ARYNews.tv | Urdu – Har Lamha Bakhabar

Tag: شنگھائی

  • پاکستانی ٹیکسٹائلز ایشیا کی سب سے بڑی نمائش میں شرکت کے لیے تیار

    پاکستانی ٹیکسٹائلز ایشیا کی سب سے بڑی نمائش میں شرکت کے لیے تیار

    کراچی (25 اگست 2025): پاکستانی ٹیکسٹائل سیکٹر انٹرٹیکسٹائل شنگھائی اپیرل فیبرکس اور یارن ایکسپو، آٹم ایڈیشن 2025 میں بھرپور شرکت کے لیے تیار ہے۔ یہ ایشیا کا نمایاں ترین ٹیکسٹائل پلیٹ فارم ہے، جس کی نمائش 2 سے 4 ستمبر تک نیشنل ایگزیبیشن اینڈ کنونشن سینٹر شنگھائی، چین میں منعقد کی جائے گی۔

    ’انٹرٹیکسٹائل شنگھائی اپیرل فیبرکس‘ اس وقت ایشیا کی سب سے بڑی اور جامع نمائش ہے، جو مکمل طور پر گارمنٹس فیبرکس اور اس سے متعلقہ اشیا پر مبنی ہے۔ دور جدید میں چین کی ٹیکسٹائل انڈسٹری میں تیزی سے ترقی کے ساتھ فائبر، یارن اور فیبرکس کی مانگ میں بھی اضافہ ہو رہا ہے، جس سے بیرونی ممالک کے مینوفیکچررز کے لیے سازگار تجارتی مواقع فراہم ہوئے ہیں۔

    انٹرٹیکسٹائل شنگھائی اپیرل فیبرکس 2024 کے ایڈیشن میں 26 ممالک کے 4,000 سے زائد نمائش کنندگان شریک اور 115 ممالک سے 100,000 سے زائد پیشہ ور خریداروں نے نمائش کا دورہ کیا تھا، جو اس کی عالمی وسعت اور اثر و رسوخ کو ظاہر کرتا ہے۔ اسی طرح یارن ایکسپو آٹم 2024 میں 538 نمائش کنندگان اور 81 ممالک سے 22,000 خریدار شریک ہوئے تھے۔

    انٹرٹیکسٹائل شنگھائی اپیرل فیبرکس 2025 میں پاکستان کے 3 نمائش کندگان ٹریڈ ڈیولپمنٹ اتھارٹی آف پاکستان (TDAP) کے پویلین کے تحت شرکت کریں گے، جن میں ندیم انٹرپرائزز، سفائر ٹیکسٹائل ملز، اور ٹیکس ہب شامل ہیں۔ اس کے علاوہ 4 معروف پاکستانی کمپنیاں — کوہ نور ملز لمیٹڈ، ازگارڈ نائن لمیٹڈ، ڈائمنڈ فیبرکس لمیٹڈ اور محمود ٹیکسٹائل ملز لمیٹڈ انفرادی طور پر نمائش میں پاکستان کی نمائندگی کریں گے۔ یارن ایکسپو آٹم 2025 میں شریک ہونے والی کمپنیاں یہ ہیں: ابٹکس انٹرنیشنل، احسن کاٹن اور زیامن من نسیم ٹریڈ کمپنی لمیٹڈ۔

    پاکستان کی یہ مسلسل شرکت اس کے عالمی مارکیٹ شیئر کو بڑھانے اور ٹیکسٹائل سیکٹر میں جدت لانے کے عزم کی عکاسی کرتی ہے۔انٹرٹیکسٹائل اور یارن ایکسپو کے 2025 ایڈیشنز سے تجارت، تعاون اور بین الاقوامی شراکت داری کے نئے مواقع متوقع ہیں۔

  • شنگھائی میں بہترین ملبوسات کی عالمی نمائش، پاکستان نمائندگی کے لیے تیار

    شنگھائی میں بہترین ملبوسات کی عالمی نمائش، پاکستان نمائندگی کے لیے تیار

    کراچی: انٹر ٹیکسٹائل شنگھائی اپیرل فیبرکس – آٹم (خزاں) ایڈیشن 2 سے 4 ستمبر 2025 کو شنگھائی کے نیشنل ایگزیبیش اینڈ کنونشن سینٹر میں منعقد ہوگا۔

    شنگھائی میں بہترین ملبوسات کی عالمی نمائش کے لیے پاکستان نمائندگی کے لیے تیار ہے، ٹریڈ ڈویلپمنٹ اتھارٹی آف پاکستان (TDAP) انٹر ٹیکسٹائل شنگھائی اپیریل فیبرکس 2025 میں پاکستان کی نمائندگی کرے گا۔

    یہ دنیا کا سب سے با اثر فیبرکس اور اپیریل تجارتی نمائش ہے، جو عالمی سطح پر ٹیکسٹائل اور اپیریل ماہرین کو ایک پلیٹ فارم پر جمع کرتا ہے تاکہ وہ پائیدار میٹریل دریافت کریں اور بین الاقوامی سورسنگ کے ذریعے روابط قائم کریں۔

    اسرائیل کا ایران پر حملہ: پاکستان اسٹارک مارکیٹ 2500 پوائنٹس نیچے آگئی

    پاکستان کی ٹیکسٹائل انڈسٹری میں مختلف اقسام کے اپیریل اور فیبرکس شامل ہیں، جن میں نِٹڈ فیبرکس اور مین میڈ فیبرکس بھی شامل ہیں۔

    گزشتہ (2024) آٹم ایڈیشن میں تقریباً 4,000 نمائش کنندگان 26 ممالکوں سے شریک ہوئے تھے، جب کہ 115 ممالک سے 100,000 سے زائد وزیٹرز نے شرکت کی تھی۔

  • گردن کے مساج کے بعد صحت مند شخص کی موت

    شنگھائی: چین میں گردن کے مساج کے بعد ایک صحت شخص کی موت واقع ہو گئی۔

    جدید دور کی تیز رفتار زندگی کے ذہنی و جسمانی دباؤ سے نجات کے حصول کے لیے مساج مفید ثابت ہو سکتا ہے، لیکن چین میں ایک شخص مساج کی وجہ سے جان کی بازی ہار گیا۔

    رپورٹس کے مطابق 27 سالہ ژانگ نامی صحت مند شہری شنگھائی میں ایک مساج پارلر گئے، جہاں انھوں نے گردن اور کندھوں کا مساج لیا اور پھر نہانے کے بعد گھر کی طرف چل دیے۔

    بتایا جا رہا ہے کہ مساج اور نہانے کے بعد ژانگ کو چکر آنے لگے تھے، بعد ازاں انھیں اسپتال لے جایا گیا جہاں وہ رات گئے جان کی بازی ہار گئے۔

    ڈاکٹروں کا کہنا تھا کہ گردن کے مساج کی وجہ سے ژانگ کو دماغی انفیکشن ہو گیا تھا، کیوں کہ مساج کی وجہ سے ان کی گردن اپنی جگہ سے ہٹ گئی تھی اور اسی وجہ سے ان کی موت واقع ہو گئی۔

     

    View this post on Instagram

     

    A post shared by MustShareNews (@mustsharenews)

    واقعے کے بعد ایک سرجن نے میڈیا سے گفتگو میں خبردار کیا کہ گردن ایک نازک جگہ ہے جس کا غلط مساج موت کی طرف بھی لے جا سکتا ہے۔

    بتایا گیا کہ ژانگ نے مساج پارلر آ کر کہا تھا کہ وہ گردن اور کندھوں میں بے چینی محسوس کر رہے ہیں، مساج کے بعد انھوں نے شاور لیا اور گھر کی طرف چل پڑے، اچانک انھیں چکر آئے اور پھر وہ گر گئے۔

  • ہوٹل کے مہمان نے غصے میں اپنی گاڑی داخلی دروازوں سے ٹکرا دی

    چین کے شہر شنگھائی میں ایک ہوٹل کے اندرقیام پذیر شخص نے انتظامیہ سے نالاں ہو کر اپنی گاڑی ہوٹل کے داخلی دروازوں پر دے ماری اور گاڑی دوڑاتا ہوا اندر تک لے آیا، مذکورہ شخص اپنا لیپ ٹاپ کھو جانے پر غصے میں تھا۔

    بین الاقوامی میڈیا کے مطابق شنگھائی میں ایک ہوٹل کے اندر ایک شخص نے غصے میں اپنی گاڑی ہوٹل کے شیشے پر دے ماری اور گاڑی لے کر ہوٹل کی لابی تک آگیا۔

    28 سالہ گاہک نے الزام عائد کیا کہ ہوٹل والوں نے اس کا لیپ ٹاپ گما دیا جس میں انتہائی اہم معلومات تھیں۔

    گاڑی ہوٹل کے دروازوں سے ٹکرانے کے بعد ہوٹل ملازمین سے گاہک کی تکرار ہوئی جس میں ہوٹل انتظامیہ کی جانب سے کہا گیا کہ انہوں نے لیپ ٹاپ گم نہیں کیا، ساتھ ہی انتظامیہ نے خدشہ ظاہر کیا کہ ہوسکتا ہے لیپ ٹاپ کسی نے چوری کیا ہو۔

    ویڈیو میں دیکھا جاسکتا ہے کہ وہاں موجود لوگ چیخ و پکار کر رہے ہیں اور مذکورہ شخص کو برا بھلا کہہ رہے ہیں، اس کے علاوہ کچھ لوگوں نے یہ بھی کہا کہ کیا آپ کو احساس ہے کہ آپ نے ابھی کیا کیا؟

    کچھ افراد کو گاڑی سے ڈرائیور کو باہر نکالتے بھی دیکھا جاسکتا ہے۔

    مقامی پولیس کے مطابق ہوٹل انتظامیہ نے تصدیق کی ہے کہ مذکورہ شخص کا لیپ ٹاپ ہوٹل کے باہر سے مل گیا جبکہ خوش قسمتی سے واقعے میں کسی قسم کا جانی نقصان نہیں ہوا۔

    پولیس کا کہنا ہے کہ گاڑی کے ڈرائیور کو گرفتار کرلیا گیا ہے۔

  • چین میں کورونا کی نئی خوفناک لہر ، اسپتالوں کے وارڈز مریضوں سے بھر گئے

    شنگھائی : چین کے شہر شنگھائی میں اسپتالوں کے وارڈز کورونا مریضوں سے بھر گئے جبکہ کورونا کا شکار ہو کر دم تورنے والے شہریوں کی تعداد میں اضافہ ہورہا ہے۔

    تفصیلات کے مطابق چین میں کورونا کا جن بے قابو ہونے لگا، شنگھائی میں اسپتالوں کے وارڈز کورونا مریضوں سے بھر گئے۔

    نئے آنے والے کورونا متاثرہ مریضوں کو اسپتال کے کوریڈور میں بیڈز فراہم کیے گئے جبکہ کورونا کا شکار ہو کر دم تورنے والے شہریوں کی تعداد میں اضافہ ریکارڈ کیا جارہا ہے۔

    شنگھائی کے ایک اعلیٰ ہسپتال کے ایک سینئر ڈاکٹر نے کہا ہے کہ چین میں کیسوں میں زبردست اضافے کے دوران میگا سٹی کی 70 فیصد آبادی کووِڈ 19 سے متاثر ہو سکتی ہے۔

    ان کا کہنا تھا کہ انفیکشن میں تیزی سے اضافہ اس وقت ہوا جب برسوں کی سخت گیر پابندیوں میں اچانک نرمی کی گئی۔

    شنگھائی کے کوویڈ ماہر ایڈوائزری پینل کے رکن نے اندازہ لگایا ہے کہ شہر کے 25 ملین افراد میں سے زیادہ تر متاثر ہوسکتے ہیں۔

    انھوں نے بتایا شنگھائی میں وبا کا پھیلاؤ بہت وسیع ہے اور ہو سکتا ہے کہ یہ 70 فیصد آبادی تک پہنچ چکا ہو جو کہ (اپریل اور مئی میں) کے مقابلے میں 20 سے 30 گنا زیادہ ہے۔

    اومیکرون کی مختلف قسم پورے شہر میں تیزی سے پھیل رہی ہے اور ماہرین نے پیش گوئی کی ہے کہ 2023 کے اوائل میں انفیکشن عروج پر ہوں گے۔

    ڈاریکٹر عالمی ادارہ صحت نے خشہ ظاہر کیا ہے کہ چین کوویڈ کے حقیقی اعدادوشمار نہیں بتا رہا ہے، مریضوں کی اموات اور آئی سی یو میں داخلے کے چینی اعدادوشمار تسلی بخش نہیں ہے۔

  • کرونا کی دوسری لہر: دنیا بھر میں ایک دن میں 3 ہزار 700 افراد ہلاک

    کرونا کی دوسری لہر: دنیا بھر میں ایک دن میں 3 ہزار 700 افراد ہلاک

    شنگھائی: دنیا بھر میں کرونا وائرس انفکیشن سے اموات کی تعداد 10 لاکھ 85 ہزار سے تجاوز کر گئی، کرونا کی اس دوسری لہر میں گزشتہ چوبیس گھنٹوں کے دوران 3 ہزار 700 افراد ہلاک جب کہ ڈھائی لاکھ افراد میں وائرس کی تصدیق کی گئی۔

    شنگھائی کی نجی سافٹ ویئر سلوشن کمپنی کی ریفرنس ویب سائٹ ورلڈومیٹر کے اعداد و شمار کے مطابق دنیا بھر میں نئے کرونا وائرس کو وِڈ نائنٹین سے ہلاکتیں 10 لاکھ 85 ہزار 500 ہو گئی ہیں۔

    یہ مہلک وائرس اب تک دنیا کے 214 ممالک اور علاقوں میں 3 کروڑ اور 80 لاکھ 49 ہزار انسانوں کو متاثر کر چکا ہے، دوسری طرف وائرس سے لگنے والی بیماری سے اب تک 2 کروڑ 86 لاکھ مریض صحت یاب ہو چکے ہیں۔

    چین سے نمودار ہونے والے اس وائرس نے سب سے زیادہ تباہی امریکا میں پھیلائی، اب تک وائرس سے امریکا میں 2 لاکھ 20 ہزار افراد جانوں سے ہاتھ دھو چکے ہیں جب کہ متاثرہ افراد کی تعداد 80 لاکھ 27 ہزار ہے، جن میں 51 لاکھ 84 ہزار مریض صحت یاب ہو چکے ہیں۔

    بھارت میں وائرس کے مزید 55 ہزار کیسز رپورٹ ہوئے، مجموعی متاثرین کی تعداد 71 لاکھ 75 ہزار سے تجاوز کر گئی، جب کہ اموات 1 لاکھ 9 ہزار 800 ہو چکی ہیں۔

    برازیل میں کرونا وائرس سے ہلاکتیں بڑھ کر 1 لاکھ 50 ہزار ہو گئی ہیں اور متاثرہ افراد کی مجموعی تعداد 51 لاکھ 3 ہزار سے تجاوز کر چکی ہے۔ روس میں وائرس سے اموات 22 ہزار 700 سے زائد ہیں جب کہ متاثرہ افراد کی تعداد 13 لاکھ 12 ہزار ہو چکی ہے۔

    چین میں کرونا کے نئے کیسز سامنے آنے لگے ہیں، شہر چنگ ڈاؤ میں 9 کیس رپورٹ ہوئے، جس پر چینی حکومت نے چنگ ڈاؤ کی پوری آبادی کے ٹیسٹ کرانے کا اعلان کیا ہے، چینی حکام کا کہنا ہے کہ 5 دن میں شہر کی تمام 90 لاکھ آبادی کے ٹیسٹ کیے جائیں گے۔

  • چین کی ایک اور بڑی کامیابی، 2 بڑے شہروں میں اسکول کھل گئے

    چین کی ایک اور بڑی کامیابی، 2 بڑے شہروں میں اسکول کھل گئے

    بیجنگ: کرونا وائرس کے مرکز چین نے عالمگیر وبا پر ایک اور کامیابی حاصل کر لی، اپنے دو بڑے شہروں میں اسکول کھول دیے، ہزاروں طلبہ نے کلاسوں میں حاضری دی۔

    غیر ملکی میڈیا کے مطابق چین کے دارالحکومت بیجنگ اور صنعتی مرکز شنگھائی میں اسکول دوبارہ کھل گئے ہیں، یہ ایک اور نظیر ہے جو چین نے دنیا کے سامنے پیش کی ہے کہ کس طرح اس نے کرونا کی وبا پر منظم طریقے سے تندہی کے ساتھ قابو پایا۔

    کرونا سے زیادہ متاثرہ شہر ووہان میں بھی اسکول 6 مئی سے دوبارہ کھولنے کا اعلان کیا گیا ہے، خبروں میں بتایا گیا ہے کہ اسکول جانے والے طلبہ کا درجہ حرارت اسکولوں کے دروازے پر چیک کیا جائے گا۔

    ووہان میں کرونا وائرس کیسز کی تعداد صفر ہوگئی

    ہزاروں طلبہ کئی ماہ تک اسکول بند رہنے کے بعد آج شنگھائی اور بیجنگ میں اپنے اسکولوں کو لوٹے، شنگھائی میں مڈل اور ہائی اسکول کے فائنل ایئر کے طلبہ نے کلاسز اٹینڈ کیں، جب کہ بیجنگ میں ہائی اسکول سینئرز کو اپنے کیمپس لوٹنے کی اجازت دی گئی ہے تاکہ وہ یونی ورسٹی میں داخلے کے امتحان کی تیاری کر سکیں۔

    طلبہ نے کلاس رومز میں حاضری کے وقت فیس ماسک پہن رکھے تھے، ڈیسکوں کے درمیان پارٹیشن بھی بنایا گیا، تاکہ ان کے درمیان فاصلہ اور آڑ بنی رہے۔ اساتذہ نے پہلے دن طلبہ کو کرونا وائرس کی عالمگیر وبا پر قابو پانے کی اہمیت سے آگاہی دی۔

    وزارت تعلیم کا کہنا تھا کہ شنگھائی کے چند اسکولوں میں خصوصی رومز بھی تیار کیے گئے ہیں جہاں غیر معمولی درجہ حرارت والے طلبہ کو آئسولیٹ کیا جائے گا، طلبہ کو سمجھایا گیا ہے کہ سماجی فاصلے کے ضابطے پر عمل برقرار رکھیں۔

  • چین میں زیر تعمیر عمارت گرنے سے 10 افراد ہلاک

    چین میں زیر تعمیر عمارت گرنے سے 10 افراد ہلاک

    بیجنگ: چین کے شہر شنگھائی میں زیرتعمیر عمارت گرگئی جس کی وجہ سے تعمیراتی کام کرنے والے 10 مزدور ہلاک ہوگئے۔

    تفصیلات کے مطابق شنگھائی میں زیر تعمیر عمارت گرنے سے 10 افراد جان کی بازی ہار گئی، حادثے میں 25 افراد زخمی ہوگئے۔

    وزارت قومی ایمرجنسی کا کہنا ہے کہ عمارت کی ترئین و آرائش کا کام کررہا تھا کہ اسی دوران حادثہ پیش آیا۔

    یاد رہے کہ رواں سال مارچ میں مشرقی چین کے علاقے ین چینگ میں ایک فیکٹری میں آگ لگنے سے واقعے میں 47 افراد ہلاک اور 600 افراد زخمی ہوگئے تھے۔

    چین میں کان کے قریب دھماکہ‘ 11 افراد ہلاک

    واضح رہے کہ 8 جون 2018ن کو چین کے لیاؤننگ صوبے میں لوہے کی کان کے دروازے کے قریب بارود سے بھرا ٹرک پھٹنے سے 11 افراد جان کی بازی ہار گئے جبکہ 9 زخمی ہوگئے تھے۔

    چین دنیا میں کوئلہ پیدا کرنے اور اسے استعمال کرنے والا سب سے بڑا ملک ہے۔ اورجس کان میں حادثہ پیش آیا ہے وہاں سے سالانہ 60,000 ٹن کوئلہ نکالا جا سکتا ہے۔

  • پاک چین سرمایہ کار دو طرفہ سرمایہ کاری میں دل چسپی رکھتے ہیں: شاہ محمود قریشی

    پاک چین سرمایہ کار دو طرفہ سرمایہ کاری میں دل چسپی رکھتے ہیں: شاہ محمود قریشی

    شنگھائی: وفاقی وزیرِ خارجہ شاہ محمود قریشی نے شنگھائی میں سرمایہ کاری کانفرنس سے خطاب کرتے ہوئے کہا کہ پاک چین سرمایہ کار دو طرفہ سرمایہ کاری میں دل چسپی رکھتے ہیں۔

    شاہ محمود کا کہنا تھا کہ پاکستان اور چین منفرد رشتے میں جڑے ہم سایہ ممالک ہیں، پاک چین اقتصادی راہ داری نے ہمارے رشتے کو نیا مطلب دے دیا ہے۔

    [bs-quote quote=”تجارتی شراکت دار ممالک میں تعینات سفیروں کو سرمایہ کاری اور تجارت کے اہداف دیں گے” style=”style-7″ align=”left” color=”#dd3333″ author_name=”وزیر خارجہ شاہ محمود قریشی” author_job=”شنگھائی میں سرمایہ کاری کانفرنس سے خطاب”][/bs-quote]

    وزیرِ خارجہ نے کانفرنس میں کہا کہ اقتصادی راہ داری سے دو طرفہ تعاون، تجارت اور باہمی روابط کو فروغ ملا ہے، اس منصوبے سے پورے خطے کو فائدہ ہوگا۔

    ان کا کہنا تھا کہ چینی سرمایہ کار بھی پاکستان میں سرمایہ کاری میں دل چسپی رکھتے ہیں اور پاکستانی سرمایہ کار بھی چین میں سرمایہ کاری کرنا چاہتے ہیں، ہمیں مکمل تیاری کے ساتھ اس موقع سے بھرپور فائدہ اٹھانا ہوگا۔

    شاہ محمود قریشی نے کہا ’چین، روس، ویتنام کے سربراہان نے نمائش میں جن 8 پویلین کا دورہ کیا ان میں پاکستانی پویلین بھی شامل ہے، وزیرِ اعظم نے ملاقاتوں میں چینی قیادت سے دو طرفہ تعلقات کو مضبوط کرنے پر تبادلۂ خیال کیا۔‘

    یہ بھی پڑھیں:  چین پاکستان کے لیے مثالی ماڈل ہے، وزیرِ اعظم عمران خان

    وفاقی وزیرِ خارجہ نے مزید کہا کہ خارجہ پالیسی مرتب کرتے ہوئے معاشی سفارت کاری کو اہمیت دی جائے گی، تجارتی شراکت دار ممالک میں تعینات سفیروں کو سرمایہ کاری اور تجارت کے اہداف دیں گے۔

    ان کا کہنا تھا کہ معاشی بحالی کے لیے وزارتِ خارجہ، خزانہ اور تجارت کی وزارتوں کی مدد کرے گی، وزیرِ اعظم ملک میں روزگار کے نئے مواقع، سرمایہ کاری، ترقی اور استحکام چاہتے ہیں، معاشی اور سیاسی استحکام ایک دوسرے سے منسلک ہیں۔

  • شنگھائی : عمران خان کی روسی وزیراعظم سے ملاقات، پاکستان میں سرمایہ کاری کی پیشکش

    شنگھائی : عمران خان کی روسی وزیراعظم سے ملاقات، پاکستان میں سرمایہ کاری کی پیشکش

    شنگھائی : چین میں عمران خان اور روسی وزیر اعظم کی ملاقات ہوئی، ملاقات میں دونوں رہنماؤں نے دوطرفہ تعلقات بڑھانے پر اتفاق کیا، وزیر اعظم نے اپنے ہم منصب کو پاکستان میں سرمایہ کاری کی پیشکش کی۔

    تفصیلات کے مطابق چین میں شنگھائی درآمدی نمائش کی افتتاحی تقریب کے موقع پر وزیر اعظم عمران خان اور روسی وزیر اعظم دمتری مدودو کے درمیان ملاقات ہوئی۔ خوشگوار ماحول میں ہونے والی ملاقات موقع پر وزیر خارجہ شاہ محمود قریشی، وزیر خزانہ اسد عمر اور مشیر تجارت عبد الرزاق داؤد بھی موجود تھے۔

    دونوں رہنماؤں کی ملاقات میں عالمی اور علاقائی صورتحال سمیت دو طرفہ باہمی دلچسپی کے امور پر گفتگو ہوئی، ملاقات میں پاکستان اور روس کی جانب سے دوطرفہ تعلقات بڑھانے پر بھی اتفاق کیا گیا، دونوں وزرائے اعظم نے دوطرفہ تعلقات پر اطمینان کا اظہار کیا، اس موقع پر اقتصادی، تجارتی، دفاعی اور توانائی کے شعبوں میں تعاون کا جائزہ لیا گیا ۔

    وزیر اعظم عمران خان کا کہنا تھا کہ باہمی مفادات کے شعبوں میں تعاون مزید بڑھانا ہوگا، عمران خان نے روسی ہم منصب کو پاکستان میں سرمایہ کاری کی پیشکش کی، وزیر اعظم نے پاکستان میں توانائی کے شعبے میں روسی سرمایہ کاری کا خیر مقدم کیا۔

    روسی وزیر اعظم دمتری مدودو نے انتخابات میں کامیابی پر وزیراعظم عمران خان کو مبارکباد دیتے ہوئے کہا کہ تیزی سے بدلتے حالات کے پیش نظر پاک روس تعلقات کو مزید وسعت دینا ہوگی۔

    علاوہ ازیں ملاقات میں جنوبی ایشیا بالخصوص افغانستان کے علاقائی مسائل پر بھی تبادلہ خیال اور دونوں رہنماؤں کی جانب سے شنگھائی تعاون تنظیم میں تعاون بڑھانے پر بھی اتفاق کیا گیا۔

    خیال رہے وزیر اعظم عمران خان 5 روزہ دورے پر چین میں موجود ہیں، عمران خان کا وزیر اعظم منتخب ہونے کے بعد چین کا یہ پہلا دورہ ہے جو یکم نومبر کو شروع ہوا تھا۔

    وزیر اعظم عمران خان نے آج شنگھائی میں درآمدی نمائش کی افتتاحی تقریب سے بھی خطاب کیا۔

    نمائش میں وزیر اعظم عمران خان اور روسی صدر ولادی میر پیوٹن سمیت مختلف ممالک کے سربراہان اور 130 ممالک کی 3 ہزار سے زائد کمپنیاں شریک ہیں۔