Tag: شمالی وزیرستان

شمالی وزیرستان : تھانہ میرعلی بازارکی حدود سے 4 افرادکی لاشیں برآمد ہوئی تاہم لاشوں کی شناخت نہیں ہوسکی۔

تفصیلات کے مطابق شمالی وزیرستان میں تھانہ میرعلی بازارکی حدود سے 4 افراد کی لاشیں ملی ہیں، پولیس نے بتایا کہ چاروں لاشوں کی شناخت نہیں ہوسکی۔

پولیس کا کہنا ہے کہ لاشوں کےقریب ہی سبزی لے جانے والی 2 گاڑیاں موجود تھیں تاہم لاشوں کو ٹی ایچ کیو اسپتال میرعلی منتقل کردیاگیا ہے اور تحقیقات شروع کردی ہیں۔

دوسری جانب شمالی وزیرستان میرعلی بازار میں آج نامعلوم افراد نے فائرنگ کرکے ایک شخص کو قتل کردیا ، مقتول عارف خان کاتعلق ضلع کرک سے تھا۔

رواں ماہ کے آغاز میں شمالی وزیرستان کی تحصیل میر علی کے گاؤں موسکی سے 6 افراد کی لاشیں ملیں تھیں۔

پولیس کا کہنا تھا کہ قتل کیے گئے افراد پیشے کے لحاظ سے حجام تھے، مقتولین کی میر علی بازار میں ہیئر کٹنگ کی دکانیں تھیں اور ان کا تعلق پنجاب کے ضلع ڈیرہ غازی خان سے تھا۔

اسلام آباد : پاکستان میں گیس کے نئے ذخائر دریافت کرلئے گئے، شمالی وزیرستان میں شیوا 2 کنویں سے 0.607 ملین کیوبک فٹ یومیہ گیس حاصل ہوگی۔

تفصیلات کے مطابق ماڑی پٹرولیم نے شمالی وزیرستان سے گیس دریافت کرلی ، کمپنی کی جانب سے اعلامیے میں کہا گیا کہ شیوا 2 کنویں سے 0.607 ملین کیوبک فٹ یومیہ گیس حاصل ہوگی۔

اعلامیے میں کہنا تھا کہ گیس وزیرستان میں شیوا 2 کنویں کی کھدائی کے دوران دریافت ہوئی ، شیوا 2 کنویں کی کھدائی 2 جون 2023 کو شروع کی گئی تھی، کنویں کی 4577 میٹر تک کھدائی کی گئی۔

ماڑی پٹرولیم نے کہا کہ نئی دریافت سے ملکی گیس ذخائر میں بہتری آئے گی، اس علاقےمیں ماری پٹرولیم کے 55 فیصد شیئرز ہیں جبکہ او جی ڈی سی ایل کے35 فیصد اور او پی آئی کے10 فیصد شیئر زہیں۔

بنوں : شمالی وزیرستان میں 6 حجاموں کے قتل کا مقدمہ درج کرلیا گیا، حجاموں کو نامعلوم افراد نے گزشتہ روز فائرنگ کرکے قتل کیا تھا۔

تفصیلات کے مطابق شمالی وزیرستان میں 6 حجاموں کے قتل کا مقدمہ درج کرلیا گیا، میرعلی میں 6 حجاموں کے قتل کا مقدمہ تھانہ سی ٹی ڈی بنوں میں درج کیا گیا۔

مقدمہ ایس ایچ او میرعلی سلیمان خان کی مدعیت میں درج کیا ، جس میں کہا کہ 6 حجاموں کو نامعلوم افراد نے گزشتہ روز فائرنگ کرکے قتل کیا تھا، مقتولین میں محمد شاہد، راعب، کاشف، عرفان، ساجد اور محمد طارق شامل ہیں۔

مقدمے کے متن میں کہنا تھا کہ مقتولین کا تعلق ڈیرہ غازی خان سے تھا، میر علی میں حجام کی دکانیں چلاتے تھے ، گزشتہ روزنامعلوم افراد نے طارق مارکیٹ میر علی بازار سے اٹھا کر قتل کیا، علاقے میں دہشت گرد حیدری آریانہ اور خدری گروپ سرگرم ہیں۔

گذشتہ روز شمالی وزیرستان کی تحصیل میر علی کے گاؤں موسکی سے چھ افراد کی لاشیں ملیں تھیں ، پولیس کا کہنا تھا کہ مقتولین کو فائرنگ کر کے قتل کیا گیا ہے۔

 اتمانزئی جرگے کا پولیو مہلک بیماری کے تدارک کیلئے پاک فوج اور حکومت کیساتھ ملکر مہم چلانےکا اعلان کیا ہے۔

تفصیلات کے مطابق شمالی وزیرستان سے پولیو کے خاتمے کے لیے اتمانزئی جرگے نے  پاک فوج اور حکومت کیساتھ ملکر مہم چلانےکا اعلان کیا ہے۔

یاد رہے کہ مانزئی جرگہ، شمالی وزیرستان کے معتبر اور سینئر مشران پر مشتمل ایک علاقائی کمیٹی ہے، اس جرگہ نے پولیو کے تدارک کیلئےحکومت کے ساتھ ملکر مہم کے آغاز سے متعلق اہم اعلان کر دیا ہے۔

 جرگے کے اعلان سے شمالی وزیرستان میں آنے والی نسلوں کو پولیو جیسے مہلک مرض سے بچایا جا سکےگا، پولیو سے پاک وزیرستان ہی خوشحال پاکستان کی ضمانت ہے۔

راولپنڈی : پاک فوج کی مسلسل کاوشوں سےشمالی وزیرستان کےطلباملک کے بہترین اسکولوں میں زیرتعلیم ہیں، اس بورڈنگ اسکول میں تمام جدید سہولیات موجود ہیں۔

تفصیلات کے مطابق شمالی وزیرستان کے مستقبل کو سنوارنے کیلئے پاک فوج کی بے لوث خدمات کا سلسلہ جاری ہے، پاک فوج کی مسلسل کاوشوں سےشمالی وزیرستان کےطلباملک کے بہترین اسکولوں میں زیرتعلیم ہیں۔

شمالی وزیرستان کے 90 طلبا علی گڑھ پبلک اسکول میں زیرتعلیم ہیں اور 67 طلبا و طالبات پاک ترک اسکول میں بھی تعلیم حاصل کررہےہیں، اس بورڈنگ اسکول میں تمام جدید سہولیات موجود ہیں۔

اس اسکول میں طلبا کو دینی اور دنیاوی تعلیم کی ساتھ ساتھ نصابی اورغیرنصابی سرگرمیوں میں بھی مصروف رکھاجاتا ہے اور امام مسجدکی موجودگی میں5وقت کی نمازاورقرآن کی تعلیم کااہتمام کیاجاتا ہے۔

طلبا کو مفت اورمعیاری کھانے بھی فراہم کیےجاتے ہیں ، اس کے علاوہ قابل اساتذہ سے معیاری تعلیم حاصل کرنے کیساتھ ساتھ طلبا کیلئے لائبریری اورکمپیوٹراورسائنس لیب کابھی انتظام کیاگیا ہے اور اسکول میں بہترین کھیلوں کےمیدان کے ساتھ مفت اورمعیاری کھیلوں کےسامان کی فراہمی کوبھی یقینی بنایا گیا ہے۔

طالبعلم کا کہنا ہے کہ میں پاک آرمی کابہت شکرگزارہوں جنہوں نےہمیں تعلیم حاصل کرنےکاموقع فراہم کیاہے، بین الاقوامی سےلےکرقومی مواقعوں کی جب بات آتی ہےتویہ ادارہ میرے لیے بہت مددگارثابت ہوا ہے۔

ایک اور طالبہ نے کہا کہ میں پاک فوج کی بہت مشکورہوں کہ انہوں نےمجھےتعلیم حاصل کرکےاپنامستقبل روشن کرنےکایہ موقع فراہم کیا ، ایک لڑکی ہونے کی حیثیت سےتعلیم حاصل کرنےکایہ موقع میرے لیےبہت اہم ہے۔/