ARYNews.tv | Urdu – Har Lamha Bakhabar

Tag: شمالی وزیرستان

  • سال کا پہلا ڈرون حملہ، آٹھ افراد ہلاک

    سال کا پہلا ڈرون حملہ، آٹھ افراد ہلاک

    میران شاہ : شمالی وزیرستان کے علاقے دتہ خیل میں اتوار کی صبح ہونے والے ڈرون حملے میں آٹھ افراد ہلاک ہوگئے ہیں۔

    تفصیلات کے مطابق شمالی وزیرستان کی تحصیل دتہ خیل کے ملحقہ علاقوں امریکی ڈرون طیاروں نے ایک مکان اور ایک گاڑی پردو میزائل داغے جس کے نتیجے میں 6افراد موقع پر ہلاک اور 2 زخمی ہوئے، بعد ازاں زخمی ہونے والے افراد زخموں کی تاب نہ لاتے ہوئے اپنی جان کی بازی ہارگئے۔

    سال 2015 میں امریکہ کی جانب سے پاکستان کے سرحدی علاقوں میں یہ پہلا حملہ ہے۔2004 میں امریکہ نے پاکستان میں پہلا ڈرون حملہ کیا تھا اوراب تک 350 سے زائد حملے کرچکا ہے۔

    واضح رہے کہ ڈرون حملوں کے نتیجے میں 3000 سے زائد افراد مارے جاچکے ہیں 2014 تک ان حملوں میں نشانہ بننے والے دہشتگردوں کی تعداد ڈھائی ہزار کے لگ بھگ ہے۔

  • وزیرستان میں آپریشن کے دوران 2600 دہشتگرد مارے گئے، سیکریٹری دفاع

    وزیرستان میں آپریشن کے دوران 2600 دہشتگرد مارے گئے، سیکریٹری دفاع

    اسلام آباد: سیکریٹری دفاع لیفٹیننٹ جنرل ریٹائرڈ عالم خٹک کا کہنا ہےکہ وزیرستان میں آپریشن کے دوران چھبیس سو دہشتگرد مارے گئے اور پشاور اسکول حملہ آپریشن ضرب عضب کا رد عمل ہے۔

    اسلام آباد میں قومی اسمبلی کی قائمہ کمیٹی برائے دفاع کے اجلاس میں سیکریٹری دفاع نے بتایا کہ آپریشن ضرب عضب میں چھبیس سو دہشت گرد مارے گئے جبکہ پاک فوج کے تین افسر اور ایک سو ننانوے جوان شہید ہوئے، انکا کہنا تھا کہ سانحہ آرمی پبلک اسکول آپریشن ضرب عضب کا ردعمل ہے۔

    انکا کہنا تھا کہ موثر انٹیلی جنس کی وجہ سے دہشتگردوں کا ردعمل دیر سے آیا، ان کا ہنا تھا کہ شمالی وزیرستان کا بڑا علاقہ دہشتگردوں سے پاک کیا جا چکا ہے اب دہشت گردوں کو کہیں پناہ نہیں ملے گی، اجلاس میں شریک اراکین قائمہ کمیٹی کا کہنا تھا کہ تمام سیاسی جماعتیں بشمول حکومت فوج کے ساتھ کھڑی ہیں۔

  • شمالی وزیرستان: 2ڈرون حملہ،7 افراد ہلاک

    شمالی وزیرستان: 2ڈرون حملہ،7 افراد ہلاک

    شمالی وزیرستان: ایجنسی پاک افغان سرحد کے قریب تحصیل کے دو مختلف علاقوں گونڈ اور منگر یتی میں امریکی ڈرون طیاروں نے حملہ کیا، جس کے نتیجے میں سات افراد جاں بحق ہوگئے۔

    حملہ میں دو مکانوں پر دو دو میزائل داغے۔

    ابتدائی رپورٹ کے مطابق منگریتی اور گونڈ میں سات افراد جاں بحق اور دو زخمی ہوگئے ہیں، مزید ہلاکتوں کا خدشہ ظاہر کیا جارہا ہے۔

    مقامی لوگوں نے اپنی مدد آپ کے تحت ملبے سے لاشیں نکالنے کا شروع کر دیا ہے،لاشوں اور زخمیوں کو اسپتال منتقل کردیا گیا ہے۔

    علاقے میں ڈرون طیاروں کی پروازیں بدستور جاری ہیں جس سے مقامی آبادی خوف وہراس کا شکار ہے۔

  • شمالی وزیرستان میں ڈرون حملہ، چار افراد ہلاک

    شمالی وزیرستان میں ڈرون حملہ، چار افراد ہلاک

    شمالی وزیرستان: شمالی وزیرستان ایجنسی کی تحصیل دتہ خیل میں ڈورن طیارے کے حملے میں چار افراد جاں بحق اور متعدد زخمی ہوگئے ہیں۔

    شمالی وزیرستان کی تحصیل دتہ خیل میں ڈرون طیارے نے ایک مکان کو نشانہ بنایا ہے۔ ڈرون طیارے نے دو میزائل گھر پر داغے، جس کے نتیجے میں چار افراد ہلاک اور متعدد زخمی ہوگئے۔

    ذرائع کے مطابق اس حملے میں ہلاکتوں میں اضافے کا خدشہ ہے۔ شمالی وزیرستان کی تحصیل دتہ خیل کے مختلف علاقوں میں ڈرون طیاروں کی پروازیں اب بھی جاری ہیں۔ جس سے علاقے میں خوف و ہراس پایا جا رہا ہے۔

    گزشتہ روز بھی ایک ڈرون حملے میں پانچ شدت پسند مارے گئے تھے، حملہ افغان سرحدی علاقے کے قریب موجود ایک گاوں میں ہوا تھا۔

  • خیبرایجنسی میں 50دہشتگردہلاک، اسلحہ گولابارود برآمد

    خیبرایجنسی میں 50دہشتگردہلاک، اسلحہ گولابارود برآمد

    خیبر ایجنسی: پاک فوج کی زمینی کارروائیوں میں پچاس دہشتگرد مارے گئے،دہشتگردوں کے قبضے سے بھاری تعداد میں اسلحہ اور گولا بارود برآمد ہوا۔

    سانحہ پشاور کے بعد پاک فوج نے دہشتگردوں کیخلاف کارروائیاں تیز کر دیں، آئی ایس پی آر کے مطابق فورسزنے خیبر ایجنسی کے علاقےتنگئی سراورکونگانہ قمرمیں کارروائی کے دوران اٹھارہ شدت پسندوں کو ٹھکانے لگایا، ایک اور کارروائی وادی تیراہ میں کی گئی جہاں فورسز کی دہشتگردوں میں اس وقت جھڑپ ہوئی جب وہ پاک افغان سرحد کی طرف فرار ہورہے تھے۔

    آئی ایس پی آر کے مطابق دہشت گردوں کو ورمنگئی اورسپرکوٹ کےمقام پر روکنے کی کوشش کی گئی جس پر دہشتگردوں سےفائرنگ کا تبادلہ ہوگیا ،فائرنگ کے تبادلے میں تین سیکیورٹی اہلکارزخمی ہوئے، پاک فوج کی تابڑ توڑ کارروائی میں بتیس دہشتگردمارے گئے۔

  • خیبرایجنسی: سیکورٹی فورسز کی فضائی کارروائی 22 دہشتگرد ہلاک

    خیبرایجنسی: سیکورٹی فورسز کی فضائی کارروائی 22 دہشتگرد ہلاک

    خیبرایجنسی: تحصیل باڑہ میں سیکورٹی فورسز کی جانب سے دہشتگردوں کے خلاف آپریشن خیبر ون جاری،فضائی کارروائی کے دوران شدت پسندوں کے ٹھکانوں پر بمباری سے بائیس دہشتگرد ہلاک ہوگئے۔

    ذرائع کے مطابق خیبر ایجنسی کی تحصیل باڑہ میں آج سیکورٹی فورسز کی جانب سے دہشتگردوں کے متعدد ٹھکانوں کو نشانہ بنایا گیا جس کے نتیجے میں بائیس دہشتگرد مارے گئے ،پشاور سانحہ کے بعد سیکورٹی فورسز کی جانب سے جاری آپریشن خیبرون میں مزید تیزی لائی گئی ہے جس کے بعد آج یہ کارروائی عمل میں آئی ہے۔

  • شمالی وزیرستان: طالبان کمانڈر گل بہادر اور مفتی صادق کی ہلاکت کی اطلاع

    شمالی وزیرستان: طالبان کمانڈر گل بہادر اور مفتی صادق کی ہلاکت کی اطلاع

    شمالی وزیرستان: تحصیل دتہ خیل میں پاک فوج کی فضائی کارروائی میں طالبان کمانڈروں کی ہلاکت کی اطلاعات ملی ہیں تاہم انکی سرکاری ذرائع نے تصدیق نہیں کی۔

    شمالی وزیرستان کی تحصیل دتہ خیل کے علاقے مڑے پنگےاور مستک میں پاک فوج کی دہشت گردوں کے خلاف فضائی کارروائی میں طالبان کمانڈر حافظ گل بہادر ، نائب کمانڈر مفتی صادق نور سمیت متعدد کمانڈرز کی ہلاکت کی اطلاعات ہیں ، تاہم سرکاری ذرائع نے دونوں کمانڈروں کی ہلاکت کی تصدیق نہیں کی۔

    مقامی ذرائع کےمطابق طالبان کمانڈر حافظ گل بہادر اور مفتی صادق نور علاقے میں فاتحہ خوانی کے لئے آئے تھے، حافظ گل بہادر گروپ کو شمالی وزیرستان میں کالعدم تحریکِ طالبان پاکستان کا سب سے مضبوط گروہ مانا جاتا ہے، جس کے خلاف سیکیورٹی فورسز کی کارروائی میں تیزی آگئی ہے ۔

  • شمالی وزیرستان: امریکی ڈرون حملہ، القاعدہ رہنما سمیت چھ ہلاک

    شمالی وزیرستان: امریکی ڈرون حملہ، القاعدہ رہنما سمیت چھ ہلاک

    شمالی وزیرستان : تحصیل دتہ خیل میں ڈرون حملے میں چھ افراد مارے گئے جبکہ دوزخمی ہوگئے۔ حملے میں القاعدہ کے رہنما استاد عمرفاروق کے ہلاک ہونے کی بھی اطلاعات ہیں۔

    تفصیلات کے مطابق شمالی وزیرستان کی تحصیل دتہ خیل کے علاقے خڑتنگی میں امریکی ڈرون طیاروں نے ایک گھرپردومیزائل داغے۔ جس سے چھ افراد ہلاک جبکہ دوزخمی ہوگئے۔

    سرکاری ذرائع کے مطابق اس کارروائی میں مزید ہلاکتوں کا خدشہ ہے۔ ذرائع کے مطابق ڈرون حملے میں القاعدہ کارہنما استاد عمرفاروق بھی ماراگیا ہے۔ استادعمرفاروق ماضی میں پاکستان میں القاعدہ کا ترجمان رہ چکا ہے۔

  • شمالی وزیرستان: جیٹ طیاروں کی بمباری میں 18شدت پسند ہلاک

    شمالی وزیرستان: جیٹ طیاروں کی بمباری میں 18شدت پسند ہلاک

    شمالی وزیرستان: شمالی وزیرستان کی تحصیل دتہ خیل اور ملحقہ علاقوں میں پاکستانی جیٹ طیاروں کی بمباری میں اٹھارہ دہشت گرد مارے گئے۔ ان میں غیر ملکی بھی شامل ہیں۔

    پاکستان فورسز کی جانب سے شمالی وزیرستان میں جاری آپریشن ضرب عضب کے دوران سیکیورٹی فورسز نے دہشت گردوں کے ٹھکانوں کو آج جیٹ طیاروں سے نشانہ بنایا ہے۔

    کارروائی میں متعدد دہشت گرد ہلاک اور زخمی ہوگئے جبکہ انکے کئی ٹھکانے بھی تباہ کردیئے گئے ہیں۔ سرکاری ذرائع کےمطابق ہلاک دہشت گردوں میں غیر ملکی بھی شامل ہیں۔

    تحصیل دتہ خیل کے بازار میں غیر معینہ مدت کے کرفیو کا آج دوسرا روز ہے۔ آپریشن ضرب عضب کے دوران گزشتہ دو روز کے دوران ہلاک دہشت گردوں کی تعداد تینتیس سے زائد ہوگئی ہے۔

  • شمالی وزیرستان: جیٹ طیاروں کی بمباری،11سے زائد دہشت گردہلاک

    شمالی وزیرستان: جیٹ طیاروں کی بمباری،11سے زائد دہشت گردہلاک

    شمالی وزیرستان: شمالی وزیرستان کی تحصیل دتہ خیل میں جیٹ طیاروں کی بمباری میں گیارہ سے زائد دہشت گرد ہلاک اور متعدد زخمی ہوگئے، دوسری جانب خیبرایجنسی کےعلاقے تیرہ سےآٹھ افراد کی لاشیں بھی ملی ہیں۔

    شمالی وزیرستان میں جاری آپریشن ضربِ عضب کے دوران سیکیورٹی فورسز نے دہشت گردوں کے ٹھکانوں پر جیٹ طیاروں سے بمباری کی، جس کے نتیجے میں متعدد دہشت گرد ہلاک اور زخمی ہو گئے جبکہ ان کےمتعدد ٹھکانے بھی تباہ کردیئے گئے۔

    سرکاری ذرائع کے مطابق تحصیل دتہ خیل کے بازار میں غیر معینہ مدت تک کر فیو لگا دیا گیا ہے۔

    شمالی وزیرستان میں جاری آپریشن ضربِ عضب کے دوران ایک ہزار سے زائد دہشت گردوں کو ہلاک کیا جا چکا ہے اور انکے متعدد ٹھکانے بھی تباہ کر دیئے گئے ہیں، اس کے علاوہ دیسی بم بنانیوالی ستائیس فیکٹریوں، ایک راکٹ ساز اور ایک اسلحہ تیار کرنیوالے کارخانے کو بھی تباہ کر دیا گیا۔

    دوسری جانب خیبرایجنسی کے علاقے تیراہ سے آٹھ افراد کی لاشیں ملی ہیں۔