ARYNews.tv | Urdu – Har Lamha Bakhabar

Tag: شمالی کوریا

  • شمالی کوریا سےبڑی جنگ چھڑسکتی ہے‘ڈونلڈ ٹرمپ

    شمالی کوریا سےبڑی جنگ چھڑسکتی ہے‘ڈونلڈ ٹرمپ

    واشنگٹن : امریکی صدر ڈونلڈ ٹرمپ کاکہناہےکہ شمالی کوریاسے بڑی جنگ بھی چھڑسکتی ہے۔

    تفصیلات کےمطابق امریکی صدر ڈونلڈ ٹرمپ کا کہناہےکہ شمالی کوریا کا معاملہ سفارتی طور پر حل کرنا ترجیح ہے تاہم امکان ہے۔

    امریکی صدر ڈونلڈ ٹرمپ کاکہناہےکہ چین شمالی کوریا پر ڈباؤ ڈالنے کی کوشش کررہاہے۔انہوں نےکہاکہ شمالی کوریا کا مسئلہ حل کرنے کی چینی صدر کی کوششیں قابل تعریف ہیں۔

    امریکہ شمالی کوریا کے میزائل خطرے سے نمٹنے کے لیےتیار

    خیال رہےکہ گزشتہ روز امریکی پیسیفک کمانڈ کے سربراہ ایڈمرل ہیری ہیرس کاکہناتھاکہ ’امریکہ شمالی کوریا کے میزائل خطرے سے نمٹنے کے لیے بہترین ٹیکنالوجی کے ساتھ تیار رہے گا‘۔

    ایڈمرل ہیری کےمطابق جنوبی کوریا میں جدید دفاعی میزائل نظام کی تنصیب شمالی کوریا کے رہنما کم جونگ ان کو اگر اپنے گھٹنوں پر نہیں تو ان کے ہوش ٹھکانے لے ہی آئے گی۔

    امریکہ شمالی کوریاسےتنہانمٹ سکتاہے‘ ڈونلڈ ٹرمپ

    واضح رہےکہ رواں ماہ 3اپریل کوامریکی صدر ڈونلڈ ٹرمپ کا کہناتھاکہ اگرچین نے کوئی کارروائی نہیں کی توامریکہ شمالی کوریاکےخلاف ایکشن لےگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • امریکہ شمالی کوریا کے میزائل خطرے سے نمٹنے کے لیےتیار

    امریکہ شمالی کوریا کے میزائل خطرے سے نمٹنے کے لیےتیار

    واشنگٹن : امریکی فوجی حکام کا کہناہےکہ جنوبی کوریا میں جدید دفاعی میزائل نظام کی تنصیب شمالی کوریا کے ہوش ٹھکانے لے آئے گی۔

    تفصیلات کےمطابق امریکی پیسیفک کمانڈ کے سربراہ ایڈمرل ہیری ہیرس کاکہناہےکہ ’امریکہ شمالی کوریا کے میزائل خطرے سے نمٹنے کے لیے بہترین ٹیکنالوجی کے ساتھ تیار رہے گا‘۔

    ایڈمرل ہیری کےمطابق جنوبی کوریا میں جدید دفاعی میزائل نظام کی تنصیب شمالی کوریا کے رہنما کم جونگ ان کو اگر اپنے گھٹنوں پر نہیں تو ان کے ہوش ٹھکانے لے ہی آئے گی۔

    امریکہ کا خصوصی بحری بیڑہ شمالی کوریا کی طرف روانہ

    ؎ امریکی پیسیفک کمانڈ کے سربراہ نے امریکی کانگریس کوبتایاکہ شمالی کوریا کے پاس جب بھی اس قدر فوجی صلاحیت ہوئی وہ امریکہ پر حملہ کرنے کی کوشش کرے گا۔

    دوسری جانب چین نے اپنی بڑھتی ہوئی فوجی طاقت کا مظاہرہ کرتے ہوئے ملک میں تیار کیا جانے والا دوسرا طیارہ بردار بحری جہاز پانی میں اتار دیا ہے۔

    واضح رہےکہ ایڈمرل ہیری کا کہناہےجنوبی کوریا میں تنصیب کیا جانے والا میزائل نظام مکمل طور پر دفاعی نظام ہے۔ اس کا ہدف شمال کی طرف ہے،مغرب کی جانب نہیں۔ یہ نظام چین کے لیے کوئی خطرہ نہیں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • شمالی کوریا کا میزائل تجربہ ناکام

    شمالی کوریا کا میزائل تجربہ ناکام

    سیول : جنوبی کوریا کی فوج کا کہناہےکہ شمالی کوریا کی جانب سے کیے جانے والا میزائل تجربہ ناکام ہوگیاہے۔

    تفصیلات کےمطابق شمالی کوریاکی جانب سے میزائل تجربہ کرنے کوکوشش ناکام ہوگئی تاہم یہ معلوم نہیں ہوسکا کہ شمالی کوریا نےکون سے میزائل تجربے کرنے کی کوشش کی۔

    امریکی کمانڈ نےبھی ناکام تجربے کی تصدیق کی اورکہا کہ انہوں نےڈیٹیکٹ کیااورپیچھا کرنےپرمعلوم ہواکہ وہ بظاہر شمالی کوریا کا بیلسٹک میزائل تھا۔

    امریکی بحریہ کے کمانڈر ڈیو بینہم کاکہناہے کہ ’میزائل لانچ کرنے کے فوراً بعد ہی پھٹ گیا تھا۔

    خیال رہےکہ اس سےقبل پیانگ یانگ میں ہونےوالی فوجی پریڈ میں شمالی کوریا نےپہلی بار بیلسٹک میزائل کی نمائش کی جو آبدوز سے لانچ کیے جانے والے میزائل سے مشابہت رکھتا ہے۔اس میزائل میں ایٹمی وارہیڈ لےجانےکی صلاحیت بھی ہے۔

    شمالی کوریا کےحوالے سےکشیدگی بڑھ رہی ہے‘چین

    یاد رہےکہ گزشتہ روز چینی وزیرخارجہ کاکہنا تھاکہ شمالی کوریاکےحوالے سے کشیدگی بڑھ رہی ہے اور کسی بھی وقت لڑائی شروع ہوسکتی ہے۔

    بعدازاں گزشتہ روزشمالی کوریا کےبانی صدر کم ال سنگ کی 105 ویں یوم پیدائش کی تقریبات کےموقع پرشمالی کوریا نے امریکہ کو تبیہ کی تھی کہ وہ امریکہ کےحملےکےلیےتیارہے۔

    شمالی کوریا امریکی حملے کےجواب میں جوہری حملے کےلیےتیار

    واضح رہےکہ شمالی کوریا کےعسکری حکام نےبیان میں کہا تھاکہ’ہم جنگ کا جواب جنگ سے دینے کے لیے تیار ہیں۔اگر ہم پر نیوکلیئرحملہ کیا گیا تو ہم اپنے انداز سے ایٹمی حملہ کرکے جواب دینےکو تیارہیں۔’

  • شمالی کوریا کےحوالے سےکشیدگی بڑھ رہی ہے‘چین

    شمالی کوریا کےحوالے سےکشیدگی بڑھ رہی ہے‘چین

    بیجنگ: چینی وزیرخارجہ کاکہناہےکہ شمالی کوریاکےحوالے سے کشیدگی بڑھ رہی ہے اور کسی بھی وقت لڑائی شروع ہوسکتی ہے۔

    تفصیلات کےمطابق چینی وزیرخارجہ وانگ یی کاکہناہےکہ شمالی کوریاکے حوالے سے اگرجنگ شروع ہوئی تواس میں جیت کسی کی نہیں ہوسکتی۔

    چینی وزیرخارجہ کاکہناتھاکہ ہم فریقین سے اپیل کرتے ہیں کہ وہ ایک دوسرے کو دھمکیاں دینے سے اجتناب کریں۔

    وانگ یی کا بیان ایک ایسے وقت میں سامنے آیا کہ جب امریکہ میں شمالی کوریا کےجوہری ہتھیاروں کے پھیلاؤ کےحوالے سے تشویش بڑھتی جارہی ہے۔

    شمالی کوریا کی حمایت کرنے والاواحد ملک ہے اور وہ اس بات سے فکرمند ہے کہ اگرجنگ سے شمالی کوریامیں کم جونگ کا اقتدار ختم ہوسکتاہے۔

    چین نےشمالی کوریا سے کوئلے کی درآمد پرپابندی لگادی ہے۔

    امریکہ کا خصوصی بحری بیڑہ شمالی کوریا کی طرف روانہ

    خیال رہےکہ گزشتہ دنوں شمالی کوریا کے میزائل پروگرام پر خدشات میں اضافے کے باعث امریکی فوج نے بحریہ کےاسٹرائیک گروپ کو کوریائی خطے کے جانب پیش رفت کا حکم جاری کیا تھا

    چین نےشمالی کوریاسےکوئلے کی درآمد معطل کردی

    یاد رہےکہ رواں سال فروری میں شمالی کوریا کےمیزائل ٹیسٹ کےبعد چین نےشمالی کوریا سے کوئلے کی درآمد پررواں سال کےآخر تک پابندی لگادی تھی۔

    ٹرمپ کا شمالی کوریا کے خلاف کارروائی کا عندیہ

    واضح رہےکہ رواں ہفتے امریکی صدر ڈونلڈ ٹرمپ نے شام پر میزائل حملوں کے بعد شمالی کوریا کے خلاف بھی کارروائی کا عندیہ دے دیاتھا۔

  • ایٹمی تجربہ کا امکان، امریکا کا اگلا ہدف شمالی کوریا ہو سکتا ہے

    ایٹمی تجربہ کا امکان، امریکا کا اگلا ہدف شمالی کوریا ہو سکتا ہے

    واشنگٹن : امریکی دھمکیوں کے باوجود شمالی کوریا پندرہ اپریل کو ایٹمی تجربہ کرسکتا ہے،جس کے باعث
    امریکا کا اگلا ہدف شمالی کوریا پو سکتا ہے، چینی صدر نے ڈونلڈ ٹرمپ کو ٹیلی فون کرکے معاملات بات چیت کے ذریعے حل پر زور دیا ہے۔

    تفصیلات کے مطابق امریکی صدر ڈونلڈ ٹرمپ کی دھمکیوں کے باوجود شمالی کوریا ممکنہ طور پر پندرہ اپریل کو ایٹمی تجربہ کرسکتا ہے، پندرہ اپریل کو شمالی کوریا کے بانی کم سنگ کی ایک سو پانچ سالہ تقریبات منعقد کی جائیں گی۔

    یاد رہے کہ ڈونلڈ ٹرمپ اپنے بیانات میں کسی بھی ایٹمی تجربے کی صورت میں شمالی کوریا پر حملے کی دھمکی دے چکے ہیں جبکہ شمالی کوریا ٹرمپ کے بیانات کو جارحیت قرار دے رہا ہے، اس تلخ ماحول میں چین نے بھی شمالی کوریا کے میزائل تجربات کی مذمت کی ہے تاہم چینی صدر نے ٹرمپ سے ٹیلی فونک گفتگو میں معاملات کو بات چیت کے ذریعے حل کرنے پر زور دیا ہے۔

    مبصرین کے مطابق اس تلخ ماحول میں شمالی کوریا نے ایٹمی تجربہ کیا تو امریکی میزائلوں کا اگلا ہدف شمالی کوریا ہوگا۔ امریکی حکام کے مطابق اس وقت جنگی بحری بیڑے کو ریائی خطے میں ہائی الرٹ پر ہیں اور سمندروں میں اس وقت شدید کشیدگی کا ماحول پایا جاتا ہے

    مبصرین کا کہنا ہے کہ شام اور افغانستان میں امریکی حملے شمالی کوریا کیلئے واضح پیغام ہے تاہم شمالی کوریا پر حملے کا رد عمل انتہائی شدید ہوسکتا ہے۔

  • امریکہ کا خصوصی بحری بیڑہ شمالی کوریا کی طرف روانہ

    امریکہ کا خصوصی بحری بیڑہ شمالی کوریا کی طرف روانہ

    واشنگٹن : شمالی کوریا کے میزائل پروگرام پر خدشات میں اضافے کے باعث امریکی فوج نے بحریہ کےاسٹرائیک گروپ کو کوریائی خطے کے جانب پیش رفت کا حکم جاری کیا ہے۔

    تفصیلات کےمطابق دی کارل ونسن اسٹرائیک گروپ کوسنگاپور سے آسٹریلیا کی طرف روانہ ہونا تھا لیکن امریکی پیسفک کمانڈ نےاس بحری بیڑے کو شمال کی طرف جانے کا حکم دیا۔

    کمانڈ تھرڈ فلیٹ کے شعبہ ابلاغ کے ڈائریکٹر کمانڈر ڈیو بنہم کےمطابق تھرڈ فلیٹ کے جہاز مغربی بحرالکاہل میں امریکی مفادات کے تحفظ کے لیے پیش قدمی کرتے ہیں۔

    انہوں نےکہاکہ اپنی لاپرواہی،غیرذمہ دارانہ رویےاور میزائل پروگرام اور تجربات جوہری ہتھیاروں کے حصول کی کوششوں سے اس خطے میں اولین خطرہ شمالی کوریا ہی بنا ہوا ہے۔

    امریکی بحری بیڑے کے اس گروپ میں یوایس ایس کارل ونسن نامی جہاز بردار سمیت تین میزائل شکن بحری جہاز بھی شامل ہیں۔

    شمالی کوریا نے حال میں کئی جوہری تجربات کیے ہیں اور ماہرین کا خیال ہے کہ مستقبل میں یہ جوہری اسلحہ بناسکتا جس میں امریکہ تک مار کرنے کی صلاحیت ہو سکتی ہے۔

    شمالی کوریا کا ایک اور بیلسٹک میزائل کا تجربہ

    خیال رہےکہ گزشتہ ہفتےشمالی کوریا نے درمیانے فاصلے تک مار کرنے والے بیلسٹک میزائل کا اپنے مشرقی ساحل سنپو سے جاپان کے سمندر میں تجربہ کیا تھا۔

    شمالی کوریا نے حال میں کئی میزائلوں کا تجربہ کیا ہے جس سے خطے میں امن و استحکام کو خطرہ لاحق ہے۔

    یاد رہےکہ اس تجربے کی جاپان اور جنوبی کوریا نے مذمت کی تھی اور یہ تجربہ چینی صدر شی جن پنگ کی امریکی صدر سے ملاقات کے ایک روز قبل ہوا تھا۔

    امریکہ شمالی کوریاسےتنہانمٹ سکتاہے‘ ڈونلڈ ٹرمپ

    واضح رہےکہ گزشتہ ہفتےامریکی صدر ڈونلڈ ٹرمپ کا کہناتھاکہ اگرچین نے کوئی کارروائی نہیں کی توامریکہ شمالی کوریاکےخلاف ایکشن لےگا۔

  • امریکہ شمالی کوریاسےتنہانمٹ سکتاہے‘ ڈونلڈ ٹرمپ

    امریکہ شمالی کوریاسےتنہانمٹ سکتاہے‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہناہےکہ اگرچین نے کوئی کارروائی نہیں کی توامریکہ شمالی کوریاکےخلاف ایکشن لےگا۔

    تفصیلات کےمطابق امریکی صدر ڈونلڈ ٹرمپ کا ایک انٹرویو کےدوران کہناتھاکہ چین شمالی کوریا کے خلاف ایکشن لے بصورت امریکہ شمالی کوریا کے ایٹمی پروگرام کے خلاف کارروائی کرے گا۔

    ڈونلڈٹرمپ کاکہناتھاکہ چین کا شمالی کوریا پراچھااثر و رسوخ ہے،چین فیصلہ کرلےیا تو وہ شمالی کوریا کے حوالے سے امریکہ کی مدد کرے کیونکہ اس کے لیے بہت اچھا ہوگا اور اگر وہ ایسا نہیں کرتا تو یہ کسی کے لیے بھی اچھا نہیں ہوگا۔

    امریکی صدر ڈونلڈ ٹرمپ نے انٹرویو کے دوران کہاامریکہ چین پرشمالی کوریا کےحوالے سےاپنادباؤ برقرار رکھےگا۔

    شمالی کوریا کی جانب سے4میزائل فائر

    خیال رہےکہ رواں سال 6مارچ کو شمالی کوریا کی جانب سے چارمیزائل لانچ کیےگئےتھےجن میں تین جاپان کےسمندر میں جاگرے تھےتاہم کوئی جانی نقصان نہیں ہواتھا۔

    شمالی کوریا کاہائی پرفامنس راکٹ کاتجربہ

    یاد رہےکہ گزشتہ ماہ شمالی کوریا میں ریاستی میڈیا کا کہنا تھاکہ شمالی کوریا کی فوج نے ایک نئے ہائی پرفامنس راکٹ کا تجربہ کیا ہے۔

    شمالی کوریا کےحملے کاسخت جواب دیاجائےگا ‘امریکہ

    واضح رہےکہ رواں سال فروری میں امریکی وزیردفاع کاکہناتھاکہ شمالی کوریاکی جانب سے جوہری ہتھیاروں کےاستعمال کا سخت جواب دیاجائےگا۔

  • شمالی کوریا میزائل تجربے روکے‘چین

    شمالی کوریا میزائل تجربے روکے‘چین

    بیجنگ : چینی وزیرخارجہ نے شمالی کوریا کو جوہری ہتھیاروں کے ٹیسٹ کو روکنے پرزور دیتے ہوئےامریکہ اور جنوبی کوریاسے کہاکہ وہ اپنی مشترکہ فوجی مشقیں ختم کریں۔

    تفصیلات کےمطابق چینی وزیر خارجہ وانگ یی کا کہناہےکہ امریکہ اور جنوبی کوریاکی مشترکہ مشقیں خطے میں کشیدگی کا باعث ہیں جبکہ یہ ایسا ہی ہے جیسے دو تیز رفتار ٹرینیں ایک دوسرے کی سمت میں آگے بڑھ رہی ہوں۔

    مزید پڑھیں:شمالی کوریا کی جانب سے4میزائل فائر

    خیال رہےکہ تین روز قبل امریکہ اور جنوبی کوریا کی جاری مشقوں کے جواب میں شمالی کوریا نے 2 مارچ کو 4 بیلسٹک میزائل داغےتھے،جن میں سے 3جاپان کی سمندری حدود میں گرے تھے۔

    شمالی کوریاکے میزائل ٹیسٹ کےبعدجاپانی وزیراعظم سنزو آبے اور امریکی صدر ڈونلڈ ٹرمپ نے کہا کہ خطہ خطرے کی ایک نئی سطح پر پہنچ گیا ہے۔

    مزید پڑھیں:چین نےشمالی کوریاسےکوئلے کی درآمد معطل کردی

    دوسری جانب امریکی فوج کاکہناہےکہ جنوبی کوریا میں میزائل ڈیفینس سسٹم ‘تھاڈ’ کی تنصیب کا عمل شروع کر دیا گیا ہے اور یہ نظام شمالی کوریا کی جانب سے درپیش خطرات سے نمٹنے کے لیے لگایا جا رہا ہے۔

    واضح رہےاقوام متحدہ کی سکیورٹی کونسل نے شمالی کوریا کے اس قدم کی مذمت کی تھی اور اسے شمالی کوریا کی بین الاقوامی ذمہ داریوں کی سنگین خلاف ورزی قرار دیا تھا۔

  • شمالی کوریا کی جانب سے4میزائل فائر

    شمالی کوریا کی جانب سے4میزائل فائر

    سیول : شمالی کوریا کی جانب سے چارمیزائل لانچ کیےگئےجن میں تین جاپان کےسمندر میں جاگرے تاہم کوئی جانی نقصان نہیں ہوا۔

    تفصیلات کےمطابق جنوبی کوریا کی فوج کا کہناہےکہ آج صبح شمالی کوریاکی سرحد کے قریب ٹونگ چانگ ری کے علاقے سے میزائل فائر کیےگئے۔ان میزائلوں کی نوعیت کےبارے میں تصدیق نہیں ہوسکی ہے۔

    جنوبی کوریا کا کہنا ہے کہ یہ میزائل امریکی اڈوں کو نشانہ بنانے کی صلاحیت رکھتا تھا۔امریکہ نے میزائل تجرے کی کوشش پرتنقید کرتے ہوئے کہا ہے کہ اس سے مزید اشعال انگیزی بڑھے گی۔

    مزید پڑھیں:شمالی کوریا کابلیسٹک میزائل کاتجربہ

    خیال رہےکہ گزشتہ ماہ ڈونلڈ ٹرمپ کےامریکی صدر بننےکےبعد شمالی کوریا نےسطح سےسطح تک پانچ سو کلومیٹرمار کرنے والے بلیسٹک میزائل کاتجربہ کیاتھا۔

    مزید پڑھیں:شمالی کوریاکامیزائل تجربہ‘سلامتی کونسل کی مذمت

    بعدازاں اقوام متحدہ کی سیکورٹی کونسل نے شمالی کوریا کی جانب سے کیے جانے والے میزائل تجربے کی مذمت کی تھی اوراسے اقوام متحدہ کی قراردادوں کی خلاف ورزی قراردیاتھا۔

    مزید پڑھیں:امریکہ جاپان کے ساتھ کھڑا ہے‘ڈونلڈ ٹرمپ

    یاد رہےکہ کہ شمالی کوریا کےمیزائل تجربے پرامریکی صدر ڈونلڈ ٹرمپ ڈونلڈ ٹرمپ نےردعمل کا اظہار کرتے ہوئےکہاتھاکہ امریکہ جاپان کےساتھ کھڑا ہے۔

    مزید پڑھیں:چین نےشمالی کوریاسےکوئلے کی درآمد معطل کردی

    واضح رہےکہ شمالی کوریا کے حالیہ میزائل ٹیسٹ کےبعد چین نےشمالی کوریا سے کوئلے کی درآمد پررواں سال کےآخر تک پابندی لگادی تھی۔

  • ملائیشیا نےشمالی کوریا کے سفیر کو ملک چھوڑنے کا حکم دے دیا

    ملائیشیا نےشمالی کوریا کے سفیر کو ملک چھوڑنے کا حکم دے دیا

    کوالالمپور: ملائیشیا نےشمالی کوریا کےسربراہ کم جونگ کےسوتیلے بھائی کم جونگ نیم کی ہلاکت کےمعاملے پر بیان بازی کےبعد شمالی کوریا کےسفیر کوملک بدر کردیا ہے۔

    تفصیلات کےمطابق ملائیشین وزارتِ خارجہ کی جانب سےجاری کیےجانےوالےایک بیان میں شمالی کوریا کے سفیر کینگ چول کو اس وقت ’ناپسندیدہ شخصیت‘ قرار دیا جب انہوں نےکم جونگ نیم کی ہلاکت کےحوالے سے کی جانے والی تفتیش پرتحفظات کا اظہارکیاتھا۔

    ملائیشین وزیرِ خارجہ انیفا عمان نےکہا ہے کہ ان کے ملک نے شمالی کوریا کےسفیر سے ان کی جانب سے دیے جانے والے بیان پر معافی کا مطالبہ کیا ہے۔انہوں نےکہاکہ ملائیشیااس کی ساکھ کو تباہ کرنے کی کسی بھی کوشش کے خلاف اپنا شدید ردِعمل دے گا۔

    مزید پڑھیں: زہریلےمادےکا استعمال‘کم جونگ نیم کی ہلاکت 20منٹ میں ہوئی

    خیال رہےکہ ملائیشیا کی وزارتِ خارجہ نے شمالی کوریا کے سفیر کینگ چول کو 48 گھنٹے کے اندر ملک چھوڑنے کا حکم دیا ہے۔

    مزید پڑھیں:کم جونگ نیم کوقتل کرنے کے90ڈالر ملے‘سیتی ایسیاہ

    یاد رہے کہ شمالی کوریا کے حکمراں کم جونگ کے سوتیلے بھائی کم جونگ نیم 13 فروری کو ملائیشیا میں ہلاک ہوئے تھے۔ان کے چہرے پر ایک اعصاب شکن کیمیکل پھینکا گیا تھا جس سے ان کی موت ہو گئی تھی۔

    مزید پڑھیں:ملائیشیا نے شمالی کوریا کے سفارت کار تک رسائی مانگ لی

    واضح رہےکہ رواں ماہ ملائیشیا نے شمالی کوریا کے سفارت خانے کے ایک سینیئر اہلکار کو تلاش کرنے اور ان سے تفتیش کے لیے رسائی حاصل کرنے کی درخواست کی تھی۔