Tag: شمر جوزف

آسٹریلیا کے خلاف سیریز شروع ہونے سے قبل سابق وکٹ کیپر ای این ہیلی نے شمر جوزف پر تنقید کرتے ہوئے کہا تھا کہ وہ کوئی کرٹلی ایمبروز نہیں ہیں۔

ویسٹ انڈیز اور آسٹریلیا کے درمیان ٹیسٹ سیریز کا 25 جون سے آغاز ہوچکا ہے، آسٹریلیا نے ٹیسٹ میچ کے پہلے 15.1 اوورز کے اندر ہی اپنی 3 وکٹیں گنوا دی تھیں جبکہ اسکور صرف 22 تھا، بعدازاں 142 رنز پر کینگروز کے 7 کھلاڑی پویلین لوٹ چکے ہیں۔

شمر جوزف نے آسٹریلیا کے خلاف عمدہ بولنگ کرتے ہوئے پہلی اننگز میں 30 رنز دے کر 4 وکٹیں حاصل کی ہیں اور سیم کونسٹاس کو بھی آئوٹ کیا جبکہ 2 وکٹیں جےڈین سیلز کے حصے میں آئیں۔

اس سے قبل ای این ہیلی نے میڈیا سے گفتگو میں کہا تھا کہ شمر نے جو پرفارمنس گابا میں دی تھی اس کے بعد سے ان کا ایک سال خوفناک گززا ہے، شمر انجری سے واپس آئے ہیں اور اب وہ کونسٹاس کو کہتے ہیں کہ آئوٹ کروں گا۔

انھوں نے کہا کہ "ٹھیک ہے شمر ٹھیک ہے تم نے سارا سال بے تکی باتیں کیں، اس لیے بہتر ہے ہو وہ اپنی کارکردگی میں بہتری لائیں وہ کوئی کرٹلی ایمبروز جیسے بولر نہیں ہیں۔

پہلے ٹیسٹ سے قبل میڈیا سے بات میں شمر جوزف نے آسٹریلیا کے 19سالہ نوجوان بیٹر سیم کونسٹاس کو وارننگ دی تھی "بس تم آئوٹ ہونے کی سوچو بس اتنا ہی ہے”۔

خیال رہے کہ 2024 میں گابا میں شمر جوزف نے شاندار اسپیل کیا تھا اور68 رنز دے کر 7 وکٹیں اپنے نام کی تھیں، اب 25 جون سے شروع ہونے والے ٹیسٹ میں بھی شمر جوزف نے تباہ کن بولنگ کرتے ہوئے 4 وکٹیں اپنے نام کی ہیں۔

https://urdu.arynews.tv/icc-big-honor-shamar-joseph-destructive-performance-against-australia/

ویسٹ انڈیز کے نوجوان فاسٹ بولر شمر جوزف نے کہا ہے کہ میری کوشش ہوگی کہ جیمز اینڈرسن کا فیئرویل ٹیسٹ خراب کردوں اور یہ ان کے لیے یادگار نہ بنے۔

انگلینڈ اور ویسٹ انڈیز کے درمیان افتتاحی ٹیسٹ سے قبل صحافیوں سے گفتگو کرتے ہوئے شمر جوزف کا کہنا تھا کہ جیمز اینڈرسن ایک شاندار کرکٹر ہیں جنھیں میں پسند کرتا ہوں اور وہ اس عمر میں بھی بہت اچھی کارکردگی دکھارہے ہیں۔

شمر نے کہا کہ آپ کہہ سکتے ہیں کہ وہ پرفیکٹ ہیں کیوں کہ انٹرنیشنل کرکٹ میں انھوں نے اس قدر زیادہ وکٹیں لے رکھی ہیں، تاہم یقیناً میں کوشش کروں گا کہ ان کے فیئرویل ٹیسٹ کو خراب کردوں۔

میں انگلینڈ میں کھیلنے کے لیے کافی پرجوش ہوں، ان کی فاسٹ بولنگ کافی اچھی ہے، میں نے ایشیز میں کئی عظیم فاسٹ بولرز کو کھیلتے ہوئے دیکھا ہے جن میں جوفرا آرچر، مچل اسٹارک سمیت کئی نام شامل ہیں۔

لارڈز ٹیسٹ شروع ہونے سے کافی عرصہ قبل ہی انگلینڈ کے عظیم فاسٹ بولر جیمز اینڈرسن نے انٹڑنیشنل کرکٹ سے ریٹائرمنٹ کا اعلان کیا تھا۔

اسٹار فاسٹ بولر جیمز اینڈرسن نے کہا تھا کہ وہ ویسٹ انڈیز کے خلاف پہلے ٹیسٹ کے بعد ریٹائر ہوجائیں گے، لارڈز ٹیسٹ ان کے کیریئر کا آخری بین الاقوامی ٹیسٹ میچ ہوگا۔

خیال رہے کہ جیمز اینڈرسن ٹیسٹ کرکٹ میں 700 وکٹیں لینے والے دنیا کے پہلے فاسٹ بولر ہیں، انھوں نے اس سنگ میل تک پہنچنے کےلیے 187 ٹیسٹ میچز کا سہارا لیا۔

جیمز اینڈرسن بھارت کے سچن ٹنڈولکر (200 میچز) کے بعد کرکٹ کی تاریخ میں دوسرے سب سے زیادہ ٹیسٹ میچز کھیلنے والے کھلاڑی بھی ہیں۔

علاوہ ازیں انگلش پیسر نے 194 ون ڈے میچز میں 269 وکٹیں حاصل کی ہیں جبکہ 19 ٹی ٹوئنٹی انٹرنیشنل میچز بھی کھیلتے ہوئے انھوں نے 18 وکٹیں اپنے نام کررکھی ہیں۔

شمر جوزف کو آسٹریلیا کیخلاف انکی بہترین پرفارمنس کا صلہ کیریئر کے آغاز میں ہی مل گیا، آئی سی سی نے برے اعزاز سے نواز دیا۔

شمر جوزف نے حال ہی میں آسٹریلیا اور ویسٹ انڈیز کے درمیان ہونے والے ڈرامائی ٹیسٹ سیریز میں سنسنی خیز ڈیبیو کیا تھا اور وہ اس کے فوراً بعد ہی پہلی بار آئی سی سی مینز پلیئر آف دی منتھ کا تاج اپنے سر پر سجانے میں کامیاب ہوگئے ہیں۔

انٹرنیشنل کرکٹ کونسل نے گزشتہ ہفتے شارٹ لسٹ ہونے والے ناموں کے اعلان کے بعد جنوری 2024 کے لیے آئی سی سی مینز اور ویمنز پلیئر آف دی منتھ ایوارڈ کا اعلان کیا ہے۔

آئرلینڈ کی ایمی ہنٹر کو گزشتہ ماہ زمبابوے کے خلاف ٹی ٹوئنٹی سیریز میں عمدہ کارکردگی دکھانے پر آئی سی سی ویمنز پلیئر آف دی منتھ قرار دیا گیا ہے۔ اس سیریز میں آئرلینڈ کی ویمنز ٹیم فاتح رہی تھی۔

آئی سی سی مینز پلیئر آف دی منتھ، شمر جوزف نے کہا کہ میں یہ ایوارڈ جیت کر بے حد خوش ہوں۔ عالمی سطح پر ایسا ایوارڈ ملنا بہت خاص ہے۔ میں نے آسٹریلیا کے خلاف کھیل کر ہر لمحے سے لطف اٹھایا۔

ویسٹ انڈیز سے تعلق رکھنے والے مینز پلیئر آف دی منتھ شمر جوزف نے اپنے کیریئر کا شاندار آغاز کیا ہے۔ آسٹریلیا کے خلاف ٹیسٹ سیریز میں 24 سالہ نوجوان بولر نے بین الاقوامی کرکٹ میں اپنی پہلی گیند پر ہی اسٹیو اسمتھ کو آؤٹ کیا تھا۔

ٹیسٹ کرکٹ میں اپنی پہلی اننگز میں انھوں نے ایڈیلیڈ میں کینگروز کے خلاف پانچ وکٹیں حاصل کیں، جس میں مارنس لیبوشن اور کیمرون گرین کے علاوہ اسمتھ کی قیمتی وکٹ بھی شامل رہی۔

تاہم برسبین میں دوسرے ٹیسٹ میں ان کا جادو سر چڑھ کر بولا۔ دوسری اننگز میں آسٹریلیا کے خلاف فتح ناقابل فراموش کارکردگی کا مظاہرہ کرتے ہوئے شمر نے 68 رنز کے عوض سات وکٹیں حاصل کیں –

اس جیت نے ویسٹ انڈیز کو 1-1 سے ڈرا کرنے کا موقع بھی فراہم کیا جبکہ جوزف نے اپنے شاندار ڈیبیو پر پلیئر آف دی سیریز کا ایوارڈ بھی اپنے نام کیا تھا۔

ویسٹ انڈیز کے یادگار فتح کے مرکزی کردار شمر جوزف نے کہا ہے کہ آسٹریلیا کیخلاف چوتھے دن میدان میں اترنے کا کوئی ارادہ نہیں تھا۔

دوسرے ٹیسٹ میں مچل اسٹارک کی یارکر کی وجہ سے ہفتے کو شمر جوزف کا انگوٹھا زخمی ہوگیا تھا اور وہ کافی تکلیف میں گراؤنڈ سے باہر گئے تھے۔ ٹیم ڈاکٹر نے ان کے زخمی انگوٹھے کی بروقت ٹریٹمنٹ کی تھی جس کی وجہ سے وہ کھیلنے کے قابل ہوئے۔

بعد ازاں جوزف نے چوٹ لگنے کے بعد ڈاکٹر کے مشورے پر عمل کیا اور فریکچر سے چھٹکارہ حاصل کرتے ہوئے بہترین پرفارمنس دی۔ انھوں نے آخری اننگز میں 68 رنز دے کر سات وکٹیں لیں۔

شمر جوزف نے پہلے سیشن میں 10 اوور کا اسپیل کیا جبکہ دوسرے سیشن میں انھوں نے دو اوورز کیے، دونوں بار انھوں نے آسٹریلیا کی اہم پارٹنرشپس توڑیں۔

ویسٹ انڈین بولر نے فتح کے بعد کہا کہ میں آج گراؤنڈ میں اترنے والا نہیں تھا لیکن ڈاکٹر کا شکریہ کہ انھوں نے بہتر علاج کرتے ہوئے میرے پاؤں کو بہتر بنانے میں مدد کی۔

شمر نے کہا واقعی میرے لیے یہ سب حیرت انگیز ہے، میرے ساتھیوں اور عملے نے اچھی باؤلنگ کرنے کے لیے مجھے بہت سپورٹ کیا۔ میں اپنی ٹیم ملک اور کیریبین کے ہر فرد کے لیے یہ کرنا چاہتا تھا۔

واضح رہے کہ ویسٹ انڈیز نے برسبین ٹیسٹ میں سنسنی خیز مقابلے کے بعد ورلڈ چیمپئن آسٹریلیا کو 8 رنز سے شکست دے کر تاریخ رقم کی تھی۔

ویسٹ انڈیز نے سیریز کے دوسرے اور آخری ٹیسٹ میں جیت کے لیے میزبان کو 215 رنز کا ہدف دیا تھا جس کے تعاقب میں آسٹریلیا 207 رنز پر ڈھیر ہو گیا۔ اسٹیو اسمتھ نے نا قابل شکست 91 رنز اسکور کیے، اس کے علاوہ کوئی کینگرو بیٹر کریز پر نہ ٹک سکا۔

یہ ویسٹ انڈیز کی آسٹریلیا کے خلاف 27 سال بعد کسی ٹیسٹ میچ میں پہلی فتح ہے۔ جس کا سہرا کیربیئن بولر شمر جوزف کو جاتا ہے جنھوں نے دوسری اننگ میں 7 آسٹریلوی بلے بازوں کو پویلین بھیجا۔

جوزف نے پہلی اننگز میں 2 جب کہ میچ میں مجموعی طور پر 9 وکٹیں حاصل کیں، سیریز میں ان کی وکٹوں کی مجموعی تعداد 13 رہی۔

ویسٹ اندین نوجوان پیسر کو ان فتح گر کارکردگی پر نہ صرف میچ بلکہ سیریز کا بھی بہترین کھلاڑی قرار دیا گیا۔