماکے میں سیکورٹی فورسز کے 3 اہلکار شہید ہوگئے۔

    ذرائع کے مطابق دھماکے کے بعد سیکورٹی فورسز کی بھاری نفری نے موقع پرپہنچ گئی جس کے بعد علاقے کو گھیرے میں لے کر سرچ آپریشن شروع کردیا گیا۔

    پاک فوج کے تعلقاتِ عامہ (آئی ایس پی آر) سے جاری اعلامیے کے مطابق پاک افغان سرحد پر شمالی وزیرستان کے علاقے غلام خان میں ایف سی بم ڈسپوزل اسکواڈ کا عملہ سرچنگ کررہا تھا کہ اسی دوران بارودی مواد کا دھماکا ہوا۔

    آئی ایس پی آر کے مطابق دھماکے کے نتیجے میں تین ایف سی اہلکار (نائیک عنایت اللہ خٹک، سپاہی محسن علی اور سپاہی صفت اللہ) شہید ہوئے۔

    پاک افغان بارڈر: سرحد پار سے حملہ، تین اہل کار شہید، پانچ دہشت گرد ہلاک

    خیال رہے کہ دو روز قبل پاک افغان بارڈر پرسرحد پار سے دہشت گردوں کے حملے میں‌ لانس نائیک سمیت تین اہل کار شہید ہوگئے تھے جبکہ جوابی کارروائی میں پانچ دہشت گرد ہلاک اور متعدد زخمی ہوئے تھے۔

    یاد رہے کہ گزشتہ ماہ 13 نومبر کو پاک افغان بارڈر پر پاکستانی چیک پوسٹوں پر دہشت گردوں کے حملے میں کیپٹن جنید حفیظ اورسپاہی رحم شہید اور 4 زخمی جبکہ 10 دہشت گرد ہلاک ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سیکنڈ لیفٹیننٹ عبدالمعید شہید کی نماز جنازہ ادا

    سیکنڈ لیفٹیننٹ عبدالمعید شہید کی نماز جنازہ ادا

    وہاڑی : سیکنڈ لیفٹیننٹ عبد المعید شہید کی نمازجنازہ ادا کردی گئی، نمازجنازہ میں اعلیٰ سول اور عسکری حکام  اور شہریوں کی بڑی تعداد نے شرکت کی، شہید کی تدفین لاہور میں کی جائے گی.

    تفصیلات کے مطابق شمالی وزیرستان میں بزدل دہشت گردوں کی فائرنگ سے شہید ہونے والے سیکنڈ لیفٹیننٹ عبد المعید کی نمازہ جنازہ وہاڑی میں ادا کردی گئی جس میں اعلیٰ فوجی اور سول حکام سمیت شہریوں کی بڑی تعداد نے شرکت کی اور شہید کے درجات کی بلندی کے لیے فاتحہ خوانی کی.

    بعد ازاں شہید عبد المعید کا جسد خاکی تدفین کے لیے لاہور روانہ کردیا گیا ہے جہاں مکمل فوجی اعزاز کے ساتھ شہید کی تدفین کی جائے گی جس میں شہید کے اہل خانہ اور دوستوں کے سمیت اعلیٰ فوجی اور سیاسی قیادت شرکت کریں گے جب کہ شہید کے ایصال ثواب کے لیے قرآن خوانی کا بھی اہتمام کیا جائے گا.

     یہ پڑھیں :  شمالی وزیرستان،  21سالہ سیکنڈ لیفٹیننٹ عبدالمعیداور سپاہی بشارت شہید 

    اس موقع پر گیریژن کمانڈر بریگیڈیئر جواد احمد ذکا نے کہا کہ قیام پاکستان سے لیکر آج تک قربانیاں دیتے آئے ہیں اور ہمیشہ کی طرح آج بھی دشمن کو جڑ سے اکھاڑ پھینکیں گے،دنیا میں ایسی کوئی طاقت نہیں جو پاکستان کو مٹا سکے.

    بریگیڈیئر جواد احمد ذکا نے شہید کو خراج تحسین پیش کرتے ہوئے کہا کہ دھرتی کے سپوت اپنا لہو دے کر ملک کی حفاظت کر رہے ہیں اور دہشت گردی کے خلاف جنگ میں پاک فوج کے ساتھ عوام بھی کھڑی ہے.

    خیال رہے آج شمالی وزیرستان میں دہشت گردوں کی فائرنگ سے اکیس سالہ سیکنڈ لیفٹیننٹ عبدالمعید اور سپاہی بشارت نے جام شہادت نوش کیا تھا.

  • سیکنڈ لیفٹیننٹ اورسپاہی کی شہادت قوم کابڑانقصان ہے،پرویزمشرف

    سیکنڈ لیفٹیننٹ اورسپاہی کی شہادت قوم کابڑانقصان ہے،پرویزمشرف

    دبئی : چیئرمین آل پاکستان مسلم لیگ اور سابق صدر پرویز مشرف کا کہنا ہے سیکنڈ لیفٹیننٹ اور سپاہی کی شہادت قوم کا بڑا نقصان ہے۔

    تفصیلات کے مطابق یئرمین آل پاکستان مسلم لیگ اور سابق صدر پرویز مشرف نے شمالی وزیرستان میں سیکیورٹی فورسز کی گاڑی پر حملے کی مذمت کی اور اپنے بیان میں کہا کہ حکومتی اداروں کو بھی اپنا کردار اداکرنا ہوگا۔

    دہشت گردوں کی فائرنگ سے 21سالہ سیکنڈ لیفٹیننٹ عبدالمعید اور سپاہی بشارت کی شہادت پر پرویزمشرف کا کہنا تھا کہ سیکنڈ لیفٹیننٹ اور سپاہی کی شہادت قوم کا بڑا نقصان ہے۔

    مزید پڑھیں : شمالی وزیرستان: دہشتگردوں کی فائرنگ، 21سالہ سیکنڈ لیفٹیننٹ عبدالمعیداور سپاہی بشارت  شہید

    یاد رہے کہ شمالی وزیرستان میں فورسز کی گاڑی پر دہشتگردوں نے فائرنگ کی ، دہشتگردوں کی فائرنگ سے 21سالہ سیکنڈ لیفٹیننٹ عبدالمعید اور سپاہی بشارت شہید ہوگئے تھے۔

    شہید لیفٹیننٹ عبدالمعید پی ایم اے سے حال میں پاس آؤٹ ہوئے تھے ، شہید لیفٹیننٹ عبدالمعید کا تعلق وہاڑی کے علاقے بورے سے تھا جبکہ شہید ہونیوالے اکیس سالہ سپاہی بشارت کا تعلق گلگت سے تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔