آستانہ : وزیراعظم شہباز شریف آج قازقستان میں شنگھائی تعاون تنظیم کے سربراہی اجلاس میں شرکت کریں گے اور اجلاس سے خطاب بھی کریں گے۔
تفصیلات کے مطابق شنگھائی تعاون تنظیم (ایس سی او )کا دو روزہ سربراہی اجلاس آج سے قازقستان کے دارالحکومت آستانہ میں شروع ہوگا۔
وزیراعظم شہباز شریف اپنا دورہ تاجکستان مکمل کرکے قازقستان پہنچیں گے ،جہاں وہ ایس سی او کے اجلاس میں پاکستان کی نمائندگی کریں گے اور اجلاس سے خطاب بھی کریں گے۔
اس دوران وزیراعظم کی روسی اور چینی صدر سے الگ الگ اہم ملاقاتیں بھی ہوں گی۔
چین اور روس کے صدر بھی آستانہ پہنچ گئے ہیں ، قازقستان کے صدرنے ان کااستقبال کیا تاہم اس باربھارتی وزیراعظم مودی شرکت نہیں کررہے، ان کی جگہ بھارتی وزیر خارجہ جے شنکر نمائندگی کررہے ہیں۔
یاد رہے وزیراعظم شہباز شریف کے دورہ تاجکستان میں مختلف شعبوں میں تعاون کے معاہدے ہوئے ہیں ، دونوں ملکوں نے پاسپورٹ کوویزےسےمستثنیٰ کرنے کے معاہدے پر بھی دستخط کیے۔
شہباز شریف نے کہا تھا کہ چاہتےہیں پاکستان اورتاجکستان کے درمیان ریل اورروڈنیٹ ورک مربوط ہو، چین، تاجکستان اور افغانستان کے درمیان تجارتی راہداری کاحصہ بننے پر خوشی ہوگی۔
