راولپنڈی: شمالی وزیرستان میں سیکیورٹی فورسزکی کارروائی میں بارہ دہشتگرد مارےگئےجبکہ چار اہلکاروں نےبھی جام شہادت نوش کیا۔
پاک فوج کاآپریشن ضرب عضب جاری ہے ،شمالی وزیرستان میں دشمن سےلڑتےہوئےمزید چارجوان ارضِ وطن پرقربان ہوگئے۔
آئی ایس پی آر کے مطابق دتہ خیل کےعلاقےغازیزہ میں جھڑپ میں اہم کمانڈر سمیت بارہ دہشتگرد مارے گئے، دہشت گرد اپنے تین ساتھیوں کی لاشیں بھی چھوڑ کر فرار ہوگئے۔
ترجمان پاک فوج کے مطابق دہشت گردوں سے مڈ بھیڑمیں چار اہلکار بھی شہید ہوگئے۔
شمالی وزیرستان: پاک فوج کوآپریشن ضرب عضب میں ایک اور کامیابی ملی، پاک فضائیہ کے شاہینوں نے شمالی وزیرستان میں دہشتگردوں پر کاری وار لگایا۔
ترجمان پاک فوج آئی ایس پی آر کے مطابق پاک افغان بارڈرکےقریب دتہ خیل کے علاقے میں فضائیہ کے جیٹ طیاروں نے دشمن کےٹھکانوں کو نشانہ بنایا ۔
پاک فوج نے دشمنوں کے گرد گھیرا تنگ کردیا، حملے میں مزید بیس دہشتگرد لقمہ اجل بن گئے، فضائی حملے میں دہشتگردوں کے کئی ٹھکانے اور گولہ اور بارود کےذخائر بھی تباہ ہوئے۔
شمالی وزیرستان : سیکورٹی فورسزاور شدت پسندوں کے درمیان جھڑپ میں پچیس سے زائد شدت پسند مارے گئے۔
وزیرستان ایجنسی کی تحصیل شوال میں پاک فوج کے جوانوں نے شدت پسند عناصر کی تلاش میں کارروائی کی، گھیرا تنگ پاکر وطن دشمنوں نے مزاحمت شروع کردی، شدید جھڑپ میں پچیس سے زائد دہشت گرد انجام کو پہنچے۔ سیکیورٹی فورسز نے شدت پسندوں کی لاشیں قبضے میں لے لیں۔
سیکیورٹی فورسز کی شوال کے علاقوں میں کامیابی سے پیش قدمی جاری ہے۔
گزشتہ روز شمالی وزیرستان کے علاقے دتہ خیل میں افغان سرحد کے قریب پاکستانی علاقے میں موجود شدت پسندوں کو گھیرے میں لیا گیا اور کارروائی کے دوران دس شدت پسند ہلاک ہوگئے تھے۔
واضح رہے کہ 2 روز قبل بھی پاک افغان سرحد کے قریب سیکیورٹی فورسز کی کارروائی میں 12 دہشت گرد ہلاک ہو گئے تھے۔
گزشتہ برس 15 جون سے شروع کئے گئے دہشت گردوں کے خلاف جاری آپریشن ضرب عضب میں اب تک سیکڑوں شدت پسند ہلاک جب کہ درجنوں سیکیورٹی اہلکار بھی شہید ہوچکے ہیں۔
اسلام آباد: رواں سال پاکستان میں پولیو کیسز میں کمی آئی ہے، پاکستان کے شمالی علاقوں میں شدت پسندوں کے خلاف فوجی آپریشن، صورتحال میں بہتری ہوئی ہے۔
عالمی ادارہ صحت کے مطابق رواں سال 24 کیس سامنے آئی ہیں جبکہ ادارے کا کہنا ہے کہ پاکستان میں پچھلے سال کے بہ نسبت 70 فیصد پولیو کیس میں کمی آئی ہے ۔
گزشتہ سال پاکستان میں 306 پولیو کیس سامنے آئے تھے، جو تقریباَ پچھلے 14 سالوں کی نسبت سب سے زیادہ تھی۔ جس کی ایک بڑی وجہ شدت پسندوں کے حملے تھے، شدت پسندوں کے پولیو ٹیم پر حملہ میں 78 رضاکار اپنی جانوں کا نظرانہ دے چکے ہیں۔
عالمی ادارہ صحت کے ترجمان الیاس ڈری نے اس بات کی تصدیق کی ہے کہ پاکستان میں گزشتہ برس کے مقابلے میں اس سال پولیو کیسز میں 70 فیصد کمی آئی ہے ۔
سال 2013 اور 2014 میں پولیو مہم دباوٗ کا شکار تھی، جبکہ سال 2015 میں پولیو وائرس دباوٗ کو شکار ہے ۔
الیاس ڈری کا کہنا تھا کہ پولیو کے بیشتر کیس شمال مغرب میں واقع قبائلی علاقوں میں سامنے آئے ہیں جہاں شدت پسندوں کی جانب سے انسداد پولیو ٹیموں کو نشانہ بنایا جاتا رہا ہے۔
شدت پسندوں کی جانب سے ڈاکٹروں پر جاسوسی کا الزام عائد کیا جاتا ہے اور اسے مسلمانوں کے خلاف مغرب کی سازش قرار دیا جاتا ہے۔
ان کا کہنا تھا کہ کہ پولیو رضا کاروں نے پاکستان کے بڑے شہر کراچی میں بھی پولیو مہم جاری رکھی ہے ۔
دو سال سے زائد عرصے کے بعد ہمیں وزیرستان کی آبادی تک رسائی حاصل ہوئی ہے۔ اب ہم کراچی کے کچھ غیر محفوظ علاقوں تک بھی رسائی حاصل کر رہے ہیں۔
شمالی وزیرستان : ملک میں پولیو کا ایک اور کیس سامنے آ گیا ہے ،جس کے بعد رواں برس رپورٹ ہونے والے پولیو کیسز کی مجموعی تعداد چوبیس ہو گئی ہے۔
پولیو کا کیس سامنے آنے پر متعلقہ ہیلتھ آفس میں کھلبلی مچ گئی۔ وزیر اعظم انسداد پولیو سیل کے ذرائع کے مطابق شمالی وزیرستان کی تحصیل میر علی کے سات ماہ کے بچے میں پولیو وائرس کی تصدیق ہو ئی ہے۔
وائرس کی تصدیق کے لئے بچے سے نمونے تب لئے گئے تھے جب وہ پشاور میں تھا ۔
ذرائع کے مطابق رواں برس خیبر پختونخوا سے اب تک پولیو کے 10، فاٹا سے7،سندھ4،اور بلوچستان سے اب تک پولیو کے تین کیسز سامنے آ چکے ہیں۔
شمالی وزیرستان : امریکی ڈورن حملے میں6افراد ہلاک اور2زخمی ہوگئے، ہلاکتوں میں مزید اضافے کا خدشہ ہے۔
تفصیلات کے مطابق شمالی وزیرستان ایجنسی پاک افغان سرحد کےقریب تحصیل شوال کے علاقے زوئی نرائے میں امریکی ڈرون طیاروں نے ایک مکان اور ایک گاڑی پر چار میزائل داغے ہیں۔
ابتدائی رپورٹ کے مطابق امریکی ڈورن حملے میں چھ افراد جاں بحق اور دو زخمی ہوئے ہیں، ہلاکتوں میں مزید اضافے کا خدشہ ہے۔
علاقے کے مقامی افراد نے اپنی مدد آپ کے تحت ملبے سے لاشیں اور زخمی نکال لئے ہیں۔ حملے کے باوجود امریکی ڈرون طیاروں کی علاقے میں پروازیں بدستور جاری ہیں۔
جس سے علاقے میں شدید خوف و ہراس پایا جاتا ہے۔ رواں ماہ میں علاقے میں ہونے والا یہ دوسرا ڈرون حملہ ہے۔ اس سے قبل تحصیل شوال میں ہی ایک امریکی ڈرون حملے میں پانچ افراد ہلاک اور متعدد زخمی ہوئے تھے۔
واضح رہے کہ حکومت پاکستان نے شمالی وزیرستان میں امریکی ڈرون حملے کی شدید مذمت کرتے ہوئے کہا ہے کہ ڈرون حملے بند کئے جائیں۔
سولہ مئی کو شمالی وزیرستان کے علاقے مانا میں ڈورن حملے سے متعدد ہلاکتیں ہوئیں، پاکستانی دفترِ خارجہ کے ترجمان نے کہا ہے کہ امریکی ڈرون حملے پاکستان کی خود مختاری اور سالمیت کے خلاف ہیں۔
دفترِ خارجہ کے بیان کے مطابق پاک فوج دہشت گردی کے خلاف ضرب عضب میں مصروف ہے، جو فیصلہ کن مر حلے سے آگے بڑھ رہا ہے، ڈرون حملوں سے دہشت گردی کے خلاف جاری آپریشن ضرب عضب متاثر ہورہا ہے۔
پشاور : شمالی وزیرستان کےعلاقے شوال میں ڈرون طیارےنےمکان پردومیزائل داغےجس کےنتیجےمیں پانچ افرادہلاک جبکہ دوزخمی ہوگئے۔
تفصیلات کے مطابق شمالی وزیرستان ایجنسی میں پاک افغان سرحد کے قریب تحصیل شوال میں امریکی ڈرون طیاروں نے ایک مکان پر دو میزائل داغے جس کے نتیجے میں پانچ افراد ہلاک جبکہ دو زخمی ہوگئے۔
ذرائع کے مطابق مزید ہلاکتوں کا خدشہ ہے علاقہ مکینوں نے اپنی مدد آپ کے تحت ملبے سے لاشیں نکالیں اور زخمیوں کو قریبی طبی مرکز میں منتقل کردیا۔
سیکوریٹی ذرائع کا کہنا ہے کہ اس مہینے کا یہ پہلا ڈرون حملہ ہے۔
دتہ خیل : پاک فوج نے آپریشن ضرب عضب کے دوران فضائی کارروائی کرتے ہوئے دتہ خیل میں پندرہ شدت پسندوں کو ہلاک کر دیا۔
تفصیلات کے مطابق شمالی وزیرستان میں پاک فوج نے ایک کارروائی میں پندرہ شدت پسند موت کے گھاٹ اتار دیئے۔
آئی ایس پی آر کے مطابق شمالی وزیرستان کے علاقے دتہ خیل میں پاک فوج نے جیٹ طیاروں سے بمباری کرکے غیر ملکی سمیت پندرہ دہشت گرد موت کے گھاٹ اتاردیئے ۔
بمباری سے شدت پسندوں کے کئی ٹھکانے بھی تباہ ہو گئے۔
شمالی وزیرستان : شمالی وزیرستان کی تحصیل دتہ خیل لوڑہ منڈی میں دو قبائل گروپوں کے درمیان اراضی کے تنازعہ پر خونریز تصادم دوسرے روز بھی جاری 45افرادجاں بحق 25زخمی دونوں اطراف سے چھوٹے بڑے ہتھیاروں کا استعمال علاقے میں کشیدگی بر قرارہے جبکہ پولٹیکل انتظامیہ کی جانب سے خاموشی ہے۔
تفصیلات کے مطابق شمالی وزیرستان کی تحصیل دتہ خیل لوڑہ منڈی کے علاقہ میں اراضی کے تنازعہ پر دو قبائل پیپلی کابل خیل اور مدا خیل کے درمیان جمعہ کے روز سے خونریز تصادم ہُوئی جو دوسرے روز بھی جاری رہی دونوں اطراف سے بھاری ہتھیاروں کا استعمال کیا جا رہا ہے۔
ابھی تک اطلاعات کے مطابق 45افراد جاں بحق جبکہ 25زخمی ہو چکے ہیں ذرائع کے مطابق دونوں قبائل کے درمیان اراضی پر ایک سال سے تنازعہ چلا آرہا ہے جس میں متعدد بار فائر بندی بھی کی جا چکی ہے جوکہ ایک مرتبہ پھر آمنے سامنے مورچہ زن ہو کر ایک دوسرے کے خلاف بھاری ہتھیاروں کا استعمال کیا جا رہا ہے۔
تاہم دو روز تک جاری جنگ میں فائر بندی یا مصالحتی کردار ادا کرنے کیلئے کوئی بھی سرکاری یا علاقائی شخصیت سامنے نہیں آسکا ہے ۔
اطلاعات کے مطابق زخمی ہونے والے افراد کو جنوبی وزیرستان کے راستے پشاور میں علاج کیلئے منتقل کرنے کی کوششیں کی جا رہی تھی جو بار اور ثابت نہ ہُوئے اور اجازت نہ ملنے کی وجہ پر زخمیوں کو علاج کیلئے افغانستان منتقل کیا جا رہا ہے۔
یہ بھی اطلاعات ہیں کہ اگر اس جنگ بندی میں انتظامیہ نے کردار ادا نہ کیا تو مزید ہلاکتیں ہو جائے گی جس سے علاقہ میں بڑے پیمانے پر تباہی و بربادی پھیل جائے گی جہاں ایک طرف شدت پسندوں کے خلاف آپریشن ضرب عضب جاری ہے اور دوسری طرف ان دو قبائل کے درمیان دو روز سے خونریز جنگ کا سلسلہ جاری ہے اور دونوں قبائل ایک دوسرے کیلئے بدستور مورچہ زن ہیں اور کشیدگی میں اضافہ ہو رہا ہے۔
پولٹیکل ذرائع کے مطابق یہ علاقہ پاک افغان سرحد کے قریب واقع ہے اور اس کے قریبی روابط افغانستان کیساتھ جا ملتے ہیں جبکہ علاقائی لوگوں کے مطابق کہ ہمارا علاقہ پاکستان کیساتھ ہے اور شمالی وزیرستان کیساتھ پاک افغان بارڈر پر واقع ہے ۔
میرانشاہ: پاک فوج کا خیبرٹوآپریشن میں کامیابی کا سلسلہ جاری ہے، پاک فوج کی تازہ کارروائیوں میں ستائیس دہشتگرد ہلاک ہوگئے۔
آئی ایس پی آر کے مطابق تازہ کارروائیوں میں دہشتگردوں کے متعدد ٹھکانے تباہ کردیئے، یہ کارروائیاں سندھاپال، توردارا، کنڈوالا اور مہرباں کلے میں کی گئیں، جس میں ستائیس دہشت گرد مارے گئے۔
آئی ایس پی آر کا کہنا ہے کہ دہشت گردوں سے جھڑپوں میں کیپٹن سمیت پانچ جوان بھی شہید ہوئے ہیں۔