ARYNews.tv | Urdu – Har Lamha Bakhabar

Tag: شمالی وزیرستان

  • شمالی وزیرستان میں 2 آپریشنز، 8 دہشت گرد ہلاک

    شمالی وزیرستان میں 2 آپریشنز، 8 دہشت گرد ہلاک

    راولپنڈی: سیکیورٹی فورسز نے شمالی وزیرستان کے مختلف علاقوں میں خفیہ اطلاعات پر 2 آپریشنز میں 8 دہشت گردوں کو ہلاک کر دیا۔

    آئی ایس پی آر کے مطابق آج سیکیورٹی فورسز نے شمالی وزیرستان کے علاقوں میں خفیہ اطلاعات پر دو آپریشنز کیے، آپریشنز کے دوران 3 دہشت گرد لیڈرز سمیت 8 مارے گئے۔

    آئی ایس پی آر کا کہنا ہے کہ مارے جانے والوں میں عبدالانیر عرف عادل، جنید عرف جامد، خالق عرف ریحان شامل ہیں، مارے گئے دہشت گرد سیکیورٹی فورسز اور مقامی لوگوں پر حملوں میں ملوث تھے۔

    آئی ایس پی آر کے مطابق مارے جانے والے دہشت گرد علاقے سے نئے دہشت گرد بھرتی کرتے تھے، آپریشن کے دوران بڑی تعداد میں اسلحہ اور ہتھیار بھی برآمد کر لیے ہیں۔

  • سیکورٹی فورسز کا شمالی وزیرستان میں بڑا آپریشن، 5 دہشت گرد ہلاک، 10 گرفتار

    سیکورٹی فورسز کا شمالی وزیرستان میں بڑا آپریشن، 5 دہشت گرد ہلاک، 10 گرفتار

    راولپنڈی: سیکورٹی فورسز نے شمالی وزیرستان کے ایک علاقے میں بڑے آپریشن کے دوران 5 دہشت گردوں کو ہلاک کر دیا جب کہ 10 کو گرفتار کر لیا گیا۔

    آئی ایس پی آر کے مطابق شمالی وزیرستان کے علاقے میر علی میں سیکورٹی فورسز نے دہشت گردوں کے خلاف انٹیلی جنس کی بنیاد پر آپریشن کیا، اس کارروائی میں دہشت گرد تنظیم کا وسیم زکریا 5 ساتھیوں سمیت ہلاک ہو گیا۔

    پاک فوج کے شعبہ تعلقات عامہ کا کہنا ہے کہ انٹیلی جنس بیسڈ آپریشن کے دوران 10 دہشت گردوں کو گرفتار کر لیا گیا ہے۔

    آئی ایس پی آر کے مطابق کمانڈر وسیم زکریا کا تعلق میر علی کے علاقے حیدر خیل سے تھا، مطلوب دہشت گرد وسیم 30 مختلف کارروائیوں کا ماسٹر مائنڈ تھا، وہ ٹارگٹ کلنگ کی مختلف وارداتوں میں بھی ملوث تھا۔

    آئی ایس پی آر کا کہنا ہے کہ دہشت گرد وسیم زکریا سی ایس ایس افسرز بید اللہ داوڑ کی شہادت کا ذمہ دار تھا، وہ سیکورٹی فورسز پر حملوں میں براہ راست ملوث تھا، وسیم حسو خیل کے قریب کانوائے پر حملے میں بھی ملوث تھا۔

  • میرانشاہ: بھائی نے فائرنگ کر کے بھائی، بھابھی اور 2 بھتیجوں کو قتل کر دیا

    میرانشاہ: بھائی نے فائرنگ کر کے بھائی، بھابھی اور 2 بھتیجوں کو قتل کر دیا

    میرانشاہ: شمالی وزیرستان کے علاقے میرانشاہ میں بھائی نے فائرنگ کر کے بھائی، بھابھی اور 2 بھتیجوں‌ کو قتل کر دیا۔

    تفصیلات کے مطابق میرانشاہ میں میر علی کے علاقے ایپی میں زمین کے تنازع پردونوں بھائیوں کے درمیان تلخ کلامی ہوئی جس دوران بھائی نے فائرنگ کر دی جس سے ایک بھائی اور اس کی بیوی اور دو بچے جاں بحق ہوگئے۔

    پولیس نے بتایا کہ فائرنگ سے ایک شخص اور خاتون زخمی ہوئی جنہیں طبی امداد کے لیے میر علی اسپتال منتقل کر دیا گیا۔

    پولیس حکام کے مطابق جاں بحق افراد میں طاہر،اس کی بیوی اور 2 بچے شامل ہیں۔پولیس کا کہنا ہے کہ دونوں بھائیوں کے درمیان زمین کا تنازع چلا آ رہا ہے۔

    دیربالا:جائیداد کے تنازع پر فائرنگ،9 افراد قتل،2زخمی

    یاد رہے کہ گزشتہ ماہ 30 جولائی کو صوبہ خیبر پختونخواہ کے علاقے دیربالا میں جائیداد کے تنازع پر فائرنگ کے نتیجے میں 9 افراد جاں بحق جبکہ 2 افراد زخمی ہوگئے تھے۔

  • شمالی وزیرستان میں سیکورٹی فورسز کا آپریشن، 4 جوان شہید،4 دہشت گرد ہلاک

    شمالی وزیرستان میں سیکورٹی فورسز کا آپریشن، 4 جوان شہید،4 دہشت گرد ہلاک

    راولپنڈی: شمالی وزیرستان میں آپریشن کے دوران 4 دہشت گرد ہلاک ہوگئے جبکہ فائرنگ کے تبادلے میں 4 اہلکار شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں خفیہ اطلاع پر آپریشن کے دوران فائرنگ کے تبادلے میں 4 دہشت گرد مارے گئے۔

    آئی ایس پی آر کا کہنا تھا کہ دہشت گردوں کی فائرنگ سے 4 اہلکار شہید ہوگئے۔شہید اہلکاروں میں محمداسماعیل،محمد شہباز، رضوان اور وحید شامل ہیں۔

    شمالی وزیرستان میں سیکورٹی فورسز کے قافلے پر فائرنگ، کیپٹن سمیت 2 جوان شہید

    اس سے قبل گزشتہ ماہ شمالی وزیرستان میں سیکورٹی فورسز کے قافلے پر فائرنگ سے کیپٹن سمیت 2 جوان شہیداور 2 زخمی ہوگئے تھے، فائرنگ کے تبادلے میں ایک دہشت گرد بھی مارا گیا تھا۔

    یاد رہے کہ رواں سال 26 اپریل کو شمالی وزیرستان میں آپریشن کے دوران 9 دہشت گرد ہلاک ہوگئے تھے جبکہ فائرنگ کے تبادلے میں 2 اہلکار شہید ہوگئے تھے۔

  • شمالی وزیرستان میں سیکورٹی فورسز کے قافلے پر فائرنگ، کیپٹن سمیت 2 جوان شہید

    شمالی وزیرستان میں سیکورٹی فورسز کے قافلے پر فائرنگ، کیپٹن سمیت 2 جوان شہید

    راولپنڈی:شمالی وزیرستان میں سیکورٹی فورسز کے قافلے پر فائرنگ سے کیپٹن سمیت 2 جوان شہیداور 2 زخمی ہوگئے، فائرنگ کے تبادلے میں ایک دہشت گرد بھی مارا گیا۔

    پاک فوج کے شعبہ تعلقات عامہ آئی ایس پی آر کے مطابق خیبرپختونخوا میں ضم ہونے والے قبائلی علاقے شمالی وزیرستان میں سیکورٹی فورسز کے قافلے پر حملہ ہوا، سیکورٹی فورسز اور دہشت گردوں کے درمیان فائرنگ کے تبادلے میں کیپٹن صبیح اور سپاہی نوید شہید ہوگئے۔

    آئی ایس پی آر کے مطابق فائرنگ کے تبادلے میں دو جوان زخمی ہوگئے اور ایک دہشت گرد بھی مارا گیا۔

    اس سے قبل 26 اپریل کو شمالی وزیرستان میں آپریشن کے دوران 9 دہشت گرد ہلاک ہوگئے تھے جبکہ فائرنگ کے تبادلے میں 2 اہلکار شہید ہوگئے تھے۔

    شمالی وزیرستان، سیکیورٹی فورسز کی کارروائی، 2 دہشت گرد مارے گئے

    یاد رہے کہ رواں برس 13 اپریل کو شمالی وزیرستان کے علاقے دتہ خیل میں کارروائی کے دوران سیکیورٹی فورسز سے فائرنگ کے تبادلے میں 2 دہشت گرد مارے گئے تھے۔

  • شمالی وزیرستان میں ماسک نہ پہننے پر اب جرمانہ ہوگا

    شمالی وزیرستان میں ماسک نہ پہننے پر اب جرمانہ ہوگا

    میرانشاہ: خیبر پختون خواہ کے علاقے شمالی وزیرستان میں کرونا وائرس ایس او پیز کے مطابق ماسک نہ پہننے پر جرمانہ مقرر کر دیا گیا۔

    اے آر وائی نیوز کے مطابق ڈپٹی کمشنر شمالی وزیرستان نے ضلع بھر میں کرونا وائرس کے پھیلاؤ کو روکنے کے لیے ماسک پہننا لازمی قرار دے دیا ہے۔

    ڈی سی شاہد علی خان کا کہنا تھا کہ ضلع میں ماسک لازمی قرار دے دیا گیا ہے اور اس کی خلاف ورزی کرنے پر ایک ہزار روپے جرمانہ عائد کیا جائے گا۔ واضح رہے کہ شاہد علی خان کو 4 جون کو شمالی وزیرستان کا ڈپٹی کمشنر تعینات کیا گیا ہے، اس سے قبل وہ نوشہرہ میں ڈی سی کے عہدے پر فائز تھے۔

    ماسک پہننا لازمی قرار، خلاف ورزی پر جیل ہوسکتی ہے

    یاد رہے کہ چند دن قبل صوبائی وزیر ریلیف و آباد کاری اقبال وزیر کا کرونا ٹیسٹ بھی پازٹیو آ گیا تھا جس کے بعد انھوں نے خود کو گھر میں قرنطینہ کر لیا ہے۔

    30 مئی کو حکومت نے کرونا وائرس کے بڑھتے کیسز کے پیش نظر فیس ماسک لازمی قرار دیتے ہوئے عوام سے اپیل کی تھی کہ پبلک ٹرانسپورٹ اور مارکیٹوں سمیت پُر ہجوم مقامات پر ماسک لازمی پہنیں۔

    اسلام آباد کے ڈپٹی کمشنر نے تمام عوامی مقامات پر ماسک پہننا لازمی قرار دیتے ہوئے تنبیہہ جاری کی تھی کہ مارکیٹس، عوامی مقامات، مساجد اور پبلک ٹرانسپورٹ میں چیکنگ ہوگی اور ماسک پہننے کے حکم کی خلاف ورزی پر 3 ہزار جرمانہ اور دفعہ 188 تعزیرات کے تحت جیل بھیجا جا سکتا ہے۔

    گزشتہ چوبیس گھنٹوں کے دوران ملک بھر میں مزید 97 افراد کرونا انفیکشن کا شکار ہو کر جاں بحق ہو گئے جب کہ 5,248 نئے کیسز سامنے آئے۔ نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 144,478 افراد متاثر ہو چکے ہیں، جب کہ اموات کی تعداد 2,729 ہو گئی ہے۔

  • شمالی وزیرستان میں مدرسے کی چھت گرنے سے 7 بچے جاں بحق

    شمالی وزیرستان میں مدرسے کی چھت گرنے سے 7 بچے جاں بحق

    میرانشاہ: شمالی وزیرستان میں مدرسے کی چھت گرنے سے 7 بچے جاں بحق جبکہ 13 زخمی ہوگئے۔

    تفصیلات کے مطابق شمالی وزیرستان کی تحصیل شیواہ میں مدرسے کی چھت گر گئی جس کے نتیجے میں 7 بچے جان کی بازی ہار گئے جبکہ 13 زخمی ہوگئے۔

    پولیس حکام کا کہنا ہے کہ حادثے میں زخمی ہونے والے بچوں کو طبی امداد کے لیے اسپتال منتقل کر دیا گیا۔پولیس نے بتایا کہ حادثے میں جاں بحق بچوں کی عمریں 10 سے 14سال کے درمیان تھیں۔

    چارسدہ میں مدرسے کی چھت گرنے سے 4 بچے جاں بحق

    اس سے قبل رواں سال فروری میں چارسدہ کے علاقے کانگڑہ میں مدرسے کی چھت گرنے کے نتیجے میں 4 بچے جاں بحق اور 10 شدید زخمی ہوگئے تھے۔واقعے کی اطلاع ملتے ہی مقامی افراد نے اپنی مدد آپ کے تحت برآمدے کے ملبے تلے دبے بچوں کو نکالا تھا۔

    پولیس حکام کا کہنا تھا کہ حادثے میں جاں بحق ہونے والے بچوں کی عمریں 10 سے 16 سال کے درمیان تھیں۔

  • شمالی وزیرستان: سیکیورٹی فورسز کا آپریشن، 9 دہشت گرد ہلاک، 2 جوان شہید

    شمالی وزیرستان: سیکیورٹی فورسز کا آپریشن، 9 دہشت گرد ہلاک، 2 جوان شہید

    راولپنڈی: شمالی وزیرستان میں آپریشن کے دوران 9 دہشت گرد ہلاک ہوگئے جبکہ فائرنگ کے تبادلے میں 2 اہلکار شہید ہوگئے۔

    پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے دوسالی، خیسورہ میں خفیہ اطلاع پر آپریشن کے دوران فائرنگ کے تبادلے میں 9 دہشت گرد مارے گئے جبکہ ایک دہشت گرد گرفتار کرلیا گیا۔

    آئی ایس پی آر کا کہنا تھا کہ دہشت گردوں کی فائرنگ سے 2 اہلکار شہید اور 5 زخمی ہوگئے۔ شہید لانس نائیک عبدالوحید کاتعلق مظفرآباد سے ہے،شہید سپاہی سقم داد کا تعلق ایبٹ آباد سے ہے۔

    شمالی وزیرستان : دہشت گردوں کا چیک پوسٹ پرحملہ، 5 دہشت گرد ہلاک،ایک جوان شہید

    اس سے قبل گزشتہ ہفتے 20 اپریل کو آئی ایس پی آر کا کہنا تھا کہ شمالی وزیرستان کے علاقے میران شاہ سے دس کلومیٹر دور دہشت گردوں نے سیکیورٹی فورسز کی چیک پوسٹ پر حملہ کیا تھا جس کے نتیجے میں 5 دہشت گرد ہلاک جبکہ ایک جوان شہید اور 3 زخمی ہوئے تھے۔

    شمالی وزیرستان، سیکیورٹی فورسز کی کارروائی، 2 دہشت گرد مارے گئے

    یاد رہے کہ رواں ماہ 13 اپریل کو شمالی وزیرستان کے علاقے دتہ خیل میں کارروائی کے دوران سیکیورٹی فورسز سے فائرنگ کے تبادلے میں 2 دہشت گرد مارے گئے تھے۔

  • شمالی وزیرستان : دہشت گردوں کا چیک پوسٹ پرحملہ، 5 دہشت گرد ہلاک،ایک جوان شہید

    شمالی وزیرستان : دہشت گردوں کا چیک پوسٹ پرحملہ، 5 دہشت گرد ہلاک،ایک جوان شہید

    شمالی وزیرستان : آئی ایس پی آر کا کہنا ہے کہ  دہشت گردوں نے سکیورٹی فورسز کی چیک پوسٹ پر حملہ کردیا ، جس کے نتیجے میں 5 دہشت گرد ہلاک جبکہ ایک جوان  شہید اور  3زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے میران شاہ سے دس کلومیٹر دور دہشت گردوں نے سیکیورٹی فورسز کی چیک پوسٹ پر حملہ کردیا ، جس کاسیکیورٹی فورسز نے فائرنگ سے بھرپور جواب دیا۔

    آئی ایس پی آر کا کہنا ہے کہ فائرنگ کے تبادلے میں سیکیورٹی فورسز نے5 دہشت گردوں کو جہنم واصل کردیا جبکہ ایک سپاہی شہید اور تین زخمی بھی ہوگئے۔

    ترجمان کے مطابق سیکیورٹی فورسز نے علاقے کو گھیرے میں لے کر سرچ آپریشن شروع کردیا، شہید حوالدار اکبر حسین خان کی عمر 43 سال اور تعلق ضلع باغ کے علاقہ دھیرکوٹ سے تھا، شہید نے پسماندگان میں بیوہ، دو بیٹے اور دو بیٹیاں چھوڑی ہیں۔

    یاد رہے 14 اپریل کو شمالی وزیرستان میں سیکیورٹی فورسز اور دہشت گردوں میں جھڑپ کے دوران لانس نائیک ارشاد خان نے جام شہادت نوش کیا تھا ، 26 سالہ لانس نائیک ارشاد خان جمرود کا رہائشی تھا۔

    اس سے ایک روز قبل ہی دتہ خیل میں سیکیورٹی فورسز سے فائرنگ کے تبادلے کے دوران 2 دہشت گرد ہلاک ہوگئے تھے جبکہ دہشت گردوں کی فائرنگ سے تبادلے میں نائیک عادل شہزاد نے جام شہادت نوش کیا تھا، شہید نائیک عادل شہزاد کا تعلق مانسہرہ کے علاقے سے تھا۔

  • شمالی وزیرستان کو بھی سیکڑوں حفاظتی کٹس اور سینی ٹائزرز فراہم

    شمالی وزیرستان کو بھی سیکڑوں حفاظتی کٹس اور سینی ٹائزرز فراہم

    پشاور: خیبر پختون خوا کے ضلع شمالی وزیرستان کو بھی سیکڑوں حفاظتی کٹس اور سینی ٹائزرز فراہم کر دیے گئے۔

    تفصیلات کے مطابق وزیر ریلیف اقبال وزیر نے میڈیا کو بتایا کہ 500 حفاظتی کٹس، اور 500 سینی ٹائزرز شمالی وزیرستان بھیج دیے گئے ہیں، کرونا وائرس سے بچاؤ کا یہ سامان ضلعی انتظامیہ کے حوالے کیا جائے گا۔

    وزیر ریلیف کے مطابق خیبر پختون خوا کے تمام اضلاع اور قرنطینہ مراکز کو ایمرجنسی رسپانس کے طور پر ضروری سامان بھیج دیا گیا ہے، مختلف اضلاع میں ماسک اور دیگر حفاظتی سامان تقسیم کیا جا رہا ہے، این ڈی ایم اے سے 50 ہزار مزید ماسک پہنچ رہے ہیں۔

    کوروناوائرس کیخلاف جنگ، چین سے ایک اور طیارہ امدادی سامان لے کر پاکستان پہنچ گیا

    خیال رہے کہ آج ضلع بنوں میں کرونا وائرس کا پہلا کنفرم کیس سامنے آ گیا ہے، 74 سال کا مریض علاقہ مندیو کا رہائشی ہے۔ صوبے میں کنفرم کیسز کی تعداد 195 ہو گئی ہے جب کہ اب تک 5 مریض دم توڑ چکے ہیں، اور 2 مریض صحت یاب ہو کر گھروں کو جا چکے ہیں۔ دوسری طرف پاکستان بھر میں کرونا وائرس کے کیسز بڑھ کر 1,650 ہو گئے، 20 مریضوں کا انتقال ہو گیا جب کہ 28 صحت یاب ہوئے ہیں۔

    خیبر پختون خوا میں اسکولوں کی چھٹیوں میں بھی توسیع کا نوٹیفیکشن جاری کر دیا گیا ہے، صوبے میں اسکول 31 مئی تک بند رہیں گے، چھٹیاں موسم گرما کی تعطیلات تصور ہوں گی، اسکولوں میں امتحانات سمیت تمام سرگرمیاں معطل رہیں گی۔