Tag: شمالی کوریا

واشنگٹن : نو منتخب امریکی صدر ڈونلڈ ٹرمپ کا کہناہےکہ چین شمالی کوریا کو لگام دینے میں ناکام رہاہے۔

تفصیلات کےمطابق سماجی رابطے کی ویب سائٹ ٹویٹر پر نومنتخب امریکی صدر نے اپنے پیغام میں کہا ہےکہ ’چین امریکہ سے یک طرفہ تجارت کر کے پیسے کما رہا ہے لیکن شمالی کوریا کے معاملے میں کوئی مدد نہیں کر رہا‘۔

China has been taking out massive amounts of money & wealth from the U.S. in totally one-sided trade, but won’t help with North Korea. Nice!

— Donald J. Trump (@realDonaldTrump) January 2, 2017

نومنتخب امریکی صدر نے اپنے ایک اور ٹویٹ میں کہا کہ ’ایسا نہیں ہو گا‘۔ یہ واضح نہیں ہے کہ ڈونلڈ ٹرمپ شمالی کوریا کی جوہری میزائل بنانے کی صلاحیت پر شک کا اظہار کر رہے تھے یا وہ اس کو روکنے کا کوئی قدم اٹھائیں گے۔

North Korea just stated that it is in the final stages of developing a nuclear weapon capable of reaching parts of the U.S. It won’t happen!

— Donald J. Trump (@realDonaldTrump) January 2, 2017

یاد رہے کہ شمالی کوریا کے رہنماپیانگ یانگ نے سالِ نو کے موقعے پر اپنے پیغام میں کہا تھا کہ بین البراعظمی میزائل تیاری کےآخری مراحل میں ہے۔

مزید پڑھیں:شمالی کوریا کا پانچواں جوہری میزائل کا کامیاب تجربہ

پیانگ یانگ نے گذشتہ سال بھی دو جوہری تجربات کیے تھے جن میں سے ایک کو اب تک شمالی کوریا کا سب سے طاقتور تجربہ کہا جا رہا ہے۔

شمالی کوریا نے حال ہی میں دعویٰ کیا تھا کہ اس نے امریکہ تک مار کرنے کی صلاحیت رکھنے والے میزائل کی تیاری میں کامیابی حاصل کر لی ہے۔

مزید پڑھیں:اقوام متحدہ کی شمالی کوریا کے ایٹمی تجربے کی مذمت

واضح رہے کہ اقوام متحدہ نے ایک قرارداد کے ذریعے شمالی کوریا سے مطالبہ کیا تھا کہ وہ جوہری اور میزائل تجربات بند کر دے۔

سیئول: جنوبی کوریا کا کہنا ہے کہ شمالی کوریا کی جانب سے درمیانے فاصلے پر مارکرنے والےمیزائل تجربہ ناکام ہوگیا۔

تفصیلات کےمطابق جنوبی کوریا کا کہنا ہے کہ شمالی کوریا کی جانب سے کیا جانے والا میزائل تجربہ ناکام ہوگیا یہ میزائل امریکی اڈوں کو نشانہ بنانے کی صلاحیت رکھتا تھا۔

شمالی کوریا کی جانب سے اس میزائل کو رواں برس 8بار ٹیسٹ کیا گیا جس میں صرف ایک بار ہی کامیابی حاصل ہوئی۔اس میزائل کی رینج کا اندازہ 4000 کلومیٹر لگایا گیا ہے۔

دوسری جانب امریکہ نے میزائل تجرے پر تنقید کرتے ہوئے کہا ہے کہ اس سے مزید ‘اشعال انگیزی’ بڑھے گی۔اقوام متحدہ نے بھی پیانگ یانگ کی جانب سے کیے جانے والے آخری تجربے پر تنقید کی تھی۔

مزید پڑھیں:شمالی کوریا کا بیلسٹک میزائل کا تجربہ ناکام

یاد رہےکہ چار روز قبل امریکی وزارت دفاع پینٹاگون کے ترجمان کا کہنا تھا کہ بیلسٹک میزائل کا یہ ٹیسٹ شمالی کوریا کے شمال مغربی شہر کسونگ میں ہفتے کو کیا گیا تھا جو ناکام رہا۔

واضح رہے کہ شمالی کوریا کی جانب سے ایک ہفتے سے بھی کم عرصے کے دوران ناکام ہونے واالا یہ دوسرامیزائل تجربہ ہے۔

واشنگٹن : امریکی فوج کا کہنا ہے کہ شمالی کوریا کی جانب سے درمیانے فاصلے پر مارکرنے والے بیلسٹک میزائل کا تجربہ کیا گیاجو ناکام ہوگیا ہے۔

تفصیلات کےمطابق امریکی وزارت دفاع پینٹاگون کے ترجمان کا کہنا ہے کہ بیلسٹک میزائل کا یہ ٹیسٹ شمالی کوریا کے شمال مغربی شہر کسونگ میں ہفتے کو کیا گیا تھا۔

خیال رہے کہ یہ ٹیسٹ ایسے وقت میں کیا گیا ہے جب خدشہ ظاہر کیا جا رہا ہے کہ شمالی کوریا دور فاصلے تک مار کرنے والے راکٹ یا ایٹمی تجربہ کرے گا۔

امریکی بحریہ کے کمانڈر گیری راس کا کہنا ہےکہ شمالی کوریا کا میزائل شمالی امریکہ کے لیے خطرے کا باعث نہیں ہے۔انہوں نےکہا کہ یہ موسادن درمیانی فاصلے تک مار کرنے والے بیلسٹک میزائل کا تجربہ تھا۔

مزید پڑھیں: شمالی کوریا کا پانچواں جوہری میزائل کا کامیاب تجربہ

یاد رہے کہ گزشتہ ماہ شمالی کوریا نے تمام تر عالمی دباؤ مسترد کرتے ہوئے پانچواں ایٹمی تجربہ کیاتھا، کورین ٹی وی نے حکام کے حوالے سے تجربہ کامیاب ہونے کی تصدیق کی تھی۔

واضح رہے کہ شمالی کوریا کا کہنا ہے کہ اس کا جوہری پروگرام پرامن مقاصد کے لیے ہےجبکہ شمالی کوریا نے اس سال کئی میزائل ٹیسٹ کیے ہیں۔

نیویارک : اقوام متحدہ کی سلامتی کونسل نے شمالی کوریاکےایٹمی تجربےکی شدید الفاظ میں مذمت کی ہے۔سلامتی کونسل نے ایٹمی تجربے کے بعد شمالی کوریا کے خلاف اقدامات کی تیاری شروع کردی۔

تفصیلات کے مطابق شمالی کوریا کی جانب سے ایک ہی سال کے دوران دوسرا جوہری تجربہ کیاگیا اور یہ شمالی کوریا کی جانب سے پانچواں جوہری تجربہ تھا۔

شمالی کوریا کی جانب سے جوہری تجربے کے بعد اقوام متحدہ نے سلامتی کونسل کے ہنگامی اجلاس میں اس کی سختی سے مذمت کی اور اس تجربےکے خلاف قراردادکےلیےاقدامات پرفوری کام شروع کردیا۔

امریکی صدر اوباما کا کہنا تھا شمالی کوریا کو اشتعال انگیز اقدامات کے سنگین نتائج بھگتنا ہوں گے۔

خیال رہے کہ جنوبی کوریا نے اس تجربے کو شمالی کوریا کااب تک کا سب سے خطرناک جوہری تجربہ قرار دیا ہے۔

مزید پڑھیں: شمالی کوریا کا پانچواں جوہری میزائل کا کامیاب تجربہ

گزشتہ روز شمالی کوریا نے تمام تر عالمی دباؤ مسترد کرتے ہوئے پانچواں ایٹمی تجربہ کیا،کورین ٹی وی نے حکام کے حوالے سے تجربہ کامیاب ہونے کی تصدیق کی تھی۔

جاپان نے بھی شمالی کوریا کے میزائل ٹیسٹ کی مذمت کی تھی،جاپان نے شمالی کوریا کو انتباہ کیا ہے کہ ایٹمی دھماکوں سے گریز کیا جائے، جاپانی وزیراعظم کا کہنا تھا کہ ایٹمی دھماکے کسی صورت برداشت نہیں کیے جائیں گے۔

چین نے میزائل ٹیسٹ کی مخالفت کرتے ہوئے اسے غیردانشمندانہ قدم قراردیا تھااورجنوبی کوریا پرزوردیا کہ وہ تحمل سے کام لے جبکہ چین نے بھی ریڈی ایشن کی مانیٹرنگ کےلیے ایمرجنسی نافذ کردی۔

مزیدپڑھیں: شمالی کوریا کا ہائیڈروجن بم کا کامیاب تجربہ کرنے کا دعویٰ

واضح رہے کہ رواں سال جنوری میں بھی شمالی کوریا نے ہائیڈروجن بم کا کامیاب تجربہ کرنے کا دعویٰ کیا تھا،ہائیڈروجن بم کے تجربے کے باعث شمالی کوریا میں زلزلہ بھی آیا تھا۔