Tag: شمالی وزیرستان

وزیراعظم نوازشریف کا کہنا ہے کہ حکومت نے ملک سے پولیو کے خاتمے کا مکمل عزم کر رکھا ہے۔

ایوان وزیراعظم سے جاری کیے گئے اعلامیے کے مطابق وزیراعظم نے ایک بیان میں کہا ہے کہ  شمالی وزیرستان اور خیبرایجنسی میں درپیش خطرات کے باوجود حکومت ملک کو پچانوے فی صد پولیو سے پاک کرنے میں کامیاب ہوئی۔

رواں سال پولیو کے مکمل خاتمے کیلئے جامع منصوبہ بندی کرلی گئی ہے اور اس حوالے سے نیشنل ایمرجنسی ایکشن پلان تشکیل دیدیا گیا ہے، جس کے تحت رواں سال ملک کو پولیو سے پاک کردیا جائے گا، وزیراعظم نے کہا کہ وہ خود پولیو کے خاتمے کیلئے قائم کئے گئے سیل کی نگرانی کررہے ہیں۔
   

ترجمان دفتر خارجہ نےشمالی وزیرستان میں ڈرون حملے کی مذمت کرتے ہوئے،ایک بار پھرڈرون حملےبند کرنے کا مطالبہ کردیا ۔

ترجمان دفتر خارجہ تسنیم اسلم نے کہا ہے ڈرون حملےبین الاقوامی قوانین کی خلاف ورزی ہیں، پاکستان کا ڈرون حملوں پر مؤقف عالمی سطح پر مضبوط ہوا ہے، انھوں نےکہاکہ شمالی وزیرستان میں ڈرون حملےکی مذمت کرتےہیں یہ حملے بند کئے جائیں۔

ترجمان دفتر خادجہ کا کہنا تھا کہ بھارتی وزیرخارجہ کےمذاکرات جاری رکھنے کےبیان کاخیر مقدم کرتے ہیں جبکہ پاک بھارت قیدیوں کی رہائی پر کمیشن کام کررہاہے، وزیرمملکت برائے تجارت خرم دستگیرجنوری کے دوسرے ہفتےمیں بھارت کا دورہ کرینگے جہاں وہ سارک کانفرنس میں شرکت اور بھارتی وزیر تجارت سے ملاقات کرینگے۔
   

وزیر دفاع خواجہ آصف کا کہنا ہے کہ سکیورٹی فورسز پر حملے برداشت نہیں، شمالی وزیرستان میں غیر ملکی دہشت گردوں کیخلاف کوئی رعائیت نہیں برتی جائے گی۔

وزیر دفاع خواجہ آصف نے کہا ہے کہ سکیورٹی فورسز پر حملے برداشت نہیں کئے جائیں، وزیرستان میں سکیورٹی فورسز کے قافلوں کو نشانہ بنایا گیا جس کے نتیجے میں سکیورٹی فورسز کے کئی اہلکار شہید ہوئے، حملوں میں غیر ملکی دہشت گردوں کے ملوث ہونے کے شواہد ملے ہیں ۔

وزیر دفاع نے کہا کہ سکیورٹی فورسز کو دہشت گردوں کے خلاف جوابی کاروائی کا مکمل حق حاصل ہے اور اس حق سے دستبردار نہیں ہوں گے، ۔ انھوں نے کہا شمالی وزیرستان میں غیر ملکی شدت پسندوں کیخلاف کاروائی سکیورٹی فورسز پر حملوں کا نتیجہ ہے۔
       

مولانا فضل الرحمٰن نے وزیراعظم نوازشریف سے شمالی وزیرستان میں آپریشن بند کرنے کا مطالبہ کر دیا، جے یو آئی کے سربراہ آج بھارتی وزیراعظم سے ملاقات بھی کریں گے، مولانا فضل الرحمان ان دنوں بھارت کے دورے پر ہیں۔

مولانا فضل الرحمٰن نے نئی دہلی سے وزیراعظم نوازشریف کو ٹیلی فون کیا اور شمالی وزیرستان میں آپریشن بند کرنے کا مطالبہ کردیا، مولانا فضل الرحمان کا کہنا ہے کہ شمالی وزیرستان میں آپریشن بند کرکے وہاں پر زخمیوں کو اسپتالوں میں منتقل کیا جائے۔

انکا کہنا تھا کہ حکومت قیام امن کے لئے بات چیت کرے، جے یو آئی کے سربراہ کا مطالبہ ایسے وقت سامنے آیا ہے، جب شمالی وزیرستان میں فورسز پر حملے کے بعد آپریشن شروع کر دیا گیا ہے، عسکری حکام کے مطابق خود کش دھماکے میں زخمی جوانوں کو واپس لے جانے والے سیکورٹی فورسز کے قافلے پر حملہ کیا گیا تھا۔

فورسزکی موثر کاروائی میں تینتیس شدت پسند مارے گئے، مارے جانے والوں کی اکثریت ازبک نژاد ہے، سیکورٹی فورسز اردگرد کےعلاقوں میں سرچ آپریشن کررہی ہیں۔

شمالی وزیرستان میں سیکیورٹی فورسز سے جھڑپوں کے دوران تئیس شدت پسند مارے گئے جبکہ تین جوان زخمی ہوئے۔

عسکری حکام کے مطابق بدھ کی شب دہشت گردوں کے ایک گروپ نے کھجوری چیک پوسٹ سے واپس آنے والے سیکیورٹی فورسز کے قافلے کو نشانہ بنانے کی کوشش کی، جس پردونوں جانب سے فائرنگ کا تبادلہ ہوا، فورسزکی موثر کاروائی میں تئیس شدت پسند مارے گئے جبکہ تین سکیورٹی اہلکار زخمی ہوگئے۔

سکیورٹی فورسز کا قافلہ ان زخمی جوانوں کو واپس لے کر آرہا تھا، جو بدھ کے روز ایک مسجد میں دوران نماز شدت پسندوں کے حملے میں زخمی ہوئے تھے، اس حملے میں اہلکار شہید بھی ہوئے تھے، اطلاعات کے مطابق اردگردکےعلاقوں میں سرچ آپریشن بھی کیا گیا ہے۔