Tag: شمالی وزیرستان

اسپن وام : شمالی وزیرستان میں سیکیورٹی فورسز اور دہشت گردوں میں جھڑپ کے دوران دو جوان شہید ہوگئے جبکہ 2 دہشت گرد مارے گئے۔

تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے کہ سیکیورٹی فورسز اور دہشت گردوں کے درمیان شمالی وزیرستان کے علاقے اسپن وام میں جھڑپ ہوئی۔

آئی ایس پی آر کا کہنا تھا کہ فائرنگ کے شدید تبادلے میں 2 دہشت گرد مارے گئے جبکہ 2 کو گرفتار کرلیا اور دہشت گردوں سے اسلحہ اور گولیاں بھی برآمد کرلی گئیں۔

ترجمان نے بتایا کہ شدید فائرنگ کے تبادلے میں باجوڑ کے 25 سالہ سپاہی عمران اللہ اور اپر دیر کے 21 سالہ سپاہی افضل خان بہادری سے لڑتے ہوئے شہید ہوگئے۔

آئی ایس پی آر نے کہا کہ دہشت گرد سیکیورٹی فورسزاور معصوم شہریوں پر حملے میں ملوث تھے، پاک فوج دہشت گردی کی لعنت کے خاتمے کیلئے پر عزم ہے، ہمارے بہادر جوانوں کی قربانیاں ہمارے عزم کو تقویت دیتی ہیں۔

شمالی وزیرستان: سیکیورٹی فورسز نے شمالی وزیرستان میں کارروائی کرتے ہوئے 6 دہشت گردوں کو گرفتار کرلیا۔

تفصیلات کے مطابق سیکیورٹی فورسز نے شمالی وزیرستان میں مصدقہ اطلاعات کی روشنی میں کارروائی کی۔

کارروائی کے دوران 6 دہشت گرد گرفتار کر لئے گئے ، گرفتارہونے والوں میں ایک خود کش حملہ آور، اس کا ساتھی اور4 سہولت کار شامل ہیں۔

دوران تفتیش گرفتار سہولت کاروں نے اعتراف جرم بھی کرلیا ہے، گرفتار کئے گئے بیشتر دہشت گرد کرک ، ہنگو، کرم اور ٹل کے مدارس میں پڑھتے تھے۔

گرفتار دہشت گردوں سے ملنے والی معلومات کے بعد مزید گرفتاریاں متوقع ہیں۔

رواں سال اب تک شمالی وزیرستان میں 3 خوکش حملہ آور اور 28 سہولت کار گرفتارہوچکے ہیں۔

سیکورٹی فورسز اور حکام نے اپیل کی ہے کہ والدین بچوں کو مدارس میں داخل کرتے وقت چھان بین کرلیا کریں۔

خیال رہے سیکیورٹی فورسز نے گزشتہ تین ماہ کے دوران نہ صرف دہشت گردوں بلکہ اُن کے سہولت کاروں کو گرفتار کیا بلکہ متعدد حملے بھی ناکام بنائے، مجموعی طور پر ملک کے مختلف علاقوں میں 6921 آپریشنز کے دوران 142 دہشتگردوں کو ہلاک جب کہ1007کو گرفتار کیا۔

میرانشاہ : شمالی وزیرستان میں سی ٹی ڈی کی ٹیم پر حملہ ناکام بنا دیا گیا ، دہشت گردوں کی فائرنگ سے زیر حراست تینوں ملزمان اور کالعدم تنظیم کے 4 دہشت گرد ہلاک ہوگئے۔

تفصیلات کے مطابق شمالی وزیرستان میں رات گئے سی ٹی ڈی ٹیم پر دہشت گردوں کا حملہ ناکام بنادیا گیا۔

سیکیورٹی ذرائع نے بتایا کہ حملہ گزشتہ رات دہشتگرد اور ملزمان کی منتقلی کے دوران میر علی بائی پاس پر ہوا، میرانشاہ سے دہشتگرد اور ملزمان بنوں منتقل کئےجا رہے تھے۔

ذرائع کا کہنا تھا کہ دہشت گردوں کی فائرنگ سے زیر حراست تینوں ملزمان اور کالعدم تنظیم کے 4دہشت گرد ہلاک ہوگئے جبکہ 5 سے 6 دہشت گرد فرار ہوئے۔

سیکیورٹی ذرائع نے کہا کہ ہلاک دہشتگردوں کی شناخت ارشاداللہ،عبدالرحمان،مہردین کےنام سےہوئی، ملزمان سی ٹی ڈی کومتعددسنگین دہشتگردی کے مقدمات میں مطلوب تھے۔

ذرائع کے مطابق پہلے سے گھات لگائے دہشتگردوں نے آپریشن ٹیم کونشانہ بنایا، دہشت گردوں نے ساتھیوں کو چھڑانے کیلئےحملہ کیا، اس موقع پر سیکیورٹی فورسز کی امدادی پارٹی بھی موقع پر پہنچ گئی۔

ذرائع کا کہنا تھا کہ دہشت گردوں کی فائرنگ سےسرکاری گاڑیوں کو بھی نقصان ہوا، ہلاک دہشتگردسیکیورٹی فورسزاورپولیس پردستی بم حملوں ملوث تھے۔

دہشتگردتھانہ کینٹ پردستی بم حملے،کانسٹیبل افتخارکی ٹارگٹ کلنگ میں ملوث تھے ، چاروں ہلاک دہشتگردوں کا تعلق کالعدم ٹی ٹی پی سےتھا تاہم فراردہشتگردوں کی گرفتاری کیلئے سرچ اینڈ کلیئرنس آپریشن شروع کردیا گیا ہے۔

میران شاہ : شمالی وزیرستان میں خودکش دھماکے کے نتیجے میں فوجی جوان سمیت دو افراد شہید ہو گئے جبکہ 9 شہری زخمی ہوئے۔

تفصیلات کے مطابق پاک فوج کے شعبہ تعلقات عامہ ( آئی ایس پی آر) کی طرف سے جاری کردہ بیان میں کہا گیا ہے کہ شمالی وزیرستان کے علاقے میران شاہ میں خودکش دھماکہ ہوا۔

آئی ایس پی آر نے کہا کہ خودکش دھماکے کے نتیجے میں حوالدارمحمد امیر اور ایک بے گناہ شہری شہید ہوا، 30 سالہ شہید حوالدار کا تعلق میانوالی سے ہے.

ترجمان کا کہنا تھا کہ واقعے میں 9 بے گناہ شہری بھی زخمی ہوگئے، جنہیں علاج کیلئے ہسپتال داخل کرادیا گیا ہے۔

یاد رہے رواں ماہ کے آغاز میں شمالی وزیرستان میں سیکیورٹی فورسز سے مقابلے میں دہشت گرد کمانڈر محمد نور مارا گیا تھا۔

آئی ایس پی آر کا کہنا تھا کہ ہلاک دہشت گرد سے گولیاں اور ہتھیار برآمد کر لیے گئے، محمد نور سکیورٹی فورسز پر حملوں اور اغوا برائے تاوان کی وارداتوں میں مطلوب تھا۔

فوج کے ترجمان ادارے کا کہنا تھا کہ مقامی عمائدین نے دہشت گردی کے خاتمے کے لیے فوج سے مکمل تعاون کا عزم کیا۔